728x90 AdSpace

Hot
Menu
Zon-ol na Donate

Latest News

Rev. Son Khaw Kham’ tangthu


Pian’ kum --- 15 February 1933
Tuiphum ni --- 30 December 1949
Tuiphum Sia -- Rev. Awn Zam

Khang tangthu
Pu Ngulh Thang (Buansing) leh Pi Pum Ciin-te sung panin 15 February 1933 in Cingpikot [Keizang] khua-ah piang hi. 

Pian’pih sanggam teng;
01. Rev. Son Khaw Kham + Nu Vung Za Awi [Suante]
02. Lia Suang Niang ---- neu laitak si
03. Sgt. Khai Za Nang + Nu Sing Niang [Buansing]
04. Rev. Ngin Khan Dongh + Nu Thang Khan Vung [Suante]
05. RSM Thang Do Langh[rtd] + Nu Uap Khan Huai[ Suante]
06. Siapi Phut Khaw Suan + Nu Dim Khan Niiang [Suante]
07. Sgt. Zam Khan Khai + Nu Khoi Man Cing [Suante]
08. Nu Dim Ngo Man + Pa Dai Khan Mung [Suante]
09. Peon Thang Cin Pau + Nu Cing Ngaih Ciang [Suante]

Zi neihna
Pu Suan Khaw Vial leh Pi Ning Vung-te tanu Lia Vung Za Awi[Suante] tawh 11 March 1955 in Rev. Khaw Khaw Gin[GTK] in tapidaw ngeina kicing tawh nupa suahna
bawlsak hi.

Pasian’ piak suan-le-khak teng;
01. Pa Thang Khan Sum[Industry I] + S/m Vung Za Khawl [JAT]
a. Tg. Kham Cin Mung
02. Nu Ciin Khawm Cing + Pa Khai Kam [Haka]
a. S/m Nem Ngaih Niang[midwife] + Pa Nang Lam Mung
b. S/m Awi Sian Man[B.Th] + Pa Khual Deih Lian[USA]
c. Tg. Gin Lam Khai[Haka]
d. Tg. Kham Lian Sang
e. Tg. Mung Khan Khual
f. Tg. Sum Khan Suan
g. Tg. Kap Lian Siam
03. Nu Vung Za Dim + Sgt. Thang Cin Pau[Kalay]
a. Lia Kim Deih Lun[BA, Eco]
b. Lia Awi Nuam Hau[BA, Math]
c. Tg. Don Sian Khai
04. S/m Nang Lam Niang[Blue staff] + Sia Vum Khan Khual[Lab grade I]
a. Lia Do Zam Kim
05. S/m Cing Khawl Vung[BA, JAT] + Pa Pum Za Cin[RSM]
a. Lia Zen Ngaih Dim
06. Sia Vial Za Thawng[BSC, M.Div. Music. Dip grade] + S/m Vung Lam Lun[B.Sc., M.Div. Yangon]
a. Tg. Khan Van Thang
b. Tg. Mang Sian Sang
07. S/m Nang Zam Cing[BA, JAT] + Pa Suan Khaw Mang[CSM, Kalay]
a. Lia Do San Kim
b. Lia Awi Huai Lun
c. Lia Kam Van Nuam
08. S/m Man Za Vung[Primary head, Lailo vill.] + Pa Gin Sian Mung
09. S/m Luan Za Nem[BA, JAT, No. I. B.E.H.S, Tedim]
10. Pa Sian Lian Tuang + S/m Don Khan Nuam[midwife, USA]
a. Tg. Kham Kim Sing
11. S/m Dongh Sawm Lun[Xray] + Sia Kam Khan Mang[BA]
a. Tg. Thei Deih Piang

Min sel diak tu teng;
1. Lia Kham Sian Nuam
2. Tg. Kham Lian Sang
3. Tg. Kham Biak Lian
4. Lia Kham San Paal
5. Tg. Kham Van Thang
6. Tg. Kham Suan Thang
7. Tg. Kham Cin Mung
8. Tg. Kham Kim Sing
9. Tg. Kham Za Lian
Pasian in tu [21] leh tu-sawn [4] pia hi. Tu laitak Pasian in Sakollam vengah S/302 Inn pia in tu ni dong teeng uh hi.

Tapidaw suahna
Sanggam numei tawh khangkhawm pah lo ahih manin kum 4, kum 5 a phak ciangin numei leh pasal’ nasep khen lo-in nau cing, gan cing, cihte tawh nu leh pate’ nasep huhin khangto hi. Hih bangin nasep kipat tahna leh a sepnate hangin mi’ lak-ah kihel thei kawikawia hihna teng a thupitna phawk pha sansan hi. Lawki biakna sung pan piangkhia in kum 7 a phak hun 1940 in Innkuan bupin tapidaw suak uh hi.

Pilna zon’na
1941 in tan 1 pan tan 2 ciang State Pirmary School, Mualnuam khua-ah sangkah hi. Tan 3 pan tan 4 ciang State Middle School, Cingpikot khua-ah sangkah hi. Tan 5 pan tan 7 ciang State Middle School, Dolluang khua-ah sangkah hi.

Lai Siangtho sang kahna
June, 1953 Zomi Baptist Convention in Zomi Bible School, Tedim ah a kiphuat kumin sangkah pah hi. Tua Sang pen Haka ah kituah suk-a, 1954-56 [kum 4] a zawh dong
sangkah zum suak hi. 1956 in Theology a uukna leh a kin khat ahih manin a sing teng lak
pan marks sagn pen Kham-mel certificate tawh hong tuak hi.

Tua bangin kum 4 sang a man khit ciangin Pasian’ thu Lai Siangtho sin huai ahih lam phawk pha san ahih manin tan 10 ong teng bek a kah theihna Burma Divinity School [MIT,Insein] ah sangkah zop theihna ahi Interview zo ahih manin June, 1957- March, 1962 dongsangkah zom kik hi. March, 1962 in Diploma in Theology tawh sang hong tuak kik hi.

Dip. Th. degree a laakna dingin a thesis pen A Pastor and His Church ahi hi. BDS [Insein] a sangkah sungin tavuan lian nih nei hi. Tua te;
[a] Sunday morning chapel, ci-in tavuan tawh a pua lam a pai lo teng nipi zing kikhopna sungah chairman kum khat sem hi. Sumpi don’na zong nei uha, cimawh huhna
dingin zang uh hi.
[b] Messing [neek leh dawn lam] chairman zong kum khat sung sem hi. 2002 in
Myanmar Baptist Convention, Yangon pan B.Th. degree leh FDCS kipia hi.

Pasian nasepna te
DBS sang pan hong man ciangin Cingpikot Mission Middle School ah siapi 1962-1964 sung semin biakna thu subject khat ta hilh hi. December, 1964 KCBC kumcin’ Laitui
khua panin thuhilh nasepna kipan hi.

Khawk sia ding kisam ahih manin 14 February 1965 in TBA khawmpi, Phaiza khua- ah ordination kipia hi. TBA khawmpi Lamzang khua 1971 Pa Dam Lian’ Golden Jubilee tawh a kithuah General Secretary [TBA] tavuan 1971-1978 dong sem hi.

TBA zumah hunbit a sep sung teng mahin Khawk Pawlpi ah hun langin sem hi. 1978-1983 dong khawk sungah hunbit Pastor nasep zom kik hi.

1984-87 dong ciangin TBA khawmpi Dampi khua panin General Secretary TBA sem kik hi. Sakollam Tuiphum Pawlpi-te CMBC pan Inn tuan ding ciangin Sia aw, kithuah ni, a cihna mangin 1 January 1989 - March, 1998 dong Senior Pastor sem hi.

Thusin neihpihnate
Kum 33 sung bang a sep sungin zakna pan upn apiang, theihna in upna kipsak, a hilh leh a gen om kei leh mite in bangci zak, bangci theih ding, cih thupi sa mahmah hi. Tua mah bangin kum 33 sungah a kum leh a kha bit ahih loh hangin kum 1 in ni 3, ni 4 sung nipi khat sung thu sinna phuanin Sia zong cial hi.

Pawlpi upate, numeite, khangnote’ upna paizia, kalsuanzia cihte neihpih zel hi. Hih bang thu pen a kisam dingin zong ngaihsun lai hi.

Kum 25 tungsiah nopna hangin pahtawina ngah teng;
01. November, 1992 MBC-MC in good service medal, ngun medal, puan-ip tungah suan’ theih khat pia hi.
02. March, 1993 TBA leh MC in TBA[tu hun TBC] khawmpi Buan khua-ah awh theih medal leh vanleeng-beel khaap 8 khat pia hi.
03. 1998 in Tedim Christian Fellowship in tuiphum tam pen beel-kang 1 pahtawina pia hi.
04. 2002 in MIT pan pahtawina siampi puan tualpi a san khat[kumpi lukhu lim- Singlamteh] leh suai-khi khat pia uh hi.
05. 2003 Keizang Pawlpi-in sialpi khat gawhin man-bawng tawh tawh pia uh hi.
06. 2004 KCBC in beel-kang khat leh vok khat tawh pahtawina an neekpihna nei hi.
07. 2008 Myanmar Baptist Convention leh Myanmar Council of Churches pan man- bawng thuap nih pia uh hi.
08. Vuandok Gin Za Cin in Tedim gam mipil pen 10 lak-ah khat in hel hi.
09. Rev Twel Khan Nangin pastor nasep leh a huam thungetna sungah a siam khat in koih hi. 10. Lawibual veng-a, teeng Pa Vungh Za Cin in sihna, nopnate ah thugen siam khat in koih hi.

Ama’ deih diak [bulphuh] Lai Siangtho mun teng;
a. Topa in hong sik hi[Gn. 22:14]
b. Pasian in thuman, thutak deih[Jn. 4:24]
c. Ka nuntakna Khrih hi[Fil. 1:21]

Tuah khak thu tuamtuam
Mi pilte in a sia leh a pha tonkhaw, a cih bangin nuamna tawh khitui a luan’ hun a om bangin nop lohna tuah khak hun om thei zel hi. Nop loh hun teh nungkik ding maw? tua nop lohna a hang kanin hoihsak ding thupi zaw a hihna phawk ciat ding thupi sa hi.

Pawlpi sungah upna leh kalsuanziate kibat lohna hangin kikhenna, kitotna, kiselna hun tengah zong kihel ngei zel hi. Kihelna pen mun 3, mun 4 bang hi zaw hi. Pahtawina leh phatna hun a om bangin hamsatna hun tampi zong tuak ngei hi.

Inn sung, Pawlpi sung, gam sungah haksatna hun a phut khak ciangin 1992 pan Tedim labu No. 316 Lunggim mi aw, Inn nuam om hji] cih la hoihsa pen hi.

Tedim Baptist Association sungah General Secretary a sep sungin piang lui leh piangthak nasia tak-in a buai mahmah sung hi-a, buaina tampi a om hangin siampi khat din’mun tawh thu haksa lua om lo-in vengsak hi.

Lungdam kohna
A sep sungin 1848 bang tuiphumna pia hi. Nupa kop tapidaw ngeina cing tawh kiteen’ sakna 101 pha hi.

Sikhang natna nei ngei ahih manin neek leh dawn lam zong kidawm mahmah hi. A dam loh hun laitak zatui, za ha pen Dr. Hau Mang, Dr. Deih Piang, Dr. Lunnu leh a seppih tengin hong vaihawm sak-in hong pan’pih uh hi.

Tedim Civil Hospital ah zong Medician leh siamah tengin hong huh mahmah uh hi. Ahi zongin Pasian in a laak nop ciangin nat leh gim luatna om lo-in June 2009, 6:30p.m in hong paisan hi.
Hong nusiat ciangin huhna tampi hong kipia hi. Tua te;
01. Sia Vum Khan Khual ------ bawng 1
02. Nu Hau Sian Cing --------- vok 1
03. Nu Zen Lam Dim ----------- vok 1
04. Nu Dim Khan Niiang ------ vok 1
05. Rev. Ngin Khan Dongh ---- vok 1
06. Pa Thang Cin Pau ---------- vok 1 & antang ip 1
07. Pa Kham Do Khen ---------- antang ip 2

08. Han ah taih, mi nih ai ding hong sik Nu Dim Khan Niiang leh khat ai ding hong sik tanu mo khak teng hi.

Thukaikhawm ; Cinpu Zomi ( www.cinpuzomi.com ) leh Siama Luannem (Tedim Sangpi)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Rev. Son Khaw Kham’ tangthu Description: Rating: 5 Reviewed By: Cinpu Zomi
Scroll to Top