728x90 AdSpace

Hot
Menu
Zon-ol na Donate

Latest News

ZOMI MIPILTE KAMMAL PAWLKHAT

- Pu Chin Sian Thang, BA (Law) LLB

(1) “Chin” akici kammal pen Zomite' pau sungah koimah munah om kha lohi. Hakha,Thantlang, Matupi, Mindat pau-ah om lo hi. Tedim, Falam, Tonzang kamah zong om lo hi. “Chin” a kici min pen gamkek minamte’n ei theihloh kal a, hong guat uh min hi a, ei pianpih min hi lo hi. Ei le ei “ZOMI” i kici hi.
- Prof. Dr.C. Thang Za Tuan B.Sc., Dip.Ed., H.G.P., M.A., Ph.D.

(2) Ei Zomite in zong Computer, Internet te zangin leitung paizia Kawlgam masuan ziate ah tuantual kha hetloin, theihpah, zuihpah ding le i bawh theih leklek pah ding thupi hi.

(3) Tuipi gal leimong khat pan leimong khata om Zomite Computer, Internet le Email zang ziauziau-in minute tam kaai lo, i pu, i pa, i u, i nau, i tu, i tate tawh i kihotheih ziauziau pen Zolai hong bawlsak Rev. Dr. J. H. Cope topa hang hi. Hampha hang. Lungdam hang. Phawk den ni.

- Zam Khan Thang, Dip.Th.

(4) Rev. Dr. J. H. Cope topa pen Zolai i neih nading hong hanciampih, Christian upna hong pantah, Zolai simbu hong bawlsak, biakna lai hong bawlsaknate i ngaihsut ciangin Pasian in Zomite adinga hong piak, Pasian' mizat, milamdang khat hi.

- Rev. Khoi Lam Thang, Dip.Th., B.Th., M.Div., B.A., M.A., M.Th.

(5) Ei ading eimah in i hahkat, i hahkat, i hahkat theih ding a thupipen hi.

- Col. Khen Za Moong (Retd)

(6) Mi khat le khat kihehpihna, kikhualkakna, thuman cihtak kuhkalna tawh kihuai diamdiam ni.

(7) Mikang, Mivom, Kawl, Singtang mualtung mi, kuama peuh tungah thukhual, thuman, kiniamkhiat lecin kuama peuh in hong it ding a, hong muan ciang na gualzo den ding hi.

- Lt.Col. Lian Cin Zam (Retd)

(8) Na tungah hong kibawl ding na deih bangin midangte tungah bawl in.

- Lt. Col. Thang Suan Khai B.A.(Law) L.L.B., H.G.P., (Retd)

(9) Tedim Zomite pen leisung thukpi to le'ng zong om ding hi.

- Col. Kap Cung Nung (Retd) 

(10) Bawdwin mines kapna leisung pi 2,000 ciang dong Col. Kap Cung Nung in a va etsuk leh a nasemte Tedimpau vive-in kiho a za takpi hi.

- Pu Tual Khaw Mang B.A., B.L.

(11) Zomite ading lutang phalte lakah mi khat mahin hong ciamteh un aw.

- Pu Thual Zen, Pu Tuah Za Lian (kivaikhakna) 

(12) Thumanna tawh galdo a, a kuankhiate in lungdamna tawh gualzo-in innah a ciah ding hi.

- Col. Zam Khan Thang (Retd)

(13) Zu adawn theizel ding officer pen Zomite’n kideih nawn lo hi.

- Rev. Dr. J.M. Ngul Khan Pau, B.A., B.D., D.Min.

(14) Khuado Sialsawm, tanglai ngeina hoihte in Pasian' thu hong nosuahsak hi.

- Rev. Dr. Pau Khan En, B.Th., B.R.E., B.D., M.S.T., Ph.D.

(15) Eite zong Pasian mizat migina khat i suahnop leh kha thu le leitung thu-ah pilna sangpi i neihkhop ding kisam mahmah hi.

- Rev. Dr. Do Suan Mung, B.Sc., M.Div., D.D.

(16) Lai le pau a khangto sak pen laphuak siamte le lasa siamte hi.

- Rev. Khup Za Go, M.A., M.Th., (Thalmual)

(17) Laisima i tut laitakin i lawmte khat peuh in vak ding a hong zot leh khemna tuak i hih lam phawkhuai hi.

- Pa Lian Khan Mang, M.A.(Eco., India)

(18) Khangno lai-in na hun zatsiam in, thuakzawhna kisin in, lawm hoih zong in, pilna na neih nading zong masa in, na pa na nu zahtak in, na mailam ding geel in.

- Rev. Job Nang Khua Thawng, B.Th.

(19) Pu le pate in pilna lunggulh lua uh a, nekding kalkhat ai vaimin suksa puain tai tampi gamla, khua-ah sangkah uh hi. Laisim nading meilah le nitang khatang ah laisim uh hi.

- Sia Kung Za Mung, B.Com.,B.Ed., M.A.

(20) Biakna pen ngeina ii a zungpi hi a, ngeina pen biakna a hoihsak kizepna ahi hi.

- Rev. En Khan Hau, B.A., B.D., (ZBCM)

(21) Pasalte, sunghte itin minsia tampi om napi, mote in teekte it a, minsiat lawh liang om zo nai lo hi.

- Evan. Lang Do Khup, B.C.Min.

(22) Tapil a kisap zah khatin papil, nupil zong kisam sem hi. Pasian nasepna
sungah mival cihbang om ngei lo a, ei mun lopi a, semkha cih bek om hi.

- Rev. Dr. Hau Lian Kham, B.A., B.R.E., M.Div., Th.M., D.Min.

(23) Tuhuna Zo khuapi (Kalaymyo) i cihpen nidang lai-in khawlzang khua na ci uh hi. Kalay, Kabaw kuam khempeuh dimin teeng uh hi.

- Pu. J. Gin Za Twang (Zomi innkuan)

(24) Zomi pasalte in sa bangzah man, gal bangzah that, gal le sa bang zahvei ai, mimza tangza bang zahvei ai zo cih a kidem uh hi.

- Rev. Dr. J.H. Cope

(25) Thupha tampi i san' ciangin theihloh kalin kiphatsakna hong lut thei hi. Pasian in haksatna zangin i kiphatsakna hong sukkhapsak ciangin tua in hong kiniamkhiatsak hi. Bangmah i hih loh lam hong kipawksak hi.

- Sia G. S. Pau (Article)

(27) Pilna deih masak, nget masak a, a neite’n Pasian' maipha mu masa pah hi.

- Prof. Kam Za Mung, M.A., Head of Philosophy Dept. Kalay University

Zomi mithupite in bang hong vaikhak hiam?

  • Pu Cin Sian Thang in - 'hauhna liatna i cihte a neipa sih ciang maimang pah a, minam leh gama ding nasepna pen a sempa a sih hangin khangsawnte in phawk den hi ci hi.
  • Prof, C Thang Za Tuan in University ah Siamsin te aw.... a en zo, a kan zo, a sin zote mah a atamzaw pilna siamna leh muhna neite hi pah hi.... hoih takin sinin na hoih te sin ngiat lel un cihi.
  • Dr Do Za Dal in - Zolai siam kei hang, kuamah peuh kitat hiam ding hi ci hi.
  • Col. Khen Za Mung in - makai khat suah ciangin kampau mal khat in gambup siasak thei a, kampau hoih khat in gambup hoih sak zo hi, tua manin ngaihsun sa in pau in ci hi.
  • Sia Gin Za Tuang in - A khangto minam in laisim a, lai sim minam khangto hi. Pilna pen lai ah om hi ci.
  • Pu En Kap in - Zingsang tho hak te hauhna in phawnglo hi. Kikholhpih dingin zong deih kei ing ci hi. Nang kikholh pih ding na cing hiam?
  • Sia Kung Za Mung in - Nu leh pa te mipil, mi hau, u lian hi a, tate in nu leh pa neihsa a kep zawh loh ding lauhuai hi ci.
(Theih ding ; Internet tung pan muhpak teng kagawm tuah hi in a-at,akaikhawm kician kigelh lo ahih man in source kician thei nailo hi. A-at, akaikhawm na theih uh leh sangtheisiam@gmail.com ah hong khak un. Lungdam.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMI MIPILTE KAMMAL PAWLKHAT Description: Rating: 5 Reviewed By: Cinpu Zomi
Scroll to Top