728x90 AdSpace

Hot
Menu
Zon-ol na Donate

Latest News

MUALLUM KHUA TANG THU

Muallum Khua

(A) Pu Za Tual in, Muallum khua a sat na.
Zogam sungah ih khuapi lian ahi, Tediim khuapi-in, khualian khua minthang khat in hong om hi. Mipil thu vaihawm siamte vaihawm siamna hangin, Tediim khuapi mun tuamtuam pan hong kibel aa, Inn (300) vaal bang hong phak ciangin, a vengveng in hong ki khen uh hi. Galkap Tualpipen Ukpipa Pu Khua Cin Innmun ahi hi.

1. Bonuai veng
= Tulaitak aa Galkap Tualpi nuai, nitum na lamteng hi aa, Upa Pu Pau Vum leh Teizangmi pawlkhat teng hi.

2. Botung veng
= Pu Khua Cin Inn tung siah, nitum na lamteng hi aa, Upa Pu Za Tual leh Teizangmi pawlkhat teng hi.

3. Vaiphei veng
= Bonuai veng pan, a khanglam nisuahna lamteng hi aa, Vaiphei mite teng hi.

4. Sekzang veng
= Sakollam Ngennung lamka pan leilu lamteng hi aa, Guite mite teng hi.

5. Khuangzang veng
= Col. Dal Za Kam Innmun dungto teng hi aa, Thahdo mite teng hi.

6. Daiduap veng
= Pu Khua Cin Inn phaitam kho nuaisiah teng hi aa, Teizang mite teng hi.

Hi bangin hong teng uh aa, khat leh khat ki lengla kihawh in, omkhop, tenkhop na pan in, Kampau kigawm khopna, Ngeina kigawm khopna hong om hi. Tua ahih manin Ngeina, Kampau, Tatzia ahoihte kizangh khawm ciat hi.

Sukte Pu Kam Hau leh Pi Ciin Ngul tapa Upen Pu Za Tual a tenna, Botung veng teng bek ki-uk sak ahih man-in, lungkiimlo aa, mundang ah, lalsawm hi. Tua ahih man in, Pu Za Tual in hi bangin la a phuak hi.
(a) An bang aa, nong it nak leh, phung aw, lam khuang bang khoh aw..
(b) Lam khuang bang a, nong khoh lah leh, siing gam kaai ta ding hi’ng ee..ci-in, a sanggam te la apaih hi.

A sanggam te-in, a ma deihna bang in, kho lo ahih man un, a ma Uk sung mi Botung veng teng, Inn (50) tawh Muallum khua JC.1860 kum in nasat uh hi. Gamkip, gamkho asuah nading in, Falam gam Ukpi Con Bik tung ah anuai aa teng tawh Muallum gam alei uh hi.

A Gamleina te -
1. Sal - (1)
2. Saiha - (4)
3. Sialpi - (4)
4. Thau lawng - (4)
5. Ciing phek - (12) 
6. Khephiau (Puanza) - (1)
7. Khuainun tawi - (32)
8. Keeltal kikawi - (1) cih te ahi hi.

Hih tengtawh Gam alei ciangin, Con Bik in, Phun Sang paisak aa, khua kipsakna Daktal khat Pu Za Tual apia hi.

Muallum cih min phuahna
Pu Za Tual leh a nungzui te-in, Tediim khua pan a lalna uh, Mual pen amun omdan, aging apau azaakna bangin, min aphuah hi ci-in, thu thei pu leh pa te-in gen uh hi.

Pu Za Tual leh a nungzui teng a tenna Mual pen Mualdawn, Mualsaang na mun hi aa, gam menghmee lak ahih manin, huih in Singtehte mut(seem) in, sun in zan in gingden aa, lum ngamngam ahih ban ah meel kimu lo, mi tampi husaa leh bukteep ging cih bang a tuamtuam te kiza thei ahih na hangin, a tenna uh Mualpen Muallum khua ci-in, min na phuak uh hi. 

Nidang hunin, Muallum khua mun kiim ah, gam meenghmee, gam simtham lua ahih manin, apai peuhpeuh nung meel mai meel theilo in, lung amh in buai theiden uh hih tuak hi. Muallum khua Pu Za Tual te tenna pen, Keizang (Ciingpikot) leh Muizawl ki kaal Khuailui naak hi aa, Innbuk mual paisuak, Uileimual tawh kisun, Uileimual dungpai suk Suangthu bang aa apo Mualhai a ki cihna mun ii nisuahna lam, Mualnuai zaangtam khat ahi hi.
Tuni dongin, hih Mualhai mun ah apaite-in, melkimulo mihonpau, buuktep, nungak tangval honnuih cih te za thei zel lai uh hi.

Muallum khua mun khung Mual cianghpi ah, Gal panna kan kito aa, tuapen tu ni dong omlai hi. Muallum khua, khua mual dawn ah Uileimual, Uilei Tuicing om hi.

Pu Za Tual leh a nungzuite kum (20) kim bang, a ten hunsung in, Mihingte gim apia, muhtheihloh dawi vangliante hangin, damthei hetlo-in, omden uh hi. Mualsuang, Mualsing te leh Songte a thah a mat zui-in phut uh hi. A hi zongin dam theih loh na hangin, khua lui Tediim zuat kik ding a sawm uh hi. Tua ahih manin, Pu Za Tual in -
(a) Sim sing gil leh ciau luum suang aw, deih teng ka gelh na aw ee.
(b) Kum sawt hai bang ngak loh ding aw, vaangkhua zai tha tawl sang ee.. ci-in, asing phuh, a suang phuh teng leh khua mite a gim, a tawl nate la phuah hi. Pu Za Tual leh khua mite in, Tediim khua zuan kik takpi uh aa, a tenna luui Botung veng teng mah ah na teng kik uh hi. JC. 1880 kum ciangin, a veng Inn (30) tawh, Thangkhal (Haupi) khua sat in, a teng uh hi.


B. (a) Pu Vum Pau te'n Muallum (or) Khuamial khua a satna
Pu Vum Pau, Pu Pau Dongh te Mualbem khua pan Kapteel, Hiang-awn khua te ah Mangkang te tunma in na tung uh hi. Mangkang Gal ven khit JC.1890 kum pawl in, Muallum gam Khuamial na tung uh hi. Kapteel, Hiang-awn khua pan Muallum (or) Khuamial a tung teng- 
1. Pu Vum Pau - Sukte
2. Pu Lam Vung - Sukte
3. Pu Pau Dongh - Milun
4. Pu Awn Cin - Milun
5. Pu Ngen Cin - Naulak
6. Pu Kai Ngul - Naulak
7. Pu Dam Tun - Naulak
8. Pu Lam Neng - Buansing
9. Pu Lam Luai - Buansing
10. Pu Sawh Awn - Buansing
11. Pu Hong Cin - Suante
12. Pu Eng Ngul - Gualnam
13. Pu Lam Phung - Gualnam
14. Pu Pau Vial - Gualnam
15. Pu Thang Teel - Munvungh
16. Pu Kung Tun - Munvungh
17. Pu Sun Mang - Boitung
18. Pu Lian Lum - Munsuang

Kapteel, Hiang-awn Khuapan Muallum (or) Khuamial khua ah a tai uh ciangin, Pu Pau Dong in hih bangin la a phuak hi.
(a) Teel tui vang khua, siing hong el te’n, hei na tum dang aw ci ee.
(b) Hei dang ing ee, Paal va len zil, khua mual leen vuui kaai ing ee.
Kapteel, Hiang-awn khua pan Muallum (or) Khuamial khua hongtun uh ciangin, Pu Vum Pau in Hausa sem hi. Hau sa asep na Hau Cin Khup leh S.Cary (C.I.E) leh H. N. Tuck te gelh, The Chin Hills a cih Laibu Volume I and II sung pan kitei khia Headman Register a nuai aa bang ahi hi.


A tungaa, ih muh bangin Pu Vum Pau in, Hausa (22) na-ah om hi. Khua min Muallum(or) Komeal (Khuamial) hi aa, Inn (22) pha in, na ciamteh uh hi. JC.1890 kumin Kapteel, Hiang-awn pan Muallum (or) Komeal (Khuamial)a tung, Inn(18) hi aa, Inn (22) a phak theih nading thu omlo hi. A hi zongin 1892 kum ciang in, Muizawl pan Muallum gam khuallo aa kho, lobuk a teng Inn(4)om aa, tua teng tawh kigawm hi dingin ki ummawh hi. Tua ahih manin, JC.1893 kum in Muallum(or) Komeal (Khuamial) Hausa Pu Vum Pau Uksung ah Inn(22) in, a ciamteh thei hi dingin, up mawh na om hi.

Tua hi aa, Mualnuam khua Pu Pau Za Lian Headman Register a ki et kik ciangin, S.No. (23) na-ah om aa, Pu Vum Pau a masa ahih na kimu thei hi. Mualnuam khua Pu Pau Za Lian Mualnuam ut lo-in, Tuithang khua Pu Sing Kam suan in a pai ciangin, Eipu te zong kihel ci hi. ( By-1996 August 12 Pu Neng Za Thang, Naulak)

Tua bang thu te hangin, lungnop loh na-ah, Pu Lam Awn te in, Headman Register neilo ahi tam maw ci-in, lung hih mawhna om hi.

Muallum (or) Komeal(Khuamial) a teng te in, Thalmual khua sat dingin sawm aa, gam en in va kuan uh hi. Gam en in, a kuan na-ah, Pu Pau Dongh in Vom khat man hi. Tua a Vom matna mun ah giah phual bawlin, giak pah uh aa, tu ni dongin, Pau Dongh Vomgiah buk kici hi.

Pu Pau Dongh in, gam etna ah Vom man ahih man in, a lawmte in, Thalmual khuasat in teng le hang, Pau Dongh in tu-in zong Vomman in tuahpha ahih ciang, a mah pen hong lawhcing in hau ding aa, kidem zolo ding hi ci-in, ngaihsutna nei uh hi. Tua ahih ciangin, a lawmte in, Pu Pau Dongh kiangah Thalmual gam sangin Muallum gam Bukpi mun hoih zaw ci-in, a genpih uh hi.

Bukpi ih cih pen Gammin munmin bek hi lo-in, Khua min mah na hi hi. A teng ngei pu leh pa te zong Naulak Pu Hen Go leh Pu Luh Song te Unau hi dingin ki um mawh hi. India gam Aizawl leh Phai a teng Naulak te in Simgam Bukpi a ka tenlai uh ci-in, Pu Awn Khaw Zam, Pu Cin Kham (Samte) leh Pu Awn Khai(Buansing) te’n genngei hi. Simgam Muallum gam Bukpi cih loh a dang, Bukpi min kilo kiza ngeilo hi. Phaigam Naulak te ten na, Bukpi kizangh zong Simgam Bukpi min kaken toh uh hi, ci-in gen uh hi. Simgam Bukpi pan Buanlii ah pem aa, Buanlii pan Pu Hen Go in, Lushei te mai ah Aizawl gam Ngurte khua sat hi kici hi. Pu Luh Song zong Buanlii pan Phai gam lut to in Bukpi khuasat kici hi. Simgam Bukpi Pu Hen Go te nutsiat ciangin, a bei hong suak hi. A kum kithei lo-in, a ten hun sung zong ki thei lo hi. Leitangh pha in An hoih mahmah ci uh hi.

Pu Pau Dongh in khua lal ding, ngaihsun lo hi. Muallum (or) Khuamial khua a taisan(lalsan)ding ut lo hi.

Khua leh tui a kip a kho nading, mun dang gam dang pan, Gal tuamtuam te-in a sim loh nading in, Pu Vum Pau tawh ki thuah in, Falam Ukpipa tung ah valut ngei uh hi.
1. 
(a) Sim lei zil za ka ngaih man in, Lun maang lang lam, vai maang mun aa, sau aa phek, taang bang pha'ng ee.
(b) Hong dem lo vua, khua kim gual aw, lun maang ii, pat sa hi ee.
2. 
(a) Sim lei zil za, lun maang pat sa, hai bang ngak lei leng ci'ng ee. 
(b) Khua kim a pau tong sia za te’n , va bang a tuang aw ci ee.
3. 
(a) Lum tui vang khua, lai lung ah ka ngaih manin, theih loh vai tuun nu tong dam, va saang ing ee..
(b) Se sum sawm sial, nak tui bang a kan na hi, siing ta’n hai bang, a ngak ding ka phal lo ee.

B. (b) Pu Pau Dongh in Bukpi khua a satna
Pu Pau Dongh in khua lal ding asawm loh ciangin, Muallum gam sung Bukpi leitangh hoih na-ah teng ni ci-in, khua pih te in, a mah apai masak nading in khem aa, Pu Pau Dongh te Innkuan Bukpi ah, a kha to uh hi. A zan ciangin, a khua pihte pawlkhat Thalmual khuasat dingin napai aa, a khawl lai pawlkhat te sung pan, Pu Awn Cin in, a Uu Pu Pau Dongh nungzui-in Bukpi ah teng uh hi. Hih thu Pu Pau Dongh in-
1. 
(a) Khua ka ngaih khua ka ngaih aw ee, sat tawm vang khua ka ngaih aw.
(b) Sei no taang gual niing hai tawi pih, tu aa nuh pam a paai ee.
2. 
(a) Taang gual in len na dang sak ee, phei phung suan in, khai lang ee.
(b) Kawi ka awih na, von ka awih na’n, sak luang lo bang tuul ing ee..ci-in, La phuak hi. 

Pu Pau Dongh pen a khua pih te pawlkhat in, a taisan ban ah a omna Bukpi ah azi ata te damlo khoi-in om hi. Khua hun sia lua a hih manin, Vokpi naleng nattun ci hi.

Hih bang hun sungin, Muallum(or) Khuamial a teng lai Pu Eng Ngulh (Gualnam) in, Bukpi lo-in kho aa, Zotaang ciingin, a taang hoih mahmah hi. A tang hong min ciangin, Muallum (or) Mualnuam khua tung aa teng, Pu Phut Ngak te pata in, Suangpiau antah ding in taang hui khat sih sak hi. Pu Eng Ngulh te-in thei aa, leengna paisak in, thawmvau hi. Mualnuam khua tung a te zong lungnuam lo-in, Pu Phut Ngak te Innkuan tungah lungnuam lo uh hi. Pu Phut Ngak te zong lungmang in Bukpi aa, Pu Pau Dongh kiang ah, thu dongin, huhna ngen hi. Pu Pau Dongh thatang hat, tangpil, thu theikhat ahih man in, “Ken' hong hung zo ning,” a cih ciangin, Pu Phut Ngak te Innkuan Bukpi ah Pu Pau Dongh te bel suk in, teng khawm hi.


C. Pu Lam Awn in Muallum (or) Mualnuam khuatung a satna
Mikang te-in, Khamtung gam hong simtoh tak ciangin, Mikang galte lau in ki-om hi. Mikang te-in, Muizawl simlo ding, Pu Mang Ngin in, Mikang gal lemh hi, cih thu a kitheih ciangin, mun tuamtuam pan Muizawl khua kibel tek hi. Hih hun sungin, Muizawl khua ah, Inn (600) vaal bang pha ki ci hi.

Lo khawh nading leitangh hoih kicing lo ahih manin, Thaangkaai gam Zung khua pan Pu Lam Awn (Naulak), Takmual khua pan Pu Dong Thual (Buansing), Phunom khua pan Pu En Lam (Naulak) leh Pu Tuang Ngulh (Hatlangh) te in, Muizawl khua pan Muallum gam khuallo, in kho hi.
1. Pu Lam Awn(Naulak) in, Valukkeen lui leh Khuangal lui kituahna paisuk veilam Botung zangtam teng, (Damveeng)
2. Pu Dongh Thual (Buansing) in, Thanzang tuikhuk, 
3. Pu En Lam (Naulak) in, Pu Song Zel mual, 
4. Pu Tuang Ngulh( Hatlangh) in, khua gal Pu Za Tual lotam cih bangin, kho tek uh hi.

Muizawl khua pen mun tuamtuam pan minam tampi kigawm khawm ahih man in, thu tuamtuam tawh hong buai ahih man aa, Muizawl pan Muallum gam khuallo nei teng in, a maulo munciat ah hongtaam suak uh hi. Gam khing pian asak hun uh JC.1892 kum ciangin, Pu Lam Awn Lobuk kiim leh paam teng bel in, na kigawmkhawm uh aa, TUAL na phut uh hi. Pu Lam Awn in, Tualphui na sam aa, Pu Dongh Thual in, Tualbawm na pua hi.
Tualbawlna, Tualphui sam na ah -
- Lam Awn khuasat ka khua nasiam in, 
- Dong Thual khuasat ka khua nasiam in,
- En Lam khuasat ka khua nasiam in, 
- Tuang Ngulh khuasat ka khua nasiam in, na ci uh hi.

Hih hun sungin, Pu Thang Zel leh Pu Dongh Kai te kihel nailo hi. Banghang hiam cih leh Pu Lam Awn te pai-in, na zui pahlo uh ahih man ahi hi. A hi zongin, tua kum mah in tung aa, Kongpi ah, zinkhak na leh Khua khung Tuinak bul ah Pu Dongh Kai in Phuisam hi. Kongpi lui pen (Thanlui) kici aa, Khua khung Botung zangtam a Tui pen (Tuitam) ci-in, khua tui neek hi pah hi. Zingsang khua khung pan ni suak aa, nai 9:00 teh khua leh Lentual taang pan hi.

Gal leh sa lau natawh Muizawl kitung hi aa, Tualbawl, Khuasat te'n zong, ten suak taktak nading in, ngaihsun lo ahih na leh Gal thu hang aa, atun pakna, khawl pak na ahih nate, a nuai aa bangin, la naphuak uh hi. Pu Kip Vungh La-
1. 
(a) Al bang dah leng, zai cin awi leng, phung tawh ho, lung kum maw'ng ee.
(b) Phung in nial lo, sung dip loh tawh, do in phil taang bang theh ee.
2. 
(a) Nga bang len na, vah khuai bang tut aa khawl na, sum tual sim sing ngil la’ng ee.
(b) Kawi tawh lau kha, ka hual na gam vang la e, gual aw ee, a lawm nam aw..

Pu leh pate in a nusiat uh Thangkai gam Zung khua, Phunom khuate mah ngai ngaungau in, nopna dahna ah aphawk det na uh leh, neih leh lamh te ki cingin, gawh leh lup ki cing aa, aneih nate uh hi bangin, la aphuak uh hi. Pu Suang Lam in, Pu Son Zel Ton a phuah la-
(a) Pu pa gam zaang tuang nua ih siat, sawn aw lau kha sia lo aw..
(b) Siing kawm kaal ah, sawm sial ih ngawh, ih ngawh ngo bang hong lang ee.
Muallum (or) Komeal(Khuamial) pan, Hausa Pu Vum Pau leh Mualnuam pan Hausa Pu Pau Za Lian te in peemta, khua peem in nei uh aa, sep leh bawl ah hamphat uh hi.

Pu Pau Za Lian Mualnuam ut nawnlo aa, Tuithang khua a pai ciangin a nung ah Pu Thawng Lian tung leuleu hi. Muallum (or) Khuamial pan Pu Vum Pau nung ah Khoi Tun in Upa sem hi. Pu Khoi Tun in Muallum(or) Mualnuam khua tung tawh Uk khawm hi. Gam khat sung, Ukna khat sungah om ahih man un, thu leh la vai hawm khoploh pha mawh hi. 

Gamkhat Ukna khat, khua khat sungah om ahih hangin, tenna kibanglo ahih man leh Muallum(or) Mualnuam khua tung ah, khua mite Inn tamzaw ahih man in, Bukpi aa teng Pu Pau Dongh te unau leh Pu Phut Ngak te na kituahto uh aa, tenna mun khat ah na kigawm uh hi.

JC. 1880 kum pawl in, Mualbem pan Heilei, Sa-ek, Haimual cih bangin hong kisuansuan pawlkhat te-in, JC.1899 kum ciangin Muallum gamsung Saibual khua hongsat in, hongteng uh hi. Saibual khua a teng te a nuai aa bang ahi hi.
(1) Pu Ngen Pum Samte
(2) Pu Son Thuam Samte Unau
(3) Pu Vum Thual Samte 
(4) Pu Awn Thawng Samte
(5) Pu Thawng Dam Samte Unau
(6) Pu Khai Vungh Samte 
(7) Pu Be Sul Thanlun
(8) Pu Tun Hang Hatzaw
A beisa hun aa te mah bangin, gamkhat sung Ukna khat sung a teng khawm aa, Muallum (or) Mualnuam khua tung ah Bukpipan Pu Pau Dongh hongtun toh ciangin Mualnuampan Ukpi Pu Thawng Lian in , A maakpa Pu Pau Dongh Upa ding in na koih hi.

Saibual aa te-in, Upate maivil zo ahih man in Upate in, itdiak hi. 1901 kum ciang Muallum (or) Mualnuam khuatung aa te tawh hong kigawm in, hong tengkhawm uh hi.

Muallum(or)Mualnuam khuatung ah, mun tuamtuam pan a kigawm khawm ahih man in, khuasung thu leh la cidamlo hi. Mualnuam khua Hausa Pu Thawng Lian in, Pu Pau Dongh te Unau, Pu Awn Cin, Pu Kam Suan te thatang hat tangpil sa-in, muang mahmah hi. Mun tuamtuam pan a kigawm ahih man in, minam khat leh minam khat kiliim etna hongom hi. Tua a hih manin, pawl khatte khua lui, khua lam ciahkik dingin hongsawm hi.

Muallum(or)Mualnuam khua tungah muh theih loh huihlak nasepna Dawimangpa dawi-aii, aiibuk tawi pawlkhat om in, tua lote-in zong a mau kihut khom nading tek thei hi leh kilawm hi. Hih bang hangin khuasung kilungnop mawh na om hi. A sawtsawt ciangin, kilung kim zo nawnlo in, zuu neek sul, anneek sul in, buaina tampi piang hi. Tua sungteng thau ki kham hi. 

Hih bang buai na, a ven nading in Hausa Pu Pau Dongh in thu khun hongbawl hi. Khuasung tuisung ah muhtheih loh huihlak nasep na Bum leh Aii zangh aa, mi nawng kaisak, natna piang sak, kua mah omthei loding, asem a zangh ih om leh Ui tawl at in, ki at ding ci-in khuazang kiciamna bawl hi. Hih thu kham pen tu dongin a ki zahtak mahmah thu khaam ahi hi.

Khualam ciahkik ding, khua lalding peuhmah in, Inn leh lo keng thei loding, zuak thei loding, vokgawl daigawl susia theilo ding ci-in, thu khun bawl uh hi. Hih bang thu khun akibawl hangin, hehsuak thang paihna lungsim natna lian ahih man in, Inn hawm nusia in, alal veve om hi.

Pu Lam Ngin, Pu Son Khai te tangpil, thahat ahih man in, a mau nai huai zawdiak teng tawh khua lam ciah kik ding a sawm uh hi. A mau ciah khit ciangin, a teng lai tengin, Ukpite tung ah, kum khat in Siah nihvei a puak hi. Khua lam ciah kik ding u leh nau pawl khat zong, zekai-aa, Khuapi Guah in lap ahih man in, ciah nawn lo-in, khuapih te mah bangin kum khatin Siah nih vei puak kha hi. Hih thu hangin Ukpi te in, Muallum mite hong phawk, hongit pha diak hi. 

Pu Lam Ngin te Pu Son Khai te in, khua leh tui khualna aneih loh man in U leh nau in zong, haksatna khua leh tui mah tawh a kibangin ki thuak khawm hi. Pu Lam Ngin in, a Innhawm nusia in khua lalsan hi. Saibual pan in Pu Be Sul te Muallum(or) Mualnuam khua tung ah hong kituah ciangin, Pu Lam Ngin Innhawm sung ah lut hi. Pu Ngen Pum zong Saibual pan Muallum(or) Mualnuam khua tung ah hong tun ciangin Pu Thang Zel Innhawm ah hong lut leuleu hi. Tua ahih man in Pu Be Sul lungnuamlo-in, hih bangin la na phuak hi. Pu Beh Sul in Saibual ah a tupa Sul Khaw Thang vui hi.
(a) Siing ta sau sak haai bang ka ngak, tui bang a siang ta nam aw.
(b) Ka sawn pham sa lau kha aw ee, mun in na muang ta nam aw.
Pu Dongh Kai pen khuasat kumpan kipan in Kongpilui ah, zin khakna, Tuitam ah tuinak biakna, khua taw ah Gamsa ngetna hih mun(3) teng ah phuisam siampi hi aa, a mah zongh khua lam ciah kik ahih man in, Innhawm a luah Pu Be Sul in, tua mun thumteng ah Pu Dong Kai nasep teng sem in, phuisam na nei hi.

Khua sung damlo-in natna-satna, sihna manna tam aa, Pu Be Sul in hih bang in la a phuak hi.
(a) Nuai zin siah bang ka lut lut na, lam neu ngel cing ka sa ee.
(b) Zin leng pawh lung tai mawh sa’ng ee ngaih teng kul sin tangta ee. 

Khua sung buaina, te leptuah na in, innlamh, Biloo puak khuasung Ciantung, Cianlai, Ciannuai ci-in, khen (3) in kikhen hi. Ciannuai te in, inn a lamh leh Ciannuai veng teng in Zu bungbeel a teleet tawh huh in a mau Cian a teng taak(khaih) hi. A dang Cian te a, a peeng phut sa in puak aa, a do na ci uh hi. Inn lamh Ciante in Cian dang te vaak uh aa, zan thapai-in, lasa gualnuam in zanhak thei uh hi. Hi bangin nasep khopna gualnopna a om man in, minam kideidan na hong bei hi.

Khua leh tui ki khangtoto aa, ten na zong, a mun in hong pia nawnlo-in, a vengveng, a khawlkhawl in ki teng hi.
1. Khuapi veng - 
(1) Pu Eng Za Kap
(2) Pu Suan Za Kam
(3) Pu Thual Khan Thang
(4) Pu Zuan Za Nang
(5) Pu Tuan Khan Nang
(6) Pu Khual Za Ngo
(7) Pu Neng Za Thang
(8) Pu Kham Za Nang
(9) Pu Zel Za Ngin 
(10) Pu Khum Lam Ngin
(11) Pu Cin Thang
(12) Pu Lian Za Nang
(13) Pu Cin Khaw Dongh
(14) Pu Nang Khan Thang
(15) Pu Neng Khai
(16) Pu Thual Dam

2. Dam veng- 
(1) Pu Luan Kam
(2) Pu Hong Khai
(3) Pu Awn Lut

3. Tuitam veng - 
(1) Pu Kai Neng
(2) Pu Son Lian
(3) Pu Cin Thang
(4) Pu Thang Khaw Ngin
(5) Pu Neng Khaw Kam
(6) Pu Hau Cin

4. Thanzang veng- 
(1) Pu Ngen Za Khen
(2) Pu Awn Khaw Zam (tom)
(3) Pu Thang Khaw Khai
(4) Pu Kim Khaw Hau
(5) Pu Awn Khat
(6) Pu Awn Khai
(7) Pu Awn Mang
(8) Pu Tun Khual
(9) Pu Kip Dam
(10) Pu Cin Kham
(11) Pu Thual Za Nang
(12) Pu Lam En
(13) Pu Kai Vial
(14) Pu Ling Neng
(15) Pu Luan Kam
(16) Pu Kim Zam
(17) Pu Huat Thang

5. Kennuai veng- 
(1) Pu Thang Cin
(2) Pu Tun Khai
(3) Pu Ngen Za Sian
(4) Pu Khai Do
(5) Pu Khup Kian
(6) Pu Suan Thang
(7) Pu Lian Do Thang
(8) Pu Suan Khaw Hau
6. Tanglei veng- (1) Pu Kham Zen
(2) Pu Suan Za Nang
(3) Pu Dongh Za Thang
(4) Pu Ngin Kham
(5) Pu Son Khaw Cin
(6) Pu Ling Za Thang
(7) Pu Thawng Khaw Hau
(8) Pi Vung Hial
(9) Pu Suan Khaw Ngin
(10) Pu AwnKhawZam (sau)
(11) Pu Tun Khai
(12) Pu Tun Khaw Hau
(13) Pu Suak Nang
(14) Pu Kai Vial
(15) Pu Ngin Thawng
(16) Pu Neng Khaw Hau
(17) Pi Niang Ngaih Don
(18) Pu Cin Sian
(19) Pu Thang Za Kap
(20) Pu Thual Khaw Hau

Mun khat bek ah, ten nading amun hoih hong om nawnlo-in, mun hoihna-ah, a khawlkhawl in kiteng hi. Zu siim sa siim na, nopna, dahna, zinlak miallak ah, kikawm na hamsa hi. Patau, Phamawh, ngal leh sa khat a tuak a om zongin, omna ki khatlo ahih man in kihuh kiliah nading hamsa hi.

Khua minkip kinei lo ahih man in, khuamin ding tawh zong ki buai hi. Pu Za Tual, Pu Vum Pau, Pu Lam Awn te-in Muallum in khua nasat aa, nopna dahna ah, Muallum aa mi ci-in, min nalo ahi zongin, khua minkip kineilo-in, Mualnuam khua tung hong kici hi. Kumpi Zum te ah zong, Mualnuam khua tung hong kicih sak hi.

Hih bang kawmkal ah, Khualui Saibual pan hongtung pawl khatin, Khua min dingin Saipibual ci ding, cih kam hongteh khia uh hi. Hih thu pen a dangte in ki thukim pih zolo-in, Muallum ding mah in ki thukim tek zaw hi.

No.5 Circle JC.1954-1960 hun sung Mualnuam khua Hausa Pu Vaan Nuai Kam khutnuai ah, Mualnuam kuam a dingin, Pu Ngin Thawng Circle Member hong sem hi. JC.1960 kum ciangin Khua khat ah,Inn (20) a pha peuhmah Hausa tuam kiteel thei, cih thu om hi, cih thu Tediim aa Innlam Pu Neng Khai in, hong thei aa, a om pih Pu Dam Ngin tawh tamsuak in khua a om Hausa Upate vaikhak in khua aa te a tun uh ciangin, Zum ah nasiau pah uh hi.
Tediim Zum a lut teng-
(1) Pu Khum Lam Ngin -Khua a ding Upa muan
(2) Pu Luan Kam -Khua a ding Upa muan
(3) Pu Zuan Za Nang -Village Council
(4) Pu Suan Thang -Khua a ding Upa muan
(5) Pu Kim Kam -Khua a ding Upa muan
(6) Pu Neng Khai -Khua a ding Upa muan
(7) Pu Dam Ngin -Khua a ding Upa muan
(8) Pu Ngin Thawng -Circle Member
Tediim Vuandok Zumpan in (18-5-1960) kum Zum Lai nambat No. 453/139 Tediim(1960) tawh khua min Muallum kiptak leh Hausa tuam teel theih na thu ziingsang Nai(10:00) lian in ngah uh hi. Hih ni pen Muallum mite in, Muallum ni kici hi.

A mau teng zong lungdam tak in, hongciah uh aa, Muallum khua pan 3-6-1960 ni-in, tua laitak Circle Member a sem Pu Ngin Thawng te Inn ah, Hausa kiteel pah aa, Pu Khum Lam Ngin in Mee (81) tawh 1960 pan 1966 dong Hausa hong sem hi. 

Pu Khum Lam Ngin in Hausa asep hunsungin No.9 na Circle ah Muallum, Mualnuam, Sialtui, Gawsing, Phaiza, Thalmual, Buanli, Ngalbual leh Suangsang hi aa, khua(9) kipha hi. Circle Hausa Phaiza Pu Tun Kho Gin ahi hi.

Hi bangin ki-om aa, Zumlai khempeuh Mualnuam khua tung min pan Muallum min in, 1967 February kha ciangin kilaih siang zo pan hi.

1966 kum Tawlanzi-in nuntakna sepna bawlna zui-in, mi-en ahih mah bangin, Keizang khawk tawh honggawm in khawk khat in Muallum Ohsuh hongpia hi.
1969 kum ciangin, Keizang khawk tawh hongkhen aa tu ni dong ciang Muallum(tkyfpk) Ohsuh in ki-om suak hi.


Khua thak ah kituah na
Muallum khua minkip ngahkhit ciangin Veng tuamtuam mun tuamtuam ah ten na pan, 1967 kum ciangin Hausa Upate ngaihsut siamna tawh khua khat phiaal khat aa teen theih nading hong ngaihsun uh aa, Taangpi thukikupna-ah, hong pulaak uh hi. Taangpi-in, hoih kisa ahih man in, mun enpah uh hi. Thu kikup na nih vei na ciang, thu nawng kai omlo hi.

Thu kikupna ciang bek hilo-in, kilawp tek ahih man in, Tuilam kizong pah hi. Innmun lampi ding zong, a paisuk, a paito, a paiphei ding ki-en pah hi. Inn munkhat laam(20 x 30) in kiteh hi. Innmun in, tam honghal lua ahih man in, (15 x 20) in kikhiam suk kik hi. 

Kim leh pam pan hazat na hangin, maikhakna leh lung kiat nading thu kigen hi. A hi zongin kim leh pam pan aa thu te kizak mawh bawl in, Kumpi U lian te’n lah hongthu kimpih luazen ahih man in, a lungkia khat leh nih a om hangin, khua tuah nading siauh kawmkawm leh pai kawmkawm ki thuah hi. 

Khua leh tuite abanban in kipaipai aa, kim leh pam thu tuamtuam hangin Kumpi pan in, Mangmu (tdrfcGefawmf ) peek -2 /- kim lai, peek - 9 /- kum (2) sung hong kila hi. Tua nangawn khuazang lawhlo-in, khuathak tung masa teng leh Hausa Upa teng bek kidong hi. Khua lui pan khua thak apai sawm a khentat pawl khat in zong huh hi. Thu tuamtuam te thu in kiseh lo aa, Kumpi Ulian te ngaihsut piak na bangin kizui-in, 1967 kum pan 1974 kum hun sung khua zang in kituah siang zo hi.

Khua thak ah ki tuah na hangin ( tdrfcGefawmf ) a pia teng, Sumpiak na Sazian 18-8-1970 kum aa ki tei khia.

Hausa Upa Sungpan-
No. Min Panmun 
(1) Pu Ngin Thawng (Naulak) OuúX Khualui ah om lai
(2) Pu Zel Za Ngin (Naulak) twGif;a&;rSL; Khuathak
(3) Pu Suak Nang (Buansing) tzGJU0if Khuathak
(4) Pu Suan Thang (Samte) tzGJU0if Khuathak
(5) Pu Khoi Sian Thang (Samte) awmifol OuúX Khualui ah om lai
(6) Pu Neng Khai (Buansing) awmifol twGif;a&;rSL; Khualui ah om lai


Khua thak a tung masa teng
(1) Pu Kim Kam (Samte)
(2) Pu Suan Za Kam (Buansing)
(3) Pu Lian Do Thang (Samte)
(4) Pu Khual Hen Thang (Samte)
(5) Pu Kim Khua Hau (Naulak)
(6) Pu Thawng Zam (Samte)
(7) Pu Thual Za Nang (Samte)
(8) Pu Go Gin (Buansing)
(9) Pu Khai Do Thang (Suante)
(10) Pu Thual Khaw Hau (Samte)
(11) Pu Khum Lam Ngin (Naulak)
(12) Pu Cin Kham (Samte)
(13) Pu Khai Khaw Hau (Buansing)
(14) Pu Dam Ngin (Buansing)
(15) Pu Tun Za Cin (Buansing)
(16) Pu Zel Khan Thang (Naulak)
(17) Pu Thual Khan Thang (Samte)
(18) Pu Suan Za Nang (Samte)
(19) Pu Sian Khaw Hau (Guite)

Khua lui aa om, Mangmu Sum pia te
(1) Pu Kim Zam (Naulak)
(2) Pu Luan Kam (Naulak)


Muallum khua kisat pan tu ni dinmun
1. Muallum-1860 
Pu Za Tual in, Tediim khua pan, a sat hi aa, Falam Ukpi Con Bik tungah, a lei gam hi. Pu Za Tual leh khua mite damloh na hangin Pu Za Tual leh khua pih teng khua lui, Tediim ah ciah kik aa, Muallum khua hong bei suak hi.


2. Muallum (or) Khuamial-1890 
Pu Vum Pau, Pu Pau Dongh te-in, Kapteel, Hiang-awn pan a sat hi aa, Muallum gam sung Bukpi leh Thalmual ah, a ki khen uh ciangin damdam in, a bei suak hi.


3. Muallum gam Bukpi khua-1894 
Pu Pau Dongh Muallum (or) Khuamial pan in, a tun na hi aa, Muizawl pan Pu Lam Awn te’n, Khua hongphuh ciangin, Pu Pau Dong zong khua lutang khat ahih na tawh, a Inn tamzawk na Mualnuam khua tungah hong kisuan toh ciangin, Bukpi khua a bei suak hi.


4. Muallum (or) Mualnuam khua tung- 1892
Pu Lam Awn, Pu Dong Thual, Pu En Lam leh Pu Tuang Ngulh te-in, Muizawl pan in khua lo in kho aa, Muizawl khua ah thu tuamtuam a om ciangin, Muallum gam, a lobuk tek ah, taam in na khawlsuak uh hi. Muizawl pan aa lobuk bel aa, a om teng, Pu Lam Awn lobuk kim teng ah, hong kigawm aa, tua mun pen Muallum (or) Mualnuam khua tung kici hi. A mau teng in zong TUAL nabawl, Tuina khuat, Tualphui na sam uh aa, khua biak, na zangh uh hi.

Muallum (or) Khuamial Hausa Pu Vum Pau, Pu Pau Dongh te tawh mun khat ah teng khawmlo ahih man in, a mau leh a mau in, Khuabiak, Tual bawl, tui khuat nasem ciat uh hi.
Pu Pau Dongh Muallum(or)Khuamial pan Vum Pau Khut nuai ah Upa sem hi. Bukpi ah, a ki tuah na pan zong Upa hongsem suak hi. Tua ahih man in Bukpi pan in Muallum (or) Mualnuam khua tung aa tengte, Inn tam zaw, pawlcing zaw ahih man in Khua mite a tam zawkna mun Muallum (or) Mualnuam khua tung ah, hong kisuan to ahi hi. 

Muallum(or)Mualnuam khua tung ah khuasat pan kipan in, a beisa aa khuasat te mahbangin, hamsatna tuamtuam om hi. Khua leh tui nusia aa, Khualui zuan zong om in, Khua mang ding bang phial in, hong om aa, tua kawm kal leh 1909 kum in, Laipian Pasian thu hongtung aa, Muallum khua in, Pasian Thupha tawh tuni ciang dong a kip a kho ahi hi.


5. Saibual khua-1899
Pu Ngen Pum te Unau, Pu Awn Thawng te Unau leh Pu Be Sul, Pu Tun Hang te in Sa-ek, Haimual lam pan Muallum hongtun na hi aa, Saibual ah, tawlkhat sung hong teng hi. Muallum (or) Mualnuam khua tung Hausate ukna sungah om hi. A sawtlo-in, Muallum (or) Mualnuam khua tungah hong kigawm aa, Saibual khua a bei suak hi. 

Tua ahih man in, Muallum khua pen Khanglui Pu leh Pa te’n Paunak sungah, “Singvang' in Guapha aa, Guavang' in Sing pha,” a cih tawh ki bangin a kikom a kihuai leiiliai khua ahi hi.


MUALLUM KHUA LEH LAI SINNA SANG
Pasian maankum 9006-7, JC.1909 kum in Pu Awn Khat, Pu Thual Dam, Pu Vungh Ngin, 
Pu Zing Khual te-in Lailui khua ah Pasian thu a lak lai-in, Laipianpa tung ah Pasian piak Lai(Zotuallai) na sin uh hi. Khua hong tun ciang un, Meilah dee-in Zotuallai sinna nitak Sang na hoong uh hi. A mau teng mah in Sia sempah uh aa, a thei nuam khempeuh hilh uh hi.
JC.1924 kum ciangin, Tediim khua ah Kawllai hong kisin theih ciangin, Pu Kai Vial, Pu Tun Khai leh Pu Cin Khual te nakah uh hi. Zotuallai aki sin lai mah bangin, nitak Sangmah ah atam khollo pawlkhat Zotuallai tawh gawmkhawm in na kah uh hi. 

Tua hun in Ei kiang ah, Kawlpau kiza ngeilo, kizangh lo ahih man in, Kawllai ki zatna tawm aa, ki Thupi ngaihsut lo hi.

JC.1956 kum ciangin, Mikang te huhna Mikanglai leh Mikangtual lai asin te kha khat Ks.70/ ngah thei cihthu a ki theih ciangin, Pu Suan Thang leh Pu Kim Zam te in na siau pah uh aa, JC. 1956 June kha Sanghon ciangin Tuiphum biakinn ki kawm aa, Private Zolai Sang ki hoong hi. Sia Vungh Khaw Thang in Lai hong hilh sak hi.

Sang kinei zo nailo ahih man in, Sang neih nading Khua mite in ki hanciam mahmah hi. Sang kideih ciat ahih man in, inn khat thatang (18) ta bei-in kisem aa, Tangpi tha 1100 bei hi. Khutsiam te-in, a mau siamna bang tek in hongsem uh hi.

Sanginn Sing ding, Inn khat Cubic (5) ta hi aa, Cubic (310) ki ngah hi. Sang Sikkang lei nading in, Inn khat Ks.15/- ta ki dong in, Sum Ks. 930/- ki ngah hi. Pu Khai Do Makai-in huhna Kumpi nasem Galkapte tung leh Bawdwin paite tungah huhna ki ngen aa, tua te leh Khua mite hanciamna gawm in (30' x 18' x 8') Sikkang Inn khat ki lamzo hi.

JC.1966 kum ciang in Kumpite-in, Minam Sang (trsKd;om;ausmif;)Private Sang khempeuh Kumpi Sang pia aa, a sia te zong (oifwef;) kahsak in, Kumpi Sia in zangsuak uh hi. Muallum khua ah tuahun laitak in Sia sem Siapi Khai Khual leh Sia Uap Za Ngin te hong lak sak aa, JC.1966 April kha ni (4) ni-in Kumpi Sang kingah hi.
Private Sang ahih hun sung Sia sem te-
(1) Sia Vungh Kho Thang
(2) Sia Suan Thang
(3) Sia Tuan Khan Nang 
(4) Sia Khual Hen Thang 
(5) Sia Cin Do Lian 
(6) Sia Khai Khual
(7) Sia Uap Za Gin 

Kumpi Sang ngah zawh Pasian hehpihna tawh Sangnaupang hong tamta aa, Sia kicing nawnlo ahih man in Khua sungpan Khua leh tui aa ding, a deihsak, Siate in - 
(1) Sia Khai Khan Pau 
(2) Sia Khai Kam
(3) Sia Thang Khaw Kam
(4) Sia Thang Khan Kham
(5) Siamah Vial Khan Vung
(6) Sia Suak Za Go
(7) Sia Zen Khan Kap 
(8) Sia Thawng Suan Mung te ahi uh hi.

JC. 1970-72 sungin Sanginn khualui pan Khuathak ah kituah in ki behlap aa, (50' x 19' x 8' ) Varenda 6' in ki lam hi.

Kumpi Sang ngah zawh Siapi sem teng.
No. Sep Kum Min
1. 1966-68 Sia Khai Khual (Muallum)
2. 1969 Sia Ngul Khan En (Laitui)
3. 1970-71 Sia Neng Do Lian (Laitui)
4. 1972-74 Sia Khai Za Ngin (Muallum)
5. 1975-79 Sia Zam Do Pau (Tualzang)
6. 1980-82 Sia AwnKhan Cin (Thalmual)
7. 1983-87 Sia Khai Khual (Muallum)
8. 1988-90 Sia Cin Do Lian (Muallum)
9. 1991-92 Sia Khai Khual (Muallum)
10. 1993-2000 Sia Tuan Sian Mung (Muallum)
11. 2001 Sia Khai Khual (Muallum)
12. 2002 Siamah NemKhawm Ngai (Muallum)
13. 2003-04 Sia Dal Suan Mung (Tuitawh)
14. 2005- Sia Tuan Sian Mung (Muallum)

Kumpi Sang ngah zawh, Kumpi Sianeu (v^x q&m^r) sem teng
1. 1973-74 Sia Ngul Za Khual (Tuilangh)
2. 1975-79 Sia Kim Zam (Muallum)
3. 1980-81 Sia Uap Za Gin (Muallum)
4. 1982-85 Sia Kim Zam (Muallum)
5. 1986-95 Sia Uap Za Gin (Muallum)
6. 1992-93 Sia Khat Cin Pau (Muallum)
7. 1994 Siamah Khawm Ngaih Niang (Muallum)
8. 1996- tu-ni dong, Siamah Nem Khawm Ngai (Muallum)
9. 1997 Siamah Zam Deih Lun (Gawngmual)
10. 1998-99 Sia Khup Hau Mung (Tediim)
11. 1998-2001 Siamah CiinNgaihNem (Leilum)
12. 2001 Sia Pau Za Muan (Leilum)
13. 2003-06 Siamah Thla Fam (Thantalang)
14. 2004-05 Siamah Lian Khan Huai (Tediim)
15. 2005-06 Sia Thang Thut Khai (Lailui)
16. 2006- tuni dong Siamah ZamDeihVung (Pyidawtha)
17. 2007-tuni dong Siamah Vung Don Niang (Tediim)
17. 2007- tuni dong q&mr oEÅmat;


Muallum khua ah deihsakna tawh (vkyftm;ay;) Sia sem te
Sep Kum No. Min 
1967 - 1. Sia Khai Khan Pau
2. Sia Khai Kam
1968 - 3. Sia Thang Khaw Kam
1969 - 4. Sia Thang Khan Kham
1971 - 5. Siamah Vial Khan Vung
1972 - 6. Sia Zam Khan Thang
1974-75 - 7. Sia Suak Za Go
1976 - 8. Sia Zen Khan Kap
1977 9. Siamah Thawng Don Ciin
1978 10. Sia Tuan Sian Mung
1979 - 11. Siamah Vial Za Nem
1980 - 12. Siamah Cing Za Khawm
1981 - 13. Sia Eng Za Huat
1982 - 14. Siamah Ciang Do Mang
1983 - 15. Sia Thawng Suan Mung
1984 - 16. Siamah Ngul Khan Cing
1986-87 - 17. Siamah Zen Ngaih Hau
1986-1993 - 18. Sia Thawng Suan Mung
(1-12-86 axGvkyfom;tjzpf cefUtyf jcif;cH)
1990 - 19. Sia Thang Suan Gin
1993 - 20. Sia Khai Suan Mung 
1994 - 21. Sia Cin Khan Dal
22. Sia Khual Ngaih Lian
1995 - 23. Sia Tual Sian Mung
24. Sia Gin Cin Khai
25. Sia Thawng Suan Mung
1996 - 26. Sia Khual Suan Mung
27. Sia Thang Deih Langh
1997 - 28. Sia Thang Za Kai
29. Sia Thawng Suan Mung

1998-99 - 30. Sia Thang Suan Ngin Tavuan khan
31. Sia Thang Za Kai
32. Sia Khual Suan Mung 
33. Sia Thang Ngin Dal
34. Sia Thang Deih Langh
1999-2000 
35. Sia Khual Deih Lian (wm0efcH)
36. Sia Thang Ngin Dal
37. Siamah Nem Ngaih Niang
38. Sia Thang Deih Langh
2000-2001 
39. Sia Kam Khan Mang (wm0efcH)
40. Sia Khual Ngaih Lian
41. Sia Cin Khan Dal
42. Siamah Nem Ngaih Niang 
43. Sia Thang Deih Langh
2001-2002 
- 44. Sia Hau Khan Thang (wm0efcH)
45. Sia Kam Khaw Suan
46. Sia Thang Ngin Dal
47. Sia Thawng Sawm Mang
48 Sia Thang Deih Langh
49. Siamah Teel Suan Vung
50. Siamah Cing Deih Neem
2002-2003 
- 51. Sia Thawng Sawm Mang
52. Sia Gin Lian Khual
53. Siamah Cing Deih Nem
54. Siamah Luan Ngaih Ciin
55. Siamah Awi Sian Man
56. Siamah Cing Ngaih Vung

2003-2004 - 
57. Sia Pum Suan Khai (wm0efcH)
58. Sia Gin Cin Khai
59. Sia Thang Deih Cin
60. Sia Khawm Khaw Paak

2004-2005 - 
61. Sia Cin Khaw Tuan (wm0efcH) 
62. Sia Ngin Za Ling
63. Sia Thang Deih Langh
64. Sia Hau Khan Suan
65. Siamah Nei Lam Cing

2005-2006 - 66. Sia Cin Khaw Tuan
67. Sia Khual Suan Mung
68. Siamah Nei Lam Cing
69. Siamah Cing Khan Khawm

2006-2007 - 70. Sia Thang Suan Gin
71. Sia Gin Cin Khai
72. Sia Thang Ngin Dal

2007-2008 - 73. Siamah Dim Sian Nem
74. Sia Nang Suan Kham
75. Siamah Khawm Khaw Paak

2008-2009 - 76. Siamah Nei Lam Cing
77. Siamah Khawm Khaw Paak
78. Sia Kap Kai Sum

2009-2010 - 79. Siamah Nei Lam Cing
80. Siamah Dim Suan Kim
81. Sia Thawng Suan Mung


Manglai Sang ki phuan
JC. 1994-95 kum Sangnaupang te Sangkah nading ngaihsutna tawh, Manglai tan (5) leh tan(6) ki phuan hi.
(1) Sia Cin Khan Dal leh
(2) Sia Khual Ngaih Lian te-in, deihsakna tawh Sia hongsem uh hi.

Pilna deihna leh Naupang te' khantoh nading khualna kikim lo ahih man in, tawm vei ki khawlnga hi. JC.1998 kum ciangin, UNDP te huhna tawh Sanginn (100' x 21' x 10') ki lam aa, tan (5) pan tan (8) dong ki phuan kik hi.


Muallum Khua ah Pilna lam, a theih huai pawl khat
1. Zogam ah akizangh masa Pasian hong piak, Zotuallai a sin masa te -
1909 kum - (1) Pu Awn Khat
(2) Pu Thual Dam
(3) Pu Vungh Ngin
(4) Pu Zing Khual
(5) Pu Khup Khaw Tuan

Akaikhawm agelh : Hau Thang 

(Hau Thang kiang ah kangetna tung tawn in Dec.22,2014 in hong khak ahihi. Amah tung ah hih mun pan lungdam kako hi.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: MUALLUM KHUA TANG THU Description: Rating: 5 Reviewed By: Cinpu Zomi
Scroll to Top