728x90 AdSpace

Hot
Menu
Zon-ol na Donate

Latest News

Sia Nang Thawn Tuang @ Sia Thawnpi' (3&4) Tangthu tomno.

TCC. Fun Fete 1991.

Pianna:
Sia Thawnpi pen Lawibual, Tedim ah suakin aneu tung akipan Sunday school tawh kimakaih bek tham loin, Tedim khuaipi laizang a om Cope Memory Baptist Church pan Pasian thu tawh khang khia hi. Tedim ah tan sawm dong a kah sungin Sunday school sia, khangno makai leh Music lam cihte ah ahih theih bangbang in Pawlpi le Khrist ading a khangno hunte zangh hi.


Pil sinna:
Tedim ah Tansawm a zawh ciangin Mandalay University ah sang kah a, kum nih aman ciangin Yangon University ah kituah sukin 1993 kum in B.A degree ngah hi. Secular degree a man khit 1999 kumin Pasian lam lahna tawh S. Korea ah biakna lam LST pilna sinin 2002 kumin Master of Divinity (M.Div) degree ngah hi. 2007 -2008 sung Korea mahah Master of Theology (M. Th) zom suakin, Course work man khin na pi'n manlahna tuamtuam tawh Thesis gelh man nailo hi. 2012 kumin Deproma of Interpreting pen University of RMIT, Melbourne, Australia pan zo hi.
Sia Nang Thawn Tuang @ Sia Thawnpi

Pasian Nasepna:
1988-1990 sung Maymyo ah Puankhui na tawh Mission sem hi.
2002 - 2003 sung Yangon Zomi Baptist Church ah Assitant Pastor sem hi.
2003-2008 Cross Church Mission pankhia in, Kawl te lakah mission sem hi.
2009-2013 April dong Melbourn Burmese Community ah Assistant pastor sem hi.

Lakhui (Album) bawlna:
Tuma kum 20 laiin 3&4 album late hawmkik ding.

Yangon University ah a kah sung 1993 kumin Kawlla tawh itna ngaihna la " 3&4) " cih Series (Album) khat bawlin, Zomi sungah Kawlla tawh lakhum (Studio) bawlte sungah Sia Sing Za Mang zomah amah hi dingin ki-lamen hi. Amah (Sia Thawnpi) pen a neu akipan la uk mahmah khat ahih manin, a ukna le veiinate tangtun pelmawh ding cih tupna lian anei khat ahi hi. 3&4 Album sung pan Teeltuam bawl dingin kipanpan ta a, a sawt loin hawmkhiat sawm cih zong kiza hi. Tulaitak a zi a tate tawh Melboun, Australia ah teeng uh hi.

Laibu gelhte:
(1) "Sisan Thuciamna " cih laibu gelh laitak
(2) Is God Narrow Minded? NO cih laibu laitak
(3) Good English (Abaih Mikang lai) cih gelh laitak
Hih a laibu gelhte le a Album selected bawlte a sawt loin, Zomite omna mun khempeuh ah hawmkhiat ding geelna maban lianpi a neih laitak ahih manin, thungetna tawh panpih in, thapiak ding zong kithawi kholhkhol dingin i kicial hi. JKKam laphuah " Ei le Ei " a cih bangin, Zomite nasepna Zomite mahin Thapia ding cih pen khantoh gimnam mahmah ahi hi.

3&4 album sung pan Itna Ngaihna la tomno kim.


Deihsak Thupha piakna:
Sia Thawnpi te innkuan nuntak khuasakna ah Topan a lamdang gualzawhna thupha namkim tawh hong makaihsak hen la, minam le Pasian gam ading mapang zo tawntung ding hong siamsak hen cih Tongsan Media pan thupha i paih hi.

Tongsan tanute tangin,

Sia Khampeek (Tongsan pu)

Source : https://www.facebook.com/groups/freezoland/permalink/786133091429779/

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Sia Nang Thawn Tuang @ Sia Thawnpi' (3&4) Tangthu tomno. Description: Rating: 5 Reviewed By: Cinpu Zomi
Scroll to Top