728x90 AdSpace

Hot
Menu
Zon-ol na Donate

Latest News

MOTHER TERESA KAMMAL HOIH PAWL KHAT.

Mother Teresa
Gelh ~ Thang Khan Lian.

“Mi dangte tungah thu na khenkhen leh it hun ding na ngah ngei kei ding hi.” 

“Mi khempeuhin na lianpi sem thei lo hi. Ahih hangin itna tawh na neu nono kisem thei tek hi.” 

“Kilemna pen nuihmai tawh hong kipan hi.” 

“Van tung gam pen hi ci ding hi cih gen thei lo hi’ng. Ahih hangin I sih ciangin Pasian in thu hong khen ciangin, “ Na dam sungin na hoih bang zah na sem khia hiam? Hong ci lo dinga, “Na septe khiatnate ah Itna tawh bang zah vei na sem hiam?” hong ci ding hi.

“Mi en in ka nuih sim det pen itna ka-lahna lim hi. Tua pen ka piak theih a manpha pen hi.” 

“Zan ni bei ta a, zing ciang hong tung ding om lai hi. Tuni in sep theihna ding hun I nei hi. Zing ciang a si dingin kingaihsun in la tu ni in nasep kipan in.”

“Itna lah khiat ding pen na thahatna leh na hih theih khempeuh teng tawh na hih dingin ngaihsun kha kei in. Itna kici pen gim ta ing cih nei lo a I lahkhiat I hanciamna hi zaw hi. Thu neu nonote ah thuman ding kisin le the tuate pen na thahat a kipatna ahi hi.

“Kam khum pen tom vei sung bek a ging kiza hi. Ahih hangin a thawn pen sau thawn mahmah hi”.

“Na kiangah hong pai peuhmah a lungnuam zaw leh a lungdam zaw in kiksak khial kei in.  Na gamtatna, na kampauna, na mit hekna leh na nuihna panin Pasian’ itna lahkhiat ding hanciam den in.”

“Zawnna lian pen I cih in tangkhat kisakna leh kuamah in hong it lo hi cih I kisakna hi zaw hi”
“Lungnopna I neih theih kei leh mi dangte ka it bangin midang ten zong hong it ding hi cih na mangngilh hang ahi hi”.

“Leitung ah kilemna bang ci leh om sak thei ding ka hiam na cih khak leh na inn ah ciah kik in la, na innkuanpihte it ding kipan masa in”.

“Pasian in I  lawhcing ding hong deih hilo a, I hanciam ding hong deih hi zaw hi”
“I piak khiat zawh zah pen a thupi pen na hi masa lo a, I neih tawh kituak-a piak khiat ding I hanciamna thupi zaw hi.”

“I sih ciangin I degree, I buaih lakte, I hauhnate, a thupi I sep khiatte  tawh thu hong kikhen lo ding a, “Ka gil kial lai in nek ding nong pia a,  guaktangin ka om lai in puan nong silh sak a, teenna ding ka neih loh lai in na inn ah nong tung sak hi” cih tawh thu hong kikhen zaw ding hi”.

“Kei hanciamna bek in leitung ka khek zo kei hi. Ahih hangin tuipi a kilokna dingin suang tawh ka lawn thei hi.”

“Leitungah an duh a gilkialna beisak ding sangin itna hangin gilkialna beisak ding haksa zaw lai hi”.

“Nitumna lam gamte ah natna nasia pen leh a lauh huai pen TB ahih kei leh phaaknatna hi lo a, kideidanna/kituam bawlna, kideih lohna kikhual lohna leh aituam a ding bek ngaihsutna hi zaw hi. Natna pen zatui tawh kidamsak thei a, lungzuanna, khuangaihna leh lamet bei kisakna pen itna bek tawh kidamsak thei hi. Moh them khat nek ding nei loin mi tampi mah si a, tua sangin itna kisam in a si tam zaw tham lai hi. Nitumna lam gamte zawnna pen a tuampi hi zawsop hi - tangkhat kisakna leh khuangai-lungzuang zawnna bek hi loin kha lam ah zawnna zong ahi hi. Hih gamte ah ki it loh  zawnna tuuk a tun banah Pasian lunggulh zawh loh zawnna zong tung hi.

“Hong cing, hong makaih in lam a hong hilh Kha Siangtho len’ sangin a hat zaw in lam pai ding sawm kha kei in”.

“Kiniamkhiatna tawh nungta le cin midangte zong kiniamkhiatna tawh nungtak ding dan a hilh na hi pah a, kiniamkhiat lel ding uh hi”.

KINIAMKHIATNA LAH THEIHNA DING ZIA PEN TAM LO HI.

“Nang leh nang kisial in kampau kidawm in.

Nang buaina tawh buai lel in. 

Mi dangte sai nuam lua kei in. 

Lunghimawh lua den kei in.

A siate pel in la, siatna na tuah ciangin.

Lungdamtakin sang in la kibawl pha den zaw in. 

Mite’ gamtatkhialnate maisak den in.

Simmawhna leh bawlsiat thuak zawh ding kisin in.

Hong kimawhsak ciangin sang siam in la, mite hong mangngilhna leh huatnate thuak dan kisin in.

Ko na leh simmawhna na tuah ciangin lung hi dide in la, thuak lel in.
Na thumanna khahsuah kha kei in.

Na gualzawhna dingin a haksa pen teel tawntung in.


Gelh ~ Thang Khan Lian.
Source : Zomi Thupuak (Facebook Group) leh Mother Teresa Page.

Zomi eLibrary 
www.laibusaal.com ) tawh 
kizopna ding : cinpuzomi@gmail.com .

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: MOTHER TERESA KAMMAL HOIH PAWL KHAT. Description: Rating: 5 Reviewed By: Cinpu Zomi
Scroll to Top