728x90 AdSpace

Hot
Menu
Zon-ol na Donate

Latest News

Selbung Khua tangthu (Tomno).




1894 kum in Pu Hangzote makaihna tawh Selbung khua nakisat in tuni ciang khuakip in omhi.1896 Kum ciangin Songtal khua ateng Pu Thangkhai leh a Innkuan te Khua uk ding leh Saliang tangseu kaiding in Nala uh a,Tua akipan in Hausa,Siampu, Siksek, Tangau, leh Khuakivai puak zia khat peuhpeuh Ateng khom teng in na ki to delh uh a nuamtak nakhang khawm diamdiam uh ahih man in Tuniciang khangsawn ten melmuh theih din khua nuam mahmah khat hong suak hi..Selbung cih apian khiat theih na thu ahih leh Akam pen Thahdo pau pan kila hi a,SialMual cihna hihi..Ahang pen Tanglaithusut ten agen na ah Tualitak Selbung khua khung Vumpi(Selbung Vumpi) ah ana teng laiun Moki pii ading ci a Asialpi uh innnuai akhih uh Zankal in nasi mawk ahih man in Tualai ateng te Pauban zom in SEL(Sial) hi a,Bungh (Mual) acih na hihi..Selbung khau ahih leh tukum ciang in Kum 116 bang apha hi tahi,,Nidang in Muizang acih na uh Tulaitak akiten khua khang Tualpi zang ah na teng uh a tua lai in Inn 300 bang napha uh nopci mahmah hi..Nidang in Ankhing tuibuk kham nagam/Khua nuampen ci’n naki gen hi.Selbung gamgi
pih teng ahih leh Westsite ah Vaikhotlang( Miozoram),North West ah Suangbem, North site ah Haiciin,North East ah Khuaivum, Eastside ah Mauvom,South ah Vaivet tawh nakigam gi hi.Tualai Agam ahih leh lian mahmah in Logam azuak ciang un Kum 30 hal in nazuan uh hi…Tuahihman in Gam tho in Leihoih ahihman in Ankhing nanak kham mahmah uh hi..Tuabang kawmkal ah Pu Phaipi te leh Thawmte makaih natawh 1898 kum ciang in Selbung gam sehthumsuah sehkhat Dangka Sawmnga(50) tawh nakilei uha gam khenkhia
in Tuimui Khua na sat uhhi.Tuazawh ciang 1949 ciang in Hausa Upa phal namah tawh Gam sehthusuah seh khat khenkhia in Lingthuk khua nasat leuleu uh hi.Tua mah bang in Haiciin leh Suangbem tawh gamgi lam akikhoh ciang a Sekbuk munpi akizat namun Mualzang tam ah zong Seekpi ci’in Gamkhenkhia in na teng leuleu uh hi… Tua teng danin Gam ana khen khiatkhit uhciangin Selbung khau mite adingin Gamhoih namun Phingpi kaitem tam na mun leh Khanglui te kinep na mahbang in Sing leh Gua tam na mun alaizang teng ah nateng uhhi.Gam kingak leh akine te ahih leh Taang/Mualtawn Sawm(11) Khuakhung mualpi pan aluangkhia mual/Tang te,Vomsemtang,Samphaltang,Sihpiitang, Taktang leh Kawltang te hi a Khua nuailam a te in Lamlaisih tang,Gamgitang,Pemkaitang,khuatawtang,Seekpi tang leh Keelgawhnatang te ahihi,Zauu thum (3) ngak/Nekte ahih leh Tangpangzau,Khuagalzau leh Zuangzangzau te ahihi.Tulai tak in nisuah nalam ah Lingthuk leh Vaivet tawh kigamgi in,Nitum nalamah Vaikhotlang(Mizoram),Saklam ah Seekpi tawh kigamgi a Khanglam ah Tuimui tawh kigamgi hi.Tuipi pan asan na…………… hi a,Azaii na hih leh……….., asau na………………., Khua hun pen Khua nuammahmah ahihmah bang in khua dangtetawh kibanglo in alum avot hun ciang in Regular(Pungman) mahmah hi. Khua miphazah ahih leh tuni ciang aneu pen apan alianpen tan Numei/Pasal simin…… zahpha a,Inn …. zahpha hi,Biakna pawlpi ahih leh tulaitak in Nga(5) kipha hi, EBC(Evangeilical Baptist Church) ,CBCM(Christian Baptist Church Of Myanmar), ZBCM(Zomi Baptist Church of Mynamar), BC(Betern Church) leh UPC( United Pentecostal Church) cih teng kiom hi.Leitung sang ahih leh Private in tan sagih ciang kihong a,Gorverment Recognized na tawh Primary School ciang kingah hi. Naupang pattah na Night Study leh Nursary Sanggam EBC pawlpi te thusiam natawh kinei hi.

Source ; selbung.wordpress

(Cialna - Khua tangthu pawlkhat ciamteh nopna tawh kicing zonai lo ahih man in tangthu kim anei te'n sangtheisiam@gmail.com ah nong khak nang un huhna ka hongngen hi.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Selbung Khua tangthu (Tomno). Description: Rating: 5 Reviewed By: Cinpu Zomi
Scroll to Top