728x90 AdSpace

Hot
Menu
Zon-ol na Donate

Latest News

Zomi Guitarist Muang Muang@Mg Muang taangthu.

Muang Muang@Mg Muang

A min : Cin Sian Muang, Muang Muang@Mg Muang.

Pianna Nu leh Pa :  Pa, Vungh Do Thang (Gualnam) leh Nu Luan Khan Dim (Jasuan).

Suahni : December 4, 1979 (Tuesday) , Ngente village.

Piandan danglam : Mg Muang a suah in a sisa in suak aa kapvet lo in a khelam pan suak hi. Apu pen male nurse ahih man in thungetna tawh pang kawm sa in sawtvei pi sung a nu lai atsatlo in lumletlet aa Pasian thupha piakna tawh Pa Vung Do thang leh Nu Luan Khan Dim te tapa upa pen ding in nuntakna ngah kik aa leitung khuavak mukhia hi.
Pianna Khua : Ngente khua ( Mizoram gamgi, Tedim khawk).

Pianpih sanggamte: Unau numei 5 leh pasal 3 Mg Muang tawh pasal 4.

Zi le tate : a zi min- Kip Nei Cin@ Kikip (Fanai), Caleb Thang It Lian Sang@Sangsang, Vasty Dim Sian Zo, Lily Than Nei Mawi te ahi uh hi.
A Innkuan pih teng.
Pilsinna : 1995-96 school year in Upper Myanmar Adventist Seminary pan in 10th standard zo hi. 2002 ciang Aizawl ah Public open school pan in Mizoram board 12th standard zo hi. Hamsatna tuamtuam tawh sang zomlo in sawtpi khawl leu leu aa 2006 ciang in Spicer Memorial College, Pune, India  ah sang kah kik ding in pai aa 2010 in B Mus. degree ong ngah hi. 2013 ciang in Andrews University  off campus Spicer pan in MA Education (Administration)  degree ngah leuleu hi.

La phuah : Zola dong 30 val phuak khin in Ala phuakte in Dahna khitui, Topa muangin, Tunnu’ zaila etc.., instrumental original 5 bang phuak khin hi.

Topa Muang in.
Phuak : Muang Muang
Lasa : Nuamboih
Ala phuah leh a Guitar tum lakpan khat hi.

Music tawh nasep khitna mun te :
1. Recording studio a tumngei na munte: 
MMC (Tahan), December (Yangon), Peace Maker (Yangon), Metal Zone (Yangon), Otto Studio (Aizawl), EsEs studio (Aizawl), Monalisa Studio ( Aizawl), Zaiawi Studio (Aizawl), Grey Spark studio  (Pune), Sound Idea (Pune) etc.

2. La album tumngei te: 
Namgim tui Vol.1 & 2; Zeisu in lampi hi. ( Zogam Bawi Niang); Lametna Awging (Muang Muang & Hester Kim); K. Chhama  (Mizo), Sanglura (Mizo) cih album te music arrangement leh guitar tum sak hi. Tua ban ah Assamist te album 3 bang zong Pune pan in tumsak khin hi. Tulai tak in a band Cross+roads  English love song album a buai pih lai tak hi. USA pan in release sawm in mixing leh Master pen USA pan in bawl ding in khakkhin uh hi.

3. 2006 kum in Pune city, Maharashtra state, India ah Inter colleges music bands competition ah best guitarist ngah ngei hi. Tua kummah in International music exam Trinity Guildhall, London pan in Classical guitar tawh grade 6 exam zo in, 2007 ciang in grade 8 exam zo leuleu hi. 2008 ciang in grade 6 voice exam nei kik aa Pune khuasung pa’n voice exam ah 1st prize ngah hi.

4. 2010 pan in music private sang khat kipan in tu in ama band Cross+roads  blues band  tawh nasem in, Croass+roads Music Academy  cih music sang partner  hi. Cross+roads band pen zomi musicians 2 kihel aa Mg Muang leh Mangpu Buansing te hi uh hi. Pune khua sung Hard Rock café ah zong tamvei pi tumkhin uh aa, Blue Frog cih munthupi Mumbai leh Pune ah tumkhin hi. Pune khua sung ah aminthang pen music tumna munte tumngeiloh na nei nawnlo hi. Shisha Jazz café cih te international band te tum na ah zong kha sim (Monthly) phial in tum den uhhi. Vitamin M cih rock band ah zong lead guitarist in om hi.
Amau band.

Nasep : Tulai tak in Spicer  Higher Secondary school ah music teacher in om hi. Spicer Adventist University ah Myanmar Seminar sponsor in om aa ahih theih zah in kawlgam sang naupang, Zomi khangno te makaih in Pasian na sem hi.

Music sinna siate : Kosai (Yangon), Siyan (Mentor), Mrs. Lalkaka, muh leh zakna tuamtuam pan ahih zawhzah in hanciam in asin khat ahihi.

Music kivakna/ heitai na lam: Blues, Classic rock, and  jazz and classical.

Thu bulphuh : 
“Nasep khat peuhpeuh  nahih thei zahtawp in sem in tua hi leh na-kia aa na gualzo ahi zong in lungkimna na ngah ding hi”

Bible Text deih deuhte :
-  “Kei hong thahat sak Khazih hang in nakhempeuh ka hih thei hi.” Philipians 4:13
 “Pasian gam leh ama dikna zong masa in, na zon uh leh tua na khempeuh ong piak thuah ding hi.” Matt. 6 :33

Zomi musician te lak pan credit piak pawlkhat ama muhna : 
“Zomi sung pan National level aa madawk deuh musicians te: Siapi Zalian, Bo Cin (Cin Khan Pum (former bassist of Emperor), Siyan (U Tual ), U Jimpi (Lazy), U Zen Lian, leh Go Hau (Lengtong) cihte pen music lam aa masuan nei masa te hi uh aa tuni ciangdong music mah tawh annek zong profession a neite ahih man un zahtak mahmah ingh.  Music tawh annek zawn pen baihdek lo in nasep dang zonglo aa music itngiat aa anuntakna uh music aa ding azang ngiatte ahih man un thupi sa ingh.”


“ Kei khanpih sung pan in enleng , lawm Khuppu@Kyawkhine, Deihpi, Etuang cih bang bek omphial ungh, ka phawkkhakloh a om ahi phial zong, sorry Pan Thang ( Bassist) leh Lamhmung cih te music tawh kivak te hi ungh. Hih kong gen mite pen nikhat ni ciang in Zomite music patrons te hilo kici theilo ding hi. Khangthak te’n hanciam le uh ko level sang asang zaw pekpek in lengzo ding uh hi. Technology age ah om uh ahih man un azat siamvua leh world level in Zomite ki om zo ta ding hi hang.

Kamal deih deuh : “ Don’t try to run before you can walk”

Zomite aa ding gamkhan toh nang lunggulhna
Zogam ah thuman taka a nek zonna  a kimuh theih nang mimal mawhpuak hi. Pasian min tawh nasem minam te’n Pasian zahtaklo ih hih man ih gamkhangto theilo hi. Thunget kidemna ah 1st prize bang ngah zo phial ding ahih hang kumpi deihloh, khua tual- Taangpi deihloh sumbawlna pen mulkim lo ihhih man in ih gam in samsiatna ngah hi. Mawhmai sakna ngen in tuabang nasepna khawlsan in naupang te sangkah sak ni. Numei te sim mawh, zawhthawh bawl kei ni. Midang te sang Zomite mah vanlei sumzuakna ah ki deihsak, ki lei, kiniam zaw ni. Nu leh pa ahi te’n ih tate dawn in kem ciatni. 

Ih pawi bawl nate,khuado pawi bawlna, Zomi Namni bawlna te  ah Zopau mah zang leng uh cin cih zong ong ngen nuam ingh. Namdang ongpai te sang in Zomi pawisim tam zaw ih hih man ei pawi ah ei kam mah zang zaw ni.

Minam thahat ihih theih nang in ih Zomite sung ah mipil misiam tampi kisam hi. Media, Education,  Sports  cih te ah misiam tampi kisam aa National level, international level ah ih kihel zawh nang hanciam phat mahmah kul ding hi. Population zong tawm mahmah lai ihhi man manpower mahmah zong ki sam hi hang. Zomi te’n cihtakna, lungduaina, kuhkalna , picinna tampi kisam lai hang. 

Tapkual hanhan lo in apicing zaw nasepna ki sam hang. Ih gam ah ki ukna ding thukhun kiptak ih neih mahsiah sumnei zaw, a thahat zaw te sila kisuak mang ding hi. Zomi te sung ah lawyer bang zah nei aa, company nei bang zah om ih hiam? International level aa football kimawl zoding zong neinailo, music lamah ci leng picin na ding masuan sah mahmah lai hi. Tawmcik khat a tumthei pian min nei piano m leng zong zatui leh zu in ong that mang pahpah hi. Hih pen Pasian zah taklo, audience (mipi) zah taklo in ei leh ei kizahtaklo ih hih man hi. 

Thupha ngah minam kici hi hang ahizong hih pen 100% ki Amen theilo hi. Thupha ong luan theih na ding in ih lungsimpuak zia mahmah thuman kul, cihtak, migi kul hi, bang hanghiam cih leh thupha apia Pasian pen lungsim a en Pasian ahih man hi. Pasian min thansak na ding in sermon piak bekbek hilo hi, ih nuntakna in a lah kul hi. Theology sang kah tampi ih om sang in engineering sang kah doctorate kah field tuamtuam ah kisam hi hang. Hanciam peuh leng apiang theilo om lo hi. 

Hih bang aa lungsim limlang suah theihna ong pia Cinpu Zomi tung leh hih lai simkha khem peuh tung ah  Lungdam mahmah hi.

Music influence: J. S. Bach, Paganini, Wes Mongomery, B.B. King, Muddy Waters,Albert King, Chuck Berry, Eric Clapton, Jimi Hendrix, SRV, Steve Lukather, Steve Morse, Richie Blackmore, Gary Moore,Larry Carlton, Joe Satriani, Paul gilbert, Steve Vai,Andy Timons, Alex Hutching , Guthrie Govan etc.

Atum ging tum ziahziahna khat.

NOWON Music Solo Guitarist Muang Muang, Bass Mangpu, Drum Anant Joshi

Agumging tumte lakpan pawlkhat alinks.
https://www.youtube.com/watch?v=NAMZYqH3oOM,
https://www.youtube.com/watch?v=8ehpiAQyV4s

Kizopna ding : 
Mg Muang 

Spicer Adventist University,

Aundh, Pune 411007, Maharashtra, India

Ph : 9730764997

Email : mmuang@gmail.com

Facebook : https://www.facebook.com/mg.muang

Guitarist Muang Muang @ Mg Muang kiang ah ama tangthu kangetna tungtawn in 2/9/2015 ni in hong khak ahihi.

Akaikhawm leh endik :
Cinpu Zomi ( www.cinpuzomi.com )

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

Item Reviewed: Zomi Guitarist Muang Muang@Mg Muang taangthu. Description: Rating: 5 Reviewed By: Cinpu Zomi
Scroll to Top