728x90 AdSpace

Hot
Menu
Zon-ol na Donate

Latest News

Akigawmkik Zomi Kipawlna (Zomi Reunification Organization) Tangthu

ZRO Dialkhai.

Gamsung thu tawh kisai Thului:

British te' khut nuai i tun ma in, Zo kici minamte kithehthaang nailo a, ama suahtakna bulpi sungah nopsa in, Zo gam le Zo mite gamdang mi' ukna nuai ah om ngei nailo uh hi.

Ahi zongin British gamkekte in India kum 100 le Kawlgam kum 50 sung a ukkhit ciangin, Zogam zong lei kiu le lei maitang tuamtuam pan galkap thu tawh hong lutsim in laak hong kipan uh a, Zo mite British te' khutnuai ah hong koih banah Zo gam le a sung a om mite khen thum hong suah uh hi. 1890 kum in, Nisuah nalam a Zo gam pen Kawl mite' ukna nuai ah koih in, Nitum nalam a Zo gam pen Bengal te nuai ah ki om a, a laizang le saklam gamteng pen Assam te' nuai ah hong koih uh hi.

British te in Zo mite asia lam in a kibawlna uh mu gige a, a ki thehthaangsa Zo minam khempeuh munkhat ah gawmkik theih nading, Calcutta khuapi a Ford William kici na mun ah January 29, 1892 ni­in, Chin­ Lushai (ZO) tangthu suak khawmpi (historic conference) bawlna tawh thubuai vengsak uh hi. Tuni dongin tua Chin­Lushai khawmpi pan thukimna tua bangin kikoihcip hitamah leh, Zo mipite kigawmkik a, a mite le a gam gawmkik a, a teng kik ding uh hi cih thu hong tangtun ding lam etna beimang loin, om lai veve hi. British te a paikhiat khit a hong piangkhia gamvai tawh kisai party teng in a mipi le a gam gawmkik ding, abeisa ah Zo minam i khialhna te puahphat ding ngiimna nei uh hi.

Ahi zongin hih gamsung vaisai party te' paizia tawh tuciang dong a gah muhtheih ding bangmah omlo ahih manin, Amasapen Leitungbup aKigawmkik Zo Makai Kimuhkhopna (FIRST WORLD ZO REUNIFICATION CONVENTION) pen May 20, 1988 ni in kibawl a, tuatak ah 1892 kum Calcutta a kibawl Chin­ Lushai Kawmpi pan thukim nasa tawh kipawl ZO MINAM kigawmkik sak ding gamvai tawh kisai forum (political forum) khat phuatkhiat ding thukim uh hi. Hih kimuh khopna in a kikhen khamsa mitamzaw ukna nuai ah kum 100 val bang a kinengniam khinsa ZO MITE kigawmkik in ki­ukna khat nuai ah midang thuneite' khutnuai pan suaktakna ngah in hong thaksuah kik nading i mitkha ah hong mukhol sak hi.

Akigawmkik Zo Kipawlna Kilamzia (Formation of Zo Re­unification Organization):

Abeisa May 20, 1988 ni akibawl a masa pen leitungbup Zo makai kimuhkhopna ah Zogam le Zomipi sunga om Party khempeuh, Kipawlna khempeuh, Association khempeuh le Khatguak atang din khempeuh ahuamkim in Zo mi' neihsa a hi hi cih bulphuh in "Aki Gawmkik Zo Kipawlna (ZO REUNIFICATION ORGANIZATION) a tom in ZORO phuatkhiat ding ki khensat hi. ZORO in a kiteel pumpi nei a, nasep zia pen Zo Zumpi (General Headquarter) ah Chairman khat tu in, tua Chairman in a naseppih dingte ahi, Nasep Endik te (Coordinators), Thuvanpi te (Seceretary Generals), Zum Nasem Huhte (Secretaries), Mi Kaikhawmte (Organizers) le a dang Zum nasemte teel ding a, ZORO nasepna (programmes) khempeuh hong taksuak sak ding hi.

Amasa pen leitungbup Zo makai kimuhkhopna panin Zo Gam sung gamvai saina khenpi (Zone) 3 in kikhen a, Saklam Khen, Alazang Khen le Khanglam Khen cih te hi in, Zonal Chairman kici Zo Zumpi a Chairman Huh (National Vice Chairman) in makaih ding a, hih Khenpi thum a zumte ah Zum Nasem Huhte teel ding hi.

1. Saklam Khenpi (Northern Zone) in Assam a Cachar Mualdungte, Manipur Khanglam Mualdungte, Chin Saklam a Mualdungte pan Chindwin saklam cihte huam kim hi.

2. Khenpi Laizang (Central Zone) huam pen, Tripura i Nisuahna lam Mualdungte, Mizo Mualdungte, Chin Laizang a om Mualdungte le Sangaing Tai pan Chindwin ciang ahi hi.

3. Khanglam Khenpi (Southern Zone) huam i cih in, Chittagong Mual Pawlkhatte, Mizo gam khanglam, ChinMualdung khanglam, Yakhai Mualdung pan Irrawady gun dung a Chin te' omna zanglei khempeuh ahi hi.

Gamvai tawh kisai ki­ukna ah Khenpi khat (Zone) pen khenneu (division) 5 pan 7 dong in kikhen suk kik a, tua te' nuai ah mekuang luina munte (constituency) le khua lian le khua neu pawlkhat kigawm a kilo "Blocks" cih bangin kikhen suksuk hi. Hih khenneu divisions te Khenneu tawh kisai Chairman (Divisional Chairman) in makaih in, Blocks te Block Chairman in lampi in, khualian le khuaneute zong a kiseh Makaite (Leaders) in makaih ding uh hi.Tua hi a British te sapna ah Chin­Lushai Gam acih Zo Gam le Zo Minamte' tenna kipawlkhawm a lamthak ding kisawm hi. Kipawlna lam ah Khenpi tawh kisai ciang(Zonal Level) nasepna kiman ta hi. Khenneu tawh kisaiciang (Divisional Level) zong tu in a kisepsan laitak ahi hi. Kumsim a kibawl Chin­Lushai Khawmpi ah makai kimuhkhopna pen January 29 ni kizangh a, kumsim in i theihna hong khang semsem hi. A kikhenkhia den Journal, magazine le laibuneu te zong kikhenkhia toto lai hi.

Akigawmkik Zo Kipawlna i Tupna le Ngimna:

* British gamkek te' hunlai a kibawlsa thu tawh kituak in a kithehthaang khinsa Zo minam te kigawmkik na ding.

* Zo Mi hihna tawh ciaptehna ngahkik na ding.

* Zo Gam sunga khenneu te khenkhiatna ah khialhnate puahkik na ding.

* Zo Minam hihna athaksuahkik nading in, kumpi, thukham, anaa neihna le thusim tuamtuam te tawh kisailo Zo Minam' Suahtakna Bulpi hong ki taksuahkik na ding leh, tua pan in,

* Zo Minam in ey le ey thu khentattawm theihna dingin hong ki dopih a, hong ki hanciam pih theih na ding.

Akigawmkik Zo Kipawlna (ZORO) ­ Phualpi Zum:

Chairman               : R. Thangmawia
Vice Chairman       : Dr. H. Thanglawra
Treasurer               : Zalianchhunga
Gen. Secretaries   : T. Nehkhojang ­ Lamka, NCC Manipur
                               : R.W. Rozathang ­ Falam, Southern Chin Hills
                               : T. Lalsangliana ­ Aizawl, Mizoram
Secretaries           : Lalmuanpuia ­ Punte
                              : Lalvenhima ­ Hmar
                              : Miss Lalthanmawii
                              : Laltawna
                              : Thatsavunga
Coordinators         : Dr. Vumson ­ Western Countries
                              : H. Zasiamliana ­ Eastern Counties
E/C Members        : Mi 12 kiteel
Advisers                : Mi 4 kiteel
Consultants           : Mi 2 kiteel
Invitees(Special)    : Mi 3 kiteel
Northern Zonal Chairman  : Gengokhup ­ Lamka, Manipur
Central Zonal Chairman    : Lamthanga ­Colney, Aizawl, Mizoram.
Southern Zonal Chairman : Laldova ­Rnagamati, Chittagong

Source: (Chin - ­Kuki - ­Mizo - ­Zomi) History & Culture


Akigawmkik Zo Kipawlna (ZRO) i Gelzia:

Leitung ah khat bek a om, Zo democratic state a piankhiat theih na dingin, 1986 kum in Mizo Kumpi' thukimna tawh minkithuh hi a, Zomi te in tangthu asuah ding le lungdam phatdiak na in nei uh hi. Ahizongin, tua kumpi' thukimna sungah ZRO kalsuanzia a kicinloh lam zong gen uh hi. Lushai Mualdung (Mizoram) pualam a teng Zomi te ki nusia hita a, ahangthu in gamvai tawh kisai ahi, kigawmkikna le kikhenlohna ding i lungtup tawpna tawh kizui­in, Zomi te tungah i kipiak ngamna te, a omna mun le a omna gam ciatin hong ciangtan luat hang ahi hi.

Hih Thukimna pan hong piangkhia mun awngte luah nadingin, Manipur khutnuai, Zomi National Congress pan Pu T.Gougin le Mizogam a People's Convention of Mizoram pan Brig T. Sailo cihte anih un kipawl in First World Zomi Convention hong pankhia uh hi. Hi bang a Zomi te' lawp penpen kimuh khopna Champhai khua ah May kha19 pan 21 ni sung kibawl a, leitung bup Zomi te' tenna mun tuamtuam pan taangmi te hong kihel uh hi. Hih delegate te gamvai tawh kisai akhauh khollo ngaihsutna genkhiat theihna (loose political forum) khat ahi Akigawmkik Zomi Kipawlna (Zomi Re­Unification Organisation) kipatkhiat ding kipsak uh hi. 1991 kum in "Zomi" cih pen "Zo" ci­in kilaih a "mi" ki behlap nonlo in i tomgen na ah ZORO kici hi.

A omsa gamgi khen tuamtuam a om a sanggam a suahpih te uh huamkim in kithutuak a kipawl ding ahanciam mahmah, namvai ah athahat phadiak Zomi te' tungah hih kipawlna in a lametna uh thaksuah in kho sakkik hi. Ahi zongin, khatvei mekuang lui ZNC le PC party te Mizogam le Manipur gam sung a kiteelna (State Election) ah hong kibuai a kipan, hih ZORO kipawlna in party nih makaite' tung amuanna uh damdam in bei tektek ta hi. Hithu in 1988 kum akigelh thukimna (Charter of Agreement) tawh kituaklo ahih manin, Akigawmkik Zomi Kipawlna (Zomi Re­unification) adang khat ah, mun awng bawl kik nading thu lam ah hong mainawt ta hi.

Tua bang kawmkal sungah, Kawlgam sung a om Zomi te Kawl galkap te' khutsungah simzawhloh zah dongin haksatna hong thuak uh hi. Mizogam pualam a om Zomite zonga haksatna uh kibang lo in amau thuakhak asak ciang tek, atuamtuam in hong thuak ciat uh hi. A minam ngeina, a pau le a biakna cih te uh amau a uk minam tamzaw te in vuknelh in thudang ah apaipih khit ding uh lauhhuai ta a hih banah minam tuam khat ahihna uh a beimang ding lauhhuai taktak ta hi. Amau te kipawlkhawm kei leh, amau dinmun lauhhuai luata a, atawpnaah akipelh theilo beimangna hong pian ding lamtak theihna le telna nasia takin hong khang semsem hi. Hih a lauhhuai mahmah thu i sawlna hangin, India le Kawlgam a Zomi makai te in thu kikumkhawm a kimuhna a dawldawl in neito uh a, a nunungna ah kigawmkik theih nading in zaitak a muhna tawh thu kikup khopna khat bawl ding ciang dong hong tun uh hi.

Tua manin, Zomi Pawlpi makaite, minam makaite le India le Kawlgam pan Zomi nam­it te i thupha tawh Kawlgam sung a om Kachin State, Phapian kici na mun ah 1993 kum April kha in Akigawmkik Zomi Kipawlna (Zomi Re­unification Organization ­ZRO) ki phuankhia a, a zahtak huai le pahtawi taak gualzawhna khat a ngah dongin hih kigawm ding a ut ZRO in sepna tawh zoptoh suak ding tupna nei uh hi. Karbi Anglong (Mikir Hills of Assam) pan Zomi makai khat ahi Pu K. Guite pen hih kipawlna a mukhia pa hi a, President in kikoih pah hi. Zomi pite kigawmkik theih na dingin, Pu Thangmawia le Pu ST Parte te' makaihna nuai a om a thahat kik ZORO in gam tuamtuam ah Zomi te adingin, UN le UN agency te tung dongah kongkhakte i kiuh bangin kiu kawikawi in hanciam mahmah hi ci­in i ciapteh ding ahi hi.

ZORO le ZRO tegel, gelna sepna le paizia kilam danna simloh, kigawm kikna le kipawl na ding ngiimna bulpi te ah kilam danna neilo hi. ZORO sung a "Zo Mipi" icih in ZRO sung a ZOMI (Zo+ Mi = Zo + People) cih tawh a khiatna le a sunga om thu kibang hi. Gam tuamtuam a om Zo mite in a mau le amau minam a tuam vilvel ahih lam teltheilo in sangtheilo hi zenzen leh, kigawmkikna deih ZORO le ZRO te' tupna le sawmna tangtung ngeilo ding hi. A zenzen in Zomi te amau le amau kipawllo in a mihihna uh, a thudikna uh le atan ding hamphatna te ngah theih na'ng azahtak huai thukikupna sungah lutin, pansan neih sawmlo uh hi leh hih sunmang, tupna sawmnate tawh kigamla tektek ding uh hi. Khuasung mi, gammi le gam tuamtuam a om mi te ading amau sen (level) ciat tawh kituak in sepkhiat ding cihthu in, hih kigawmkikna lungtang laigil i kisap taktak thu ahi hi.

Tuni kigawmkikna i gamvai sawmna pen, Zomi' tenna Zogam /Zoram /Zoland cih kiu khempeuh pan, tuhun lasasiam khat in lungsim a sukha mahmah chord tawh la asak bangin, hong leh ginkik ta hi. Tua la in: "In suih khawm leh zai i rel ang u!" cih hi a, akhiatna pen "Kigawmkikna ding sepkhiat pahna tawh hanciam ciat ni." ahi hi.-Ms Daduhi. Akikhensa Zomite kigawmkiktheih nading in ZRO in Zo khang khempeuh te' tungah khut kilen in leh ngaihsutna kikhat a sepkhop ding angetna hangin, khamtung Zomi le Zomite tawh akizom suksuk midang namneute in lawptak in hong sangthei kik uh hi. Ataktak in cileng kigawmkik nading lam khak i lauh penpen natna ahi ngaihsutna toi nei a, ei minamteng bek cih le ei pau a pauteng bek cih lungsim nusia/ toi neihna in, tuate i mangngilh theih ding kithaksuah a thasaanna hong kipan ta hi.

1995 kum September ni 2 ni-in Paite National Council (tun Paite Tribe Council kici) i President le Secretary, Simte Tribe Council, Tedim ­Chin Union, le Vaiphei National Organization te in Thukham tawh kituak Thukimna (Charter of Agreement) khat minthuh uh a, ZRO lan nuai ah Zomi te kigawmkik nading hanciamna neih ding thukim uh hi. Zomi i nidang lai pekpan aneih den uh thute tawh kituak in, "Cihtak nading Kiciamna" i ngeina ankuang ­-Sasin Salung - cihte makaite nesak ding cih ahi hi. 2003 kumin, kipawlna sang penpen ahi Zou­te tribes, United Zoumi Organization le Mate Tribes Council cih te in kigawmkikna sepna ah huhna tha piadingin kiciamna pia uh hi. Zawhthawhthu tawh kipia mindang azangh, Zo khang pan piang khia ung lah aci veve, pau kibang khamtung mite'n zong tha pia uh ahih manin, kum 2000 May kha ni 9 ni in a taangzai thukikupna khat hong piang khia a "Indigenous People's Revolutionay Alliance (IPRA) kici hi.

Translated by Prof.Dr.David Ngin Sian Pau (Tongsan Translator)

Source ; Tongsan.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Akigawmkik Zomi Kipawlna (Zomi Reunification Organization) Tangthu Description: Rating: 5 Reviewed By: Cinpu Zomi
Scroll to Top