728x90 AdSpace

Hot
Menu
Zon-ol na Donate

Latest News

Lungnop Zonna Thutak Nam(6)te.

LUNGNOP 
ih zonna dingin 
Pasian’ thupiak 
na thei hiam?
1) Pasian in Ama minthanna dingin eite hong piangsak
Keima piansak kabawlsa, keima minthan nadinga ka pian’ sak, keima mintawh a kilote khempeuh ahi, ka tapate a gamlapi pan in, ka tanute leimong panin pai pih un ka ci ding hi
(Isa.43:67).
Telescope in aksite golpi takin hong muhsak bang lian in, Pasian in Ama liatna a kilang sak dingin in eite hong bawl hi. Ama hoihna, a thutakna leh a etlawmna, a pilna leh a thumannate eite sungah aki muh theih nadingin Pasian in eite hong piangsak hi. Ama hihna khempeuh sungah lungkimna bek tawh Pasian liatna leh a minthanna kimu thei bek hi. Tua bang ciang bek in Pasian in phatna leh pahtawina ngaha, eite in zong nopsakna leh hamphatna ih ngah hi. Ama sungah lungkimna sangpen ih neih ciangin eite sungah Amah hong ki tawisang a tuabang dingin Pasianin eite hong piangsak hi.

2) Mikhempeuh Pasian minthanna dingin nuntak kul hi.
“Na hihna khempeuh uh, nekna, dawn na –ah ahi zong in Pasian minthanna ding in na hih un” (I Cor10:31).

Ama minthanna dingin eite Pasian hong bawl ahih leh ama minthanna ding bek in ih nun tak tak ding ahih hi. Eite sepleh bawl ding pen ama hong thupiak na bang bang hi ding hi. Amasa pen ih sepding thu in, lugkim huaitak in eite a ding in hong kipia khia in, ama vang liatna leh minthanna ih pulak khiat ding ahi hi. Ih hihna khempeuh tawh Pasain ih it ding a hi hi. (Matt. 22:37), Ih hihna khempeuh tawh a mah muan ding (I Jn. 5:3,4), Na khempeuh ah ama tung lungdamna  ko ding. (Late. 100:2-4). A diak diak in midangte it ding (Col. 1:4,5), Hih bang gamtatna in, thuman tak a zuih zawh na zungpi a hi hi.

3) A kilawm bang a Pasian minthan sak ding ih ciampel khin zo hi.
“Mikhempeuh mawh ciat uh aa, a hong honkhia Pasian tawh kigamla uh hi.” (Rom. 3:23).

“Pasian tawh kigamla” a cih nopna in bang hiam? Mihing a kici khat na ngawn in a lawm bang in leh ih hih ding bangin Pasian muanglo in, ki nung ngat hi. Lungkim huai tak in ama thupit na leh ama lampi te ah eite ki nungta zo nai lo hi. Eite in Pasian sangin thupi ih sak zawk, eima lungkim na ding na dangte zong masa in milim bi ate din mun tawh ih ki bang hi. (Rom. 1:21-23). A tak tak in eite khempeuh ih pian lungsim zui in nung ta in, ih pumpi leh ih lungsim deihna bangin ih gamta hi. (Eph. 2:3). Hih bang gamtat na leh lungsim in a lipkhap huai Pasian liatna langpan na a hi hi.

4) Eite khempeuh Pasian thukhenna thuak dingte ih hi hi.
Mawhna thaman in sihna hi …. (Rom. 6:23).

Eite in Pasian minthanna ih neusek hi. Koi ci bangin? Pasian sangin a bawl sa nate ih thupitsak zawkna a hi hi. Tua ban ah, ih lungdam koh zawh lohna, ih muian lahna, thupiak ih nialna te zong ahi hi. A tak tak in, Ama minthanna sungah nopsak tawn tung na ding pan hong khaktan leh zong Pasian a thuman ahi hi. Minthanna leh pahtawinaa ngah dingin Topa hong pai ni ciangin a nop tuak mah mah Topa’ minthanna huang sung pan in kihawl khia ding a, tawntung gimthuakna a ngah ding uh hi. (II Thess. 1:9).

“Hell” (meili pi) cfih kammal (12) vei Thuciam thak sungah ki mu aa, Zeisu kam mal panin (11) vei ki lo hi. Hih kammal pen thugen, thuhilh siam khat peuh in a phuah tawm thu hi lo hi. Hihpen samsiatna pan mawh neite gumkhia in sihna hong thuak Pasian tapa mah mah in pilvang takin honghilh kholthu a hi hi. Eite in bel cikziat huai takin ih thudon het kei hi.

A zen zen in, mihingte khuasak zia ding Laisiangtho in hong khual lo hi zen leh ih mai lam a ding lametna a kici om vet lo hi. Ahi zongin khol lo-in tudong mah lampi man hong lak to to lai hi.

5) Pasian in Tawntung nuntakna leh lungdam’ kipahna puak dingin a Tapa khat neih sun hongsawl hi.

Khazih Zeisu, mawhnei te a honkhia dingin leitungah hong pai hi, cihna thu a man hi aa, a up huai, a san huai thu a hi hi. (I Tim. 1:15).

Eimah mawhnei te bangin Khazih hong si hi cih thu pen lungdam thuthang lian pen a hi hi. A sisa mite zong hing kik tak pi ding hi cih a kitel theihna dingin sihna pen in Khazih ki hing kik sak khin zo hi. (I Cor. 15: 20). Pasian in mimawh te dik tanna pia ding hi. (Rom. 3:25, 26). “Pasian kiangah note hong tunpin theih na dingin mi hoih khat in mihoih lote mawhna hangin khat vei a si hi. (I Pet. 3:18). Pasian kiang zuatna in tawntung lungkimna ngah na ding ahi hi.

6) Khazih in sihna tawh hong lei hamphatnate in, kisika,Amah a muang mite a ding a hi hi.
Na mawhna uh kisik kik unla, Pasian kiangah zuan un. (Sawl 3:19).
Topa Zeisu um in, tua hi leh nang leh na innkuan pihte in hotkhiatna na ngah ding uh hi. (Sawl 16:31)

“kisik” cih kammal pen mawhna a kici peuhmah “nusia” cihna ahi hi. “upna” cihpen Pasian hong kamciamna khempeuh Zeisu sungah lungkimna leh muan ngamna ahi hi. “ Keimah hong um peuhmah cikmah hun in a dangtak ngei kei ding hi.” Zeisu in ci hi. (Zawhang 6:35). Eima kilawmna tawh gupna kingah lo hi. Zawmah 4:4-5. Upna hangin hehpihna tawh gupna kingah hi. (Ephet 2:8,9). Hih in a khawn khong hamphatna a hi hi. Rom. 3:24. Na dangdangte sangin ih lungkim zawk leh ih nei khin ding hi. (Mate 13:44). Hih bangteng ih sepkhit ciangin, Pasian hong piansak a lungtup a tangtung hi pan bek a, eite sungah amah hong minthangin, ama sungah eite ih lungkim tawntung ding hi.

Bang sem/bawl ding na hiam?
Zeisu sungah Pasian in nang a dingin hong piak lungkimna leh kipahna lunggulh na na neih a leh Pasian na nuntakna sungah na hong semzo cihna a hi hi. Tua nasepna te hong picin semsem nangin lampi pawl khat om hi; hong khemthei mawhna te pel in, kihem in; mawhna khialna pan na suahtak nangin Zeisu samin huhna ngenin. “Topa’ min lo in huhna a ngen khempeuh in suahtakna ngah ding hi” (Rom. 1:15). Zeisu sungah Pasian in nangma a a hih lam upna tawh kiphung vuh in. Upna hang tawh a kingah ama sung a lungkimna sangpen tawh mawhna vangliatna te satkham in nial in. Na suahtak theihna ding, nuntakna kammal leh hong kamciam na a lianpi ten amuh theihna dingin Laisiangtho kipan in. (II Pet. 1:3,4). Pasian’ sunga a kilam pawlpi khat bel I n Khazih sunga a picing sa thu-um mite tawh kilawmta in Pasian bia khawm in.

Nang mah in nuntakna lampi keimah nong lak hi. Nangma om na ah, lungdamna lian om a, natak lam ah nop tawntung nate om hi. Late 16:11 

A piangthei a lianpenpen na lungnopna leh a gen bangvetlo Pasain’ sianthona a tonkhp theihna in, leitungah a lungdam huai thuthang pen a hi hi. Pasian hongpiak Zeisu sung a lungkimna in, a sangpen kipahna, tawngtung nuntakna in nadang khempeuh te sangin lungkim huai zaw hi.

Lungdamna tawh
TOPA’ 
Na Sem Un.
Late 100:2

Contact Address:
Logos Baptist Bible College and Seminary
Pinlong 8/A - 55, Boyoke Road.
Kalay Myo, Myanmar

Source : desiringgod.org


Zomi eLibrary 
kizopna ding : cinpuzomi@gmail.com .

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Lungnop Zonna Thutak Nam(6)te. Description: Rating: 5 Reviewed By: Cinpu Zomi
Scroll to Top