728x90 AdSpace

Hot
Menu
Zon-ol na Donate

Latest News

ZOLAI BU. (ABC- Kammal Kim/Pasian Kam leh Tangthu tuamtuam)

ABC LAIMAL KIM
A : AKKHUANGTA THAWH HUNTA
B : BII LEH LO GAMLAK PO
C : CI OMLO SA LIMLO
D : DOLKUNG SANG GAM SING MANG
E : ETLAWM MUALKUAM ZOGAM NUAM
F : FEBRUARY 20 NI ZOMI NAMNI
G : GAM A DING NASEM DING
H : HANAWT SIANG LUP DING CIANG
I : INNTUAL ZAANG LAMSAI NA
J : JANUARY THEINO SI
K : KHUADO PAWI KUMKHEN PAWI
L : LAWM LE GUAL LUNG KIHUAL
M : MUITUNG MUIPHEI KI PEIPEI
N : NAILAP IN SANG KAH IN
O : O LAIMAL BEM VEL VAL
P : PILNA SIN LIMTAK SIN /PI LE PU HUA AH TU
Q : QUININE KHA ZATANG KHA
R : RADIO NEI THUTHAK THEI /RUSSIA GAM KHUADAM GAM
S : SIA PEUH MAH ZAHTAK PAH
T : TANGTHU HOIH CIAP TEH HOIH
U : UM LE BEEL SIANG DING BEEL
V : VAIMIN UUM ZUAK LENG SUM
W : WHEAL NGASA NAWINE NGAIHTHIANHOI
X : X – RAY NATNA THEI
Y : YINANCHAUNG NAMGIM PIANG/ YARK KICI GAMBAWNG HI
Z : ZOMI TE HANLUNG CIAM KHANGTO DIAM


ABC PASIAN KAM
A : ABRAHAM (ABIAHANG) TA PIA NGAM
B : BETSAIDA CIDAM NA
C : CIANGKHUT VAN SANTUI KAN
D : DAWIMANG PA MIKHEM PA
E : EDEN HUAN PASIAN HUAN
F : FARAW LUNGTANG SUANG LUNGTANG
G : GITLOH NA MUH DAH PHA
H : HELL MEIKHUK GIMNA KHUK
I : ITNA LO LEIBA LO
J : JESU BEK LAMKHAT BEK
K : KAMSANGTE GEN KHOLTE
L : LAISIANGTHO BU PASIAN THUBU
M : MIDIK TE'N THUNGEN DEN
N : NAUPANG PHA SUANGMANPHA
O : OLIVE MUAL VANKAH MUAL
P : PAWLPI KHAT KUNG KIKHAT
Q : QUARTET SA AW LI PHA
R : RAPTURE HUN LAK TOH HUN
S : SIBUA LO MAWHMAI LO
T : TUIPHUMNA SIH KHOPNA
U : UPNA TAWH GUP NGAH LAWH
V : VANTUNG GAM PASIAN GAM
W : WAYLAH NGA SUNG JONAH TUNG
X : X MAS PAWI LUNGDAM PAWI
Y : YEHOVA PASIAN EITE PASIAN
Z : ZU LE SIAT THEIH NA PAISAN TA , TA TA TA PIANG THAK TA
BILPI LE SUMKUANG THU

Bilpi Sumkuang

1. Ni khat bilpi le sumkuang a kimu uh hi.
2. Bilpi in,'' Lawm sukuang aw, lampai na hat kei hi” ci-in a zahko hi. Sumkuang in, ''Tai kidem ni, ken nang hong kihta keng ci hi.
3. Bilpi in,'' Kidem mah ve ni ee'' ci hi.
4. A zing ciang in bilpi le sumkusng tai a ki dem uh hi.
5. Bilpi nakpi-in tai hi. Sumkuang pen khawl lo-in damdam in a pai hi.
6. Bilpi in lopa pona khat a tun ciangin sumkuang ngak ding in tawlkhat a ih mu hi.
7. A ihmutna pan a khanlawh ciangin thakhat-in a tai kik hi. A hi hangin a kiciamna mun uh sumkuang na tung zo hi.
8. Thanuamte in thadahte a zo tontung uh hi.
9. Bilpi le sumkuang gamtatna na ciamteh in.
10. Sumkuang sangin bilpi in za vei a hatzaw hi.
11. A hi hangin bilpi hat napi-in, thadah hi. Sumkuang a hih leh a hatloh hangin a hahkat hi.
12. Sumkuang sangin bilpi hatzaw na pi-in, sumkuang in a zo hi.
13. Na khempeuh ah tua bangin ngaih sun un.

VA-AK UTONG KINEIHNA THU
1. Va-ak in utong khate tawm a, apum tung dim in a phuh khit ciangin. Utongte kiangah a va pai hi.
2. Utong te tawh a kimuh ciangin,''Kei zong Utong ka hi hi” a ci hi.
3. Utong te in,''Utong hi kei the,” a ci uh hi.
4. Tua bang a cih khit uh ciangin, Utong te in Va-ak tung a mul khempeuh a tukhia uh hi.
5. Utong mul tham lo, a ma mul zong a tusiang khin hi.
6. Tua khit ciangin Va-ak a lawmte kiangah a lengkik hi.
7. A dang Va-ak te in,''Nang, Va-ak hi kei the, ko kiangah hong paiken” ci in hawlkhia uh hi.
8. Va-ak hi na pi-in. Utong in akibawl manin, Va-ak le Utong te in mudah uh hi.
9. I pianzia bangbangin lungkim lo a. midangte pianzia banga I kibawl leh eima pianzia ngeina zong kitaanlawh thei hi.

KEIVOM LE TUUNO THU
1. Keivom khat in lui khat ah tui a nek leh tuuno khat tawh a kituak hi.
2. Keivon in'' Heih! Tuuno, katui nek hong niinsak ke'n,” a ci hi.
3. Tuuno in,'' Topa aw. Na tui nek ke'n kong niinsak kei hi. Nangma kiang pan kei lamah tui hong luangsuk hi,” a ci hi.
4. ''Hi mah hi. A hi hangin nikumin kei nong zahko a, nong simmawh hi. Tu-in nang kong petlum ding hi,” a ci hi.
5. Tuuno in ,'' Kei nikumin ka suak nai kei hi. Ka suah zawh kum khat a pha nai kei hi,” a ci hi.
6. Keivom in,'' Nang na hih kei leh na pa hi dinghi.” ci-in tuuno a ne hi.
7. I mawhna hong zong nuamte I kisut I kiphel hangin a phattuamna om lo hi.

KAUPHE LEH MIKSI THU

1. Ni khat ni-in kauphe in miksi antuah a, a kua sungah a tum a mu hi.
2. Kauphe in: ''Miksi aw , nang bangcia nasem na hi hiam? Kei mawl bangin mawl in.” ci-in a sam hi.
3. Miksi in ,''Ke'n phaibi ciangin ka nek ding an ka khol hi. Tu-in ka mawl man kei ding hi,” a ci hi.
4. Phaibi ciangin miksi in an nek ding tampi a nei hi.Kauphe in tang khat zong a nei kei hi.
5. Tua ciangin miksi kiangah kauphe pai a,'' Na an tawmkha beek hong khen zo lo ding na hi hiam,?” a ci hi.
6.   Miksi in:''Nang kong piak ding le kei ading kicing lo hi. Nang na mawlmawl lel in. Mawlmawl lwcin na gil a vah ding hi,” a ci hi.
Kauphe Miksi

NI THU

1. Zingsang tuung-a hong suak ni en un. Sil pei vial beem tawh kibang hi. Zingsangin ni a vaang ciipsan hi. Sun ciangin ausan hi.
2. Ni in a taang pha mahmah a, a sa pen meiphualpi cih tawh kibang hi. Eite in ni sawtveipi I en zo kei hi. Mei in a liah ciangin I en zo bek hi.
3. Eite in ni pan in a sa le a taang ih ngah hi. A sa le a taang om kei leh singkung, lopa le pakkungte a si ding hi.
4. Ni in gam la mahmah a om a hih ciang in a neu tawh kibang hi. Gamlapi a om mawngkungpi iet ciangin kineu muh hi. A kiangah pai-in en leeng tua mawngkungpi a gol hi.
5. Ni in leitung kiimvelin pailo hi. Leitung in ni kiimvel in a paibek hi.

Source : Zolai.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOLAI BU. (ABC- Kammal Kim/Pasian Kam leh Tangthu tuamtuam) Description: Rating: 5 Reviewed By: Cinpu Zomi
Scroll to Top