728x90 AdSpace

Hot
Menu
Zon-ol na Donate

Latest News

Laphuah, Lasak siam leh Pasian nasem TL Mungbawi Tangthu Tomno.

TL Mungbawi.
Min : Nang Gin Mung (TL Mungbawi)

Nuu leh Pa min : Pa Thang Khua Lian & Nu Cing Ngaih Niang

Beh : Tunglut

Pianpih sanggam u leh nau : Pianpih sanggam 9 pha in tulaitakin pasal 4 le numei 2 Pasian thupha tawh damlai hi.

Zii leh ta neihna : 
2005 kumin Topa’n zii khat hong pia hi. A min pen Nel Lun Cing (Esther Lun) hi in Amah pen Phaitu khua pan hi. A zii in Zo ngeina van tuamtuam zuak pen nuam sa mahmah in a kaihkhawm zong siamin kiva mahmah hi.

2006 kumin Topa’n tapa ithuai mahmah khat A min pen Tg. Lian Sian Tuang (TL Sianbawi) pia in  tulaitakin tan 3 akah lai tak ahi hi.

Khua lui : Mauvom Khua

Biakna Pawlpi : AG

Khan khiatna leh Teenna khua : 
Mun tuamtuam sang kah kawikawi in Sang kahna dungzui-in Mauvom, Khenman, Cikha, Tonzang, Zangkong ah khangkhia zaw hi.

Pilsinna leh Sangkahna :
Tan 1/2 - 4 (Mauvom)
Tan 5- Tan 9 (Cikha)
Tan 10 (Tonzang, Topa panpihna tawh 1998 kumin tan 10 zo)
B. Th (Yangon, EBS)
Music Diploma (Madalay, HFMC)

Uk :  lai sim, lai-at, limsuaih, kimawlna tuamtuam, music. Ahi zongin Pasian hong guat-tawm pen Music lam hi zaw hi.

Nasepna leh mapannate : 
Cross AG pawlpi ah Pastor dinmun tawh Pasian gam ading mapang in ZOMUS -USA Kipawlna ah President din mun asep laitak hi.

Laphuak zah :
150 kiim pha ta in Pasian thupha taktak tawh Pasian piak ngiat late atamzaw pen Album(Khui) sungah a kikhum vive ahi hi.
Hong Zeek in.
Phuak/Sa  : Tl Mungbawi


Lasak zah:
La Album(khui) sungah la dawng 35 kiim sa khin hi.

Kivaakna ding nasep :
Pastor (Pawlpi kem sia)

Tup leh Ngim :
La le thu tawh Pasian gam ading hih theih zahtawp in sung khia-in mapang den ding.

Laisiangtho bulphuh :
Eite-a' dingin na a hong sepsak, eite' ngetzah val, leh i ngaihsut zawhloh zah dongin a vangliatna tawh tampi tak a hong hihsak thei, eite' Pasian pen, pawlpi mite khempeuh leh Khrih Jesuh tawh a kipawl mi khempeuh in a khang khangin a tawntungin phat ciat ta uh hen. Amen.
Efesa 3:20-21.

Mipilte etc.. kammal hoih bulphuh:
Lai Siangtho, Pasian kammalte mah bulphuh penpen den hi.

Zomi namte minam vai na muhna leh nadeihsakna;
Tulaitak pen pau-le-ham, khua-le-tui, beh-le-phung in i pawlpi ciat nangawn hong khenlaitakin mu ing. Tua khit teh minam vai le biakna vai kimat kaihgawpna zong tampian lai sa ing. Gentehna: Pawlpi sep ding khat pen kipawlna khat in va vaihawmgawp cih khawng-a, …kipan a tuamtaum…etc. I Zomi vai-ah a telsiam nai lote i langbawl khakna-ah eimah tampi kisuplawh sa ing. Na khat peuhpeuh a kitelsiam dong lungduai takin ngaksiam ding kisam sa ing. Ahizongin a sawt loin a hoihpen dingin i biak Pasian in biakna vai ahi zong, minam vai ahi zongin zingvai thak khat hong hawm nading pen ka thungetna hi.

Zomite lalam na muhna leh na deihsakna :
Khangto sa ing. Deihsakna kammalah, mi’n bawl tah ci-in Album khawng mawk bawl ziauziau loh ding thupi sa ing. Talent a neite mahin hong bawl lel henla, sum pawlkhat a piak manin Album sungah la sasak pong, cih khawng om nawn kei mai leh zong i Album quality hong hoihin, hong zahtakhuai semsem dingin lamen ing. Copy in zuaksak sim, a bawlte zuaknopna munte-ah kizuakkhin nai lopipi Youtube khawngah koihsak sim, laphuakte tungah ngetna, zaksakna om lopi-in ei mimal Album sung khawngah na saksak ziau, guangsim ziau (ama la ka saksakkik nop peuh a lungdam ding hisuk peuh, khawng ci ziau lai)…cihte pawl hong om nawn kei photphot leh zong lalam-ah Pasian in sathau a nilh i mi i sate nuntakna man nei-in, hong nuamtuam ding hi.

Mundang gamdang na painopna gam te :
Hong kisapsapna munte ka utna zong hipah mai sa ing.

Leitungah lasaksiam nasak mi 3:
Michael W Smith (Pastor a sep kawm mahin mundangah Gospel Concert khawng a bawl teh kilumlet a kul leh zong mipite mai-ah sem ngam nasia sa ing, a slow late slow thei, a heavy late heavy siam), A dang nih ding pen teel hak sa ing, ka deih tam pian.

Zomi sungah lasak siam nasak mi 3:
1. Mi masa sung pan Lengtong Pauno’ “aw” mah in mipi sawt khoih zo sa ing. Pasian in zong a “aw” sawt kepsak sapen ing.
2. Sangpi (Pasian mitsuan, i Zogamah suak lo, khangkhia lo napi ei pau bang hong siamto lel, ettehhuai zong sa ing).
3. Kamsen (Tedim pau lian siam lua lo bang na pi mipite adingin Tedim kam ngiat tawh laphuak, lasa setset, Pasian zong it sa ing).

Zomi sung ah laphuak siam nasak mi 3:
1. Pasian laphuak pen David Kham (A late tam kizangpen)
2. Zawlla phuak pen Lengtong Pauno (Mipi’n theikimpen)
3. Gamngaih laphuak pen Thawn Kham (A phuah bek hilo, Zogamah kivui sawm ngiat)

Zomi sung ah music siam nasak mi 3:
1. Cinpi (Lazy Club), 
2. Siyan (U Tual), 
3. Go Hau (India)

Zolai tawh aki bawl laibu na deih mahmah bu 3 te:
1. Tedim kam tawh a kigelh Hilhcian kithuah Lai Siangtho
2. Job Thawngno laibu gelhte
3. Lawhcinna Lampi (Dong Za Mung)

 Na lai at tuamtuamte:
 Kaalkhat Thathak Laakna (Hih pen kalsimin ka suah zawh kum 4 bang cingta hi)
 Kammal Manpha (Hih pen kalsim-a ka suahzawh kum 1 cing khin hi)

Kizopna ding:

480 Hammett Dr
Decatur, GA 30032, USA

Phone: 678-644-3062 cell
Fb: TL Mungbawi

Email: ngmungbawi@gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Laphuah, Lasak siam leh Pasian nasem TL Mungbawi Tangthu Tomno. Description: Rating: 5 Reviewed By: Cinpu Zomi
Scroll to Top