728x90 AdSpace

Hot
Menu
Zon-ol na Donate

Latest News

Zomi Revolutionary Army (ZRA) te Pahtawi na

Apahtawi : Tg. Zogam Mungno

Zogam leh Zomi te ading, nuntakna piakkhiatna te amasa in zahna hong pia ing. Zogam leh Zomi suahtakna ding tha leh ngal na piak khiatna te thupi hong sa ing. Zogam leh Zomi ading hun bei leh mimal metna ding omkilkel lo a,na ki pumpiak na uh kong zahtak hi. Zogam leh Zomi ading na sisan bua khia te in, Zogam leitang nim dildial sak in, et lawm mahmah hi. Zogam leh Zomi te nuntakna thak ah lampi nong sial man un lung dam ung. Zogam leh Zomi te, zalenna thudik tawh suahtakna lampi nong totman un ki paak ung. Zogam leh Zomi movement a nawngkaisak mi khempeuh deidan neilo in,action nonglak man un, kong pahtawi uh hi. Zogam leh Zomi dam sawt hen la gualzo den hen.
ZRA te leh Meitei te Kidona pi, kei mimal theihna ah anih veina hita a, amasa in May, 2001 Thanlon khua ah, kido in, Meitei te 250 hong kuan na pan13 si a, ZRA te 23 pan Salpha Comrade Thang Khan Suan ( Cingmun Khua ) leh Salpha Comrade Thang Khan Dal (Kang Kap khua ) te in, anuntak na pia khia khin hi.

ZRA leh Meitei te kido na ah, kei mimal mahmah zong kihel ngei in,ka muhkhiat experience pawl khat Zomi mipi te hong hawmsawn nuam ing. Meitei ihcih te pen, alungsim uh Kawl lungsim pua uh a, Mi khut tawh ngulman nuam vive uh ahihi. Thau tawi tektek ki bukap ding lau mahmah uh a, ambush ding in, tai ding, cihdan bekbek numei vai mahmah in, zangh den uh hi.Hit and Run cih ding hi.

Mitam suang mahmah uh a, lampai hat lo uh hi. Mei dawi in, lauhthauh mahmah uh hi.Sum leh pai hau uh ahihman in, Zomi nam sung teng ngian kawi zangh in, sum tha tawh khenkhap sawm uh hi.Tua ahihman in, Zomi sumzong pawl khat in,galvan hoih te Meitei te zuak den uh hi.Mimal angsung bek mipawl khat in, Meitei te khutzat in om in, minam zuak in vangsa uh hi.

Meitei te pen Communist( Russia ) lungsim pua te ahi uh a, a galvan tawi te uh ahihleh atamzaw AK 47 - 56 tamtawi pen uh hi. ZRA te in, Democracy( USA ) lungsim kinei a, M 16 leh M - 21, M - 14, M - 18 ki tamtawi pen hi.Ih thau tawi in ih lungsimpuak hong theisak hi.




ZRA te thu tawm
ZRA khat hihtheihna ding in, neihsa lamsa , u leh nau, Nu leh Pa, mailam hun khempeuh nusia a, Zogam leh Zomi a ding kipumpiakna ahihi. ZRA khat hihtheihna ding in, Kha 6 sung Trainning kah kul hi.Tua sung ah gam sung ah bangci khuasa ding, galdodan tawh kisai bang teng kisam,thau tawh kisai bang ciang thei ding, Thau tang bang ci zatding, Order bang ci zuih ding, Gal te bang ci attack ding cih te Trainning sung ah avek in ki hilh kim hi.

Mipi te tawh bang ci ki hoding,mipi te muan ding in, Displine bangcidan in neihding cih te leh Zogam leh Zomi History khempeuh Trainning sun sim in, class ah akisin den ahi a, Exam zong om in, a pass lo te trainning man thei tuan lo hi.
Zogam Zomi tawh kisai political khempeuh a sin khit tak uh teh, anuntakna uh piakhia sinsen vive te ahi uh hi.

Zogam movement khempeuh thei uh a, Zogam a ding a duty den te ahi uh hi. Kum sim in, ZRA athak trainning ki la den a, tua sung ah, cidam na, innkuan sung pan, unau phazah en kawm leh, pilna siamna, te ki en masa hi.Lai theilo omlo in, pilna sang pipi anei leh lasiam, kimawl siam, la phuaksiam, Guitar siam tampi om ahihman in, khua khempeuh ah, nungak te khasia ngeilo uh hi. Kum khat in Innlam aphamawh lua aom keileh khat vei ciah thei uh a, tualo in, Camp sung leh khua khempeuh gam khempeuh ah pai kawikawi in Zogam leh Zomi te ading security in na sem den uh hi.

Gal leh sa ih tuak ciang in, guahzu meikai tuikhang om lo in,zankhua sawt zong maimit singman lo in,a tupna uh atun dong apai te ahi uh hi.Tuksung pen ZRA te ading in, gentheih hun ahihi. Guah zu in, Vot tam mahmah a,khuadam in, guahtui thuak in, lampai den uh hi.

Lawm ngaih te kiang pan lai hong tung leh ki lungdam penpen a, gim in tawl ta leng ki nuihmai den hi.ZRA sung ah Zolia zong tampi ki hel hi.Zolia pawl khat Pasal te sang in, hangsan zaw lai uh hi. Sa khawng beng in, tam pipi hong man thei lai hi.

Hih atung ateng hi leh Minam leh Gam ading nasem khia te thuakna, kipumpiakna te na mitkha un tampitak muthei ta ding in, lam en ing.

Phamsa mihang te pahtawi na la


Zomi Revolutionary Army te khuasak nuntak zia.

Zahtakna tawh,
Comrade,
Tg. Zogam Mungno
Cell : 615 354 2008


Mount Sinai Camp ah akiphut ''Zogam Salpha" mualsuang.


Pianna Zo Lei
Aw Zogam lei kapian nagam
Aw Zogam lei kalam kiatna
Aw Zolai Zopau ka sisan hi.
Ka nuntakna Zogam lei ading

Phuitong leh Ngeisok te apak na gam
Thang mualdawn pan huih khi hong lan hiauhiau
Meitei gun kuam lummei kaai ee
Lung in ngilh mawng e Pianna Zo gam..

Zingni hong suak etlawm sang ee
Zogam mual leh guam ted um dildial ee
A sung aom Zota te in
Nunnuam in nga bang leng uh ee

Phualva kop bang ciampel ngeilo
Zogam salpha zatam apian na gam
Kei sa bang ahang Zo tate
Tual niam lo ding niam ngeilo ding..

Zota te Ih Biak Pasian milian in hong bawl ta hen.

“Khimpi ziin zi’n, Khapi kiat ni’n,
Khawlkhip ah Khawlkhen ah,Khawlzang ah “
“ Khul vangah hong suah ta teh”
Ka khuhpi, Ka phahpi, a kulhpi ka lung zai( suangpi)
Ka siampa, ka Pasian…”





Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Revolutionary Army (ZRA) te Pahtawi na Description: Rating: 5 Reviewed By: Cinpu Zomi
Scroll to Top