728x90 AdSpace

Hot
Menu
Zon-ol na Donate

Latest News

Rev. Dr. Simon Pau Khan En taangthu (Biography) tomno.


Rev. Dr. S. Pau Khan En (TBC-Y. Senior Pastor) pen Taaklam khua Pu Lam Za Thang le Pi Cing Do sung pan 24 October, 1944 ni-in suak hi. Pianpih unau nga lakpan amah le a naunu Nu Dim Khaw Man (MZBC pastor Rev. Cin Khen Thang’ zi) bek dam lai uh hi. 
Tonzang le Taaklam ah sangkah kipan hi. Scholarship ngah ahih manin tan V pan pan tan IX ciang Tedim ah kah hi. Maymyo (Pyin-Oo-Lwin) Colgate mission sang panin tan X zo a, tua ciangin a nuai-a bangin pilna sinbeh hi. 
  1. 1968 MIT, Insein pan B.Th 
  2. 1973 MIT, Insein pan B.R.E 
  3. 1980 Serampore University, India pan B.D (First Class) 
  4. 1985 Bossey Ecumenical Institute, Geneva pan Dip. in Ecumenics 
  5. 1991 Union Theological Seminary, New York pan STM 
  6. 1995 University of Birmingham, UK pan Ph.D 
1967 kumin Nu Vial Khawm Cing tawh kiteengin tapa khat nei hi. 1973 kumin a zi in Topa kiangah ciahsan ahih manin Nu Zen Khaw Don tawh kiteeng a, tapa thum le tanu nih nei hi. 
  1. Pa Thang Sian Mang 
  2. Pa Mang Cin Suum 
  3. Nu Do Lam Niang 
  4. Pa Go Sian Tuang 
  5. Pa Suan Sian Tung Nung 
  6. Nu Man Khat Lun Khristian innkuan pan khangkhia hi. 
20 May 1962 kumin Rev. Neng Khaw Gin in tuiphum hi. Pasian’ nasepna sungah a nuai-a bangin mapang hi. 
  1. 1968-71 : Mindat ah ZBC Mission Field Director 
  2. 1974-77 : Zomi Baptist Theological Seminary, Falam ah Lecturer, Principal 
  3. 1977-82 : Leipi Baptist Church, Kalaymyo ah Pastor 
  4. 1983-85 : ZBC, Falam ah General Secretary 
  5. 1986-90 : MBC, Yangon ah Associate General Secretary 
  6. 1996-2000 : MIT ah Lecturer 
  7. 1997 - : TBC-Y ah Senior Pastor 
  8. 2000-02 : MBC, General Secretary 
  9. 2002-06 : MIT ah Professor 
  10. 2006 - 2010 : MIT ah Principal Leipi Baptist Church, Kalaymyo ah Pastor a sep laitak, Khampat a kibawl ZBC Triennial ah Rev. John Thet Gyi, Rev. Hre Kio, Rev. Victor Sanlone, Rev. James Sang Awi-te tungtawnin ordination ngah hi. 
A tunga bangin vai lian tuamtuam a sep kawm mahin Latin America gamte ah thuthuk kan (researcher) dingin, 1999 May-June sungin Japan Baptist Theological Seminary, Yokohama le 2003-2004 laisin kum sung Judson College, USA ah laihilh (visiting professor) dingin kicial a, 2010 August kha sungin Dan Mission, Denmark ah main speaker dingin zin kawikawi hi. 

2010 Cope Centennial Jubilee pan a kiphuan Global Zomi Alliance ah Makaipi (President) panmun tawh ma a pan laitak a hihi.

Pastoral Office
Rev Simon Pau Khan En, PhD, Senior Pastor
Email: simon.pken@gmail.com
Tel: 95-1-221878

Source ; TBC-Y.



Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Rev. Dr. Simon Pau Khan En taangthu (Biography) tomno. Description: Rating: 5 Reviewed By: Cinpu Zomi
Scroll to Top