728x90 AdSpace

Hot
Menu
Zon-ol na Donate

Latest News

PUMPI TUNGA HONG KILAK A HEPKHIAT HUAI THU TE

PUMPI TUNGA HONG KILAK A HEPKHIAT HUAI THU TE
Gelh : Niang Hen Cing
1. Kam uihna

Kam uih pen I nak dong hong tun leh gilpi sungah natna om cih hong lak hi. A nam sungah a kha dan hong kihel leh I sin tha nem cih hong lak hi. Pumpi thazaw in kam a uih leh tuap leh kal tha hat lo cihna hi.

2. Tha zaw in ci leh sa na

Limtak ihmu, limtak ne napi-in ci leh sa a nat leh sin ah a hoih lo gu tam lua cih hong lak a, I sin cells te gim cih hong lak hi.

3. Sung pai hoihlo den.
I anneek a siantho loh man sungpai pen a ngei-na, gu paihkhiatna hi a, sung a pai den leh gilzangte sungah a hoih lo bacteria tam lua cihna ahi hi. An hoihtak gawi zo lo-in pumpi ading na hoihte hupzo nawn lo cihna hi.

4. Niin kang neihna
Numeite a ngeina a hi lo, niin kang nei a, a mel kikhel a, a namsiat leh natna lungno hang ahih manin Sianvuan te (Zato siam-te) lah meng ding kisam hi.

5. Cithak
Ci a thak den leh I pumpi ah a hoih lo na (gu) tam mahmah cih hong lak hi. Manlang a, ki bawl ding thupi hi.

6. Taangsiat
I mai, I liangko ah taangsiat hongpo ciang na mahmah hi. I zel, gilpi, sin ah natna om thei a, limtak a tuate hepkhiat ding ki sam hi.

7. Muk kiu meima
I muk kiu ah meima om leh I kam kaa le’ng na mahmah hi. Vitamin B2 kisap hang zong hi thei hi. I zel, zelpi, sin-te ah natna lungno (virus) hon glut leh zong piang thei hi.

8. Khua-ul namsiatna
Khua-ul a namsiat luat leh pumpi sungah a hoih lo gu tam mahmah cih hong lak hi. I vunte na ngawngin lakhia hi. Tua manin zong namsia hi.

9. Ci tungah a vom mal kilang
I mai, I baan,I taan te ah a vom mal hong kilat leh I vun ah a hoih lo gu tam hi cih hong lak a hi hi.

10. Sung khak luatna
Tui tawm dawnin, mehgah mehteh tawm nek le’ng sung khak thei hi. Ahih hang a tawntungin sung a khak leh I gilzang, I ngoipi-te’n hoih tak na sem zo lo cih hong lak hi

Source: Apr, May Jun -14) Zonu’ Tongluan – Zntl-041

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PUMPI TUNGA HONG KILAK A HEPKHIAT HUAI THU TE Description: Rating: 5 Reviewed By: Cinpu Zomi
Scroll to Top