728x90 AdSpace

Hot
Menu
Zon-ol na Donate

Latest News

Tawmging Beh Khang Laibu A Nihna



Tawmging Beh Khang Laibu A Nihna

Beh Laibu Committee 2008

Laibu bawl : Beh Laibu Bawl Committee
Laibu bawl kum : 2008
Laibu zawh kum : 2011, Nov.
Laibu bawl zah : Bu 1000
Laigual : PLMang- Sanggam
Laibu khetna (press) : Hebron Printing Press, Yangon

A Sunga Om Thute
Thu Masa 
Nihvei Bawlna Thu
Lungdampihna

Khenpi I
Piancilna pan Zogam tunna

Khenpi II
Khuasatna leh Beh Min Tuamtuam
A. Khuasatna
B. Gammin leh Minam Min Kilawhna 
C. Beh Nam Tuamtuam Hong Piankhiatna 
D. Zomi Innkuan


Khenpi III 
Tawmging beh tangthu 

A. Pupi Min leh Khanggui 
B. Tawmging Khang Ciaptehna A Tomin
C. Tawm Ging Tate' Thu  
D.U Zaw Nau Zaw Thu

Khenpi IV 
Tawmging Hausa Mangte' thu 

A. Pu Luah Mang' Tangthu 
B. Pu Hang Kam' Tangthu 
C. Pu Mang Vum' Tangthu

Khenpi V 
Tonzang Innpipa leh Tawmging Behte' Thu 
A. Pu Thual Vum leh Innpipa' thu
B. Tawmging Behte Lungkim Thei Lo 
C. Kanki pan Nampamuan khua zuatna 

Khenpi VI 
Pu leh pa pawlkhatte' tangthu 

    Khenpi VII 
La kiphuakte
A. Tawmging Beh Lapite
B. Aituam Late

Khenpi VIII 

Degree ngahte, Uliante, Madawkte leh Gualtung Tuangte (2008 ciang)
A. Pilna Lam Degree A Ngahte
B. Beh Sung Kumpi Lam Uliante
C. Beh Sung Madawkte leh A Tuamtuam 
D. Khua tuamtuam pan beh makaite (2008)

Khenpi IX 
Zomi Pu leh Pa Ngeina Pawlkhat 
A. Ngeina Tuamtuam
B. Saizang Khua Tawmging Behte' Sahawm Dan
C. Mo Pi Mo Khakna
D. Nau Min Lawhna Thu
E. Melmuh Leh Lukho

Khenpi X 
Thu tuamtuam
A. Piantit (France) Paina 
B. Meitei Gal Thu
C. Mangkang Kumpi Hong Khanna leh Japan gal 
D. Lusuang Gal Thu
E. Paltan, Palik, Sang leh Zato Kipatna

Khenpi XI 
Laibu Bawlna Sum Hong Sikte
A. Pu Ngul En & Pi Dal Zen leh A Tu A Tate' Thu 
B. John Thang Khan Mang' Tangthu Tom 
C. Go Khan Kap' Tangthu Tom

Khenpi XII 
Pu Tawm Ging' Khanggui Gualhna
A. Pu Song Hang' (Lam Hang) Khanggui Gualhna
B. Pu Nei Lai' Khanggui Gualhna 
C. Pu Gui Ziam' Khanggui Gualhna
D. Pu Sim Hang' Khanggui Gualhna 
E. Pu Mat Vung' Khanggui Gualhna
F. Pu Zom Lun' Khanggui Gualhna

Khenpi XIII 

Huhna Sum Ngahna

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
THU MASA 

1958 kumin Tedim leh Leilum a om Tawmging beh teng in kikupna na nei uh hi. Tedim Party Unit zumpi panin lai nambat 230/3/U, 23-3-1969 tawh Zomi khempeuh in i piankhiatna beh leh phung tangthu leh kizop ki nainate kaikhawm a Tedim Party Unit zumpi ah puak ciat dingin na ngen hi. Tua hun lai a i beh makai Pa Pau Za Gin leh Pa Khai Za Kham makai-in beh sung thu kikupna na bawl zel uh hi. Beh kikhop nunung pen 1971 kumin Saizang khua ah na bawl uh hi. Tua ki khopna pan committee teel in kum thum sung thu leh la na kaikhawm uh a, 1973 May 16 ni-in a khatveina Tawmging beh laibu hong bawl khia zo uh hi. 

Hih 1973 beh laibu pen tu in kum 30 val hong sawt to ta hi. Khang thak min kikhum nailo zong tampi hong om ta hi. Hih beh laibu dapphah in khangthakte in tangthu nakpi takin hong kan khia uh a, thumaan pawl khat muh beh in guan beh ding zong tampi mu uh hi. Tua hi aa 1973 beh laibu sung pan a maan lo thute puah pha in, a kisam teng behlap in, a tamluate khiam in, a sauluate a kitomlak ahi hi. Ta upa khanggui bek hi nawn lo-in ta numeite, i makte i mote a beh min tawh a kikhum, a cing zaw laibu hong kibawl ta hi. Pupi Tawm Ging ta pasal gukte sung pan u zaw nau zaw vai, hausa vai, pupi’ min Tawm Ging a dik zaw a hihna a kipan thu thak tampi zong kibehlap hi. 

Beh laibu bawlna a hangin u sung nau sung kinai zia kizop zia theih nading hi a beh dangte tawh kitelkhialhna a piang sak thei ding, gal thahna, gal matna, gal-aihna te leh tua tawh kisai la kiphuakte a hi thei zah in kong guang nawn kei uh hi. Beh sung thu piangte zong thu maan theih nading ciang bekin a tomno in kong gelh uh hi. Lo khawh singpuakna, samat sa-aihna tawh kizom gawh leh lupte kong guang uh hi. Galkap sung ulian, kumpi nasem ulian, pilna lam degree ngahte leh gual tung a tuangte hong kiguang hi. Zomite piancilna, sakhi Tawmging hong pianna leh behsung tulpigui leh tultawi thute tutung beh laibu pan kihemkhia kik hi. Mailam hun ah thumaan pen kiselcip thei lo hi, a hi mah hi i cih theih kim hun ciangin suah sak theih dingin kikem phot hi. 

Zomite i lai ui-in hong nek sak (Jew lai Sen kumpi-in hong sukmang sak) a kipan Zo tangthu pen lai tawh kiciamteh hi nawnlo a, a khang a khangin kam tawh kigen sawn a hih manin ciapteh dan, theih dan kibang lo tampi om ding hi. Hih laibu sunga thute zong zakhat ah zakhat (100%) maan sinsen ding kici thei lo hi. Pansan kician takin tu a sanga tangthu a maan zaw a thei i om leh mailam hunah puah pha toto ding hi hang. 

Khanggui hi taleh degree ngahte a kipan thu tuamtuam hong kipuak teng bek kisuaksak hi. 
Hong kipuak lo, a suakkha lo mi tampi ki om lai ding hi. Hong kipuakte zong laibu bawl hun sawtpi hia behlap ding tampi om khin ding hi. Tu a nihvei bawlna behlaibu in Kawlgam sung bek a huam zo pan ahi hi. Mailam hunah sim leh mal, leitung bup a huam behlaibupi khat i bawl zawh nading i lunggulh mah mah hi. Laibu khat bawl khiat nading haksa mahmah a, mawhna zon ding leh gensiat ding lamsang bel baih mahmah ahih manin kicinlahna khempeuh hong theisiam a, nong mai sak nadingun zahtakna lianpi tawh kong thum uh hi. 

Laibu bawl Committee 
Tawmging beh laibu 
March 2008.

NIHVEI BAWLNA THU

1973 kumin a khatveina beh laibu a bawl khia committee tungah lungdamna lianpi i ko hi. Tua laibu pen behthu phungthu a kan nuam khangthakte adingin innkiu suangpi hong suak hi. A diakdiak in laibu hong piankhiat nading thaman la lo a, siktawlai tawh a khenkhia ngiat Pa Vum Khua Thang tungah a tuam vilvel in lungdamna i pulaak hi. 

Hih a nihveina Tawmging behlaibu hong piankhiat nading a leikha (a phuangkhia) ahi Rev.Nang Khan Pau tungah i lungdam hi. Khua tuamtuam a zin suk a zin tohna panin beh leh phung, tu leh tate a theihhuai pipi a theihloh manin a kisuan hun om zel hi. Tua bang a om lohna dingin Tawmging beh omna khuate ah pai kawikawi in a kisam thute kum thum sung bang a kaikhawm hi. A thu kaihkhopte Tedim leh mun danga beh papi pawlkhat a lah ciangin a nihveina behlaibu bawl kik ding thukimpih uh hi. Tua ciangin Tedim khua beh laibu bawl committee a nuai-a bangin na kiseh uh hi. 

1. Pa Nang Khan Pau Chairman
2. Pa Cin Khen Kham Secretary 
3. Pa Thual Kho Pau Treasurer 
4. Pa Khup Khan Thang Member 
5. Pa Gin Sian Thang Member 
6. Pa Gin Khan Do Member 
7. Pa Gin Sian Pau Member 
8. Pa Thang Gin Lian Member 
9. Pa Do Za Cin  (Kawlpi) Contact Person 
10. Pa Dai Lian Pau  (Tonzang) Contact Person


KawlpiPa Dam Khan Pau zong galkap sungah a hun tampi bei-in behthu phungthu thei kisa lo ahih manin 1982 kuma kipan Tawmging beh sung leh beh dangdang thutheite kiangah beh thukan hong kipan hi. Pa Tuang Do Thang leh Pa Thawng Khua Zam tawh hong kithuah in tangthu hong kan uh ciangin tampi hong mukhia uh hi. Tua a muh uh thute Kawlpi leh Tahan-Munlai ah lakkhia uh a, kithukimpih ciat hi. Kham leh zaang kigawm in beh buppi huam laibu neih zawh nading lunggulhna tawh Kawlpi ah nihvei vilvel beh sung phung sung tangthute kikupna om hi. 

 (A) TAWMGING BEH BUPPI LAIBU BAWL COMMITTEE, 
MEETING A KHATVEINA 

A mun : Siapipa Kung Za Mung' inn (Ciimnuai Bawda, Kalaymyo)
A ni : 18 - 10 - 2007
A hun :   8 : 00 A.M - 4 : 00 P.M

Meeting kah teng:



Thu kikupna ah a nuai thu teng kikhensat hi. (thukhensatte tomlakna)

(1) Beh min gelhna ah Tawmging bek zang ding.
(2) Tawmging khuasatna teng gelh ding.
(3) Degree ngahte gelhna-ah Pasian' thu lam leh leitung pilna lam ci-in khen ding.
(4) Beh laibu pen committee min bek tawh bawl ding.
(5) Tawmging beh tangthu Pa Dam Khan Pau' kanna pen a thu a la pansan kip tawh om a, a maan zaw muhbehna om tuan lo ahih manin ama hong suutna bangin kikipsak hi.
(6) Laibu bawl Committee kiteelin tua committe in khek ding, beh lap ding leh laibu bawl zah ding cihte hong sep dingin ki-ap hi.

Beh Laibu bawlding Committee:
     (1) Pa Dam Khan Pau President
     (2)Sia Nang Khan Pau Secretary
     (3)Sia Kung Za Mung Treasurer
     (4) Sia Nang Suan Hau Member
     (5) Sia Tuang Do Kham Member
     (6) Pa Do Za Cin Member
     (7)Pa Dai Lian Pau   Member

(7) Doctor degree ngahte a tuamin lahna neih ding hoih kisa hi.

Nitak nai 4 in Sia Nang Suan Hau thungetna tawh kikupna kikhawl hi. 

Thu ciamteh-
Pa En Za Dal, Tahan.

Tawmging Beh Khang Laibu A Nihna Laimai 400 pha hi. Anuai ah akim in kisim thei hi.

Source : Tawmging Beh Laibu, scribd.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

3 comments:

  1. Laibu Avek in ki post ahiam apat na bek ki en thei adang teng e le

    ReplyDelete
  2. Laibu Avek in ki post ahiam apat na bek ki en thei adang teng e le

    ReplyDelete
  3. Laibu Avek in ki post ahiam apat na bek ki en thei adang teng e le

    ReplyDelete

Item Reviewed: Tawmging Beh Khang Laibu A Nihna Description: Rating: 5 Reviewed By: Cinpu Zomi
Scroll to Top