728x90 AdSpace

Hot
Menu
Zon-ol na Donate

Latest News

ZOMI INNKUAN USA GENVAI THUKHUN (Zomi Community USA Genvai Policy).


ZOMI INNKUAN USA 

(Zomi Community USA) 
ZOMI INNKUAN USA GENVAI THUKHUN 
 (Zomi Community USA Genvai Policy) 
November 15, 2014 (Saturday) 

(Genvai Thukhun Laimai 1 of 11) 
 
Asung-a Om Thu-te (Contents):  

Thukhun–I-:ZomiInnkuanUSAGenvaiHilhcianna
(Policy – I-: Definition of Zomi Community USA Genvai)

Thukhun –II- : Zomi Innkuan USA Genvai Thuneihna
(Policy – II-: The Power/Rights of Zomi Community USA Genvai)

Thukhun –III- : Zomi Innkuan USA Genvai Thukhun Apom Khat Hih Theihna Ding
(Policy – III-: Qualifications of Zomi Community USA Genvai Policy Holder)

Thukhun –IV- : Zomi Innkuan USA Genvai Sumbulpi
(Policy – IV -: Zomi Community USA Genvai Deposit)

Thukhun –V-:Piakkholh Kivuina Sum
(Policy – V -: Premium)

Thukhun –VI- : ZomiInnkuan USA Genvai tawh Kivuina Sum
(Policy – VI-: Death Benefit)

Thukhun –VII - : Kivuina Sum A Ngah Ding Mite
(Policy – V II-:Beneficiaries)

Thukhun –VIII - : Atuam Vilvel Dinmun
(Policy – VIII -: Special Situation)

Thukhun–IX-: Thukhun Apom Khat In Ciapteh Ni leh Hun
(Policy–IX-:EffectiveDateandTimeofCoverageasaPolicyHolder)

Thukhun–X-:Sum Ngahna Ciapteh Ni leh Hun
(Policy – X -: Effective Date and Time of Payment/Receipt)

Thukhun –XI- :Thukhun Apom Khat Dikmah Ci-a Akisang Lahtheihna-te
(Policy–XI-:Accepted Documents for Proof of a Policy Holder)

Thukhun –XII-:Asikuan Natnalian nei-te lehAsuaktung Naungeek-te
(Policy –XII-:People At The End Of Life And Newborn Babies)

Thukhun –XIII- : Adang Thukhun Tuamtuam-te
(Policy–XIII-:OtherPolicies)

Thukhun –XIV -: Genvai Tawh KisaiTavuan/Mawhpuak Neihna
(Policy – XIV -: Responsibilities over Genvai)

Thukhun –XV-:Thukhun Tungah Phuahphatna, Behlapna Leh Phiatna
(Policy – XV -: Policy Amendments)

Kammal-te Leh Acihnopna-te Tawh Kisai Hilh cianna (Glossary)

ZIUSAGenvaiZumvaiKalsuanZia Ding (Office/Management)

Thukhun–I-:ZomiInnkuanUSAGenvaiHilhcianna
(Policy – I-: Definition of Zomi Community USA Genvai)


Zomi Innkuan USA Genvai in:

 Zomi Innkuan USA (ZIUSA) kipawlna in sihna tungtang ah luang kiphaamna ding in a vaihawmna ahi hi.
 Zomi Innkuan USA Genvai Thukhun apom Zomi khatpeuh in sihna atuah leh, Zomi Innkuan USA kipawlna min tawh a luang akipham theihna ding, ahihkei leh, a luang a kivuipih zawhna
dingin kipanpihna ahi hi.
 Zomi Innkuan USA kipawlna in a neihsa, Zomi Innkuan USA kipawlna sung a kihuaina ahi hi.

Thukhun –II- : Zomi Innkuan USA Genvai Thuneihna
(Policy – II-: The Power/Rights of Zomi Community USA Genvai)

1. Zomi Innkuan USA Genvai leh Zomi Innkuan USA Genvai tawh kisai thu leh la, sum leh paai khempeuh pen Zomi Innkuan USA kipawlna’ maban, thuneihna leh neihsa hi tawntung
ding hi.
2. Zomi Innkuan USA Genvai leh Zomi Innkuan USA Genvai tawh kisai thu leh la khempeuh
ah Zomi Innkuan USA kipawlna Thukhunpi leh Ngeina Dante tawh kituak in, Board of Directors pawlin thuneihna asang pen nei ding hi.
3. Zomi Innkuan USA Genvai Thukhun sung a om thute pen Executive Committee’ hilhcianna bangin kizui ding a, thu kicianlo, thu haksa a om a leh Board of Directors pawl in a khensatna bangin kizui ding hi.

Thukhun–III-:ZomiInnkuan USA Genvai Thukhun Apom Khat Hih Theihna Ding
(Policy – III-: Qualifications of Zomi Community USA Genvai Policy Holder)

1. US gam leitang tung a om Zomi khat hi ding hi.
2. ZIUSA kipawlna pawllut Zomi Innkuan kipawlna khatpeuh pan pawllutmi (pawlmi) khat hi ding hi.
3. ZIUSA kipawlna pawllut Zomi Innkuan kipawlna a om lohna khua, munte ah ZIUSA kipawlna Thukhunpi leh Ngeina Dante tawh kituak in ZIUSA kipawlna ah mimal dinmun tawh pawllutmi khat hi ding hi.
4. Zomi Innkuan USA Genvai Thukhun pomin a zui ding mi hi ding hi.
5. Anuai-a bangin khatvei bek piak ding Sumbulpi (Deposit) leh Piakkholh Kivuina Sum don masakna (First Premium) akigawm in, Thukhunpom asuah zawh ni (30) sungin a khia ding mi hi ding hi.
a. Khatguak (Single) Zomi khat in $20 khia ding hi.
b. Nupa kopkhat (Couple) ahi Zomi innkuan khat in $30 khia ding hi.
c. Ta nih (Two Children) ciang anei Zomi innkuan (Family) khat in $30 khia ding hi.
d. Ta thum (Three Children) leh atamzaw anei Zomi innkuan khat in $40 khia ding hi.

Thukhun –IV- : Zomi Innkuan USA Genvai Sumbulpi
(Policy – IV -: Zomi Community USA Genvai Deposit)

1. Zomi Innkuan USA Genvai tawh kisai vaihawmna ah, akikawm theisumtawphah dingin Zomi Innkuan USA Genvai Sumbulpi ki nei ding hi.
2. Anuai-a bangin Zomi Innkuan USA Genvai Thukhun apom Zomi-te in Thukhunpom asuah
zawh uh ni (30) sung in Sumbulpi khatvei khia ding a, Thukhun apom khat a hih sung teng in Sumbulpi ding khia kik nawn lo ding hi.
(a) Khatguak (Single) Zomi khat in $10 khia ding hi.
(b) Nupa kopkhat (Couple) ahi Zomi innkuan khat in $15 khia ding hi.
(c) Ta nih (Two Children) ciang anei Zomi innkuan (Family) khat in $15 khia ding hi.
(d) Ta thum (Three Children) leh atamzaw anei Zomi innkuan khat in $20 khia ding hi.

Thukhun –V-:Piakkholh Kivuina Sum
(Policy – V -: Premium)
1. Zomi Innkuan USA Genvai Thukhun apom Zomi khatpeuh in sihna atuahciang in, akipia ding Kivuina Sum ding in Piakkholh Kivuina Sum (Premium) donna kinei ding hi.
2. Anuai a bangin Piakkholh Kivuina Sum kipia ding hi.
(a) Khatguak (Single) Zomi khat in $8 pia ding hi.
(b) Nupa kopkhat (Couple) ahi Zomi innkuan khat in $10 pia ding hi.
(c) Ta nih (Two Children) ciang anei Zomi innkuan (Family) khat in $10 pia ding hi.
(d) Ta thum (Three Children) leh atamzaw anei Zomi innkuan khat in $15 pia dinghi.
3. Zomi Innkuan USA Genvai Thukhun apom Zomi khatpeuh in, Thukhunpom asuah zawh ni (30) sung in Piakkholh Kivuina Sum khat vei khia ding a, tua banah Thukhun apom Zomi khatpeuh in sihna atuah leh atuah zawh ni (30) sungin, adam lai Thukhun apom Zomi khem peuh in Piakkholh Kivuina Sum khia kik ding hi.

Thukhun –VI- : ZomiInnkuan USA Genvai tawh Kivuina Sum
(Policy – VI-: Death Benefit)

1. Zomi Innkuan USA Genvai Thukhun apom Zomi khat in sihna atuah leh, sihna atuah hun in Thukhun apom Zomi-te in akhiatsa uh Piakkholh Kivuina Sum teng tawh a kituak sum leh
paai tawh luang kipham, ahihkei leh, kivui ding hi.
2. Ahi zong in, aki kaikhawmsa Piakkholh Kivuina Sum $10,000 (Tul Sawm) aval a leh, a valsum teng Sumbulpi sung ah kikhol ding a, $ 10,000 tawh a kituak sum leh paai tawh luang kipham, ahihkei leh, kivui ding hi.
3. Kivuina Sum pen sihvuina a ki neihma in a ngah dingte in a ngah theih ding in ki hanciam den ding hi.

Thukhun–VII-:KivuinaSumANgahDingMite
(Policy – V II-: Beneficiaries)

1. Zomi Innkuan USA Genvai Thukhun apom Zomi khat in sihna atuah leh a Kivuina Sum
(Death Benefit) pen anuai-a dimun/hihnate zui/tungtawn in Zo-ngeina leh biakna-ngeina tawh akilawm a kituak in kivaihawm, sum kizang, kipiakhia, dinghi.
(a) Ahong nusia pa/nu’ innkuanpihte, u leh nau, nu leh pate,
(b) Ahong nusia pa/nu` innkuan bangkua sung a innteek thu vaihawmte,
(c) Ahong nusia pa/nu` omna mun, khua leh gam a om Zomi Innkuan USA kipawlna pawllut Zomi Innkuan kipawlna makaite,
(d) Zomi Innkuan USA Genvai Tanupi Pawl
2. Zomi Innkuan USA Genvai kihuaina tawh Kivuina Sum a cianlai a om leh, ahihkei leh Kivuina tungtang ah Kivuina Sum a kizatkei leh, Kivuina Sum a ngah ding mite tung ah, anuai a kigual dinmun/hihna zui-in, kipiakhia ding hi. Kivuina Sum angah dingin a nuai a kigual dinmun/hihnate sung pan a kikhum masa pen kipia ding a, a masa pen a dinmun/hihna anei a omkei leh, aban takin kingaihsun ding hi.
(a) Ahong nusia pa/nu in, Zomi Innkuan USA Genvai Thukhun pomin, Zomi Innkuan USA Genvai Tanupi Pawl tawh abawl thukimna laipi sung ah, ama’n sihna atuah leh Kivuina Sum angah dingin, a khum, mi/innkuan/pawl tung ah kipiakhia ding hi.
(b) Ahong nusia pa/nu’zi/pasal tungah kipia ding hi.
(c) Ahong nusia pa/nu’ pa/nu ahihkei leh a tate tungah kipia ding hi.
(d) Ahong nusia pa/nu’ pianpih sanggamte tungah kipia ding hi.
(e) Ahong nusia pa/nu’ papi/pano ahihkei leh nupi/nuno tung ah kipia ding hi.
(f) Zomi Innkuan USA kipawlna Executive Committee in a khensatna bangin kipia ding hi.

Thukhun –VIII - : Atuam Vilvel Dinmun
(Policy – VIII -: Special Situation)

1. Kaihkhop zawhzah hun ciangtanna (Collectable Period) khatsung (Ni 30) in Thukhun apom mi (2) sihna aom leh asi masa i Kivuina Sum(Death Benefit) a kipia zahzah, Thukhun apom asi nunung zong akibangin kipia ding hi.
2. Kaihkhop zawhzah hun ciangtanna khatsung ah mi (3) leh atamzaw sihna leh kham zawhloh, nang zawhloh kiim leh paam thupiang siatnalianpi hanga mitampisihna (Death from disaster) aom hun ah Kivuina Sum piak ding vai tawh kisai in Zomi Innkuan USA Genvai ah thuneihna lianpen anei Zomi Innkuan USA kipawlna, Board of Directors in a vaihawm, a khensat bangbang hi ding hi.

Thukhun–IX-:Thukhun Apom Khat In Ciapteh Ni leh Hun
(Policy–IX-:Effective Date and Time of Coverageas a Policy Holder)

1. Kum khat sungah kha (4) sung, kha (3) sial in kha (1) sungta ( Quarterly) in Genvai Thukhun pom thak sanna ki nei thei ding hi. January, April, July, October kha teng in genvai Thukhun pom thak sanna ki nei thei ding hi.
2. Zomi Innkuan USA pawllut Zomi Innkuan kipawlna khatpeuh pan pawllut Zomi khatpeuh, pawllut Zomi khatpeuh tangin amun, akhua zui-a Zomi Innkuan USA Genvai makai khat in, ahih kei leh USA gam sung aom ZIUSA pawllut Zomi Innkuan aom lohna mun leh khua te a om Zomi khat peuh in Zomi Innkuan USA Genvai Tanupi Pawl tungah Genvai Thukhun tawh kizui-in Thukhun pom khat suah theihna ding ngetna nei dinghi.
3. Thukhunpom khat suah ding ngetna a nei khat peuh in kumkhat sung thukhunpom thak sanna kha-te ahi January, April, July, October te’ ni (25) ni anunung pen in akisam thu leh la teng leh sum leh paai teng Genvai Tanupi, ahih kei leh a kiseh tanu khat peuh tungah tun kim ding hi.
4. Sittelna akineih khin ciang in santheih ding dinmun ahi thukhumpom ngetna a nei khempeuh kha bei Ni January (31), April (30), July (31) , October (31) ngetna neite’ local time zan 12:00 (Midnight) hun in kipsakna (Activation) neih khat in ki nei ding hi.
5. Zomi Innkuan USA Genvai Tanupi, ahih kei leh akiseh Tanu khat peuh in Zomi Innkuan USA Genvai Thukhunpom sanna a kinei thak te Genvai Groupmail sungah khahna nei ding hi.

Thukhun–X-:Sum Ngahna Ciapteh Ni leh Hun
(Policy – X -: Effective Date and Time of Payment/Receipt)

1. Zomi Innkuan USA Genvai Thukhun pom khatpeuh, Zomi Innkuan USA kipawlna ah pawllut Zomi Innkuan kipawlna khatpeuh pan amun, akhua zui-a Zomi Innkuan USA Genvai makai khatpeuh in Zomi Innkuan USA Genvai Tanupi, ahih kei leh akiseh Tanu khat peuh tungah Thukhun apom khat i sumpiak sum, Zomi Innkuan USA Genvai Tanupi, ahih kei leh akiseh Tanu khat peuh in Zomi Innkuan USA Genvai thu kizaksakna Groupmail tungtawn in Thukhun apom khat i sumpiak sum ngahna zaksakna aneih Ni leh Hun in sum aki ngah in ki ciamteh ding hi.
2. Hun Ciangtanna (Standard Time) pen thu a zasak-te omna hun (time) bangbang hi ding hi.

Thukhun –XI- :Thukhun Apom Khat Dikmah Ci-a Akisang Lahtheihna-te:
(Policy–XI-:Accepted Documents for Proof of a Policy Holder)

1. Ciangtan hun-a Sumbulpi leh Piakkholh Kivuina Sum apia Thukhun apom khat dikmah ci-a lahtheihna in anuai-a te bek kisang ding hi.
(a) Zomi Innkuan USA Genvai Tanupi Pawl in a hun zui-a a hawmkhiat, Zomi Innkuan USA Genvai Thukhun apom Zomi khempeuh Ciaptehna (Sazian) Pulaakna.
(b) Zomi Innkuan USA Genvai Tanupi, a hi kei leh a kiseh Tanu khatpeuh in Genvai Thukhun apom Zomi khat hi ci-a Zomi Innkuan USA Genvai tawh kisai kithuzakna Groupmail sungah khahna Email.

Thukhun –XII-:Asikuan Natnalian nei-te leh Asuaktung Naungeek-te:
(Policy –XII-:People At The End Of Life And Newborn Babies)

1. Asikuan Natnalian nei-te (People at the end of life ):
a. Zomi Innkuan USA Genvai Thukhun akikhung zawh Ni (90) pan kipan in, Thukhun
apom hihding ngetna a ngen asikuan natnalian neisa khatpeuh Thukhun apom khat in
kisang thei ding a, ahi zong in Kivuina Sum(Death Benefit) a kiciangtansa piakzah ding
Kivuina Sum i a lang (50%) bek ngah thei dinghi.
b. Piakkholh Kivuina Sum anuai-a bangin kidong kik ding hi.
i. Khatguak (Single) Zomi khat in $ 4 pia ding hi.
ii. Nupa kopkhat (Couple) ahi Zomi innkuan khat in $ 5 pia ding hi.
iii. Ta nih (Two Children) ciang anei Zomi innkuan (Family) khat in $ 5 pia ding
hi.
iv. Ta thum (Three Children) leh atamzaw anei Zomi innkuan khat in $ 8 piading hi.

2. Asuaktung Naungeek-te (Newborn Babies):
a. Zo nnkuan USA Genvai Thukhun apom khat i sungpan aa suak naungeek khat asuahzawh ni(30)sungin sihna aneih leh Kivuina Sum(DeathBenefit) a kiciangtansa piakzah ding Kivuina Sum i alang ( 50%) bek ngah thei ding hi.
b. Piakkholh Kivuina Sum anuai-a bangin kidong kik ding hi.
i. Khatguak (Single) Zomi khat in $ 4 pia ding hi.
ii. Nupa kopkhat (Couple) ahi Zomi innkuan khat in $ 5 pia ding hi.
iii. Ta nih (Two Children) ciang anei Zomi innkuan (Family) khat in $ 5 pia ding hi.
iv. Ta thum (Three Children) leh atamzaw anei Zomi innkuan khat in $ 8 pia ding hi.

c. Naungeek Nu leh Pa te-in naungeek asuahzawh ni (30)sungin amun, akhua zui-a Zomi Innkuan USA Genvai makaite, ahih kei leh Zomi Innkuan USA Genvai Tanupi Pawl tungah innkuan kibehlapna thu zasak a, akisam thu-te leh sum leh paai piakding aom te pia ding hi.

Thukhun –XIII- : Adang Thukhun Tuamtuam-te
(Policy–XIII-:OtherPolicies)

1. Thukhun Huamna Mun (Geographic Area ofCoverage):
(a) Thukhun huamna mun in USA leitang USA States (50), Washington D.C., USA gamke-te (USA Territories) hi ding hi.
(b) Thukhun huamna mun ahi lo mundang, gamdangte ah azinpak laitak Thukhun apom khat peuh in sihna atuak leh Kivuina Sum(Death Benefit) ciangtanna zah akim mah in kipia ding hi.
(c) USA leitang aa tawmvei aom pak Thukhun apom khat in USA leitang pan in apusuak, aciahkikzawh ni (90) acin ciang, ahih kei leh Piakkholh Kivuina Sum (Premium) a piakding apiakloh ni a kipan, amasa zawzaw, Thukhun apom khat hihna pan in kikhawlsak ding a, Kivuina Sum ngah nawnlo ding hi.

2. Hehpihna Hun (Grace Period):
 Thukhun apom khat i sihna atuak ni a kipan a kidong ding PiakkholhKivuina Sum(Premium) pen ni (30) sungin Thukhun apom khempeuh in pia ding a, ni (30) sung a a pia lo Thukhun apom khat peuh apiak lohna thu kikan ding aa, piaklohna ahang sanzawh ding dinmun ahih leh hehpihna hun ni (30) kipia ding aa, tua ni (30) hun sungin Piakkholh Kivuina Sumpia ding hi.

3. Thukhun Apom Khat Hihna Pan Khawl Theihna (Cancellation as a Policy Holder):
(a) Zomi Innkuan USA Genvai Thukhun apom khat in Thukhun apom khat hihna pan in mimal ut thu in a ut hunhun in khawl thei ding hi.
(b) Zomi Innkuan USA Genvai Thukhun apom khat hihna pan in a ut thu in a khawl khat Thukhun apom hih ding hong nget kik leh Thukhun apom ahi ngei nailo khat mahbangin Thukhun apom hih theih nang thukhun om bangin kipan kik ding hi.

4. Thukhun apom Khat Hihna Pan Ki Khawlsakna (Termination as a Policy Holder):
(a) Zomi Innkuan USA Genvai Thukhun apom khat in Zomi Innkuan USA Genvai Thukhun om bangin zuihlohna a neih leh Thukhun apom khat hihna pan in kikhawlsak ding hi.
(b) Zomi Innkuan USA Genvai Thukhun apom khat hihna pan in a kikhawlsak khat Thukhun apom khat hih ding hong nget kik leh Thukhun apom ahi ngei nailo khat mah bangin Thukhun apom hih theih nang thukhun om bangin kipan kik ding hi.
(c) Zomi Innkuan USA Genvai Thukhun apom khat a sih leh a ngah ding Kivuina Sum a ngah khit ciangin Thukhun apom hihna pan in a khawl in kiciamteh pah ding hi.

5. Sum Piaksa, Kipia Kik Lo Ding (No Refund):
 Thukhun apom khat in Zomi Innkuan USA Genvai Thukhun zui-a apiaksa Sum, Thukhun apom khat hihna pan in a ut thu-in khawlna, kikhawlsakna a hi zong, thudang hang khatpeuh ahi zong, banghang banghun cih om lo in, piaksa sum kipia kik lo ding hi.

6. Piaksa Tungah Summet Neilo ( No Interest):
 Thukhun apom khat in Zomi Innkuan USA Genvai Thukhun zui-a apiaksa Sumbulpi, Piakkholh Kivuina Sum tungah summet nei lo, ngah lo dinghi.

7. Summet Bawlna Hi-lo ( Not-for-Profit):
(a) Zomi Innkuan USA kipawlna in, Zomi Innkuan USA Genvai, summet bawlna in aneih hi lo hi.
(b) Zomi Innkuan USA Genvai mapang khat peuhpeuh in, Zomi Innkuan USA Genvai, mimal aituam summet bawlna in zang thei lo ding hi.

8. Suankhiat Theihna Omlo (No Transferable):
 Thukhun apom khat in, Thukhun apom khat ahihna banghang banghun cih om lo in midang khatpeuh tungah suankhia thei lo ding hi.

9. Piak Ding Thu-te ( Information To BeProvided):
(a) Thukhun apom khat hihding ngetna aneipeuh in US ki-ukna dan tawh kituak-a a neih min (Legal name) pia ding hi. Min dang anei peuh in apiak nop leh min dang aneih piakbeh
thei ding-a, mipi tawh kizopna, tang kona khatpeuh aom hun ah zat ding adeihzawk min Zomi Innkuan USA Genvai Tanupi Pawl tungah theisak ding hi.
(b) Thukhun apom khat hihding ngetna aneihpeuh in Kawlgam, gamdang khat peuh a, a lamkiatna khuamin, a khankhiatna khuamin, ahih kei leh a nu, a pa khatpeuh lamkiatna khuamin pia ding hi.
(c) Thukhun apom khat hihding ngetna aneipeuh in Zomi Innkuan USA Genvai kizopna ding in aa phone number, email address, home address/mailing address te pia dinghi.
(d) Thukhun apom khat hihding ngetna aneipeuh in Zomi Innkuan USA Genvai Tanupi Pawl in zum vai tawh a kisapna zui-in a nget thu khat peuhpeuh leh ngetna lai (Form) khatpeuh tungah akisam thu te pia ding hi.

10. Min Laihna leh Dinmun Kilaihna (Change of Name and Status):
(a) Thukhun apom khat in US ki-ukna dan tawh kituak-a aneih min, laihna aneih hun ah Zomi Innkuan USA Genvai Tanupi Pawl tungah aminthak pia dinghi.
(b) Thukhun apom khat in a dinmun kilaihna khatpeuh aom hun ah Zomi Innkuan USA Genvai Tanupi Pawl tungah thei sak ding a, thukhun zui-in piak ding sum a om leh pia ding hi.

11. Thukhun Apom Khat Mawhpuak Neihna,Tavuan Neihna-te (Responsibilities):
(a) Thukhun apom khat in Zomi Innkuan USA Genvai Tanupi Pawl tungah a piakding thu-te, minlaihna a neih hun ah a minthak piakding, a dinmun a kilaih hun ah aa dinmun kilaihna theihsak ding cih thute Thukhun apom khat ciat i mawhpuak hi ding hi. Mawhpuak bangin seplohna aomna hangin thu leh la khatpeuh tawh akizom te ah Zomi Innkuan USA Genvai Tanupi Pawl ahi zong, Zomi Innkuan USA Genvai mapang khat peuhpeuh tungah ahi zong mawhpuak suan theilo ding hi.
(b) Thukhun apom khat in thukhun zui-in apiak ding sumbulpi, piakkholh kivuina sum te Zomi Innkuan USA Genvai Tanupi Pawl tungah tung leh tung lo cihte, apiak thute akikhumna ah man leh man lo cih te sit-telna leh kipsakna lak ding mawhpuak nei ding hi. Mawhpuak bangin seplohna aomna hangin thu leh la khatpeuh tawh akizom te ah Zomi Innkuan USA Genvai Tanupi Pawl ahi zong, Zomi Innkuan USA Genvai mapan khat peuhpeuh tungah ahi zong mawhpuak suan theilo ding hi.
(c) Thukhun apom khat pen Thukhun apom khat hih ding ngetna aneih hun in Zomi Innkuan USA Genvai Thukhun asim khin, ahih kei leh a thei khin in ki ngaihsun ding hi. Thukhun zuih lohna, theihloh man in thu leh la khatpeuh tawh akizom te ah Zomi Innkuan USA Genvai Tanupi Pawl ahi zong, Zomi Innkuan USA Genvai mapan khat peuhpeuh tungah ahi zong mawhpuak suan theilo ding hi.

12. Mimal Neihsa-te Tuamkoih Theihna (PrivacyRights):
(a) Thukhun apom khat in a piak thu-te ahi mimal neihsa-te tuamkoih theihna nei thei ding hi.
Ahi zong in Zomi Innkuan USA Genvai Tanupi Pawl tungah mimal neihsa-te tuamkoih
ding te theisak hamtang masa ding hi.

13. Pawllutmi Dinmun Ciangtanna:
(a) Zomi Innkuan USA pawllut Zomi Innkuan kipawlna khatpeuh pan Genvai Thukhunpom Zomi khatpeuh, USA gam sung aom ZIUSA pawllut Zomi Innkuan aom lohna mun leh khua te a om Genvai Thukhunpom Zomi khatpeuh i Zomi Innkuan USA pawllutmi  dihmun ciangtanna Genvai Thukhunpom a suah Ni a kipan a sim Kum khat acing Ni dong hi ding hi. Kum khat a cing Ni a kipan in ama dinmun tawh kizui-in a pawllutna sum piak ding akisap leh Zomi Innkuan USA pawllutna sum khia/pia kik dinghi.

14. Genvai Piakkholh Kivuina Don Khat Donkholh/Kepkholh Ding:
(a) Genvai Thukhun tawh kizui-in Thukhunpom khat i piak ding Genvai Piakkholh Kivuina donna a kineih hun ah ahun lap in ki donkim zo a, Genvai tawh kisai mapanna a lemtang ding ngaihsutna tawh, Zomi Innkuan USA pawllut Zomi Innkuan kipawlna khatpeuh pan pawllut Genvai Thukhunpom Zomi khatpeuh, pawllut Genvai Thukhunpom teng tangin amun, akhua zui-a Zomi Innkuan USA Genvai makai khat in, ahih kei leh USA gam sung aom ZIUSA pawllut Zomi Innkuan aom lohna mun leh khua te a om Genvai Thukhunpom Zomi khat peuh in, Genvai Thukhun tawh kizui-in Thukhun pom khat i piak ding Genvai Piakkholh Kivuina Don Khat a kisap hun-ah Genvai Thukhun tawh kizui in Zomi Innkuan USA Genvai Tanu Pawl in hong nget hun ah piak theih pah ding in donkholhsa, tuamkoihsa in nei khol den ding hi.

Thukhun –XIV - : Genvai Tawh Kisai Tavuan/Mawhpuak Neihna
(Policy – XIV -: Responsibilities over Genvai)

1. Zomi Innkuan USA Genvai tawh kisai thu leh la khempeuh, maban, vaihawmna khempeuh ah Zomi Innkuan USA kipawlna, Board of Directors in Zomi Innkuan USA Khawmpi khitciang in, Zomi Innkuan USA kipawlna Thukhunpi leh Ngeina Dante zui-in mawhpuak asang pen nei ding hi.
2. Zomi Innkuan USA Genvai tawh kisai thu leh la khempeuh, maban, vaihawmna khempeuh ah Board of Directors thupiakna zui-in Executive Committee in mawhpuak nei thei ding hi.
3. Zomi Innkuan USA Genvai tawh kisai thu leh la khempeuh, maban, vaihawmna khempeuh ah Executive Committee thupiakna zui-in Zomi Innkuan USA Genvai Tanupi Pawl in mawhpuak  nei thei ding hi.
4. Zomi Innkuan USA Genvai tawh kisai thu leh la khempeuh, maban, vaihawmna khempeuh ah Zomi Innkuan USA Genvai Tanupi Pawl thupiakna zui-in Zomi Innkuan USA kipawlna ah pawllut Zomi Innkuan khatpeuh in aseh amun, akhua zui-a Zomi Innkuan USA Genvai makaite in mawhpuak nei thei ding hi.
5. Zomi Innkuan USA Genvai Tanupi Pawl in sihna a tuak Thukhun apom khat tawh kisai in a thu a la Zomi Innkuan USA Genvai tawh kisai Thukhun tawh kituak leh kituaklo kan thei, sittel thei ding a, a kisam bangin Executive Committee tungah thu puak thei ding hi.

Thukhun –XV-:Thukhun Tungah Phuahphatna, Behlapna Leh Phiatna
(Policy – XV -: Policy Amendments)

1. Hih Zomi Innkuan USA Genvai tawh kisai Genvai Thukhun sung aa om thukhun khempeuh, Thukhun apom Zomi-te thukimpihna leh theihpihna omlo in, a kisapna zui-in ZomiInnkuan USA kipawlna, Thukhunpi leh Ngeina Dante tawh kituak in, Board of Directors in puahphatna, behlapna, phiatna nei thei ding hi.

*******************************************************************************

Kammal-teLehAcihnopna-teTawhKisaiHilhcianna
(Glossary)
Zomi Innkuan USA Genvai Thukhun sunga om anuai-a kammal-te, anuai-a bangin a cihnopna in kizang ding hi.

1. Amun, akhua zui-a Zomi Innkuan USA Genvai makaite: 
Zomi Innkuan USA kipawlna pawllut Zomi Innkuan kipawlna khatpeuh pan in Zomi Innkuan USA Genvai tawh kisai in Zomi Innkuan USA Genvai Tanupi Pawl tawh mapangkhawm ding in aseh, ateel uh makaite.

2. Dinmun kilaihna: 
Zi/Pasal neih thakna; Zi/Pasal US leitang hong tun thakna; ta neih thakna; Zi/Pasal/Ta khatpeuh sihna cih bangte hang in innkuansung mi phazah kibehlapna; kiam-na

3. Hong nusia pa/nu i nu leh pa: 
Zo-ngeina bangin innkuan lutangpipa i nu leh pa; ahih kei leh Zomi Innkuan USA Genvai Tanupi Pawl khensatna bangbang

4. Hongnusiapa/nuipianpih sanggamte:
HongsihsanThukhun apomi pianpih sanggamte; ahih kei leh Zomi Innkuan USA Genvai Tanupi Pawl khensatna bangbang

5. Innkuan: Zi leh Pasal; 
Zi leh Pasal leh Ta/Ta-te; Ta/Ta-te leh Nu/Pa. US ki-ukna zui-a Zi, Pasal, Nu, Pa dinmun a hih te; Kum (21) leh a nuaisiah a phata/ta-te.

6. Kaihkhop zawhzah hun ciangtanna: 
Thukhun apom khat a sihni akipan akisim ni(30)sung

7. Khamzawhloh, nang zawhloh kiimlehpaam thupiang  siatnalianpi hanga mitampis ihna: 
sih khat in Thukhun apom (3) leh atamzaw sihna; mihonpi sihna

8. Khatguak:Zi/Pasalneinailo-te;Zi/Pasaltawhakikhen-ataneilo-te;Zi/Pasalsi-ataneilo-te;
Zi/Pasal US leitang ah aom lo-te

9. Khatveipiak: 
Akizom paisuak a Thukhun apom khat in khatvei bek a piak ding

10. Mimal neihsa-te: 
Thukhun apom khat in apiak thu-te: min, phone number, email address, address cih bang mimal tawh kisai-te

US ki-ukna dan tawh kit

11. Min dang: 
: US ki-ukna dan tawh kituak-a aneih min (Legal name) ahi lo min khat peuhpeuh (
Nu leh Pa phuahsa min, UN tungtawn aa a zat min zong hi thei)

12. Asikuan Natna liannei-te:
Sivuan khatpeuh in kha(6)/ni(180) leh atawmzaw hun sungin sihding ci-a ciaptehnalai aneih, apiakte; hun tomno sungin sih ding cih kiciantak in genkholh theihna a kinei thei mi-te

13. Piaklohnaahang sanzawhdingdinmun: 
Thukhun apomkhatinapiak dingahunhun a sumpiak (Premium) apiaklohna ahangin Thukhun apom lampan ol-mawh lohna, piak nop lohna hi lo in, aa ma lampan mawhpuak ahi thei lo (khual gamla zinna; sumkhakna tun lohna; sumpiak ding vai zaksakna ngah lohna) thu leh la khat peuhpeuh hang aapiaklohna

14. Ta/ta-te: 
USA gam aa ki-ukna lam thuneihte in abawl ahunbei (Expired) nailo IdentityCard (ID) khatpeuh zui-in Kum (21) leh a nuaisiah apha Zomi khat i ta/tate, Zomi khat in a ta ding in a laak ta/ta-te

15. Thukhun huamna mun ahi lo mundang, gamdangte ah azinpak Thukhun apom: 
USA States (50), Washington D.C., US territories sung ahi lo mundang, gamdang khat peuhpeuh ah azinpak, Kumpi sawlna ahih kei leh kipawlna khatpeuh i sawlna tawh hun tomno sung om pakna, sangkah in om pakna anei Zomi Innkuan USA Genvai tawh kisai Thukhun zui-a sumpia khat

16. Thukhun apom: 
ZomiInnkuan USA Genvai tawh kisai zuihdingThukhun tawh kizui-a, Kivuina Sum(Death Benefit) a ngah thei ding dinmun nei khat

17.   US ki-ukna dantawh kituak-aa neihmin(Legalname):
USAgamaaki-ukna lam thuneihte in abawl ahunbei (Expired) nailo Identity Card (ID) khat peuh tung-a min; ahunbei nailo US Government Issued ID- Driver License, Social Security Card, Passport- tunga min

18. USA gamleitang tung a om Zomi khat: 
USA States(50),Washington D.C., US territories sunga om, US gammi, US gammi ahilo, US gam aa sangkahpak, US gam aa zinpak, cihbanga USA neihsa leitang tunga om Zomi khat peuhpeuh

19. USA leitang aa tawmvei aompak Thukhun apomkhat:
USgamaa sangkahpak,USgamaa zinpak, cihbanga hun tomno sung US gam aom pak, Zomi Innkuan USA Genvai Thukhun zui-a Sumbulpi, Piakkholh Kivuina Sum apia khat

20. ZomiInnkuan USA Genvai Tanupi: 
Zomi Innkuan USA kipawlna Executive Committee in aseh Zomi Innkuan USA Genvai Tanupi Pawl Makaipi

21. Zomi Innkuan USA Genvai Tanupi Pawl:
Zomi Innkuan USA kipawlna,Executive Committee in aseh Zomi Innkuan USA Genvai Tanupi Pawl(Committee)

22. Zomi Innkuan USA kipawlna ah mimal dinmun tawh pawllutmi: 
USA gamsung Zomi Innkuan USA kipawlna pawllut Zomi Innkuan kipawlna khatpeuh aom lohna mun leh khua te pan in Thukhunpi leh Ngeina Dante tawh kituak in Zomi Innkuan USA kipawlna ah pawllut (member) khat in ngetna anei, Zomi Innkuan USA kipawlna in mimal dinmun tawh pawllutmi khat in a sangsa mi

23. ZomiInnkuan USA kipawlna ah pawllut ZomiInnkuan kipawlna khatpeuh i pawllutmi: 
Zomi Innkuan USA kipawlna tawh akizom pawllut Zomi Innkuan kipawlna khat peuh in amau kipawlna ngeina leh dan tawh kizui-a pawlmi khat hi ci-a asang mi

24. Zomi: Zomi Innkuan USA kipawlna in Zomi khat ci-a a theihpih mi; Zomi khat i Zi/Pasal;
Zomi khat i ta; Zomi khat in a ta ding in alaak mi.

25. Asuak tung Naungeek-te:
Ahinga-a asuakkhiaNi(30)a cingnailonaungeek-te.(Sihna ah kivuina sum ngah nang in, hanmual ah ngeina cing-a a kivui ding hi ding hi).

26. Atuam vilvel dinmun: 
Kaihkhop zawhzah hun ciangtanna khatsung(Ni-30)sung in ciangtanna kipat Ni a asi thukhum pom pen pan a kisim thukhum pom mi (2) leh atam zaw sihna.

ZIUSA Genvai Zumvai Kalsuan Zia Ding
(Office/Management)
1. Zomi Innkuan USA Genvai Thukhun apom hih ding ngetna, application form ki nei ding hi.

2. Zomi Innkuan USA Genvai Tanupi Pawl leh amun, akhua zui-a Zomi Innkuan USA Genvai makaite in, akisam bangin email pan in a hi zong, mimal tungah ahi zong Sum ngahna Receipt Thukhun apom te tungah kikhak, kipia ding hi.

3. Zomi Innkuan USA Genvai Tanupi Pawl in Thukhun apom khempeuh personal no./ account no. nei sak ding hi.

4. Thukhun apom khempeuh tawh kisai laite, Zomi Innkuan USA Genvai Tanupi Pawl, ahih kei leh amun, akhua zui-a Zomi Innkuan USA Genvai makaite in kem ding hi.

5. Zomi Innkuan USA Genvai tawh kisai thu kizakna ding, Group Email khat nei in, tua group sung ah, Zomi Innkuan USA kipawlna Executive Committee panmunlente, Zomi Innkuan USA kipawlna pawllut Zomi Innkuan kipawlnate pan President leh Secretary panmunlente, Zomi Innkuan USA Genvai Tanupi Pawl, amun, akhua zui-a Zomi Innkuan USA Genvai makaite kihel ding hi.

6. Zomi Innkuan USA Genvai bank account atuam in khat kinei ding hi. A omsa Zomi Innkuan USA kipawlna Bank Account sung pan ameng account, ahih kei leh atuam vilvel Bank Account khat hi thei ding hi.

7. Zomi Innkuan USA Genvai tawh kisai in Check gelh ding a om leh Zomi Innkuan USA kipawlna President, General Secretary, Genvai Tanupi, adang akiseh Genvai makai teng in theih pih ham tang ding ban ah, athu tawh lai piak nang mun ah, hih makaipi teng in suaikai ding hi. Check tung ah President leh Zomi Innkuan USA Genvai Tanupi in suaikai ding uh hi.

8. Zomi Innkuan USA Genvai tawh kisai pen Zomi Innkuan USA Genvai Tanupi Pawl pan in mawhpuak nei nu/pa in official report pen kha (2) khat vei, kumkhat in (6) vei, Executive Committee members leh Board of Directors pawl panmunlente theih ding in, tangkona hong nei ding hi. Tualo aki kal ah, amau ki zendandan in, groupmail pan hongkhah thei uh hi. Executive Committee thupiakna leh akisapna zui-in Zomi Innkuan USA kipawln in a neihsa ahilo groupmail dang te ah Genvai Pulaakna(Press Release) nei thei ding hi.

9. Zomi Innkuan USA Genvai tawh kisai forms khat peuhpeuh ahi zong, letterhead aa kipan zumvai official documents-te Zomi Innkuan USA kipawlna ExecutiveCommittee phalna la masa ding hi.

BEITA!!!


Last Updated: November 15,2014 (Saturday); ZIUSA Board 2014-2015 Meeting (1)

ZOMI INNKUAN USA
ZOMI INNKUAN USA GENVAI
(Ngetna Lai) 





Source : ZIUSA Genvai.

PDF pan ka gualh kik hi in sawtlo in pdf-file tawh hong koih ding hi ing. Lungdam, Cinpu Zomi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMI INNKUAN USA GENVAI THUKHUN (Zomi Community USA Genvai Policy). Description: Rating: 5 Reviewed By: Cinpu Zomi
Scroll to Top