728x90 AdSpace

Hot
Menu
Zon-ol na Donate

Latest News

Bishop Felix Lian Khen Thang tangthu atom in.


Zomi sung bek ah a hilo, Kawlgam bup Roman Catholic sung dong ah nasia mahmah khat ahi Bishop Felix Lian Khen Thang pen Tedim township, Gamngai khua ah 1959 kum Christmas ni in suak aa, Pyin Oo Lwin khua St. Aloysius Minor Seminary leh Yangon khua St. Joseph National Major Seminary ah pilna sin hi.

1990 kum February 24 ni ciang RC phunggyi (priest) suak aa, Saizang khua ah Pasian na sem hi. 1992 sung Rome khua ah pilna sin ding in ki tel aa Rome khuapi ah 1993 pan 1997 dong pilna sin hi.  Rome khuapi pan “Canon Law” taw doctorate (Ph.d) ngah hi.

1997 le 1998 kum sung Africa sung tuikul lian mahmah khat ahi Madagascar gam ah Secretary of Nuncio seam in om hi. Tua zawh ciang Bangladesh gam ah ki transfer aa 2001 dong sem hi. 2001 ciang Africa sung Morocco gam ah phungyi sem ding in ki puak leuleu aa, pumpi si leh sa tha nem na hang in 2004 ciang a nasep tawlnga hi. 2004 ciang Khamtung khuapi Khalkha khua ah sem aa,  2006 May 6 ni pan kipan Kalaymyo ah Bishop sem ding in ki tel hi. Kalay diocese ah Phungyi (Siampi) – 43 val leh  Pawlpi mi 50000 (tulsawmnga val) makaih hi.

Bishop Felix Lian Khen Thang leh Cinpu Zomi ( www.laibusaal.com ) 2013.

HIS EXCELLENCY BISHOP FELIX LIAN KHEN THANG (BISHOP OF KALAY DIOCESE)

Biography
Father’s Name(Pa min):               -  Ignatius Laang Gin Suan
Mother’s Name(Nu min):             -  Natalia Thang Gin Man
Birthday(Suahni):                          -  25.12.1959, GamngaiVillage
Years of schooling(Sang kahnate):
  • 1966-1975 B.E.M.S.upto 8th standard-Gamngai
  • 1975-1978 – B.E.H.S. No. I. Tedim
  • 1979-1980 – St. Aloysius’ Minor Seminary       -     PyinOo    Lwin (Maymyo)
  • 1980-1984 – St Joseph’s National Catholic Major Seminary  -  Philosophy
  • University Correspondence (Rangoon, R.A.S.U.),                   Psychology
  • 1985-1989 – St. Joseph’s National Catholic Major Seminary-       Theology
  • *Date of PriestlyOrdination(Phungyisuahni):      24.2.1990, TonzangMyo
  • *First Posting(Vaipuakneihmasaknamun):           March 1990- 1992-SaiZang Village
  • Further Study(Gamdangsangkahna):      1993-1997, Pontifical UrbanianaUniversity,Rome, Italy,
    Doctorate in Canon Law.
  • 1994-1997, Pontifical Ecclesiastical Academy,Qualification for Service in Vatican Diplomatic Corps.
  • 1st Posting in foreign Country:    1997-1998, Apostolic Nunciature at Antananarivo,
    Madagascar (Apprentice)
  • 2ndPostingin foreign Country:     1998 -2001, Apostolic Nunciature at Dhaka, Bangladesh
    (Second Secretary)
  • 3rdPostingin foreign Country:      2001 – 2004, Apostolic Nunciature at Rabat, Morocco
(First Secretary)
  • * 2004 -2006  - Chancellor of Diocesan Curia(Hakha Diocese)
  • * 3rd March 2006 - Nominated as Auxiliary Bishop of Hakha Diocese by Pope Benedict XVI
  • * 6th May 2006  -  Auxiliary Bishop of Hakha Diocese,
  • * 29th June 2010 - Bishop of Kalay Dioces
KALAY CATHOLIC SIAMPI UK PAWLPI TANG THU TOM
Chindwin gun pi ii nitumna lama om mual kikhung diimdiamte in Piantit  gam Parish khuapi phualpi a nei, Gamdang a Pasian thupuakte kipawlna (Missions Etrangers de Paris) pan Siampite i lungtang sungah mang ngei lo hi. Tua Siampite in a mau ii Pasian lungdamna thupuak nopna tha le thuhoih thupha a bawlnate hangin kilangin minthang uh hi. Amaute in 1846 kum pekpan kipanin  khamtung gamah lungdamna thu puak dingin hanciam khinta uh hi. Tua kumin Siampilianpa Bigandet in Fr. Lecamte (MEP) a pai sak hi.Ahi zongin siampipa ii hawhna ciahna kiciangtansak ahih manin khamtung ah pai to thei lo hi.Kumpi galkapte in amah cing uh a Catholic omlohna khuate ah a paiding phal lo hi.
Tua zawh kum sawmnih asawt 1884 kum ciangin nidang a Kachin minamte lak a Pasian thu apuak ngei Fr. Laurent (MEP) kawlpi dong hong tungin Zomi (or) Chin minam pawlkhat tawh kimu hi. Zomi nam (or) Chin minamte in kawlpau apau theih lohna thu le migi in lungsim hoih a neihna thute va mukhia hi. 1888 kumin ChaungOo pan Fr.Antonin Usse in Mawlaik nai Kentat dong tembaw tawh hong tungin a ma’ thu muhna teng Mandalay Siampilian uk (bishop) Simon tungah hi bangin apuak hi.
” Nitum na lam, agamla lo munah Zomi (or) Chin minamte  teeng uh hi. Amaute pen thu siang genin galdona ah citak uh hi. Englishte ii gamkeeknate  langpanin asuahtakna uh kemcing uh hi. Kei amaute kiangah pai-in Pasian thu puak ding ka lawp mahmah hi”ci hi.
Fr.Laurent in English galkap na sem Catholic thuzui mite a vil dingin 1889 kumin khatvei hong paikik a, September ni 22 ni-in Thuklai khua gei Forth White galdal ah hong tung hi. Tua mun panin Mual nuai a etsuk ciangin English (or) Mangkang galkapte a kihtak mana gamsung a abu khua mite ii nusiat khuate a gal muh hi. Ni mit 1889, October kha ni 15 ni-a, Siampilianpa tung a, a at lai sungah, ”Khatvei mualtung kahto-in a gamla a om khuate ka lungngai hi. Tua munah Singlamteh le thungetna laibu tawi kawmin pai leng bangzahin hoih ding hiam? Tu in ahihleh pai ding hithei nailo hi. Ni khat ni teeiteei ciangin gam sung ki-ukna hong hoih ding hi. Hih lenggah huante ah Pasian’ thupuak dingte sawlkhiat ding hun hong tungding hi. Pasian’ thupuakte in amau’ cihtakna le han’na hangin hi munte ah thahna zong thuak thei ding hi. (or) a nuntakna uh piakhia thei ding hi” ci-in at hi. Fr.Laurent in Chin State saklamah a masa pen hong tung Catholic Pasian’ thupuak siampi khat ahi hi.
1890 kumin Mandalay Siampilian uk Bishop Msgr. Simon in tai 250 a gamla Zogam (or) Khamtung gamah ama’ muan pen Siampite ahi, Fr.Laurent (MEP) le Fr. Vestraten te a paisak hi. Amaute in Zogam (or) Chin State saklam ah pai-in mawlaik nuai Chindwin gun nitumna lam Kalewa ah kiphual uh hi. Ahi zongin kumkhat bang asawt ciangin amautein Zomite omna tawh kigamla lai ahih lam kithei uh hi.
Akum kik ciangin Fr.Laurent le Fr.Jarre te in Pakokku, Pauk, Thilin khuapite tawnin Zogam khanglamah pai-a, Myitha gun nai suishin khua ah om uh hi. Tua mun in Mualbul kham le zang cin ahih hangin Chin minamte teng ahih manin Zopau a sin masa uh hi.
1890 kum bei Siampite Pasian thu lungngaih aman ciangin a thumna Pasian thupuak Fr.Accarion hong tung hi. Khamtung pan hong tuaksuk Zomi sumbawlte ii huhna tawh Chin State (or) Zogam ii a laizang ahi Hakha khuapi ah kahto dingin geelna nei uh a, Fr.Laurent ahihleh damlohna hang tawh Gangaw ah taamsuak hi. Hakha atun ciangin Catholic biakna alangpan, Protestant Mangkang ulian khat in, Zomite khua mu nailo ahih manin na sih khak ding uh lauhuai hi, ci-in om khuan pia lo-in Mualbul ah tuakkiksak hi. Siampi te zong acih nading uhthei nawnlo ahih manin hong kilehkikta uh hi. 1898 kum ciangin American tuiphum biakna puakte Hakha ah tung uh hi. Catholic Pasian biakna hong puak siampite asang lo, tua mangkang ulianpa in American Tuiphum thupuakte limtakin na muak hi.
Tuiphum Christiante atun’ pen Catholic biakna adingin lamkhat panin phattuamna om hi. Bang hang hiam cihleh kum sawmli val bang Hakha, Falam, Tedim lai ah kineilo pen Roman laimalin hong phuatsak hi. Lai Siangtho thak zong hong let khia hi. A haksa mahmah dawi biakna ngeina zong hong phiatkhiatsak hi.Zomite ii mit hong vaksak hi. Zomite in Tuiphum Christian a suak nophangun zu ne thei lo ding cih thukham khauhpai lua ahih manin amau adingin haksa lua sa hi. Bang hang hiam cihleh zu in Zomite adingin tha omna nam khat hi a, sun khua-a gimtak tawltak a na sepna ah thadim za namkhat ahi hi. Tua ahih manin Zomite tampi in zozu a kine thei Christian biakna kantek uh hi. Lamkhat panin zong dawi biakna panin suakta  nuam uh hi, Bangbang ahi zongin Zogam a Catholic Pasian biakna phuh nading,akalkhatna ki zozo nailo hi.
Chin State (or) Zogam saklam a Pasian’ biakna phuhna
1938 kumin Mandalay Siampilian uk Bishop Faliere in Mindat zato tawh kisai thu nawngkai pawlkhat a kikuppih dingin Magui khuapi a om  Colonel Burne kiangah hong pai hi. Tua hun in Colonel Burne in Chin Special Division ah asang pen Mengipa ahi hi. Amau kimuh hunin Colonel Brune in khamtung zogam saklam a khualzinna pan a tungphet ahi hi. Colonel Burme in Siampilianpa kiangah Chin State saklam ah Pasian thupuak nasep kipat dingin ngaihsutna a pia hi. Siampilianpa zong lungdam thalawp mahmahin 1939 kumin a mahmah in zui-in Zogam saklam ah hong pai hi. Siampilianpa le apawlte in Tedim khuapi-a, Catholic thuzui khat bek ahi, Myo- uk huh pa  Mr. Kelly innah aom laitakin Falam panMyo- uk pipa hong tungin Siampilianpa tungah, Zogam ah Catholic Pasian thu puakte hong pai pen 1898 kum a Tuiphum biakna puakte tawh letmat thuh a, thukimna a langpanna hi, ci-in gen hi. Tua Ulianpipa in Fr. Jarre le Fr. Accarionte mahbangin Siampilianpa le apawlte kileh kiksak nuam hi. Ahi zongin siampilianpa in nui hiiuhiau kawmin, a maute pen Maguai khuapipa a zalian pen aana nei Colonel Burne mengipa ii khuanpiakna tawh hong pai uh ahihna genkhia hi. Siampilianpa in a kilehkik loh baan ah launa om lo-in ama hun geelna bangin hong sem suak hi.
Ahi zongin American Tuiphum pawlpi phutte daai om mawk lo hi. 1898 kum a thukimna laipi a phawksakkikna in Kawlgam British kumpi thu neipa tungah khiatna lai at hi. Zogam a Catholic Pasian’ thupuakte hong tunna pen tua thukimna susia hi ci-in amaute in um uh hi. Kumpi thunei pa in Zomite adding a  sepsakna hoihte hangin lungdam ko-in, ama’ lai at atawpna ah, Catholic Pasian biakna thupuakte khaktan nadingin paulap ding thukip thukho khat beek akimuh lohna thu agen hi. Tua baan ah Colonel Burme in am’ laikhak sungah hibangin gen lai hi. “Kawlgam mundang tuamtuam a mahbangin Tuiphum Christian le Catholic Christiante kipawlin gammite ading phattuamna a omna, tuamah bangin khamtung gamah zong Catholic le Tuiphumte aom khopna in mi khempeuh adingin phattuamna omzaw ding hi”, ci hi. Hibangin Catholic biakna in thu zo siang hi.
Tonzang khuapi ah Fr. Mainier, Fr. Blivet, Fr. Aloysius, U Ba Khin le thu hilh sia li te ahi, Mg Tun Yin, Fridolinus Mg Ba Maung, Saya Aung Min, Mr. Flank Reuben  te hong tunna hangin Zogam saklam ah Catholic biakna hong kipan khia hi. Fr.Moses in Tonzangah bulphutin Fr. Blivet in Lailui ah bulphut hi.
Hakha Siampi uk gam a kiphuh 1992, November 20 ni dong Chin State in Mandalay ArchBishop gam ukna nuaiah ki-om hi. Bishop Nicholas Mang Thang pen 1989 kum January kha ni15 ni-in Mandalay ArchBishop ii khut dawn dingin za kipia a 1992, November 20 ni-in ki-ap a, 1993 March 21 ni-in Hakha Siampilian uk neu ii a masa pen Siampilian za ki-ap hi. Biakna ii thu vaihawm nate le biakna na sepnateatangzai semsem nang ngiimna tawh a lianbel Siampipa Pope Benedict XVI in Msgr. Felix Lian Khen Thang pen Siampilian za pia-in Hakha Diocese Auxilialry bishop in Za pia hi. 2006 kum May kha ni 6 ni in Siampilian ordination ngah hi.
Kalay Diocese phuatna
Hakha Diocese gam zai na hang le a gamlatna hang ahizongin thuzui mimal a khantohna zui-in ahizongin biakna Siampilian gam uk behlap nadingin kigin na kinei hi. 2010 kum May kha 22 ni-in Pope Benedict XVI in Mandalay Archdiocese khut nuai ah Diocese thak khat hong phuanin Hakha diocese pan Msgr. Felix Lian Khen Thang pen Kalay Doicese ii a masa pen siampilianin hong laamto a Siampilian za piakna pen 2010, June Kha 29 ni. St. Peter & Paul te’ pawi ni-in kibawl hi.
Kalay Diocese in kawlgam nitum na saklam ah omin Chin State paw khen khat le Sagaing division khen khat kigawm hi. Kalay diocese in nisuahna saklamah Myitkhina diocese, nisuahna lamah mandalay Archdiocese, khanglam ah Hakha diocese te in um cih hi. 8585.53 Square miles (tai kimkot) zai-in mi vekpi 57857 pha hi. Kalay diocese ah Chin State pan Tedim myone, Tonzang myone, Cikha myone te kihel a, Sagaing division sung pan Tamu myone, Kalay myone, Kalewa myone, Mawlaik myone, Phawngpyin Myone te kihel hi. Siampi uk Parish 22 pha-in, Zone 4 pha hi. Tua te pen Kalay Zone, Khampat Zone, Tedim Zone, Tonzang Zone te ahi hi.
Kalay zone sungah siampi uk Parish 6 om hi. Kalay, Tahan, St. Peter& Paul, Phai Hliangtaya, Phidawtha, Ingyinkhone, te ahi hi.
Khampat zone sungah Parish 4 om hi. Khampat, Tamu, khumnuai, Sawbuayeshin te ahi hi.
Tedim zong sungah parish 9 om hi. Myoma, Sakollam, Saizang, Lailui, Laitui, Tuithang, Heilei, Suangpi, Bukphil te ahi hi.
Tonzang zong sungah parish 3 om hi. Tonzang, Mualpi, Cikha te ahi hi.
Sazian tuamtuam (2013 November)
A zaina tai kimkot (Square Miles)                                         – 13813.75
Mi vekpi                                                                                    – 974983
Catholic mi phazah                                                                 – 55796
Siampi uk (Parish)                                                                    – 22
Siampi                                                                                        – 50
Gamdang pilna sin siampi                                                      – 13
A Siangtho Pasian nasem                                                        – 6
A Siangtho nungak Pasian na sem                                         – 42
Thu hilh sia                                                                                 – 289
Siampi sin Tangval siangtho                                                    – 25
Siampi sin sang naupang                                                         – 21
Kalay Diocese sung a omSt. Theresa Nungak siangtho      – 189
Kalay Diocese sung a om St. Theresa Nungak siangtho
Sin laitak                                                                                       – 46
St. Theresa Siampi Sin sangnaupang                                      – 4
St. Theresa Siampi Sin sangnaupang                                      – 14

Ngimna           : Eite pen upnalamahzungkha in kilemkithutuaktak a, i hihna le i neihnatemidangtetawh a kitangkhawmPasian’ minamihi hi.
Sepkhiatna     : Pasian’ thuazaminam pan Pasian’ thuatangkominamsuakinthumanthutaktawhakidimki-itnaveeng le paamtetungahhawmkhia ding.

Tupna             : Laisiangthotawhkituakin i ngeinaahoihlotepuahphakik a, thaksuaksakkik ding.
2013 kum Kalay Diocese sung ah Catholic Pasian nasem te
Bishop Felix Lian Khen ii makaihna nuai ah aom Kalay Diocese sung Pasian nasem Topa te leh amau nasepna mun (Posting) a theinuam te adingin anuai ah kong suaksak uhhi.

Clergy of Kalay Diocese in 2013
1) Bishop Felix Lian Khen Thang - Local Ordinary
2) Msgr. Martin Suan Khan Mung - Vicar general, Rector of St. Mary's Cathedral
3) Fr. Peter Thawng Mung - Chancellor, Director of Literature Commission
4) Fr. Ignatius Hau Khan Kap - Residential Priest at Dalkhai Village
5) Fr. John Om Se - Rector of Assumption Inter Seminary
6) Fr. Anthony Hem Kho Sei - Priest in Charge of Tuikhal
7) Fr. Isidore Tuang Khan Pau - Coordinator for R.V.A
8) Fr. Robert Kam Khaw Hau - Parish Priest of Scred Heart Church, Khampat
9) Fr. John Deng Cin Khup - Parish Priest of St. Theresa's Church, Tahan
10) Fr. Philip En Khan Mang - Parish Priest of St. Francis Xavier's Church, Tonzang
11) Fr. Joseph Pau Kap Mung - Parish Priest of St. Peter & Paul Church, Kalay
12) Fr. Thomas Langh Hen Thang - Parish Priest of St. Mary's Church, Buukphil
13) Fr. Andrew Cin Go Lian - Parish Priest of St. Peter's Church, Tamu
14) Fr. John Tual Khn Sum - Parish Priest of St. Sacred Heart Church, Phaithaya
15) Fr. Stephen Mang Lian Thang - Parish Priest of Assumptions's Church, Tedim
16) Fr. James Cin Len Khai - Further Study, Philippines
17) Fr. Andrew Thang Ngaih Lian - Parish Priest of St. Paul's Church, Sakollam
18) Fr. Timothy Thang Do Cin - Mainuai Retreat Centre
19) Fr. Florian Zam Khaw Kam - Parish Priest of St. Anthony of Padua, Sawbwayeshin
20) Fr. John Zo Khan Mung - Parish Priest of St. Joseph's Church, Pyidawtha
21) Fr. Titus Zam Lian Pau - Further Study, Italy
22) Fr. John Lian Cin Pau - Further Study, Italy
23) Fr. Titus En Za Khan - Parish Priest of Holy Family Church, Saizang
24) Fr. Wilfred Do Suan - Parish Priest of St. Sacred Heart Church, Heilei
25) Fr. Maximian Pau Sian Mung - Further Study, Italy
26) Fr. Albert Nang En Khai - Associate Parish Priest of St. Francis Xavier's Church, Tonzang
27) Fr. Andrew Suan Lian Mung - Parish Priest of St. Peter's Church, Mualpi
28) Fr. Dominic Thang Suan Lang - Professor at Theologate, Yangon
29) Fr. Alphonse Ngul Kho Mang - Parish Priest of St. Joseph's Church, Khumnuai
30) Fr. Cyril Dong Suan Pau - Parish Priest of St. Jude's Church, Laitui
31) Fr. Damian Zam Sian Dal - Further Study, Belgium
32) Fr. John Pau Sian Thang - Further Studay, Belgium
33) Fr. Joseph Kap Tung Nung - Incharge of Divine Mercy Chapel
34) Fr. joseph Khup Huam Mang - Further Study, Belgium
35) Fr. Joseph Lai Ngil Neia - Further Study, France
36) Fr. Joseph Pau Lian Kham - Director for Diocesan Singnis
37) Fr. Paulinus Thang Muan Lian - Further Study, Italy
38) Fr. Raphael Suang Cin Khup - Further Study, Manila, Philippines
39) Fr. Robert Cin Lam Kim - Chaplian, U.S.A
40) Fr. Andrew Go Khan Nang - In preparation for further study, Italy
41) Fr. John Hau Hawm Mang - Parish Priest of Sacred Heart Church, Suangpi
42) Fr. Michael Kam Sian Piang - Diocesan Procurator
43) Fr. Sebastian Phun Lian Mawi - In preparation fo further study, Italy
44) Fr. Joseph Thang Nen Zo Mung - Parish Priest of Sacred Heart Church, Tuithang
45) Fr. Lucas Thang Sian Khai - Notary & Incharge of Bible Translation
46) Fr. Joannes Cin Sian Lang Thang - Parish Priest of St. Theresa's Church, Laitui
47) Fr. Stephen En Suan Lian - Parish Priest of Holy Family Church, Cikha
48) Fr. Robert Kham Suan Khai - Associate Parish Priest of Sacred Heart, Khampat
49) Fr. Martin Dal Ngaih Do - Associate Parish Priest of St. Mary's Cathedral.

Source : 
 by Zomi Catholic.

KALAY DIOCESE

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Bishop Felix Lian Khen Thang tangthu atom in. Description: Rating: 5 Reviewed By: Cinpu Zomi
Scroll to Top