728x90 AdSpace

Hot
Menu
Zon-ol na Donate

Latest News

Mi Lungkim' sak Siam Pu Lengtong Kam Khen Tangthu tom.

Mi Lungkim' sak Siam Pu Lengtong Kam Khen Tangthu tom.

Lengtong Kam Khen.

Min : Kam Khen Thang (Lengtong Kam Khen @ Thangno)

Pianna Nu leh Pa : Pa Vungh Zam leh Nu Goih Khawm Niang

Beh : Sukzo Bawmkhai

Pianpih Sanggam laizom : Pasal (5) leh Numei (5), Amah tawh Unau (11).

Zi : Nian Ngaih Cing (Taangpua Beh)

Ta neih zah : Pasal(3) leh Numei(3) nei in Pasian Thupha tawh damkim hi.

Suahni : 16/6/1956

Suahna Mun : Kawlpi (Kalay Myo)

Akhan khiatna Khua : Leilum, Tedim Chin State

Biakna Pawlpi : Tuiphum 

Teenna : Yangon, Myanmar

US Kumpi Innkangpi mai ah'.

Pilna Sinna :
- Tanlang pan tan 4 ciang Leilum S.P.S. ah kah in,
- Tan nga pan tan 8 dong S.H.S Tedim ah sang kah hi.
 (Atan 8 kum in Kawl Sia khat tawh ki tawng in sang pan kihawl khia hi.)

A ukk na : Pasian thugen.
Akum tawm zawk deuh laai.

A nasep : Nuntaakna ding sum leh paai zonna tuamtuam.
Tu laitak in Thu leh la, Ciamnuihna tuamtuam tawh kopkhawm in Vedeos bawl zeel hi. Aki cialcialna ah pai in Presenter & Intertainment Gamsung, gampua ah zin kawikawi in, Zogam Gospel Speaker in zong ma apan laitak zong ahi hi.

Laisiangtho Bulphuh : 
Hebru Alian 11:6 
Upna lo tawh kuamah in Pasian lungkimsak zolo hi. Pasian kiang a zuan mi peuhmah in Pasian a om takpi ahihna thu leh amah a zongte Pasian in thaman pia hi, ci-in a up ding kisam hi.

La Album(Khui) ah akihelna te:
1. Lengtong No.1
2. Lengtong No.2
3. Siing Kuang leh Aikuang
4. Anopna pen nihna
5. Lungdam luankhi
6. Hong it zaw ning Topa(DVD)
7. Zogam Cowboy (DVD) Akum (50) Cin Pawi.
8. Khua Siam Pawi (DVD)
9. Pupa Banzaal (Siamsin – Kawlpi DVD)
10. Mikim puak ding om aa, Kei puak ding zong om hi. (KVBC Khawmpi Pyidawtha DVD)
11. Zolengthe
12. ZOMUS (DVD)
13. ZOMUS –Malaysia (DVD)
14. Yangon Zofa Thalai Pawl (Y.Z.T.P. DVD)
15. Cope Topa
Akipan Midangte cialna La album,Khui tuamtuam ah zong akihelna tam mahmah in a MC/Hunuk sepna zong tamseem hi.

Minam vai ah amuhna leh adeihsakna kammal hoihte:
- Pasian kitai san thei a, i Minam kitai san thei lo hi.
- Dawite ki hawlkhia thei a, i Minam ki hawlkhia thei lo hi.
- Kei leh ka Innkuan Pihte Zomi ka hi uh hi.
- Chin State om a, Chin Minam omlo hi
- Chin pau omlo  in Chin ngeina zong omlo hi
- Zopau leh Chin State sung teng minam tuamtuamte pau leh ngeina om ciat hi
- Khua hun paizia tawh kituak in I Zongeina te kep theih teng kem in, I Biak Pasian tung ah citak ni.
- I teen, i omna ciatciat ah Zomi leh Zogam adding in mapang ciat den ni.
- I kivak loh pipi mapang nuam sedah ni.
- ZBC Tedim Labupi amal khelkhel pen hoihsa het lo hi. Pawlpi upna tawh I kipum khat zo nawn kei ni. I late beek tawh ki pumkhat thei leeng ut huai mahmah sa hi.

Zomite La lam' amuhna:
Hun thak  Zola tawh kisai in I laphuahte qualilty hong nei leh a sate zong hong khang to ding, atumte zong hong khang to ding a, angaite a bil uh hong ki hong zaw tham lai ding hi.

Zomi lasa te’n  ei siam na sang in mipi deih sak zawk ding kihan ciam zaw hi. Amah ahih leh ama kivakna bel tawh apai hi in, Mipi in adeih nawn kei leh ama siamna, kivakna leh Mipi deihna kituak lo hong suak ding ahih man in Khawl sawm pah hi.

Mundang, Gamdang cituan het lo in Itna tawh aki sapsapna munte ah pai zawh ding ahan ciam den khat zong ahi hi. Zola sa siamte, Laphuak siamte, Music tum siamte amau mun tek ah siam ka sa kim hi.

Zolai tawh aki bawl Laibute lak pan Simnuam asak pen : Laisiangtho.

Kithawi dan zong siam mahmah hi.

Ciamnuihna i Thupitna a muhna :
Mi nui ziahziah ding thupi mah hi, ahi zong athaang huai ciamnuih leh asiangtho ciamnuih kibang lo hi. Mite nuihzak zawh ziahziahna in Leitung  mikim in Thupit asak mahmah hi. Ciamnuih bawlna tawh kisai in hamsa asak in Ciamnuih bawlna pen pilna namkhat ahih lam ei Zomi te’n ki ngaihsun kha naikei leh ki lawm sa hi. Eimi pawl khat bang in ciamnuih bawlbawlte, ciamnuih siamte pen ahai dan in mu phial leh kilawm in ahopih dan uh azak thadah huai tam mahmah hi. Nuihna in cidamna hi in Cidamna mah thupi pen a hih man in ciamnuih bawl a, mi nuihsakna in Mite tung ah Thupha bawlna nam khat ahi hi.

Zangkong Zozum ah' zong Makai picing khat in kihel den hi.

Lengtong Music Band ah amah ki hel :
1980 kum khit deuh khawng in Lengtong Sua Mang (Bass) in anau Lengtong Pau Thawn (Drum), anau mah ahi Lengtong Go Hau (Lead) tawh Lasa (Vocal) pawl khat tawh music band khat phuan ni ci-in a band min ding a kikup uh ciang Lengtong Hoih Band cini ci-in kithu kim pah hi.  State Show mah vaihawm pah in Show kibawl a Lengtong Hoih Music Band State Show kici pah in tua pan Lengtong te cih Mipi in kici pah hi.

1982 kum in Lengtongte la khum nang  Sumbawl hau Pa Pum Za Kap (Ngaihte) in Minam itna leh Khantohna ding ngaihsutna tawh sum leh paai bei khempeuh sik in Lia leh Taang te Lengtong late hong khum sak hi. Lakhui (1 -5) khumsak in Lengtong te la Zogam mun tuamtuam ah aki zeel pah ahi hi.

Aphawk khakpak Pahtawina angahte:
Gamsung, Gampua pan pahtawina lai(10) vei kiim ngah hi.
Aneu lai Taai kidemna ah a khatna, nih vei ngah ngei hi.

Lamdang asak leh aphawk khaak khat' : 
Kapteel Khua apai in Khuasung ah mipil in akiciam teh mahmah khat ahi Pu Suan Za Thang in “ Kam Khen aw, Nang leh Boyoke Aung San ta ding in hong deih ing" cih' kammal hi in tudong mah abilkha ah luai in mang ngilh thei het lo ci hi.

Gilbeem/Thong Kia ngei :
Tedim khangnote lungphona tuamtuamte ah makai in aki hel zelzel khat ahi hi. Khat vei Sakollaam Veng a teeng Pa En Kap Sum Mawtawpi khau thoh pua in ki man in Customte zum mai ah Zomi khangnote tawh lungpho in a va ki tom leh i nitaak ciang Tedim Palik ten man in Gilbem(Thong) ni(9) kia ngei hi.

Akhual zitna Gamte:
1. USA
2. Malaysia
3. Thailand
4. India
(Mai lam ah akisapsapna ah' hong zin zialzial lai ding hi.)

Cinpu Zomi leh Lengtong Kam Khen.
Kizopna ding.
Facebook min : Lengtong Kam Khen

ACiamnuihna Melmuh Tongsan tampi lak pan Pawlkhat.

Youtube pan Lengtong Kam Khen ci in zong leng akihelna videos tam mahmah hi.


Kaikhawm in agelh : Cinpu Zomi (www.laibusaal.com)
(Acing theithei in hong zom toto lai ding hi ingh.)


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

Item Reviewed: Mi Lungkim' sak Siam Pu Lengtong Kam Khen Tangthu tom. Description: Rating: 5 Reviewed By: Cinpu Zomi
Scroll to Top