728x90 AdSpace

Hot
Menu
Zon-ol na Donate

Latest News

Ngal Suang Tangthu leh Keimi Tui Tangthu.

Ngal Suang Tangthu
Ngal Suang leh Pa Khai Do Kham (Tonzang)te Lawmta.

Japan gal ong tun ma pek in tualai mun pen Simbuk khaumual cih na mun hi in Pu leh Pa te gen na ah, Ngal Suang suak pen tang lai mi sa beng pa in tua mun ah Ngal ah kap leh tha khat in (Khimzing) khuamial cip in suang suak hi cih thu om in a sa kap pa leh tua ngalpen  suang suak pah in a kap pa  suang lim  zong om in suang tak hi lo in ki tam nen gawp in a mi lim ki mu thei non lo hi .

Tua Ngal suang om na pen Kawlgam leh India gam gi mun hi in Tual khiang leh Suang Dai khua  te gam gi Mun ah tu ciang in ki mu thei lai hi.

Khang lui Pu leh Pa te in hih bang in la na phuak uh hi
(a) Gam kim mual ah ,zin mang tul vok ,
ka thah thang ding khua mual han zai ,sa ning aw ciing ee;
(b) Han zai sa ning ,sang bang veh ning ,
khin khua zing ciau lum suang aw ee ;

Keimi Tui  Tangthu
Keimi Tui mun leh Pa Khai Do Kham (Tonzang)te lawmta.


Haiciin khua sat 1884 kum ma pek in tang thu a om khin thu hi in apian kum ki kan zo lo hi. Keimi tui om na pen ah bei sa kum lam in Zolai bu sung ah Keitui pen kawlgam Tual Khiang khua gei ah om ci in lai ah, ah om hang in India leh kawlgam gam gi ong  ki khen ciang India gam Suang Dai gam huam suang ah ong om kha suak hi. 

           A tang thu ah KEIMI TUI pen Nupa khat  lo khawh na ,lo taw lam ah om in ah lo kho nupa te ah dang taak a ah pa sal in ah lawm nu kiang ah lo taw ah tui tawi ding in ong sawl in a pasal in hih bang in kam na vai khak hi. "ih lo tawh ah tui va tawi in la tui siangzaw leh ah nam tui pen ong dim kei inzong hong lawng kha kei in la ah dang ah gei a tu pen hong dim in" ci in vai kahk in ah lawm nu zong tui tawi ding in lo taw lam zuan in ong pai a ,tui omna ong tun ciang in ah lawmpa vai khak mah bang in tui mantui pel in ah dang tui ong dim in ah pai ding ciang in,hih tui bang cih peuh mah hiam? ciam dih ning e, ci in ah khutme tawh ah tui lawng a ah ciap leh ah om dan ki lamdang pah in ah khut ah khe te ah mul om te sau ki pan in ah lawm pa kiang ah lawm na tai in ong zah zolo ding hing ah cih ciang in ah lawm pa in "ci na ing e,ci na ing e" ci in ah ki ko kawm in ihnau bang na ci vak ding ka hiam? ah cih ciang in ah lawm nu (azi ) in dah kei in tun inn lam ah na ciah pah in la ,khin pi tung a umpi suang ah zuhaa om in cin tua ih nau na pia in ,kei zong hong vak pih na ding hing ci in kam vai khak a tua lai mun pan in ah nupa in ki khei pah in ,a sawt lo in a lawm nu in ah nau vak na ding in ah phai tam inn lim ah sa phei tuam tuam va puak zel a ah sawt  ciang in mihing phei khat va puak in ah pasal in hih bang in sa ong puak non dah in ci in vai khak in tua a ki pan  ah lawm nu sahang (Kei) a hih cinang in pai non lo cih tang thu leh kam gen sawm tung pan in ki kan thei hi.
     
Keimi tui in hih bang la na nei hi.

1.(a)  Sim leh maal khen, zogam tul paan  kai, lumsuang nuai ah
          nang na vun siam lai vei maw ,lam khang kei tui aw ee,
   (b)   Lam khang kei tui aw,   pian dang sang e
          Pham kuan gam hang bang nung veh ,gim nam dam tui aw ee,
2.(a)   kawi lia nu tawh vai lo kuan sun ni bang keu,
          cik tui duh kawi han tan na sang e ,
   (b)   Ci Mang ing ee sang gial na mawh,tong kum theih lo,
           duang suah pian dang  vai lo liang ve cia ,
3.(a)  Oh tawi mom no ,bang tawh an bang ,ka muan dia,
         khat tang lung zuan sial ing ee, kei ki muang lang ee,
  (b)  Kawi in sang sa a vai tawh ,sau lim hong sial
        kum ki vei duang zen sa in mel hong ma sak ee,
   
Thu kai khawm:
Pa Khai Do Kham (Tonzang)

Kalawm Lianpu (Haicin) in www.cinpuzomi.com ading in hong piak ahi hi. 7/15/2015.
                             

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Ngal Suang Tangthu leh Keimi Tui Tangthu. Description: Rating: 5 Reviewed By: Cinpu Zomi
Scroll to Top