728x90 AdSpace

Hot
Menu
Zon-ol na Donate

Latest News

Zomi Innkuan New Zealand (ZINZ) Constitution, Bylaw (Thukhunpi, Thumeilet)


 Zomi Innkuan New Zealand
(ZINZ)

Constitution, Bylaw
(Thukhunpi, Thumeilet)

Executive Summary: (Kipawlna thu Tomgenna)
Zomi Innkuan New Zealand (ZINZ) in New Zealand gam bup sungah a om Zomi akici mimaal khempeuh ahuamkim in kipawlna khat ahihi. Hih Kipawlna tawh kisai-in 27th October, 2013 Kum New Zeland Gambup Zomite’ Khuado Pawipi A(3)veina Wellington Khuapi sungah mipi ki kaikhawm in thukikupna akineihna sung pan mipite’ kithukim na tawh ahong kikphuankhia kipawlna khat ahihi.

Hih Zomi Innkuan New Zealand cih amin hong piankhiat theihna ding in, New Zealand gamsung aa om Makai teelcing mi 12 te in 26th April, 2014 in Wellington ah kimu khawm in thukikupna akineihna sungpan thukhentatna tawh kizui-in amin ding in Zomi Innkuan New Zealand (ZINZ) cih hong kipsak uh ahihi.

Zomi Innkuan New Zealand ii ngimna leh tupna bulpi te in: New Zealand gamsung aa a om Zomite’ sungah ki-itna, kipumkhatna, kipanpihna, kihuaisiamna cih te neih semsem na ding, Zomi te minam piciing dinmun ih suahzawh semsem na ding in maapankhopna ding leh New Zealand gam, Kawl gam leh ih Zogam khantohna ding in muntuamtuam aa om ih Zomipih te tawh khut kilen in maapangkhawm diamdiam ding cih te akibulphuh ahihi.

Hih ngiimna leh tupna te atangtun theihna ding in New Zealand gamsung aa om Zomi mimalkiim in mawhpuak ihneihlam mimalkhatciat in phawkden in, khutkilen in sepkhop diamdiamna tawh ihngiimna leh ihtupna te a tangtun zo ding in, ihbiak Pasian in ihmimalkiim tungah athahat Ama’ vangliatna tawh hong ompih den tahen.

Lungdam
Zomi Innkuan New Zealand (Executive Committee).

CONSTITUTION

I.             Thubulphuh: (Preamble) 
1.            New Zealand gamsung aa ateng Zomi Innkuan mimal khempeuh in ihneihsa ngeinahoih, zia leh tong kician te anei ihihna kiphawksak den in, Unau laiizom, sikhat sakhat, behkhat phungkhat, Tunsungkhat pan aa piang Ciimnuai tate ihhi.
2.            A hongbawl, ahong nei, ihbiak Pasian it-in, belh leh muan in ih nei den ding hi.
3.            Hih Zomi Innkuan New Zealand (ZINZ) Kipawlna ii Thukhunpi leh Thumeilet te a nuai a ngimnate tawh kizui in ihkhungkhawm hi.

II.           Kipawlna Min (Name)
Zomi Innkuan Kipawlna min ding in Zomi Innkuan New Zealand (ZINZ)  kici ding a, New Zealand gam sung aa om Zomi khempeuh ahuam kipawlna hi ding hi.

III.          Kipawlna Phualpi (Head Quarter)
Kipawlna Phualpi (Head Quarter) ding pen President ii omna mun leh Khuapi hi ding hi.

III.          Ngimna Bulpi te (Purposes)
Zomi Innkuan New Zealand (ZINZ) ii ngimna bulpi te in:
1.            New Zealand gam sung aa om Zomi te, ki-it diamdiam in, kipumkhat theih na ding leh  kipanpihna, kihuaisiamna cih te ihneihzawh semsem na ding,
2.            Zomite’sungah lungmuanna bittak-in ihngah theihna ding leh akip akho, apiciing dinmun tunzawh na ding
3.            Zomi te zongh minamdang te tawh liangko kikim in (Physical, Mental, Social) pumpi taksa, lungsim leh nuntak khuasakzia lam ah akilekkim in khantoh theih nang
4.            Zomi te in namdang te leh mun tuamtuam aa om ih Zomipihte’ kipawlna tuamtuam te tawh khutkilen, mapaang khawm in, akhangto gamkhat ihsuahzawh nang semkhawm ding
5.            Zongeina te it-in, lamsang in, Zolai, Zopau te kepcing zawhna ding leh khangthak ihtu’ leh ihta’ te tungah  Zongeina, Zopau leh Zolai te hilhsawn, hawmsawn  ding

IV.          By-law & Policy (Thumeilet te) 
1.            Hih kipawlna in biakna pawlpi leh (nai-ngan-zi) political party kipawlna abulphuh Kipawlna hi lo a, minam kipawlna hi ding hi.
2.            Kipawlna in New Zealand gam Kumpi leh a thukhun te zahtak in zui ding hi.
3.            Kipawlna sungah beh leh phuung, pau leh haam, namlian namneu, biakna leh upna khatpeuh siksan in kideidanna omsaklo ding aa, apil, ahai, azawng, ahau, akibang in kideidanna om saklo ding hi.

V.           Pawlmi suahna (membership)

A.           Pawlmi suahna ding: (General qualifications)
Zomi Innkuan New Zealand (ZINZ) pawlmi (member) suah theihna ding in ZINZ ii thukhun, thumeilet (bylaws) te sang in, Ama’ omna khuatual Local Kipawlna tawh kizom in, Ama’ Khuatual kipawlna ii thukhun te sang aa, abittak in (full member) pawlmi hihna asangkhinsa Zomi khempeuhmah (ZINZ) pawlmi suak thei ding hi.

B.           Pawlmi in sa’nna (Acceptance of members)
Zomi Innkuan New Zealand (ZINZ) sungah pawlmi a suak nuam peuh in a omsa Local Kipawlna sungah member lut masa ding aa, Local Kipawlna member sung aa member alutkhinsate pen ZINZ member in kisang thei bek ding hi.

Pawlmi suah na tawh kisai in:
1.            Pawlmi suahna (membership) tawh kisai-in, Ama’ omna Khuatual Local Kipawlna ah lut masa ding aa, tua Khuatual Kipawlna ah alutkhinsa’ member khat pen National Kipawlna ah member ahonglut khin ci-in in kisang ding hi.
2.            Azenzen in Ama’ omna Khhuatual ah Zomi Innkuan Kipawlna aom nai kei leh Amah tawh akinai penpen Zomi Innkuan Kipawlna khat peuh ah lut ding aa, Alemlohna mun te bek ah, Mimal (Individual member) in National Kipawlna (ZINZ) ah direct in kisang thei bek ding hi.
3.            Mimal (Individual) in ahihkeileh pawlmi (member) suahna ding in kum-18 tungsiah te in kipawlna ah kumsum (annual fees) pia dinga, kum-18 nuaisiah te in ki pawlna sum alang bek pia ding hi.
4.            Pawlmi Membership a lut te bek in ZINZ ii piaktheih hamphatnate (Benefits) teng abit in ngah ding a, kipawlna meeting te ah Mee (Vote) piak khuan nei thei ding hi.

C.           Pawlmi ahisate’ hamphatna (rights of members)
1.            Kum (18) cing khinsa mi khempeuh in kitelna ah Mee (vote) pia thei ding a, kipawlna tawh kisai theih nop a neih leh zong meeting ah dotna nei thei ding hi.
2.            Member hong lutlo te in deihloh pen in sihna khat hong tuah leh, ZINZ in bangmah kivaihawmsak zolo ding hi.

D.           Pawlmite’ vaipuak (Duties of members)
1.            Pawlmi khempeuh in pawllutna sum (membership fee) pia hamtang ding.
2.            Pawlmi khempeuh in Kumsim sumpiak (Annual fee) pia hamtang ding hi.
3.            Member ahikhinsa khat in Kipawlna sum te kum kizom in sum akhiat keileh ZINZ member hihna pan in Amaa’thu in akhawl ci-in kiciamteh ding aa, ZINZ tungpan in bangmah hamphatna ngah thei nawnlo ding hi.

E.   Pawlmi hihna pan tawpsanna (Termination of membership)
 ZINZ pawlmi pan tawptheihna ding pen hih a nuai aa bang ahihi.
1.            Sihna (death of member);
2.            Kipawlna dang khat ah taisanna;
3.            Amah leh amah tawp ding ngetna.

F.            Pawlmite’ gamtatzia ding (Disciplines of Members)

1.            Kipawlna thukhun te zahtak in zui ding
2.            Kipawlna te ah citaktak in om in Zomi hihna  angtanpih in lamsang ding
3.            ZINZ Kipawlna anawngkaii sak thei thu tuamtuam te pelh ding.

VI.          Kipawlna Makai tuamtuam te (Position of the Organisation)

Thu masa (General)
Kipawlna vaikhempeuh a sem ding leh a van ding makai tawh a kilamkhia vaihawm pawl pen Executive Committee kici ding hi.

Hih Executive Committee tawh nasemkhawm ding in Department tuamtuam mun giat in kikhen suk hi.

A.           Advisory Board (Thudotpi te)
Hih Advisory Board sungah akihel ding te pen New Zealand gamsung aa om Zomi Innkuan sung pan hi ding hi.

B.           Executive Committee (EC) (A semkhia Makai te)
1.            Makai Lutangpi (President)
2.            Makai Lutangpi huh (Vice President)
3.            Lai-atpi (Secretary)
4.            Lai-atpi huh (Assistant Secretary)
5.            Sum Kempi (Treasurer)
6.            Sum Kempi huh (Assistant Treasurer)
7.            Sum Saziansit (Auditor)

C.           Sub-Committee (Departments)
1.            Ngeina Lam (Culture Department)
2.            Thuzakna & Kizopna (Information Department)
3.            Kimawlna lam (Sports Department)
4.            Sum leh paii zong lam (Fund Raising Department)
5.            Lailam tawh Kisai (Literature Department
6.            Music Makai (Music Department)
7.            Nupi Makai (Women Department)
8.            Khangno Makai (Youth Department)

VII.         Kipawlna Makai te ii Panmun leh Nasep zia ding te (Positions of Organisation)
ZINZ Kipawlna Makaite’ ii panmun leh vaipuak ding te pen hih a nuai aa bang hi ding hi.

A.           Advisory Board (Thudot pi teng)
1.            Kipawlna tawh kisai-in, khantohna ding leh Kipawlna ii sep leh bawl ding thu atuamtuam te ah akisambangbang in ngaihsutpiakna (Advice) leh hilhna, kamkuppihna te hong nei ding uhhi.
2.            Thudotpi te pen, ahun (term) ciangtan omlo in hong sem ding uh aa, thukikupna (meeting) te ah hong kihel thei ding uhhi.

B.           Pawl Lutangpi (President): 
1.            Kipawlna Lutangpi hiding aa, vaihawmna khat peuhpeuh ah makaipi sem in meeting sam ding
2.            Kipawlna sungah vaithupi kikupding aa om sim in Lai-atpa tawh kithuza in meeting sam ding hi.
3.            Thu kikupna-ah thu buai leh vote lakna a om leh thu khensat ding hi. 
4.            Kipawlna nasep te van zelzel ding aa, midang te tawh kizopna, kipawlna khantohna ding a sempipen hi ding

C.           Pawl Lutangpi huh Vice-President:
1.            Kipawlna sungah President tawh khut kilen-in na sem khawm ding a, President om theihloh hun ciang President i tavuan khempeuh sem in Kipawlna makaih ding hi.

D.           Secretary: 
1.            Kipawlna tawh kisai lai kisam khempeuh thu ciaptehna laibu (records) tawh hoih tak-in ciamteh in kem ding hi.
2.            Kipawlna sungah a lutmite minteng minkhumna laibu sungah khum in, pawlmithak min khum na leh a tawpte minte lakkhiatna nei den ding hi.
3.            Kipawlna tawh kisai thute pawlpi mite’n a theih na dingin zasak den ding hi.
4.            Sub-Committee te nasep te van zelzel ding

E.            Assistant Secretary:
1.            Kipawlna sungah secretary tawh mapang khawm in nasemkhawm ding hi.
2.            Secretary om loh/manlohna mun ah secretary nasep teng sem ding hi.

F.            Treasurer:
1.            Kipawlna makaite’ thukimna zui in sumzatna ding khempeuh Accountant tawh thu kiza in sumpiakhia/zeekkhia ding hi.
2.            Sumzatna khempeuh receipt kem cing ding hi.
3.            Kum tawp sazian sitna ah, a mah om ding a, panmun len thak ki-apna ni a cin ma in Kipawlna sumsazian khempeuh a mansa in koih ding hi.
4.            Ama’ kep sumlut/zatna khempeuh pen Kipawlna saziansit/Kipawlna pan a kitelkhia saziansit Pa/Nu in kumsim in sit ding hi.

G.           Assitant Treasurer:
1.            Kipawlna sum lutna leh sum zatna khempeuh sazian in hoihtak in kem ding hi.
2.            Kum tawp saziansit ciang in om ding hi.

H.           Auditors: 
1.            Kum tawp ciang in Kipawlna sumlutna/sum zatna khempeuh sit ding a, tavuan thak ki-ap ma in mansiang ding hi.
2.            Saziansit report pen EC te’ tungah copy hawm ding a, Kipawlna mipite’ tungah zasak ding hi.

 I. Sub-Committee (Departments)

Thu masa: (General)
Hih a nuai a Kipawlna Department-te pen ZINZ kipawl na ii vaihawmna nuai ah om ding a, akisapna zui in kipawl na sungah department tuamtuam hih anuai a bang in kikhen ding hi.

1.            Ngeina lam (Culture Department)
(a)          Ngeina tawh kisai, Zongeina, lam lahna, ngeina vai tuamtuam te leh, ngeina vanzat tuamtuam te ah akisambangbang in thu hong vaihawm in tavuan hong la ding
(b)          Ngeina tawh kisai-in Pawl khat leh khat kizopna a om ciang in hong Makaih ding

2.            Thu kizakna lam tawh kisai (Information Department)
(a)          Thu leh la zaksak ding a om tuamtuam te leh kizopna tuamtuam aa akisam thute ahunzui in hong zasak ding
(b)          Kipawlna sungah department tuamtuam te tawh kithuza kawikawi in thu om bangbang makaite’tungah zasak zel ding

3.            Kimawlna lam tawh kisai (Sport Department)
(a)          Kipawlna tawh kisai-in kimawlna a tuamtuam te leh social game cih te a om ciang in Makai ding
(b)          Kimawlna tawh kisai-in mundang  kipawlna tuamtuam te tawh ahizongh in, ei leh ei sung ah kimawlna te ahizongh in akul leh akisam bangbang geel in makaite’ tawh kithu za in vaihawm khawm den ding

4.            Sum leh paii zonna lam tawh kisai (Fund Raising Committee)
(a)          Kipawlna sum te akhantoh theihna ding in lampi tuamtuam pan in sum  ngah theihna ding lampi zong ding hi

5.            Lailam tawh kisai (Literature Department)
(a)          Kipawlna tawh kisai-in ngeina leh lai, zolai te kemcing in khantoh theina ding in hong maikaih ding
(b)          Lai tawh kisai-in, Laibubawl ding, laihawm khiat ding khawng a omciang in tavuan hong la ding uhhi.

6.            Music lam tawh kisai (Music Department)
(a)          Kipawlna tawh kisai-in pawibawlna, hunbawlna, gualnop pawi bawlna khat peuhpeuh a om ciang in hong makaih ding
(b)          Music tawh kisai-in, Kipawlna min tawh kihelna ding mundang khat peuhpeuh ah vai a om leh akisam bangbang in hong vaihawm ding uhhi.

7.            Nupi lam tawh kisai (Women Department)
(a)          Kipawlnamin tawh nupite’ septheih ding vai atuamtuam te ah vai hong hawm in hong makaih ding.
(b)          Nupite’ tawh kisai-in, khantohna ding leh apicing khantohna neihtheihna ding in Nupiteng tawh panla in vai hong hawmkhawm ding hi.

8.            Khangno lam tawh kisai (Youth Department)
(a)          Khangno lam tawh kisai-in sep leh bawl ding vai tuamtuam te ah hong maikai ding uhhi.
(b)          Kipalwna min tawh khangno te kilawmtatna, gualnopbawlna, sep leh bawl ding tawh kisaite ah hong Makai ding uhhi.

VIII.        Kimuhkhopna tuamtuam leh Meeting neih dan ding:

A.           Khawmpi (General Convention)
1.            Kum khat in atawmpen khatvei, Kipawlna tawh kimuhkhopna Khawmpi/Khuado kibawl ding hi.              
2.            Kumkhat sung aa sep leh bawl khempeuh leh mailam sep ding geelna te pulakna leh kikupna nei ding
3.            Kumkhatsung aa thukhun leh seplehbawl puahphat ding a om leh khawmpi ah puahphat na leh kikupthakna kinei ding hi.
4.            Khawmpi sung ah Khawmpi akah Mipi atamzaw thukimna tawh thu kikhensat ding hi.
5.            Khawmpi akah Pawllut Pawlmi khempeuh in, Kipawlna tawh kisai thu leh la khat peuhpeuh kikupna leh khentatna aneih thu te khempeuh Khawmpi bekin kipsakthei ding a, Khawmpi bek mah in phelthei ding hi.

B.           Makaipi Pawl Thukikupna (Committee Meeting)
1.            Makaipi pawl (EC)te thukikupna ah Makai panmunlen a tamzaw a kah leh thukikupna leh thukhentatnate alawhcing hi ci-in kisim ding hi.
2.            Makaipi pawl (EC) thukikupna (Committee Meeting) pen maitang kimu in ahi zongin, Teleconference tawh ahi zongin, Video-conference tawh ahizongh in, Internet kizopna tawh ahizongin, kibawl thei ding hi.
3.            Makaipi pawl (Executive Committee) sung a thukikupna khempeuh ah thukikupna akah panmunlen atamzaw thukimna tawh thu kikhensat ding hi.
4.            Makaipi pawl (Executive Committee) thukikupna sung ah Makaipi (President) ahihkeileh Makaipihuh (Vice President) kihello in thukhensatna kibawl theilo ding hi.

IX.          Kitelna (Election)

A.           Makaipi Pawl (Executive Committee) Kiteelna
1.            Kumcin Khawmpi sung ah Makai ding (Executive Officers) kiteelna kibawl ding a, hi kiteelna pen Kiteelpi kici ding hi.
2.            Executive Committee panmun kitelna pen Kum 2 khatveita kitelna om ding aa, Kum 2 asemkhinsa khat in Term 2 val sem theilo ding hi.
3.            Kiteelpi ah asimthaam a me/vote piakna (secret ballot system) dan kizang ding hi.
4.            Kiteelpi sung ah me/vote tam angah pen Pawlmite teelcing makaipi hiding hi.

X.            Thukhun te puahphatna leh Behlapna (Amendments)
1.            ZINZ Constitution & Bylaw thukhunte puahphatna pen mipite’ ettheih, simtheih ding in mimal email, group email te ah kikhah khia ding aa, Mipi sungpan in behlapnop puahnop a om leh khakhat sung hun kipia ding. Khakhat acinzawh ciang in “Proposed Amend -ments” teng pen Eexecutive Committee ii khensatna tawh kikipsak ding hi.
2.            Thukhun tawh kisai-in puahphat nop, behlapnop aom te ahunzui in behlapto puahto thei ding.
Zomi Innkuan New Zealand Kipawlna Thukhunte
Nopna/Dahna thukhun

I.             Thukonghong (Indtroduction)
Zomi Innkuan New Zealand (ZINZ) kipawlna in New Zealand gamsung aa om Zomi Innkuan mimal khempeuh ahuamkim in nopna/dahna atuak ih om ciang-in, kinuampih, kidahpih siam theih na ding in hih thukhun te anuai aa bang in ih khungkhawm hi.

II.           Zomi Innkuan Thukhun hilh cianna
1.            Zomi Innkuan New Zealand (ZINZ) kipawlna in Nopna/dahna te ah Zongeina om bang in ki-uap in kiphak na ding leh sihna tungtang ah luang kiphaamna ding in a vaihawmna ahi hi.
2.            ZINZ Thukhun apom Zomi khatpeuh in sihna atuah leh, ZINZ kipawlna min tawh a luang akipham na ding leh, a luang a kivuipih zawhna dingin kipanpih ding.
3.            Zomi Innkuan New Zealand kipawlna in, a om khinsa Zomi Innkuan New Zealand khua tual (Local) kipawlnate tawh khut kilen in nasemkhopna leh kihuaikhopna ahi hi.

III.          ZINZ Sihna Thukhun Apom khat Hih Theihna Ding
(Qualifications of ZINZ Policy Holder)
1.            New Zealand gam leitang tung ah a om Zomi khat hi ding hi.
2.            ZINZ kipawlna Khuatual (Local) pawllut (member) Zomi khat hi ding hi.
3.            ZINZ Sihna vai Thukhun pom in a zui ding mi hi ding hi.

IV.          Thukhun Apom (Member) cih Ciapteh Ni leh Hun
Effective date and time of Coverage as a policy Holder
1.            Thukhumpom (member) suah theihna ding in ahun ciangtan omlo in ki-lut thei hi.
2.            ZINZ Kipawlna minkhumna (membership form) sungah amin akhum ZINZ Local Kipawlna makai te’n sanna aneih “Ni” pen member in akisan ni ci-in kiciamteh pah ding hi.

V.           Piakkholh Kivuina Sum (Premium)
ZINZ ii sihna vai Thukhun apom Zomi khatpeuh in sihna atuahciang in, akipia ding Kivuina Sum ding in Piakkholh Kivuina Sum donna kinei ding hi.
Anuai a bangin Piakkholh Kivuina Sum kipia ding hi
1.            Mimal kumcingkhinsa khat ciang in (NZ$ 50) leh Kum 18 nuaisiah te (NZ$ 25) ta kidong ding hi.
2.            Kum sim in Piakkholh Kivuina Sum kipia ding hi.
3.            Deihloh pen in sihna (misi) hong tam aa sum akicin kei leh ZINZ makai te in ahunzui-in thu hong vaihawm ding uhhi.

VI.          Sumpiak hun Ciangtan
1.            ZINZ sihna vai Thukhun apom Zomi khatpeuh in, Thukhunpom asuah zawh ni (30 or Kha 1) sung in Piakkholh Kivuina Sum khat vei khia ding hi.
2.            Thukhun apom Zomi khatpeuh in sihna atuah leh atuah zawh ni (30 or Kha 1) sungin, adam lai Thukhun apom Zomi khempeuh in Piakkholh Kivuina Sum khia kik ding hi.
3.            Hih Piakkholh Kivuina Sum pen kumsim May kha anunung pen in pia hamtang ding hi.

VII.         Zomi Innkuan New Zealand sihna vai tawh Kivuina Sum (Death Benefit)
1.            Zomi Innkuan NZ sihna vai Thukhun apom Zomi khat in sihna atuah leh, sihna atuah hun in Thukhun apom Zomi-te in ihkhiatsa Piakkholh Kivuina Sum teng tawh a kituak in kivaihawm ding aa, akicinglo a om leh ahunzui in ZINZ Makai te-in thu hong vaihawm ding uhhi.
2.            Kivuina Sumbei pen sihvuina a ki neihma in a ngah dingte in a ngah theih ding in ki hanciam den ding hi.
              
VIII.        Kivuina Sum A Ngah Ding Mite (Beneficiaries)
ZINZ sihna vai Thukhun apom Zomi khat in sihna atuah leh a Kivuina Sum (Death Benefit) pen anuai-a dimun/hihnate zui/tungtawn in anuai a te tungah, Zo-ngeina leh biakna-ngeina tawh a kilawm a kituak in kivaihawm, sum kizangh, kipiakhia, ding hi.
1.            Ahong nusia pa/nu’ innkuanpihte, u leh nau, nu leh pate, 
2.            Ahong nusia pa/nu’ innkuan bangkua sung a innteek thu vaihawmte,
3.            Ahong nusia pa/nu omna mun, khua leh gam a om ZINZ kipawlna pawllut Zomi Innkuan kipawlna makaite,  

IX.          Atumdang zawdiak Aituam Ngaihsutsakna (Special Situation)
1.            Kaihkhop zawhzah hun ciangtanna (Collectable Period) khatsung (Ni 30) in Thukhun apom mi (2) sihna aom leh asi masa i Kivuina Sum (Death Benefit) a kipia zahzah, Thukhun apom asi nunung zong akibang in kipia ding hi.
2.            Thukhun huamna mun ahilo mundang, gamdangte ah azinpak laitak Thukhun apom khat peuh in sihna atuak leh Kivuina Sum (Death Benefit) ciangtanna zah akim mah in kipia ding hi.
3.            Kaihkhop zawhzah hun ciangtanna khat sung ah mi (3) leh atamzaw in sihna leh kham zawh loh, nang zawhloh kiim leh paam thupiang siatnalianpi hanga mitampi sihna (Death from disaster) a om hun ah Kivuina Sum piak ding vai tawh kisai in ZINZ thuneihna lianpen anei ZINZ kipawlna, EC te in a vaihawm, a khensat bangbang hi ding hi.

X.            Asikuan Natnalian nei-te leh Asuaktung Naungeek-te:
People At The End Of Life And Newborn Babies)
1.            Asikuan Natnalian nei-te (People at the end of life )
ZINZ Thukhun akikhung zawh (Ni 30) pan kipan in, Natna lian, adamzo nawnlo ding cih atheih khitteh Thukhun apom hihding ngetna hong neikhatpeuh Thukhun apom khat in kisang thei veve ding a, ahizong in Kivuina Sum (Death Benefit) a kiciangtansa piakzah ding Kivuina Sum ii a lang (50%) bek ngah thei ding hi.

2.            Asuaktung Naungeek-te (Newborn Babies):

a)            ZINZ Thukhun apom khat ii sungpan aa suak naungeek khat asuahzawh ni (30) sungin sihna aneih leh Kivuina Sum(Death Benefit) a kiciangtansa abeizahding piakzahding Kivuina Sum akicing mah in ngah thei ding hi.
b)            Naungeek Nu leh Pa te-in naungeek asuahzawh ni (30) sung in amun, akhua zui-a ZINZ makaite tungah innkuan kibehlapna thu zasak a, akisam thu-te leh sum leh paai piakding aom te pia ding hi.

XI.          Thukhun Apom Khat Hihna Pan Khawl Theihna
(Cancellation as a Policy Holder):
Thukhun a pom khat (member) hihna pan in khawlkiksaktheihna dan te in:
1.            ZINZ Thukhun apom khat in Thukhun apom khat hihna pan in mimal ut thu in a ut hunhun in khawl thei ding hi.
2.            ZINZ Thukhun apom khat hihna pan in a ut thu in a khawl khat Thukhun apom hih ding hong nget kik leh Thukhun apom ahi ngei nailo khat mah bangin Thukhun apom hih theih nang thukhun om bang in kipan kik ding hi.

XII.         Thukhun apom Khat Hihna Pan Ki Khawlsakna
(Termination as a Policy Holder):
Thukhun apom khinsa khat khawlsak/tawpsak theihna te in:
1.            ZINZ Thukhun apom khat in ZINZ Thukhun om bangin zuihlohna a neih leh Thukhun apom khat hihna pan in kikhawlsak ding hi.
2.            ZINZ Thukhun apom khat hihna pan in a kikhawlsak khat Thukhun apom khat hih ding hong nget kik leh Thukhun apom ahingeinailo khat mah bangin Thukhun apom hih theih nang thukhun om bangin kipan kik ding hi.
3.            ZINZ Thukhun apom khat a sih leh a ngah ding Kivuina Sum a ngah khit ciang in Thukhun apom hihna pan in a khawl in kiciamteh pah ding hi.

XIII.        Adang Thukhun Tuamtuam te
1.            Sum Piaksa, Kipia Kik Lo Ding (No Refund):
Thukhun apom khat in ZINZ Thukhun zui-a apiaksa Sum, Thukhun apom khat hihna pan in a ut thu-in khawlna, kikhawlsakna ahizong, thudang hang khatpeuh ahizong, banghun banghang cih omlo in, piaksa sum kipia kiklo ding hi.

2.            Suankhiat Theihna Omlo (No Transferable):
Thukhun apom khat in, Thukhun apom khat ahihna banghang banghun cih omlo in midang khatpeuh tungah suankhia theilo ding hi.

3.            Piak/Lah Ding Thu-te (Information To Be Provided):
(a) Thukhun apom khat hihding ngetna aneipeuh in a neih min (Legal name) pia ding hi. Min dang anei peuh in apiak nop leh min dang aneih piakbeh thei ding-a, mipi tawh kizopna, tangkona khatpeuh aom hun ah zat ding adeihzawk min ZINZ Makai Pawl tungah theisak ding hi.
(b) Thukhun apom khat hihding ngetna aneipeuh in Kawlgam, gamdang khat peuh a, a lamkiatna khuamin, a khankhiatna khuamin, ahih kei leh a nu, a pa khatpeuh lamkiatna khua min pia ding hi.
(c) Thukhun apom khat hihding ngetna aneipeuh in ZINZ tawh kizopna ding in aa phone number, email address, home address/mailing address te pia ding hi.
(d) Thukhun apom khat hihding ngetna aneipeuh in ZINZ Makai Pawl in zum vai tawh a kisapna zui-in a nget thu khat peuhpeuh leh ngetna lai (Form) khatpeuh tungah akisam thu te pia ding hi.

XIV.        Thukhun Tungah Phuahphatna, Behlapna Leh Phiatna
(Policy Amendments)
Hih ZINZ thukhun te tawh kisai-in asung aa om thukhun khempeuh, Thukhun apom mipite’ thukimpihna leh theihpihna tawh, a kisapna zui-in ZINZ kipawlna, Thukhunpi leh Ngeina Dante tawh kituak in, ZINZ Executive Committee te in puahphatna, behlapna, phiatna nei thei ding hi.
New Zealand Gambup Zomi Innkuan kipawlna ding Working Committee te Wellington ah thukikupna - 26/4/2014

Khuado pawi 2010.

ZINZ Certificate of Incorporation

Zomi Innkuan New Zealand Incorporated
Constitution

Article I: Name
Section 1: The name of this organization shall be the Zomi Innkuan New Zealand Inc.      (hereinafter referred to as ZINZ).
Section 2: ZINZ shall be composed of three local Zomi Innkuan (Zomi Communities): namely Auckland Zomi Innkuan Incorporated, New Zealand Zomi Innkuan (Wellington) Incorporated, and New Zealand Zomi Innkuan (Nelson) Incorporated.

Article III: Purpose
Section 1: The purpose of the ZINZ shall be:
1. To maintain and sustain Zomi culture.
2. To preserve and promote Zomi culture and identity.
3. To promote and support the welfare of its members.
4. To stimulate the contribution and participation of Zomi communities into New Zealand multicultural society. 
5. To add the beauty of New Zealand ethnic diversity by taking necessary steps to interact and collaborate with other ethnic communities, and government and non-government agencies. 

Section 2: The organization shall coordinate and promote activities, programs and fund-raising events which are of support to the objectives of the ZINZ.
Article III: Membership
Section 1: Membership shall be open to all Zomi in New Zealand. 

Section 2: Membership shall be voluntary. 

Section 3: Any member may be removed from membership for:
1. Voluntary withdrawal.
2. Violation of the purpose of the ZINZ.
3. Committing criminal act or act that disgraces the name of ZINZ.
4. Performing or taking part in any activity that affects the reputation of the ZINZ. 

Section 4: Voting right shall be granted to any member who is 18 year and over regardless of individual educational level, political opinion or affiliation, social status, tribal group, wealth, religion, occupation, marital status, sex, sexual orientation, disability, or length of time in New Zealand. 


Article IV: Officers
Section 1: The officers shall consist of:
1. President
2. Vice President
3. General Secretary
4. Assistant Secretary
5. Treasurer
6. Auditor
7. Assistant Auditor

Section 2: These officers shall form the Executive Committee of ZINZ. 

Section 3: President
The President shall have the power to:
1. Establish and maintain operation procedure of ZINZ.
2. Call meetings.
3. Validate and signify all official documents of ZINZ.
4. Answer for actions of the other officers. 
5. Exercise a Veto power when necessary. 

Section 4: Vice President
The Vice President shall assist the President with all administrative duties and assume those duties in the absence of the President.

Section 5: General Secretary
The General Secretary shall:
1. Keep accurate and detailed records of all meetings and affairs.
2. Send/transmit all official correspondence.
3. Coordinate preparation and distribution of ZINZ ‘s official documents.
4. Liaise the Executive Committee and subcommittee secretaries.

Section 6: Assistant Secretary
The Assistant Secretary shall assist the Secretary with all administrative duties and assume those duties in the absence of the Secretary.

Section 7: Treasurer
The Treasurer shall:
1. Receive and distribute funds upon the authorization of the President or the Executive Committee.
2. Make financial reports at all Executive Committee meetings, and at the regular meetings of the organization
3. Coordinate all fund-raising activities.
4. Make a yearly financial report at AGM.

Section 8: Assistant Treasurer
The Assistant Treasurer shall assist the Treasurer with all his/her responsibilities and assume those responsibilities in the absence of the Treasurer.

Section 9: Auditor
The Auditor shall perform the organization financial audition at least twice a year (6 monthly audition) or when the Executive Committee requests to do so. 

Section 10: Assistant Auditor
The Assistant Auditor shall assist the Auditor with all his/her duties and assume those duties in the absence of the Auditor. 

Section 11: Sub-committees
1. Secretary of Cultural Performance
The Secretary of Cultural Performance shall organize and lead a group meeting to practice, discuss and share knowledge about Zomi cultural dances and songs. 

2. Secretary of Literature
The Secretary of Literature shall develop a strategy for children and young people to know and learn Zomi cultural language called Zopau (spoken) and Zolai (written). He/she also shall responsible for publication of Zomi literature in forms of textbook, hymnal book, and pamphlet or flyer.

3. Secretary of Music & Entertainment (non-cultural music & performance)
The Secretary of Music & Entrainment shall organise/supervise required musical instruments, players, performers for the worship service and any event run by the AZI. 

4. Secretary of Information 
The Secretary of Information shall advertise and announce events organize by the organization. He/she shall provide details of ZINZ meeting to all members not less than a week prior to such meeting.


Article V: Elections

Section 1: The officers (President, Vice President, General Secretary, Treasurer, Assistant Treasurer, Auditor, and Assistant Auditor) shall be elected by the active member of ZINZ to serve a term of two years. General Election shall be held in the third or last week of October. The officers shall be elected by means of secret ballot. The term of officer for all officers shall begin on the first day of November and end on the same day of the following year.

Section 2: Nominations of candidates for ZINZ’s officer positions shall be from the floor of the meeting by ZINZ active members.  Nominees for officer positions must be active members of ZINZ for at least two years. 

Section 3: Voting shall take place after the close of nominations for each office. Officers shall be elected by a majority vote of those ZINZ active members present, provided quorum is met. 

Section 4: The order of succession shall be:
1. President
2. Vice President
3. General Secretary
4. Assistant Secretary
5. Treasurer
6. Assistant Treasurer
7. Auditor
8. Assistant Auditor

Section 5: Vacancies occurring in any of the elected offices shall be officially filled at the next regular ZINZ meeting following the occurrence of such a vacancy or vacancies. The order of succession shall be followed in the filling of any vacant office during any unexpired term. If an officer declines to succeed to a vacant office, then an election shall be held to fill the vacant office for the remainder of the unexpired term. The election procedure for filling the unexpired term of a vacant office shall be the same as the normal procedure for elections. 


Article VI: Appointments
The President shall appoint, with the approval of the Executive Committee, such positions as may contribute to the successful operation of the ZINZ. Examples include, but are not limited to, program chair, fund-raising chair, etc.


Article VII: Removal From Office
Any officer may be removed from office for failure to perform his/her prescribed duties by a two-third vote of the active membership, provided all members are notified of this pending action at least one week prior to the removal decision. Removal from office can occur for failure to carry out the responsibilities of that office, for action which violate the purposes of ZINZ. Written charges by a member are to be presented to the Executive Committee who will notify the officer in question with sufficient opportunity given for the officer to answer charges at a meeting of the membership. Voting for removal from office is done by secret ballot. Only active members may participate in this vote.




Article VIII: Meetings
Section 1: General membership meetings shall be held yearly or two yearly with additional meetings called by the President as needed. 

Section 2: The Executive Committee shall meet when called by the President. 

Section 3: Quorum shall be defined as 75 percent of the elected representatives from each local community.


Article IX: Funding
Section 1: The ZINZ will, as it deems necessary, undertake fund-raisers for its own purposes. All fund-raising activities shall be conducted in accordance with New Zealand laws and regulations. 

Section 2: Any voluntary donation or gift shall be accepted as the organisation fund.

Section 3: The Treasurer shall receive/distribute funds upon the authorization of the President or the Executive Committee.


Article X: Common Seal (Official Logo)

Section 1: The Common Seal of ZINZ shall be used in all official correspondences with government or non-government agencies, other ethnic communities and organizations, or individual. 

Section 2: Any letter or document that does not bear the Common Seal shall be invalid. 

Section 3: The Common Seal (Official Log) of ZINZ shall be kept in the custody and control of the ZINZ President.

Article XI: Amendments
Amendments to this constitution shall be adopted by a two-third vote of the active members present at two consecutive meetings at which the amendment has been read. Once approved by the active membership, the amendment will take immediate effect. 

Article XIV: Dissolution
Section 1: In the event of the organization dissolution or termination, all members shall take all necessary steps to pay off any outstanding liabilities the organisation may have at that time. 
Section 2: Any remaining asset or property will be distributed exclusively to communities or organizations in New Zealand that have similar purpose to ZINZ as the members decide in a General Assembly. 


Source : ZOMINZ, ZINZ.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Innkuan New Zealand (ZINZ) Constitution, Bylaw (Thukhunpi, Thumeilet) Description: Rating: 5 Reviewed By: Cinpu Zomi
Scroll to Top