728x90 AdSpace

Hot
Menu
Zon-ol na Donate

Latest News

Zomi Association of United States (ZAUSA) Kipatna leh Nasepnate Tangthu.


Zomi Association of United States
P.O. Box 301551 Portland OR 97294
 Address: 10301 NE Glisan Street
Portland, OR 97220
Phone:      503 334 9293
Faxး       971 271 6755
Email: zomiusa@gmail.com           
Website: www.zomiusa.wordpress.com

2009 MOTTO: 
TOPA MUANG NI - TRUST IN GOD
2010 MOTTO: 
TOPA IN ZOMI A HONG PIANSAK MANIN ANGTANG ING - PROUD TO BE ZOMI
2011 MOTTO: 
TOPA LEH ZOMI AADING NAHOIH SEM DING - FOR GOD AND ZOMI
2012 MOTTO: 
KHAZIH SUNGAH ZOMI KHEMPEUH PUMKHAT HI HANG - ZOMI ARE ONE IN CHRIST


Zomi Association of United States Zum honna thu Taangkona

Pasian’ thu sungah Zomite maa pangkhawm-in , a bucing, a khantoh nadingin semkhawm ding cih ngiimna tawh 2005 kum-in, Zomi Christian Network (ZCN) ki phuankhia hi. Oregon ID#288597-91. ZCN in President George Bush leh UNHCR-te’ tungah Kawlgam aa om Zomite Human Rights-vai leh Biaknavai-in haksatna a thuakna thu-te laigelh-in ki theisak hi.

Pasian in thupha hong pia-in, Zomite gam thumna-ah ih tung hi. Zomite U.S. gam-ah khuasa-in, khantoh nading vai leh gamdang-a om Zomite’ kisapnate vaan dingin, NGO neih ding kisam ahih manin, March 2009 kum-in Zomi Association of United States kipawlna Oregon state, Portland khua-ah ki phuankhia hi.

UN-DESA in 2009 September kha-in ZAUS pen member-in hong saang uh hi. June 14-15, 2010 United Nations Headquarters, New York “UN General Assembly Informal Interactive Hearings” kikhopna-ah ZAUS taangmite kihel theihi.

ZAUS vaihawmna tawh US gam kumpi sang-ah, “Amasapen Zolai sinna” Portland khua-ah 2012 kum September 15 ni-in ki bawl hi. Sang naupang te in Zolai tawh credit 4 ngah thei hi.

ZAUS in ORR kumpi zum pan in “Ethnic Community Self-Help programs grants” ($50,000/yr) ki ngah-in, November 3, 2014 aa kipan-in Immigrant & Refugee Community Organization (IRCO) ah zum kihong hi. Khuadangte ahzong hon’ dingin ngiimna om hi. (ZAUS 12/11/2014)

Zomi Association of United States Nasep sate pulakna

1. March 6, 2009 ni-in Oregon State Portland khuapi-ah Zomi Association of USA ki phuankhia hi. April 8, 2009 ni-in Oregon State ah registry number 593147-90 ki ngah hi.

2. May 9, 2009 ni-in Zomi Association USA makaite Oregon State zumpi omna Salam khuapi-ah vapai-in Oregon State Governor Ted Kulongoski leh legislators (senate & house legislative) te tawh kimuhkhopna ki nei hi. Governor-pa tungah ZOMI te US ah minam khat-in hong ki ciapteh nading thusunna lai (Memorandum) ki pia hi.

3. July 8, 2009 ni-in Portland khua Mayor Sam Adam leh City Council te mai-ah Zomi Assoctation of USA Chairman leh Secretary-te in Zomite minam khat-in ciaptehna ih ngah nadingin thusun na ki nei in menorandum lai ki pia hi.

4. Saturday August 8, 2009 ni-in Portland khua aa om Kawlgam miteng in “8888” phawkna ki bawl hi, Zomi Association of USA members-te va kihel-in ZAUS chairman in thugenna nei hi.

5. August 12, 2009 UN Secretary General, United Nations Office on Drugs and Crime (UNODC) leh  India Embassy in U.S. te tungah lai ki at hi. A thulu pen:

A. Aung San Suu Kyi NLD, Kam Lian Khup ZNC, Khun Htun Oo SNLD leh thong kia aom political prisoners te khak na ding vai
B. ZAUS’s concerned about the illegal production of poppy and drugs in Cikha Township in India –Myanmar boarder area. Tongzang Cikha gam aa beng ki ciing te suksiat na ding.
C. ZAUS’s concerned on Indian Meitei militants tortured and executed of Mr. Kam Sang Muan son of Mr. Khaat Kam of Tongciin village. Meitei te’n eimi te ong that sak nawnloh ding.

6. August 28, 2009 ni-in World Association of Non-Government Organization (WANGO) in member-in hong sang hi.

7. September 9, 2009 ni-in United States Secretary of State Hillary Clinton tungah Kawlgam Naingangyi vai tawh kisai-in lai ki khak hi.
(a) Aung San Suu Kyi NLD, Kam Lian Khup ZNC, Khun Htoon Oo SNLD leh gamvai aa thongkia gam makaite thong pan khahkhiat nading vai,
(b). Meitei-te in gamkek-in Tongzang leh Cikha gamah beng (poppy) kung ciinna vai-te leh,
(c). Meitei galkapte in Tongciin khuami Pu Khaat Kam tapa Tg. Kam Sang Muan a thahna vai-te ahi hi.

8. October 3, 2009 ni-in Portland khuapi-ah Khuado leh Zomi Forum khawmpi kibawl hi. Rev. Dr. JM Ngul Khan Pau, Rev. Zam King Mang, Prof. Dr. C Thang Za Tuan leh Pu G.Thang Khan Mung-te ki hel-in “ZOMI DIASPORAS” thulu tawh Zomi te khantoh na ding ki gen hi.

9. October 27, 2009 ni-in ZAUS min tawh Kurt M Campbell, Assistant Secretary, Bureau of East Asian and Pacific Affairs tungah “Ethnic minorities affairs human rights violations and Democracy in Burma” tawh kisai lai kipia hi. Mr. Campbell pen November 3-4, 2009 ni Kawlgam a zin sungin General Thein Sein, Daw Aung San Suu Kyi, U Cin Sian Thang (ZNC) le United Nationalities' Alliance (UNA) mi 12 tawh kimuh khopna nei hi.

10. November 21, 2009 ni-in ZOLAI hong bawlsak American Baptist Mission Sangmang Dr. J H Cope phawkna kum 99 cin’ pawipi Portland khuapi-ah ki bawl-in Rev. Dr. Gin Khan Nang in thu genna hong neihhi. Cope Topa zat laibu te abawl laibu original-te lahna hong nei hi.

11. December 17, 2009 ni-in United Nations Department of Economic and Social Affairs (UNDESA) ah Zomi Association of USA member kkat in ki sang hi. USA ah a ki phuankhia Zomi kipawlnate lak pan in UN-DESA ah a lutmasa pen ahi hi.

12. December 30, 2009 ni-in “Zomi Teennamun Zon-olna USA 2009” (ZOMI DIRECTORY USA 2009)  online pan et theih dingin ki bawlkhia hi.

13. January 27, 2010 ni-in US Census 2010 form sungah dotna number 9, race acihna -ah ZOMI ingelh ciat nading in mipi tung ah hanthotna leh taangkona Zomi email group-te tungah zaksak na ki khak hi. February 18, 2010 ni-in US Census bureau Local Office Manager Richard Lightfoot leh officers-te tawh community partnership sepzia ding meeting ki nei hi.

14. March 1,2010 ni-in ZRA Salpha Comrade Thang Khan Suan (Cingmun Khua) leh Salpha Comrade Thang Khan Dal (Kang Kap Khua)-te siatvatna dingin US $ 365 ki khak hi.

15. April 14, 2010 ni-in ZAUS makaipi Pu Zam King Mang leh Pu Nang Khan Kam-te in Portland City Hall aa ki khawm Mayor Sam Adam, City Council members-te leh mipi mai-ah US gambup aa teeng ZOMI te zattheih dingin, “Zolai Sinna Laibu” kineita ci-in pulakna nei hi.

16. April 14, 2010 Portland khua aa om kumpi zum ahi DHS zum, IRCO, zato, sang leh zum tuamtuamte-ah Zopau tawh kamphen ki ngah ta hi cih thu Portland City Council meeting-ah pulakna ki nei hi.

17. June 14-15, 2010 ni-in “UN General Assembly Informal Interactive Hearings” kikhopna United Nations Headquarters, New York kikhopna-ah Zomi Association of USA taangmite kihel thei ta hi, ZAUS palaite UN meeting kah ding in New York ateeng Pu Do Khan Khup, Pu Kham Khen Do, Pu Khup Lam Thang leh Tg. Pum Lam Thang te in UN pass ngah uh hi.

18. June 17, 2010 ni-in “ Zomi Lainatpih Campaign” Portland-ah kipan-in $755. ki ngah hi. Zomi te Unrepresented Nations and People Organization (UNPO)-ah member-in lut zawh nading leh nonprofit  501 c 3 ngah nading ngimna tawh Zomi a lainatpih mi khat in kha sim- in $1 ta piak ding (kum khat a dingin $12) sum donna hi.

19. June 26 – 30, 2010 sung in ZAUS makaipi pu Zam King Mang leh pi Cin Lun Niang te- nupa Chicago, Washington DC leh New York khuapite-ah “Zomi Lainatpih Campaign”-in khual vazin uh aa, Zomi akua mahpeuh thangah-in ki lawp mahmah hi.

20. June 28, 2010 ni-in Washington DC Senator Ron Wyden (D-Oregon) zum-ah Zominam vai leh gambel thu kikum dingin, Pu Zam King Mang, Pi Cin Lun Niang, Rev. Zam Khai, Rev. Cin Do Thawng, Pu Cin Do Khup-te va pai uh hi.

21. July 13, 2010 ni-in US Census 2010 Seattle Region-Oregon State zum panin ZAUS te pahtawina “Certificate of participation in the Complete Count Committee” award ong pia hi.

22. Wednesday September 8, 2010 ni-in Portland khua Lutheran Family Services zum ah U.S. Senator Jeff Merkley (D-OR) tawh ZAUS makaipi Pu Zam King Mang-te ki muhna nei uh hi. Tua banah Eric Schwartz Assistant Secretary U.S. Department of State, Barbara J. Day Domestic Resettlement Section Chief Bureau of Population te tawh Portland khua aom minam tuamtuam Community Leaders-teng in gambel vai-in Round table discussion ki nei

23. November 6, 2010 ni-in ZAUS in “Cope Topa Kumza Cinna” pawi Metro East Studio-ah Portland khua aom Zomi teng in thupi tak in ki bawl hi. Portland local TV pan in ki lak hi.

24. November 2010 in ZAUS min in “Zomi Humanitarian Award” Cope Topa Kumza Cinna muakna-in, Pu Zam King Mang in pahtawina sum $1100. pia hi. Zomi Humanitarian Award” angah te $100. ta ki pia hi:- 1. Rev. Dr. Kam Khaw Thang. 2. Pu S.T. Hau Go ZBC founder (pi Luan Za Cing). 3. Pu Dr. Gin En Cin. 4. Pu Pum Za Kap ZNC founder (Pi Ciin). 5. Pu Cin Sian Thang (ZNC President) .6 TBA Lungvakna Journal. 7. ZCLS. 8. ZRDP (Pu Vum Nang). 9. Rev. Job Thawngno. 10. Ciam-muih siam actors Pu Kam Khen leh 11. Pu Thawng Mung.

25. November 18, 2010 in ZAUS makaipi Pu Zam King Mang te inn kuam Malaysia KL va hawh in Zomi Association of Malaysia (ZAM) makai te tawh thu kikupna ki nei hi.

26. January 9, 2011 in Zomi Association of Thailand ki phuan hi.

27. March 15, 2011 ni in Yangon ah Pu Zam King Mang leh Pu Cin Sian Thang, Pu Gin Kam Lian, Pu Tual Khaw Mang (Mangtal). Pu Dal Do Lian (Chin State NLD). Prof. Dr. C Thang Za Tuan, Pu Hong Mang, Pastor En Ngaih Lun te tawh gam leh minam vai holimna kinei hi.

28. March 17, 2011 ni, Pu Zam King Mang Thailand gamgi Maelah leh Umphian Refugee camps-te ah hawhin Zomi pihte leh Zomi Association Thailand makaite tawh kimuhna nei hi.

29. April 12, 2011 ni-in ZAUS 2nd Annual Meeting-ah zinmangpi Rev. Dr. JM Ngul Khan Pau in Zomite pumpi taksa lam leh kha lam khantoh nading thu gen hi. ZAUS in US gam ateeng Zomi te “U.S. Census 2020” vai zaksak khoh ding in, mai lam kum 10 nasep ding in kigel hi.

30. Friday April 22, 2011 ni-in Zomi Association of USA (ZAUS) was awarded 'Exemplary Community Volunteer Effort’ by the Asian Reporter Foundation for its outstanding contribution to community activities.

31. August 16, 2011 ZAUS in Mercy Corps-te kiangah Tedim gam huihpi suksiat na a-dingin, “Emergency aids for natural disaster and long term assistance” ngetna ki neihsak hi.

32. November 21, 2011 ni-in ZAUS in Hillary Rodham Clinton U.S. Secretary of State tungah lai kikhak hi. Kawlgam-ah December 1-2, 2011 sung ahawh ciangin gamvai aa thongkia-teng a kikhah na ding leh mualmite deihna ahi federal democracy ki-ukna vaite te ki gen hi.

33. August 11, 2011 ni-in Zomi Association of Japan ki phuan hi.

34. August 2011 ni ciang in Leitung gam tuamtuam ah Zomi Associations (6) kiphuan tahi. 1. ZA Malaysia; 2. ZA Australia; 3. ZAUS; 4. ZA Japan; 5. ZA Thailand; 6. ZA European Union.

35. December 6, 2011 ni-in “Open Letter to President Obama” petition letter lai, US gam-a om politic akin kipawlna tuamtuamte leh ZAUS in suaikhaihna lai khak hi. Kawlgam human rights vai, democracy vai, leh Panlong bulphuh federal kumpi neih ding vaite ki gen hi.

36. December 30, 2011 ni-in Asian Family Center zum ulian Pei-ru Wang tawh meeting ki nei-in, East Portland Action Plan (EPAP) vai-ah na sepkhop dingin thu kikupna ki nei hi.

37. January 8, 2012 ni-in Mr. Kosei OTSUKA Ph.D (Thang Hau Lian) in, Tokyo University of Foreign Studies Researcher pan-in research bawl-in “A grammar of Zomi language” abawl man-in pahtawina kipia hi. Zolai a sin banah Zo ngeina minphuak dan zong hoihsa ahih man-in amin ding in pu Nang Lian Thang kitamsak in, Thang Hau Lian in phuak hi. Atapa min zong a sia nu pi Man Ngaih Hau tam-sak in Hau Nun Sang phuak hi. Zogam pha nuam ahih man in Kawlpi dong va zin hi. Vai teng ahawmsak Zomi Association Japan te leh Zolai ahilh sianu Pi Man Ngaih Hau tungha ki lingdam hi.

38. Portland khua-a om Zomite in Kachin galtaite huhna sum (KRRF) $600 ki dongin, WZC  tungah Zomite taang dingin kikhak hi, Kachin galtaite huhna a kigawm-in $13013.95 kipia hi.

39. January 30, 2012 ni-Zomi Association of USA in CNF te’n Tedim-Tonzang gam-ah liaison zum honloh nading khamna lai ki khak hi.

40. February 23, 2012 ni-in CNF’s Supreme Council makai Dr. Za Hlei Thang in lai ong thukkik hi, “ZAUS-te laikhak tungtawnin ahi zong, Tedim-Tonzang mipite deihloh thute ki vaihawm lo ding hi” ci hi.

41. February 3, 2012 ni-in ZAUS in Oregon State Governor John Kitzhaber tungah, Zomite minam khat-in U.S. kumpi in ong ciamteh nadingin memorandum lai ki pia hi.

42. February 3, 2012 ni mah-in APANO-te tawh kop-in Oregon Legislative-te tawh kimuhna ki nei-in gambelte huhna sum leh TANF-te ong ki piakbeh nadingin thusunna ki nei hi.

43. March 3, 2012 ni-in ZAUS makaih na tawh Lutheran Services zum ah Kawlgammi te ki- muhkhopna khawmpi ki bawl hi. Kawlgam Federal Democracy vai thu kikupna ki nei hi.

44. Saturday April 21, 2012 ni in ZAM Founder khat ahi Pu Neng Hau Kim, Pu Mang Suan Pau, Pu Khai Pian leh US states tuamtuam pan-a ZAM makai sem ngeiteng phone-conference thu kikupna ki nei-in, ZAUS phungvuh dingin ki thukim hi.

45. Saturday April 28, 2012 ni-in ZAUS Kum thum cinna Khawmpi Asian Family Center ah picing takin ki bawl hi. AFC panin Pei-ru Wang leh Teresa Lavagnino in thapiakna thu ong gen hi. EPAP fund panin nek leh dawn teng ong sik-in, lungdamna ki ciamteh hi.

46. Saturday May 19, 2012 ni-in Zomi Association phungvuh ding ngaih sutna leh kipawlna a taangzai ding ngimna in ZAUS Board Members ding in states tuamtuam panin kiteel hi. ZAUS bylaw Section VII zui in Board member te term khat teh kum 2 sem ding hi.

President: Pu Zam King Mang (OR),
Vice President: Pu Tual Khan Lian (OK),
Secretary: SB Langhno ( OR),
Assistant Secretary: Tg. David Khai (NY),
Treasurer: Pa Khai Pian Thang (OR),
Accountant: Tg. Zam Langh (TX)

Member at large:-
(1). Kam Mang (DC)   (6). Paul Mang Pau (OR)    (11). Thang Cin (OR)
(2). Pau Mung (OK)    (7). Neng Hau Kim (NC)    (12). Thang Khawm Pau (KY)
(3). Cin Pau (OK)      (8). William Kim (OR)      (13). Nang Khan Kam (OR)
(4). Cin S. Mung (GA)  (9). Lum L. Thang (OR)    (14). Lian Lam Thang (OR)
(5). Lian M. Vung (WI)  (10). Cin Ngaih Suan(OR)  (15). Thawng Mung (OR)

47. Kawlkumpi Kitelna Zum panin, “Kawlgamah Zomi omlo” ci-in Zomi National Congress register ong piakloh huhhau-in Zomibup ki lungkim lo in ki so tek hi. Pu T. Zo Khai makai-in Zomi Association Australia te-in Canberra Kawlgam Embassy mai-ah lungphona nei hi.

48. May 30, 2012 Zomi Association of USA in President U Thein Sein tungah Kawlgamah Zomi om hi cih thu, Zomi National Congress te laipha siksan in memorandum lai kikhak hi.

49. ZAUS in zong WZC-tawh mapang khawm in, Lungphona neih ding vaihawm san laitakin Kawlgam Kitelna zum panin ZNC pu Cin Sian Thang tungah, “Zomi om hi, party register bawl kik un ci-in,” zasak kik hi. Zomi Congress for Democracy (ZCD) party minthak ki-kipsak hi.

50. July 6-7, 2012 Tulsa-ah Zomi Innkuan USA (ZIUSA) Kumcin Khawmpi-ah zin mangpi dingin ZNC president pu Cin Sian Thang ong pai thei hi. ZAUS palai in meeting kah dingin Pu G.Thang Khan Mung, Pu Khawm Pau, Pu Cin Sian, Pu Khai Pian leh Pu Tual-te ki seh hi.

51. September 15, 2012 ni-in ZAUS board meeting ah Piantit paite (French Labor Corp) phawkna mualsuang Tedim-ah phuh ding ki khentat hi. April 2017 kum ciang in Piantit paite kum 100 cin na (1917 -2017) leh “Zogam Landmarks” a kibawl zawh nadingin ZAUS makai in Zomi kipawlna tuamtuamte tawh sepkhop dingin ki vaihawm hi.

52. September 15, 2012 Portland Public School-ah Zolai sin theih dingin ZAUS in ki vaihawm hi. Makai dingin Lum L. Thang, Khai Pian leh Pau L. Khup-te ki seh hi.

53. September 22, 2012 ni-in Bishop Felix Lian Khen Thang pahtawina-in “Zomi Leadership Award” ki pia hi.

54. "Zomi Patriotic Award" ZAUS in Pu Cin Sian Thang leh Pu Dr. C. Thang Za Tuan ki pia hi. Kawlkumpi Kitelna zum (Election Commission) panin, "Zomi nam omlo" ong cih ciangin, "Zominam i-om lam athu kicing takin evidence tawh lahtheih nadingin Zomite taangthu kigelhna, Mang-lai, Kawl-lai, Zo-lai in laibute akaikhawm Tedim Association President Pu Dr. C. Thang Za Tuan leh ZNC President Pu Cin Sian Thang-te vaihawmna tawh Zomi Congress for Democracy (ZCD) in register ngah kik hi.

55. November 7, 2012 ZAUS Education Department makai Lum L.Thang vaihawm-in United States, Oregon State, Portland High School te-ah Second Language khat-in “Zolai” hong ki sang hi. United States gam high school te ah Zolai a-kisim masakna hi.

56. November 17, 2012 ni-in High School Deploma ngah na ding in Zolai tawh credit 4 ki ngah hi. Centennial High School ah sang naupangte in credit 4 ngah dingin test ki bawl hi.

57. December 1, 2012 meeting panin Kawlgamah ZAUS zum (branch) hon dingin thu ki khensat hi. Taangmi ong sepsak dingin Pu On Khan Suan ki seh hi.

58. Portland High School Zolai sinna-ah zat dingin:- 1. ZAUS pan-aa ki bawl "Zolai Sinna"  2. Pu T. Zokhai bawl "Gualbaan Zolai Sinbu" 3. ZAM bawl Dr. Dal Lian Haukip “New English Zolai Dictionary”. 4. Khaipi bawl ZoDictonary.com 5. ZOLUS magazine te. 6. ZAUS in Articles tuamtuam kaikhawm-in Zolai buthak bawl ding in gelna ki nei hi.

59. December 20, 2012 Zomi Associationn of USA vai hawm na tawh, US Citizenship suahna-ding aa laivuanna-ah kidong thu 100 te Zolai-in, Kawl-lai in online ah ki khah hi.

60. December 27, 2012 - ZAUS in East Portland Action Plan panin grant $7000. ki ngah hi.
A. U.S. Citizenship test 100 questions te Mang-lai, Zo-lai, Kawl-lai laibu-in ki bawl hi.
B. Leadership and civic engagement and advocacy thusinna ki nei hi.
C. Rental rights and responsibilities vai thusinna ki nei hi.
D. Child and Family, the Law and Crime Prevention vai thusinna, cihte nasepna 4 ki nei hi.

61. February 10, 2013 ZAUS Culture Development Department vaihawmna tawh, Portland khua a tee’ng Zomi teng in Kachin gam galtai Refugee te $1200. huhna ki pia hi.

62. February 16, 2013 Zomi Innkuan Portland vaihawmna tawh Kum 65 Cinna Zomi Namni ki bawl hi. Zin mangpi ZAUS President Pu Zam King Mang in a thugenna-ah Zominam Ni maban dingin:-
            (1.) Pinglong agreement thukimna zui-in Kawlgamah federal democracy ki ukna a om nadingin Mualmiteng leh democracy a deih Kawlmi teng in maapang khawm ding.
            (2.) Kawlgamah minam khat leh khat gal kikapna leh Tualgal a beina ding leh kilemna leh daihna a omna ding-in gambup kilemna 'National reconciliation' bawl ding.
            (3.) Zomi teng ki lungtuakin, EU gamte bangin Zogam Union khat-in ih din theih nadingin Burma, Bangladesh, India kumpite tungah thudam tawh ngen ding. Bangladesh, Burma- Myanmar leh India gam aa teeng mualtungmi teng Zomi in huam ding hi hang. (Sengam, Thailand gamgi aa teeng mualmite suakta takin kizin, kikawm thei khin uh hi.)
           (4.) Zogam khantoh na ding in, Paletwa pan Lamka dong lamzikpi bawl nading; Kaladan River development project amanlaang in sepdingin India leh Kawlgam kumpi te tung thu sung ding.

 (5.) Pasian thuzui Zomite in Pasian muangin eimaa thagum hatna tawh hi loin, Khasiangtho tha muangin, Pasian thupha sang Zomite ihih nadingin thuman-in citak ding. (Late 33:12).

63. February 20, 2013 Zomi Re-unification Organization (ZRO) phalna tawh ZAUS in Zomi nam dialkhai (Zomi national flag) ki bawl hi. Hih dialkhai pen 1993 kum-in ZRO innteekna tawh a-kibawl ahi hi, Zomi Council in zong Zominam dialkhai dingin pompih uh hi.

64. October 25 to 27, 2013 ni in Lamka (Churachandpur), Manipur ah “ The 3rd World Zomi Convention” thupi tak in ki bawl hi. Zomi nam 53 te (53 sub-tribes) te ki kaih khop na pi hi in, kampau kibatlohna te hang in, beh leh phung hang in ki khen na te nusia in “Zomi National Movement” Zomi Kalsuan na ah numei pasal ki deidan loin ki thutuak in “Thuphasang Zomi nam” I-hih zawh na ding in kipumkhat na ding in vaihawmna ki nei hi. US gam pan in ZAUS chairman Pu Zam King Mang leh Pi Cin Lun Niang te, EU gam pan, Kawlgam pan in ZBCM, ZYA makai te leh ZCD Pu Cin Sian Thang te kihel in, gamdang mi kikhawm mi (225) kipha hi.

65. On September 6, 2014 Zomi Re-unification Organization (ZRO) in Kawlgam lam tawh ki zop na ding in, ZRO Eastern liaison office zum hon na Mai Sot khua Thailand gam ah nei hi.

66. Zomi National Movement leh Zomi reunification pan pih na in ZRO-Eastern liason zum aa ding in, ZAUS tungtawn in donation citpiakna kikaikhawm-i kha sim in $200. kikhak zel hi.

67. November 3, 2014, ni-in Zomi Association of USA in Immigrant & Refugee Community Organization (IRCO) zum ah zum ki hong hi. US aa om Zomi ki pawlna tuam tuam te lak pan in ORR te grant tawh zum ki hong masa pen hi.

68. December 6, 2014 ni-in ZAUS vaihawm na tawh Pu Gin Kam Lian ZCD general secretary leh Portland khua aom Zomi te in, “Zoland Forum - Zogamvai holimna” ki nei hi.

69. December 19, 2014 ni-in Zomi Association of USA in Immigrant and Refugee Community Organization zum tawh “Newcomers Engage Project” vai in Memorandum of Understanding (MOU) suaikaihna ki nei hi

70. May 30, 2015 in-in ZAUS 6th Annual Meeting & Cerebration thupi tak in, Tin Tin Buffet ah ki bawl hi. Zinmangpi in Pu Zam Za Mung (ZCD secretary) Kawlgam pan in ki sam hi.

71. November 17, 2015 Zomi Association of USA in, Portland City Council zumte piak “Spirit of Portland Awards” ki ngah hi. Hih Outstanding Organization Awards (1 award) pen kumkhat in khat bek aki pia ahih man in ki ang tang mahmah hi.  

(Theih ding : Website tung ah Zomi khempeuh in simtheih ding in ZAUSA Aphuan leh Lutangpi ahi Pu King mang kiang ah ka ngetna tungtawn in 10/23/2015 in phalna hongpiak ahi hi. Lungdam.
Cinpu Zomi (www.laibusaal.com) )

Source : ZAUSA. Pu King Mang.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Association of United States (ZAUSA) Kipatna leh Nasepnate Tangthu. Description: Rating: 5 Reviewed By: Cinpu Zomi
Scroll to Top