728x90 AdSpace

Hot
Menu
Zon-ol na Donate

Latest News

VANTUNG AH NASEP THEIH LOH DING NAKHAT. - MARK CAHILL


"Hih thu kiza ding hi!" 

"Mark Cahill pen Sumit camps leh cialpi tuamtuam ah aki deih pha diak thu hilhsia a hihi. Ama hilh thu te pen khuak theih na bek ahi kei hi. Lungdam na thu tangkona hang leh a pil a siam luat man zong ahi kei hi. Mark in thuman thutak bek gen a hih manin amah aki deih pha diak a hihi. Amah in a gen kammal bangin na a sem hi. Ama thu hilh na in nisim ka sepna khempeuh ah upna lamah ka picin theih na dingin tha hong pia den hi. Ama thu hilhna hangin tha kangah mahmah a, note zong thangah ciat dingin kong lamen hi." 
 JEFF MYERS. PH.D. 
 Asst.Prof. of Communication Arts, Bryan College

"Mark Carhill pen ka theih Pasian na sem te sung panin Christian te a ding deih sakna tawh angsung ngaih sut a, Pasian na sem pa a hihi. Tanglai thu-um masa te in gupna thu tang ko zia te a mah in a thakin hong hilh kik hi. Mark pen pawlpi lianna ahi mi atam zaw lungkimna leh pawlpi lianna te ah tavuan letna bang bek tawh na a sem dingin a ki lawm kei hi. Banghang hiam cih leh amah pen mi a tamzaw lungkimna leh tavuan letna bek tawh nasem mi ahi kei hi. Pasian minthang ta hen! Ama hanciamna pen zuau kihel vetlo ahih lam amah in gamtatna tawh a lak hi. Ama hanciam na hangin phat tuamna tampi tak piang hi ci-in ken ka thei hi. Mi khempeuh in ama thuhilh na hangin tha ngah thei mahmah uh a, khantohna zong tampi tak mah ki mu thei hi.
" SHERRI MCCREADY 
 Director, Choice Lifesyle Ministries

"Mark Cahill pen Summit Ministry Pasian na sepna-ah kumtampi tak sangsia a sep sungin sang naupangte-in Pasian thu gen nopna lungtang a neih theih na dingin thana pia zo a, sangnau pang te lungsim a zo pen amah bek mah a hihi. Hih laibu na sim ciangin amah pen Christ a ding thu-um mite kiangah Lungdamna thu hilh dingin lainatna man nei hi, ci-in na mu thei ding hi. Tua bek hi lo-in hih lai bu na simna hangin Topa Jesu' Lungdamna thu na genna-ah hansan na thak na nei ding hi." 
 DR. JOBE MARTIN 
 President, Biblical Discipleship Ministries 
 Reckwall, Texas.

"Mark Cahill in sangnaupang te lungtang ki khelhsak zawh nang thuhilh siamna a nei hi. Lungdamna thugen nopna a hi, ama neih lungtang leh ama na sep zia hoih na pen midang te tawh teh kak theih ding ahi kei hi. Ko zong sangnau pang te leh zumna sem te mah bangin Lungdamna 3 thu genzia leh gennopna lungtang ka nei uh hi. Mark pen alamdang mahmah Pasian mizat a hihi. Mark nasepna mikhempeuh in ih etteh ding ahi hi. 
 ERIC MORRIS 
 Principal, Timothy Christian School 
 Piscataway, New Jersey. 

"Mark Cahill pen thu-um mite a ding hong kipia letsong khat ahihi. Mark pen ama kammal bang a , na a sem, mi dang te tungah zong ama theih thu te hilh kik in, khamangthang tampi a man pa a hihi. Keimah in ama thu hilhte ngai-in, ama gelh thute sim a, amah tawh kaki kholh aki pan Khamangthang te a ding lainat na lungtang ka nei hi. Hih laibu sunga om thu te pen sathau nilh na pan in a ki gelh thute hi a,Christian te lungtup in a mangthang mi te a zong ding leh a honkhia ding ahih na thu hong thei sak kik hi. Hih laibu sim in la, na nuntak na sungah zang pah in" 
 MARK N. SHANER 
 Youth Pastor, Central Community Church 
 Witchita, Kansas 

"Ephet. 5:16 na sungah ' Pilvang tak a gamtat ding' thu hong hilh hi. Kei pen kum 15 sung FCA ah na ka sem hi. A hi zongin Mark Cahill tawh ka ki muh masiah Lungdamna thu gen nopna lungtang ka nei kei a, hun tampi ka mawk bei sak hi. Mitampi tak te in amau hun neih ciat manpha tak a, a zat theih ding ngaih sun ciat uh hi. A hizongin ih hun neih te manpha tak a, a zang nuam te a dingin Mark pen a etteh tak mahmah mikhat ahihi. Amah pen lungdamna thu tangko na-ah a etteh tak mahmah Pasian na sem a hihi. Ama tangthu leh ama tuah thute in nang hong mai zum sak ding a, ih Topa Zeisu Khazih Lungdamna thu hun na ngah simin hangsan tak a na tangko theih na ding tha hong pia ding hi" 
STEVEN WIGGINTON 
Kentuckiana Area Director, 
Felloship of Christian Athletes 

"Mark Cahill ih khamangthang te a veina, khangthak te in Khazih a theih na ding lainatna lungsim a neihna te pen gen zawh ding ahi kei hi. Lungdamna thu genna tawh ki sai-in ama gelh thute in mui bun mahmah in, lawp huai mah mah a, thupi thei mahmah hi. Ama thugen te pen Christ gen thute tawh a ki bang hi." 
DAN MC MILLAN 
Principal, Loganville Christian Acdemy
Loganville, Geogia. 

"Keimah in kum sawm pan sawm nih kikal khangno te a ding ahi zong, agolsa te ading ahi zongin Jesu thu gen theih ding thapiak nopna lungsim ka neih leh Mark Cahill tungah huhna ka nget ding ahihi. Leitungah Mark banga deihsakna lianpi tawh Pasian na a sem ka mu nai kei hi. Amah pen midang thugen siam te leh lai gelh dang te tawh aki bang kei hi. A mah in a gen thute pen gamtat na tawh a lak hi. Tansawm sangpi ka kah sungin amah tawh kaki thuah den a, ama upna hong gen thei zel hi. Amah in meicih in ama kiim ah mituu sak a, ama thu gente a ngai sak diimdeem thei zel hi. 

"Mark pen a abuaisak zo kua mah omlo in suakta tak a, Pasian na sem pa a hihi. Amah pen Pasian na sepna ah hangsan na leh sih ngamna nei hi. Mikhempeuh in Lungdamna thu manpha a zak theih na dingin Mark pen a panpih ding zong a om loh hangin amah in hangsan tak in Pasian na a sem hi. Amah in tuhun a Pasian na sem nuam lo Pasian mite in Pasian na a sep theih na dingin ama in tha pia zo hi. Amah in tua mite tungah Lai Siangtho tawh aki tuak upna a neih theihna ding leh lawpna leh vangliatna tawh Lungdam nathu a gen theihs dna dingin a hilh hi. Eite in leitung mun khempeuh ah pai-in, hun simin mimalkim tungah Jesu thu ih gen theih na ding hansanna tha hongpia dingin Mark Cahill pen ih ki sam pha diak hi." 
 RICHARD KING 
 Youth Pastor, Mountain First Baptist Church 
 Stone Mountain, Georgia

"Ka sep ngei kholloh Lungdam na thu gen pen Mark a lainat mahmah nasep lianpi khat a hihi. Amah in midang te tungah lungdam na thu gen ding thapia in, amau upna a gen khiat theih na dingin lam a lak hi." 
 JOE WRIGHT 
 Pastor, Central Christian Church 
 Wichita, Kansas 

Lungdamna thugenna-ah lawpmahmah na lungsim, pai-a sepkhiat na leh pilvangna lungsim tawh ih ki dim ding ahi hi.

Mark Cahill Tangthu Tomno.
Mark Cahill pen Auburn University pan in business degree buaih angah hi. Amah pen basketball pasal kimawlna ah All- American panin pawhtawi na zong a ngah hi. Sumzon na-ah a nuntak na kum tawm khat a zat khit ciangin Jesu Christ kiangah a nuntakna ki-ap in mitampitak te lungsim ki khelsak nuam ahih manin Pasian in mun hoih ahilhna dingin thu a ngen hi. Kum khat sung sangah lai hilh hi. Mark in a nuntak sungah laihilh dingin ki ap mah tase leh Pasian in Christian High School ah hunbit Lungdam na Thu gen dingin a zang zaw hi. Tua ciangin Mark in hih Lungdamna thu gen na pen nasia tak in hong sem hi. Mark in kum khat hun sungin biakinn ah ahi zongin, ki kuna tuamtuam te ah ahi zongin, conference leh camps ah ahi zong in mi 25,000 tungah Pasian thu gen hi. Khamangthang te kiangah pai in Lungdamna Thu ih gen ding hi ci-in thu-um mite kiangah hanthawn thei zel hi. Amah pen lai hong hilh hangin laisangin a thupi zaw thu hong hilh den hi ci-in a sangnaupang te khat in agen hi. 

Ama na sep pen vanki suakna mun, lasakna mun leh limsuai na mun, gunngei khawlnuam na mun leh khuasung guih theih kham theih ki zuak na mun te leh khamangthang te omna peuh ah pai-in Lungdamna Thu gen ding ahi hi. Mark pen Georgia Stone Mountain ah teng hi. 
To arrange a speaking engagement, 
contact the Ambassador Agency toll-free at 
877-425-4700 or www. ambassadoragency.com 

To order additional books or resources, or to receive 
the free e-newsletter, go to www. markcahill.org 

Contact Mark Cahiil Ministries at: 
P.O.Box.439,  Bartlesville, OK 74005 800-NETS158 (800-638-7158) 
mark@markcahill.org

 VANTUNG AH NASEP THEIH LOH DING NAKHAT

MARK CAHILL 

"THUMAN IN NOTE HONG SUAKTA SAK DING HI" 

Aman nei nuntakna leh 
aman nei sihna hongpia 
Jesu Christ tungah 
ka lungdam mahmah hi.

 Ka it ka nu leh ka pa, Mike, Matt, Jill, Steve, Morgan, Holly, Christian leh ka innkuanpih te tungah lungdam kako nuam hi. Ka sanggam te ahi, Woody, Joanna, Ray, Sonya, Meg, Ed, Don, Jobe, Jenna Dee, leh kanuntak na sungah Christian khat bang a ka nuntak theihna ding hong pantah lawm leh ngual a kua mah ciat tungah zong ka lungdam hi. Pasian nasep ka ki pat theihna dingin ma hong panpih ahi, Joe White, Mike Mc Coy, Richard King, Jeff Myers, and David Noebel te tungah zong lungdam ka ko hi. Hih sungah na min aki gelh kei khak leh hehpihna tawh hong thei sak un. Kei mah in note ka kongphawk den ding hi.

A SUNGA, A OM THUTE 

Thumasa 

1. Khanglam Gunngei 
2. Ham Phatna 
3. Gualzawhna, Gualzawhna, Gualzawhna. 
4. Mawh Puak Noplohna 
5. Hihte Na Ngah Khinta Hiam? 
6. Amau Te In Nuntakna Nei Ahih Leh Jesu Kisam hi. 
7. Bang Hiam Ci in 
8. Mawhna 
9. Kisik Kikna Dotna Kuate 
10. Dawnna Pha 
11. Tickets Laidal Tawh Aki Dim Ip 
12. Athu Omlo Ahi Diam? 
13. Aki That Ding Mi Phazah 
14. Dear Satan Or Dear Pasian 

THU MASA 
Tu zawh kum awn za thum khit ciangin bang ki thupi sak pen ding a hi hiam? Sumna neih zah thupi pen ding ahi hiam? Na zat mawtaw a thupi pen ding a hi hiam? Tukum in NCAA bawlung ki mawlna leh basket ki mawlna a, akhatna a ngah te thupi pen ding ahi hiam? Laam kidemna a akhat na ngah te thupi pen ding ahi hiam? 

Tuzawh kum awn za thum khit ciangin Vantungah kua teng tung a, Hell sungah kua teng tung ahi hiam cih pen a thupi penpen ding hi. Tua hi leh tu a ih kikup ding zong hih thumah hi ding hi. Matthai 18:11 na sungah," Bang hang hiam cih leh Mihing Tapa pen a mangthang mite a hon dingin a hong pai a hi hi." ci-in Jesu in a gen hi. Jesu in amangthang mite a thupi penpen in a ngaihsut leh bang hang in eite in amangthang mite thupi sak lo zenzen ding ih hi hiam? Tua ahih manin ih dot ding thu in hih bang a hi hi. Tu a nasepna pen tuzawh kum awn za thum hun ciangin phattuam na a piang sak lai ding hiam? 

Korin Nihna 5:10 na sungah, "Bang hang hiam cih leh Khrih mai-ah thusitna a thuak dingin eite khempeuh a ki lak ding ih hi a, leitung ih pumpi-in i om lai-in i gamtatna tawh ki zuiin eite tawh aki tuak ciatin a sia ahi a, apha a hi zongin a ngah ciat ding i hi hi." ci-in tel tak in a hong gen hi. Topa Jesu nungzui khat hih na tawh in nikhat ni ciangin Topa tokhum mai-ah ding dingin na um takpi hiam? Eite pen Pasian mai-ah khat khit khat a ding ding te ihi hi. Hih thu na ngaihsun kha ngei hiam? Tua hun ciangin nangin thu-um lo mite tawhin na upna pen hangsan takin na gen ngam ding hiam? Ahih kei leh Jesu pen khamang thang te a dingin si hi ci-in gen mah ing na ci ngam ding hiam? Gupna thu gen mah ingh na cih ngam ding ahi hi. Tua bang a na gen ngam dingin hun na neih sungin gupna thu na gen ding ahi hi. 

Pasian tokhum mai-ah ih din hun ding pen ka mitkha-ah ka mukhol khin hi. Tua hun ciangin ka gen ding thu pen tulaitak a ka lungsim hong sukha penpen thu ahi hi. Jesu ka muh ding ciangin amah pen kei lamet na sangin lian zaw dingin ka um hi.Tua hun ciangin keimah in a siangtho penpen pa mai-ah dingding ka hih manin mawhnei ka hih lam leh misiangtho lopa kahih lam hong ki langh mahmah ding hi. Tua hun ciangin cik mah hun a ka muh ngei loh vangam hoihna ka mu ding hi. Tua hun ciangin tualaitak hih lei a ka sepna te ka hawmthawh mahmah ding hi. 

Eite in Peter leh Paul te tawh a om khawm hile hang amau te-in hong hilh ding thu tampi takom dingin ka um hi. Spurgeon, Whitefield, Wesley, leh Moody te tawh a ki ho hi le hang, amau te-in bang thu hong hilh ding ahi hiam? Amau te in bangzah a bei zongin khamangthang te kiangah gupna thu ngen ding: ih Topa a dingin nung hei lo a, hangsan takin mai nawt ding hong gen ding ka um hi. Rom. 10:13-15 na sungah hih bangin hong gen hi: 

Lai Siangtho-in, "Topa tungah huh na a ngen khem peuh te-in hotkhiatna a ngah ding uh hi" a ci hi. Ahi zongin a up loh pa uh tungah kua-in thu ngen thei ding a hi hiam? Ama thu za ngei kei leh kua-in a thu-um thei ding ahi hiam? Ama thu a ki gen kei leh kua-in za thei ding a hi hiam? A gen dingin ki sawl om kei leh kua-in a thu gen thei ding a hi hiam? Tua a hih manin Laisiangtho sungah, "Lungdamna thu ahilh dingin a hong pai mite hangin ki nuam mahmah hi" ci-in ki gelh hi." 

 Tua ahih manin hih laibu sungah: A mangthang mi khempeuh te leh leitungmi khempeuh a ding a sipa Jesu Khrih itna thu hangsan tak a, a tangko dingin thu-um mite sawl na thu ki gelh hi. Jesu in amau a dingin a sep sa nate pen amau te in a zak kei uh leh bang hang in mite in gupna thu gen in Jesu-um thei zenzen ding ahi uh hiam? Jesu thu Christian te-in gen kei le hang kua in za thei zenzen ding ahi hiam? 

A beisa hun kum sagih sungin mitul tampi te kiangah gupna thu gen theihna hun ka ngah khin hi. Hih hun sunga ka tuah thute leh Pasian hong hilh thute hangin kiniam khiatna lungtang ka nei hi. Kum sagih sunga katuah khak thute pen hih laibu sungah kong gelh khia hi. Midang te adingin phattuamna tampi piang dingin ka um hi. Hih laibu sunga, a om thute in na lungsim hong lawpsak na ding leh tha hong piak na ding pen ka thu ngetna ahi hi. Thesalonika masa 5:11 na sungah, "Tu ma-a ka hong gensa uh mah bangin kamtam nuam se lo-in hoih takin om hithiatna, no tawh a kisai thu bek ngaihsutna, leh note' nuntakna ding na na sepna ding uh hanciamin nei un" a ci hi. Eite pen Christ a ding na hoih penpen sem thei ih hih lam khat leh khat tha ih ki piak ding a hi hi. Lungdamna thu pen gen ding zah in gen lo na hih manin mawhna na bawl hi ci-in kong mawh sak nuam kei hi. A hi zongin hih laibu in Pasian a ding hangsanna na neih theih na dingin tha hong pia ding hi. Hih laibu in a tawntung a dingin na gen dingthu na theih nang na lungtang hong lawng ding hi. Hih laibu in khamang thang te a dingin ungdamna thu na tangko na ah gamtatna leh Laisiangtho tawh ki tuak a na hilh theih na ding lam hong hilh ding hi. 

Hih laibu pen khatbek laisimna ah ahi zong, ki pawl khawm Lai Siangtho simna ah a ahi zongin na zatnop leh www.markcahill.org ah na en le cin Laisin Lamlak (study guide) ah na mu ding hi. Hih sungah na en le cin na nuntakna sunga, a ki sam nate na mu thei ding hi. Tua thu te pen na nuntak na sungah na zat pah ding ahi hi. 

Nikhat in mi 150,000 si hi. Tua mite pen koi lam zuan ding uh ahi hiam? Hih laibu na sim in. Hih laibu bangin kalsuan in. Pasian in nang tungtawn in na hong sem ding hi, ci-in muang in. Hangsan tak a na sepna te ah Pasian in hong ompih hi cih pen phawk gige in. Tu zawh kum awn za thum khit ciang a thu piang ding tawh kisai hanciam nopna lungsim nei na hih manin ka lungdamna ki gen zolo hi. 




(Mai lam ah' asim nuam theithei ding in hong hanciam semsem ding hi ingh.
Cinpu Zomi ( www.laibusaal.com ).

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: VANTUNG AH NASEP THEIH LOH DING NAKHAT. - MARK CAHILL Description: Rating: 5 Reviewed By: Cinpu Zomi
Scroll to Top