728x90 AdSpace

Hot
Menu
Zon-ol na Donate

Latest News

Zomi Sung ah Tuiphum Siampi ngah masa Rev. Vial Nang Taangthu.

REV. VIAL NANG (1893 -1960)
Photo : TTBA Siate Taangthu pan.

REV. VIAL NANG’S  BAPTIZED DIAMOND JUBILEE (1908-1983)

Feb.2-6,1983  Tonzang

“ZEISU IN TOPA HI” Phil. 2:11


1893 : Tonzang khua ah suak a, a pa Thual Neng (Ngaihte Nam), Hau Tual suan leh  a nu Zel Ngem hi.



1906 : Tonzang khua a Rev. Po Ku’ phuat nitak sangah Kawllai sin hi.  
                                
1908 : Rev. Po Ku in Tonzang Kongpilui ah tuiphum hi.   
                                         
1912-1914 : Rev. Joseph Herbert Cope in Tedim Kumpi sangah koih a, Kawllai tan 4 zo hi.  

1915 : Mandalay ABM sangah Manglai sin hi.   
                                          
1916-1918 : Insein Kawlpau Lai Siangtho sangah kum 3 ciang kah hi.    
                       
1919-1921 : Galpi Masa in Mesopotamia ah Mangkang  Kumpi galkapte mawtaw hawl hi. 

1921 : Inn ah hong ciah in Pi Dah Za Cing tawh teeng hi. Tuiphumsia za kipia a Khamtung Zomi lak ah Tuiphum Sia ngah masa pen hi.         
                      
1922 : Tapidaw ahih manin a kilipkhap mahmah Kadaang cik ah kiteeng sak hi. A tapa Neng Za Ko suak a, 1928 in si hi.  
                                                 
1924 : Insein Lai Siangtho sangah zom kik in kum 4 na zo hi. Sia Po Ku’ maban teng zom hi. A tapa Gin Za En suak a, 1930 in si hi.   
                          
1938 June, 11 : Cope Topa sih pan Rev. Nelson hong tun’ 1939 dong Cope Topa’ maban zom hi.                                                                                
1942-43 : Japan galsung Tedim-Imphal mawtaw lam tawhna ah Lambu neu sem in Kumpi huh hi.                                                                    
1942-1946 : Gal taai a Nelson Topa te aciah sung teng, sangmangte’ maban teng zomin nitak sang khua 30 val ah phuan hi. [Hih sangte a nung ciangin kumpi sang suak hi.
                                   
1949-54 : Mipite’ deihna zui in Tonzang khua huasa a sep hangin Pasian nasep zong ahih theih bangin huh den hi.         
                                                               
1955 Dec., 26  : Pi Dah Za Cing si hi.     
                                                             
1957 April, 13 : Pi Don Khua Man tawh Rev. Kham Khaw Kai in kiteeng sak hi.                

1957-58 : Gamngai Siakhawk pawlnih a suah teh TBA pawl pen kem hi.   
                        
1960 Apr., 7-10 : A thungetna bangin ZBC-TBA in a bawl khop COPE JUBILEE leh COPE PHAWKNA BIAKINN honna ah va pai in thupha pia hi. 
                                
1960 April 13 : A it  a makaih den a behteng tawh Pa Kam Khan Thang te’ inn ah Lawm-an ne khawm hi.       
                                                              
1960 April, 26 : Bawlsiatna tampi thuak kawma A’ na a sepsak, Pa Pasian kiangah hong ciah san in 30 April 1960 in Tonzang khua ah kivui hi. Kum 67 nungta a, nupa 109 teng sak in: Mi 2007 tuiphum hi.                                                    1
1983 Feb. 2-5 : Tonzang Gambup Tuiphum Pawlpi in a kumcin kikhoppi a 8 veina leh REV. VIALNANG PHAWKNA TUI KIPHUM ZAWH DIAMOND JUBILEE,Tonzang Khua ah bawl in mual  suang phut hi. {Mulasuang a sum beiteng a tu atate in si in, Siklong (bell) Tonzang Siakhawk in si a, Ama tangthu Tonzang khua Pawlpi in gelh hi.}

Rev.Vial Nang' Tuiphum Siaza (Ordination Pastor) ngah tawh kisai in tangthu kanpawl pulak na leh gelhkhiat na te ki bat loh na tungtawn in Zomi te tangthu ki tukalh tohtoh khak ding deih loh na leh ahi zaw,amaan zaw ih theih na ding deih na tawh Rev.Vial Nang' Ordaind ciapteh na lai bu te mah et kaak khawm in thu om zia te kong suaksak kik hi.

1) Rev.Vial Nang Diamond Jubilee lai dal sungah " 1921 kum in Rev.Vial Nang Tuiphum Siaza kipia a,ei Zomi te lak ah tua za angah masa pen suak hi " ki ci hi.

@ 1921 kum in Galpi masa huh hongciah kik kum hi a,azi neih kum zong hi pah ahih man in tua kum pen hi theilo mawk hi. Pasian nasep a kipatkum hizaw kha ding hi.

2) J. Gin Za Tuang bawl Tedin Cope Jubilee phawkna 1960 laimai 50 na sungah Rev. Vial Nang genkhiatna bangin a kigelh hi-a, “1925 kum in Theizang khawmpi ahtuiphum sia kasuak hi,” kici hi (Zomi lak ah a masa pen hi ci in kiciamteh hi).

@ Hih laibu pen laigelh atamzaw te etteh khat hong suak hi. Ahi zongin 1925 kum in khamtung gam ah mithumte ordination ngah khin zel uhi. Tua ahiteh a kum a genkhial zong hi thei kha ding hi. Rev. Vial Nang in ordained a ngahna khua pen gen khial sam lo ding hi. (Lamzang Freedom Jubilee 1920-1995 laimai 18na nambat 16 ah 1922 leh nambat 19 ah a 925 kumte in Zogam bup Khawmpi Theizang khua ah tung kici hi.)

3) Tedim thu kizaksanna Lai bu 4, nambat 6, June 1923 sungah, “ April1, 1923 Lumbang khua Khawmpi ah Rev. Vial Nang a ki ordained na thu kigelh hi.”

@ Hih laibu sunga a kigelh pen kicing penpen napi in Rev. Vial Nang in Lumbang khua ah Tuiphum sia a ngah lam gen in nei ngei vet lo hi. Tua ahih manin tangthu kan pawlkhat in 1922 thute, 1923 kum tawh gawmkhawm a a kibawl kik uh hi kha ding hi ci uh hi. 1922 kum buppi Tedim Thu Kizakna lai kibawl lo hi. (Zomi Tuiphum Sia ngah masate tangthu, Kham Lam Tuang gelh laimai 12 na ah leh Tedim Khristian tangthu & Rev. Sukte T. Hau Go tangthu laimai 22 na ah).

4) Tedim thukizakna lai bu 4 Nambat 3, March kha 1923 sungah , “Sia Vial Nang leh Sia Tuah Hranga te tuiphum sia ahi uh,” kici khin hi.

@ 1923 March kha ma in, Sia Vial Nang pen ki ordained khin cih kitel hi.

5) Rev. Vial Nang in ama khut tektek tawh a gelh dairy nambat 2 sungah, “1921 kum in pastor sep kipan, 1922 kum in tuiphum sia za ngah,” ci in na ciamteh ngiat hi. (Hih laibu pen Rev. Vial Nang tupa Rev. Vungh Suan Kham in kem lai hi.)

6) Tonzang Siakhawk Golden Jubilee laibu laimai 90 na ah, “Zomi sungahTuiphum sia (ordination pastor) ngah masa penRev. Vial Nang -1922) ci-in kiciteh hi.”

7) Zomi Tuiphum Sia ngah masate tangthu, Kham Lam Tuang gelh laimai 13 na ah, “Rev. Vial Nang Tuiphum sia za ngah April 1, 1922, Theizang (3:00 pm.) Sunday,” ci in gelh hi.

8) Tedim Khriustian tangthu & Rev. Sukte T. Hau Go tangthu laimai 22 na ah, “Rev. Vial Nang in a ordination ngah kum 1922 Theizang ci-ina ciaptehna pen manzaw ding hi,” ci in kigelh hi.

`Hih a tunga laibu teng tungtawn in ih etkak kawikawi ciang Rev. Vial Nang in amam khut tawh a gelh a ciapteh na pen man pen ding hi cih ka um hi. Banghang hiam cihleh a kum a mang ngilh khak zenzen leh zong aki ordained na mun a khua pen mangngilh sam lo ding ahihteh 1922 CHBA Khawmpi Theizang khua ah, “Tuiphum siaka ngah hi,” a cih pen kip sak huai pen ding hi.

Ahangin Cope Topa ciaptehna khempeuh ah khamtung milak pan Ordinatiuon Pastor ngah masa pen Rev. Vial Nang na ci tawntung hi. January 28, 1923 kum in Kapa khua ah Rev. Tuah Hrang zang tuiphum siaza ordination kipia hi. Rev. Vial Nang in ngah masa zaw ci ahih manin in April 1, 1923 Lumbang pan cih pen hi thei lo mawk hi. 1922 Teizang khua ah ordination ngah hi cih pen a man pen ding in ciapteh ding ahi hi.

Tua hih manin Rev. Vial Nang tangthtu a gelh sawm khempeuhte in ama dairy sungah a gelh tektek bangmah in, “Rev. Vial Nang pen 1922 kum April kha in Theizang khua ah ordination ngah hi,” ci tawh nong suahsak na dingun kong zasak kik uh hi.

1-8 Akai khawm:
Rev. Vial Nang inn sung tupa,
Rev. Vungh Suan Kham
Kalaymyo
July 7, 2011
Vial Nang Memorial Baptist Church, Tonzang



REV. VIAL NANG (1893 -1960)

Luke 14:27; I Tim. 1:17; II Tim. 4:8

The Reverend Sia Vial Nang of Tonzang the first ordained native pastor in Zomi Land Reverend Sia Vial Nang was born 1893 at Tonzang, the Royal City of Pu Kam Hau, the innpipa. Innpipa Pu Hau Cin KHup invited Rev Po Ku’ a pioneer Baptist evangelist stationed at Tedim, to open a Burmese school at Tonzang in 1906. Young Vial Nang, son of mother Zel Ngem and father Thual Neng of the Hau Tual branch of the Ngaihte family, attended Po Ku’s night school, was converted, and baptized by Rev Po Ku at Kongpilui, Tonzang, in 1908.


The Rev Joseph Herbert Cope of the American Baptist Mission, Tedim, put Vial Nang through the Govt. Burmese Primary School, Tedim; the ABM English School, Mandalay; and the ABM Burmese Seminary, Insein, of which last he was a graduate.



Having served in Mesopotamia as a driver with the British armed forces of World War I, he returned home in 1921, married Pi Dah Za Cing, and was ordained to the Baptist ministry. He thus became the first ordained native pastor in Zomi Land.



Since Rev Po Ku went home to Tabaung, Bassein, sometime before November 21, 1923 [vide preface to Tedim La Bu III] and could not return, Vial Nang took over his duties, Likewise, Vial Nang, being the most Senior pastor, took over charge when Rev Dr. Cope died June 11, 1938, and also when Rev Franklin Owen Nelson went on war time home furlough, 1942-46.

He continued in fulltime Christian Service until 1949 when, by popular demand, he became headman of Tonzang, the city that in 1922 fordced him to sttle beside the Kadaang Swamp, dreaded at the time as deadly devils habitat.

Though retired from fulltime Christian service, he never really ceased to serve the Lord; when the Gamngai diocese split, 1957-58, he took care of the faction loyal to the T.B.A. Pi Dah Za Cing, who bore him two sons, Neng Za Ko (1922-28) and Gin Za En (1923-30) died in 1955, and his second marriage with Pi Don Khaw Man of Tuitum, was performed by Rev Kham kHaw Kai on April 13, 1957.
April 7-10, 1960, his heart’s desire was fulfilled when he, in his farewell  public appearance, participated in the ZBC-BA joint celebration of the Cope Golden Jubilee and dedication of the Cope Memorial Church at Tedim and pronounced the benediction.

On April 26,1960 at his quiet Kadaang home, he peacefully breathed his last and passed on to his heavenly reward, and was laid to rest on April 30, 1960 at the Tonzang Baptist Cemetery.

THE TONZANG TOWHSHIP BAPTIST ASSOCIATION, established in 1975, at its eighth annual convention, Feb. 2-6,1983, Tonzang, celebrates the REV VIAL NANG DIAMOND JUBILEE, and erects amonument at Tonzang Baptist Church.

TO THE GLORY OF GOD.



Thu ngahna leh lungdam kohna : Hong kaihkhop sak : Sia Kimpu (Tonzang) , Sia Huam (USA), Rev. Vung Suan Kham te tung ah ka lung dam mahmah hi.


Theih ding : Kai khawm toto in, hong kisuaksak toto ding hi. Athu lehla thei,anei,akem ten cinpuzomi@gmail.com ah nong khak nang un huhna hong ngen ingh.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Sung ah Tuiphum Siampi ngah masa Rev. Vial Nang Taangthu. Description: Rating: 5 Reviewed By: Cinpu Zomi
Scroll to Top