728x90 AdSpace

Hot
Menu
Zon-ol na Donate

Latest News

Zomi leh Paunak (A-Z)

Zomi leh Paunak.

1. A khanghamsa Mupi pen khut tawh mat ding baihtuanlo: kum tam semsem leng ki khual semsem cihna hi.

2. Akpi nawihawm: 
deidan khat zong neilo cihna hi.

3. Bel-to leh khuaizu sawk: 
upmawhlohpi a tuahpha, ki nung ngaih kiksan cihna a hihi.

4. Ciimnuai a sa kibak, kawlnuai (Geltui) ah kithuk: 
thuhoih ki mangngilh ngeilo, ki thukkik hamtang cihna hi.

5. Dek lam tuktum zong galsuak thei: 
muanpi zong muanloh suak cihna hi.

6. Gul atum silo, sutpi pom silo: 
Ki maisak lah omlo cihna hi.

7. Innpi mualvom a tangsa: 
ki neubawlse kullo cihna hi.

8. Leei leh ha zongh ki pet: 
ih it leh ih ngaih pen tawh zong ki tawngkha thei cihna a hihi.

9. Lusum zongh bingtawng ah ki zom: 
thusia khatpeuh gen gen leng thuhoih piang kik thei cih na hi.

10. Khaikha agui in kizom: 
mi hoihlote ki guizuih cihna.

11. Mencim sa cip beh, a si te si: 
Ahoihte kizom toto, a siate sia toto cihna a hi hi.

12. Miksi zong lubawk kiguan: 
Makai neihloh phamawh cihna hi.

13. Nuphal aksan tui ki hawh: 
Itluatna pan siatna piang cihna hi.

14. Sianzong: 
Pasian leh abawlsate tawh kisaithu zonkhiatna pen “Sianzong” ki ci hi (Eng. theology).

15. Singgah na duh leh ama kung nam suan (cing) masa in: 
ih thaman tawh ih sep khitciang a, ih nek pen a limna teh pih dingdang om lo a, mi khut tung pan in a baihsa khat ih nekziau pen sihna nangawn piangthei hi cihna a hi hi.

16. Singkung in a gah lel lo: 
zawh lah thu omlo cihna.

17. Suangpi suangneu in thek, Tuipi luita in bawm: 
Taangpi leh taangta te hang in milian leh mihaute in vangnei cihna hi.

18. Thu tanggen leh Sa zaang kap: 
awi suankhia: inn nupi teek sang in a monu gilo zaw thei cihna hi.


19. Ui in aluaksa ne kik bek: 

a kiciamsa thu ah citak lo cihna hi.



20. Vok-khial gailai in Vokpi kumkhawi suankhia: 
inn nupi teek sang in a monu gilo zaw thei cihna hi.

21. Vokpi huk bang: 
kepzawh a om lo cihna hi.

22. Vompi sa hawm: 
amah leh amah ki hamphat piak cihna hi.

23. Zawng khebai khat thu in Zawng zakhat gamta.

24. Zawng nek Ngau in thalpu: 
mikhat mawhna hang in mawhna neilo honkhat in thuahlawh cihna hi.

25. Zonkong: 
thu leh la khatpeuh a tangzaipen leh a thuktheipen a zonkhiatna pen “zonkong” kici hi.

Source : NKhup

Zomi eLibrary 
kizopna ding : cinpuzomi@gmail.com .

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi leh Paunak (A-Z) Description: Rating: 5 Reviewed By: Cinpu Zomi
Scroll to Top