728x90 AdSpace

Hot
Menu
Zon-ol na Donate

Latest News

Zomi Innkuan - Aizawl (Zomi Welfare Society) Thu leh Nasepna te (Tomno)

Zomi Innkuan - Aizawl
(Zomi Welfare Society)
PO Box: 76, 
Aizawl - 796001, Mizoram

Motto: Cimawh huh (Helping the Needy)

Introduction :

Mizogam sungah hamsat-cihmawhna ituak ciang i phawk vat zah dong dinga pawl kician leh pawl muanhuai tuni ciang dongin om lo hi. Eimi sungah pawl nih leh thum om mah ta leh nasepna, tup leh ngimna tuam nei tek ahih manun i hamsat hun ciangin kiko ngam lo uh hi. A sak a khang panin Zomi te Mizogamah i kisapna tuamtuam hang tawh i kituahkhawm hi. Aizawl khawpi ah bang mi tampi om ta i hihmanin, tuahsiat tuahphat hun zong om cih i phawk tek ding ka um hi.


Mizogama Zomi te kipawlna Paite Tribe Council, Mizoram Paite Union adt. theihsak dinga kilawm lo haksatna tampi kituak thei hi. Hibang hun ciang YMA leh Biakna pawlpi te a huh ding leh a kisam banga vaihawmpih mengmeng dingin Zomi sungah kipawlna kician khat a om ding kisam hi.

‘Phulum phul nang leikha in petlet’ cih paunak bangin Zomi innkuan hong piankhiat na thu 

Kawlgam pan sum zonga hong zin Zomi papi khat (Pa Do Pau) in July 2007 sungin Aizawlah nat kholhna zong om lawlo in hong nusia hi. Civil Hospital Aizawla nasem ten acih nanguh thei lo in, kamphatna tawh Zomi sunga lawm le gual a thei masasa in na delh uh hi.

Zomi kipawlna kician i neihlohna in a kisam tuamtuamte vaihawmna zekai saka, hibang hun ciang a minam bupa minsiat lawhna ding baih mahmah hi.

Tua ahih manin, nimit July 30, 2007 in phatuamngai mi 15 Pa Kamtuang Inn, electric vengah kimu khawmin panmun kipia mengmengin nasep na kipan uhi. Tua ni a kipan tuni ciang dong tawlnga lo in Zomi Innkuan in Zomite ading na nasep uhi.

July 30, 2007 Committee in Makai dingin anuaia te' seh hi.

President : Pa Kam Khan Tuang
Vice : Pa Pau Za Sing, Pa Sawmpi, Pa Francis TK Thang (pham), Pa Thawngpau.
Secretary : Pa Patrick Piang
Asst Secy : Pa Hang Thawn Tuang
Treasurer : Pa Pau Suan Lian
Fin Secy : Pa Kham Suan Pau

Zomi Innkuan, Aizawl nasepna (activities report in brief)
(August 2007 - August 2010)

August 2007 :
• …. Murlen khua misi luang puak ding Pa Go te inna tawlnga tungah galna pia.
• 23. Tuiriala siluang puak nading motor vaihawmsak.
• 23. Civil Hospital Aizawla naungeek kha cinglo-a piang, a neite cimawh a kiza ahihman kivehin huhna kipia.

September 2007 :

• 24. Gelatine hanga khut veilam kitansak Zozang khua tangval a ciah nading huhna hong manin kivaihawmsak.
• 24. Muanna Veng (YMA-VC) thuneite tungah Hankhuk van kicingtak pia. Tua te : Bawngtu -2, Kawbia -2, Tu (sem) -2, Tuzum -1, Khauhual (50m) -1.
• 28. Nu Nang Lun Cing (damlo cimawh) w/o Thawnsuanmang in huhna hong ngen ahihman huhna kipia.

October 2007 :

• 2-3. Pastor Zam Sian Lal motorcycle (MZ-01 D-4359) kiguksak ahihman Zomi Innkuan in muh dongin zonpih.
• Khuado : Mizogama Hall minthang pen Vanapa Hall-ah Khua Do pawi a khat veina Zomiten thupi takin zang.


November 2007 :

• 23-24. Motor accident tawh sihna tuak Buan khua tangval 2 Zomi Innkuan-in ahi thei bangbangin buaipih a, Zatopi pan Pa Khual Dal inn, Mission veng dong siluang 2 puakna vaihawmsak. Hih tangval nih vuina hun Pastor Zam Sian Lal in lungkim huai taka a neihna ah Zomi Innkuan min tawh va ki-uap a. Hih accident sihna tawh kisaia kumpi/insurance company pana huhna ( luman) om theite ngaihsutpih dingin Zomi innkuan in Mission veng YMA maikaite tungah ngetna lai khia.

December 2007 :

• 12. Gamgi kan tana khualzin – sumbawlten sum don-paai don tawh kisaia nawngkaina a tuak te uh a phattuam ding lametna tawh Aizawla Sangnaupangte kiangah lungkimlohna tuamtuam te Zomi innkuan in va tun.
• 18. Aizawl Zatopi pana hong nusia Pa Thangzalian (Thangboih), Tahan – Munlai, a luang phaam ding om lo ahihman, Zomi innkuanin a kisam teng vaihawm a, a khua va tunpih zo hi.
• 28. Aizawl Zatopi ah Khaia a kici misi om pen kua ahiam cih thei tel dingin Zomi innkuanin ahi thei bangin dongin kan a, ahi zongin kua ahiam cih kithei zo tuan lo hi. Tua ahihman Muanna Vengah hankhuk tawhsak a, Pastor Zam Sian Lal in vuina hun zang a, kiphum hi.
• 28. Tuni hankhuk tawhna ah mi 53 ki pha, unau Laimi ten zong hong huh uhi.
• 29. Tuni han um in tangna kisem.
• 29. Paite Tribe Council, Mizoram President (PH Laldonglian) motor accident hanga liam a inn ah Rs.500/- tawh veh.

January 2008 :

• 4. Kawlpi pana Khai sih thu kantel dinga hong pai Pa Cin Lian Mung in Khaia a kici pen a nau Tg.Suan Langh Khai, S/o SB Thangpau, RTC,Kalaymyo kum-34 ahih lam hong kipsak.
• 8. Kum 2008 sunga Zomi Innkuan vaipua dingte sehna a thakin nei, adhoc OB teng a kipsak cihna hi.

• 18. Mizoram a motor cycle gu a mat tuakten a min tak uh leh a khua tak uh pulak/gen lo ahih man un Zomi Innkuan in Vanglaini (daily newspaper) tungtawnin thuman tak pulak sak hi.
• 19. Suan Lang Khai han bawlin taxi leh motor cycle 3 tawh mi 8 nasem in kuan.
• 21. Suan Lang Khai sih vai tawh kisai a lungdam kohna Pastor Zam Sian Lal (Shalom AG) leh Muanna veng YMA tungah Vanglaini tungtawnin pulakna nei.

February 2008 :

• 4. Peace Home Durtlang pana hong nusia Lia Maria Ning Dim Lun 16, Mualpi khuaa in Septicemia hangin 4.2.2008 in hong nusia a, Sr. Rose Hauniang thusiamna tawh Durtlang hanmualah kivui, Zomi innkuan in Rs.3000/- tawh gal a, ambulance man zong Rs.250/- piaksak hi.

• 6. Lia Vung Ngaih Zam, Kawlpi lungsim lam kicinlohna hang leh damlohna hang tawh Peace Home panin Zomi innkuan hong kitun ahihman a ciahna ding kivaihawmsak a, Kawlpi dong kha dingin Nem c/o Pa Tuang kipaisak a, a ciah man sum bei teng Pa Tuangin siksak hi.

• 20. 60th Zomi National Day. Mizoram Paite Union leh Zomi Innkuan vaipuakna tawh Vanapa Hall ah thupi takin Zomi Nam Ni kum-60 cinna thupi takin kizang. Organizing Chairman : PE Chhinga (MPU), Org. Secy: Patrick Piang (Zomi Innkuan).


March 2008

• 17. Pa Zamlamthang te nupa, Chaltlang, Aizawla teeng damlo gamtang theilo Buhtang leh sathau tawh huh.

April 2008

• April 29, 2008 Nu Ning Ngaih Nuam, 24 Champhai, Civil Hospital, Aizawla si, puak nading Kuang Zomi Innkuanin leisak.

May 2008

• May 9, 2008 : Pau Lian Thang, Leilum, Tedim Bawngkawna guiawk Pa Sawmpi ki zasak in, aman a kisam bangin ma a lak khit teh, Bawngkawn Police station pan a luang kila a, hankhuk kitawhsakin, kician takin Sia Lalno in vui hi. Han zong a kilawm mahmah dingin brick leh cement tawh kibawlsak. 

• Paulianthang (L) innkuanpihte tung panin niangtui hai 50 leh bawngnawi vui packet 2 lungdam kohna kisang hi.
• 11. Thuampui venga Network bus in truck lampi geia khawl phukha a, truck kikhukin inn khat dengsia ahihman, tua innsunga innkuan 4 te lakah nih te Suangpi khua te hiin, Zomi Innkuanin huhna buhtang ip-2 (1 tuak) kipia hi.

• 13. Central YMA te kumpuan ‚Guihtheih khamtheih do’ theihpihna leh panpih lahna in Zomi innkuanin Rs.3000 pia.
• 14. Pa Mungsiankhual (Kaptel) luang puakna Ciau dong Rs. 4000 pia.
• 15. Phungchawngah makaite kipai in nasep thaman ngah lo te’ vai va sai. Amaute: zamkhanmuan (ngalbual), paulianpiang (ngalbual), thangsansian (kaptel), thangkhansian (sawbua), pausuansian (kaptel), thangkhanmang (sezang), mungsiankhual (L) Kaptel), dalsuanpiang (ngalbual).

June 2008

• 26. Tuni damlo vehin makaiteng pai: 7th Day Adventist Hospital ah H.Lalremruata leh Kawlpi te tangval khat. TB Hospital, Zemabawk ah Papi khat.
• 30. H.Lalremruata b/o Maveni si. Zomi innkuan in Paak khual leh puan tawh kha.

July 2008

• Damlo vehna kinei: Pa Kamliankim, Munlai leh Pa Pauzasing tapa.

• 28. Zomi Innkuan Rising Day (kum khat cinna) tawh kituakin Civil Hospital ah sisan piakna nei. Sisan pia nuam 35 ki pai a, a nuai teng bekin pia thei hi.
  1. Pastor Zamsianlal
  2. Pa Zamsuanmung
  3. Tg Zamkhankap
  4. Pa Thangsuanthawn
  5. Tg Ck Thawnpau
  6. Pa Dongsuanmung
  7. Tg Haukhawmmung
  8. Tg Golamtuang
  9. Tg Kamsuanthang
  10. Tg Singsuanmung
  11. Lia Ngaihlamdim
  12. Lia Suancing
  13. Lia Elizabeth Niangtawimang

August 2008

• 20. Sr.Rose Hauniang tawh nasep khawm dan ding kamkupna om.
• 20. Tg. Mangzamung (Kawlpi) vehna sum khak.
• 20. Pa Francis TK Thang (Zotlang) vehna pia.
• 28. Pa Joseph Suanlamthang (L) S/o Suandolal, Bethel veng, champhai galna pia.
• 28. Pa Enkhankap, kum 45 Sairangah keenkia in hong nusia. Makai 5 va pai in hankhuk tawh, kuang bawl nate ah va huh. Han bawlna ding a pu Lalchungnunga khutah Rs.1000/- pia.


September 2008

• 5 – 6. Lia Man Khan Huai kum 29, Sawbua in hong nusia, Shalom AG Pastor quater ah zan hakpih khit teh Zomi te hanmualah Sia Tuangin vuina hun zang.
• 7. FIWDC leh Zomi Innkuan kipawlna ah program ( Awareness Programme on Migrant rights) Shalom AG Biakinn ah thupi tak nei. Sr.Rose leh Sia Lalno in thugen.

October 2008

• 10. Nu Awi Khawl Nuam, Pyidawta a pasal in sihsan khua lam ciahna ding Zomi Innkuan sum neihsa pan leh makaite’ pocket pan bangzah hiam khat pia in innlam zuan.
• 20. Naungek (ni-5) Champhai khua Civil Hospital a si Rs.500/- tawh gal. 
• 25. Khuado: Co-operative Conference Hall ah Khuado nasia takin kizang a, Hunpi 2 ah khenin, a masa ah Khuado zangin, a nawnung ah : One Day workshop on ILO, UNO Policy on Migrants cih thulu tawh thugenna Lia Elizabeth Niangtawimang, in neihsak a. Hih Programme pen Zomi Innkuan leh NDWMWT te’ vaihawmna khopna ahi hi.


• 30. Pa Thangsavung, Lamka Rs.1000/- tawh veh.

Febuary 2009

• 19. Nu Hau Ngaih Dim D/o Khamzakhen a natna pan dam kik ding lamet om mel lo ahihman ciahna ding 2000/- pia.

March 2009

• 21. Pa Francis TK Thang (L) (Zomi innkuan founding member) in hong nusia a, galna 1000/- a zi tungah pia.

July 2009

• 11. Cin Sian Mung, (Kawlpi) Khamrangah si a, hong kiza sak ahih man Zomi innkuan in a vui dong ki-uap a galna sum va pia hi.
• 21. Thang Khan Dong, Mualpi inn lam ciahna ding Rs.1000/- pia.
• 30. Zomi Innkuan Rising Day (kum nih cinna) tawh kituakin Civil Hospital ah sisan piakna nei. Sisan pia nuam 30 ki pai a, a nuai mi 9 teng bekin pia thei hi.
  1. Pa Zamsuanmung
  2. Dominic Kaplamcin
  3. Suankaithang
  4. Thangsiansang
  5. Vungh Lianthang
  6. Thangsuan
  7. David Golamthang
  8. Kapkhawmmung
  9. Haukhawmmung


August 2009

• 3. Kaikhatpiang, Tuitawh motor accident a hong nusia galna 500/- pia. A pu ten luang puak nading vaihawm sak.
• 8. Nau suak tawh kisai in, Zomi nupi khat Sihphir khua panin hong nusia a, galna 500/- pia.
• Phuaibuang khua a nasem a om Zomi tuikia te zonga khua 3 YMA te huhna Rs.1500/- pia, a vekin Rs.4500/-.
• 20. Malaria hanga 7th day Hospital a om Zomi tangval, Dimpi khua Zato lupman 4000/- pia. Inn lam ciahna ding Pa Kamtuangin ama innkuan sung pan vaihawmsak.

October 2009

• 4. Pa David ...S/o Pastor Liankhoshyam (L) Teikhang khua sih ngapa ci-na vehna Rs.500/- pia.
• Khuado: Vanapa Hall ah nasia takin kizang. Zinmang Pu Lalrobiaka, MLA. MPU, SSPP, MPCS ten hong uap. Manipur panin Zomi Council makaite, PTC Hqrs makai 4 in hong zatpih. Lengtong Pauno in - Zomi ka hi hi’ cih la tawh mipite hong hanthawn.
* Zomi Innkuan makai thak te Khuado siim mipi' khutlapna tawh kipsakna om.

'OB thak w.e.f. 10.10.2009'

President : Pa Sawmpi
Vice : Pa Pau Za Sing, Pa Kamtuang, Pa Ginzago,
Secretary : Pa Patrick Piang
Asst Secy : Pa Zam Suan Mung
Treasurer1 : Pa Pau Suan Lian, Treasurer2: Pa Kham Suan Pau
Fin Secy : Pa Hang Thawn Tuang

January 2010

• Thang thawnkam, Singzung khua ciahna ding 500/- tawh huh.

February 2010

• Bawngkawn Police station pan a Zomi Innkuan makai ten sibup pasal khat silsiangin puan laihsak phitphet a Civil Hospital ah puak.
• 22. Hih a tunga khua phawk lo a om pa Kachin mi dingin kiseh a, tu ni’n hong nusia. Kawl, Lai unaute leh Zomi Innkuan in vui hi.

April 2010

• 3. Zelhonuam, Champhai Aizawl pan hong nusia galna Rs.1000/- pia.

May 2010

• 3. Pa CK Thawnpau inPasian leh Pawlpi maiah zi hoih taka a neih lungdampihna letsong pia.
• 4. Zamkhankhual, S/o Suangkhanthang, Muizawl Greenwood Hospital pan hong nusia galna Rs. 1000/- pia.
• 6. Lianhunnung, S/o Khaidokam, Muizawl Greenwood Hospital pan hong nusia luang puakna Rs.3500/- pia.


July 2010.

* 20. Fin.Secretary panmun len Pa Hang Thawn Tuang mun-ah Tg.K.Joseph tuni'n Committee in koih.
• 26. CinHauLian, Phuldungsei a om Civil hospital a om Rs.1000/- tawh huh. A kem ding cialsakna ah Rs. 700/- bei.
• ... Ningkhankhual @ Hruaia, Thuampui sihsan a zi leh tate hehpih huai mahmah ahih man buhtang ip 1 ki pia hi.

August 2010.

• 25. Durtlang hospital pana hong nusia Nu Cinglianzam (31) (Tedim) luang puakna Rs.3000/- pia.

• 29. Nu Vung Deih Go (55), Hiangmun Aizawl Civil Hospital pan hong nusia luang puakna/galna ding Rs.2000/- pia.

Ciapteh ding:
Hih Zomi Innkuan, Aizawl nasepna te kicinglo taka hong ki pulak hi. Ciapteh khak loh tampi om cih nong theih sak un, Secretary ciaptehna pan a kila hiin, sum bei paai beina te zong pulak dinga kilawm lo te kong pulak kei uh hi. Pa Kamtuang leh Pa Sawmpi, President ten amau bangkua sung pan sum tampi leh tha tampi bei khin napin kiciamteh kha lo hi. Pasian in amaute na mangngilh kei hen la. Tuaciang hun beisa a sum zatna leh sum ngahna - 'Audited Account Statement upto June 30, 2010' dong et theih tawntung dingin om hi. Gen khialh gelh khial a om leh hong maisak un.

Patrick Piang
Secretary
Zomi Innkuan, Aizawl.
email: zomi.innkuanazl@gmail.com

Mobile: 9436198495

Source ; Zomi Innkuan Aizawl.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Innkuan - Aizawl (Zomi Welfare Society) Thu leh Nasepna te (Tomno) Description: Rating: 5 Reviewed By: Cinpu Zomi
Scroll to Top