728x90 AdSpace

Hot
Menu
Zon-ol na Donate

Latest News

“LET SONG” KAMMAL KANKIKNA.

“LET SONG” KAMMAL KANKIKNA -Late 127:3, 4
(Study on Pslam 127:3,4 of the word "Letsong" in Zo Language)
By Kham Lam Tuang
Thumasa
Zo Lai Siangtho (Tedim-Chin Version) Late 127:3,4 (Pslam127:3,4) ah “Tate/Tapa” Pasian hong piak  “LETSONG” ci-in ki gelh i  mu thei hi. Tua Lai Siangtho sung a ki gelh Pasian thupha lo tawh Tate/Topa ki nei thei lo pen Kawl kam zang in “LETSONG”(vufaqmif ) ci-in hong ki tei hi. 1977 kum pan (Rev Khup Za Go CBA- Lamka) kum 2015 ciang kum 38, 1983 kum pan (Rev Kam Khaw Thang TBA-Tedim) kum 2015 ciang kum 26 bang sawt phial ta leh kua mah Lai Siangtho tei ding in sawlna ngah om lo a hih man in“LETSONG’’cih kammal a zang lai ihi dingin ka lam en hi. Tua banah i Lai Siangtho pen “Tedim-Chin” kam a hih banah ZBC huamsung kammal ki bang ding ngaihsutna in “Kawlpau” ki tam zat ahi hi. 1977 kum aki hawm hi ta leh , 1983 kum a ki hawm lai siang tho bu Rev. Kam Khaw Thang khutma vive mah hi-in, 1983 pan tudong i  zat a ma lungkim bang a, a tei hi-in tehkakpih ding om nailo a hihman in a hoih pen mah hi lai hi.


           Tate Pasian letsong hi cih kammal zatsuak ding hoih maw? Letsong cih kammal Lai Siangtho sungah Pasian thupha Tate gen na, Jesu hong tatna, Pasian hong mawkpiak thupha leh thute genna-ah (Letsong) a zat huai mah hiam a ki kum nuam ihi hi.Tate/Tapate Pasian in, na ki mawk piak “Letsong” bangin mawkpiak in mi khempeuh in tate, tapate nei takpi hiam? Letsong hi leh mi khempeuh (nupa) in ta nei ding a, thupha a hih manin, nupa pawlkhat bek in tate /tapa te a nei thei zaw ahih manin tate Pasian' letsong hi cih kammal nakpitak in a khiatna ngaihsut huai hi.

A. LETSONG  (Present-Gift) vufaqmifarwåm
  (1) Letsong cih kam mal pen kawl kam mal nih kigawm “Let” (vuf) khut leh “Song” (aqmif)(Keng/tawi)”a hih man ki “Khutken” “Khut tawi”cih na ahi hi. Mawkpiak khempeuh nate Letsong hi khin lo hi. (Gtn: Sihgalna,mi dang sum na piakte)*Zatna: Na khat peuh a ki mawk piakte, man neilo a ki pia nate “Letsong” ki ci-in, mi honpite, mikhat sang tamzaw, mi tangpi ngah  theih nate piak na-ah ki zang cih ngaih sut huai hi.
 (2) Pahtawina – ( Prize/reward ) qk^*kPfjyK
Pilna sinna,Bawlung siamte a vek un pahtawina ngah kimlo uh hi. Ahi zong-in, pahtawina (Prize)taktak mi nih leh thum khong(or)teltuam siam zawdeuh te ngah theih nam a hi hi.Kawl te in hehnepna piakmawkte “NitTeihSuh” (  Espfodrfhqk ) ci uh hi.Pasian tel/sehsate bek in go/gamh ngah in,tanei innluah zo in, tua bang mite Pasian thupha ngah te a hi uh hi.
(3) Go/Gamh – (Heritage)
Lai Siangtho Late127:3,4  Manglai ah “Heritage of the LORD” ki ci na pi in Tedim –Chin
Lai Siangtho teite in “Tate Pasian LetSong” cih pen a hun omlai in Zo kam mah in laih huai mah mah ta hi. Pi Luan Za Cing in Tedim-English Dictornary 2014 ah “go or gamh(n.ancestral propesty) ci in gelh in, Dr.Gin En Cin in  ZIV 2014 ah “Tapate, Topa pan goutanh” in gelh hi. Zo kam I cih ciang in Tedim kam bek hilo, Paite kam bek hilo in , leitungbup Zomite tel theih pen ding kammal Ih tel I zat kul ding hi.I kampau leh laite khantohna ding in laiteite tungah kinga hi.
 
B.Hebrews kammal(Late127:3,4)
    KJV Mang Lai Siangtho ah “Childrens” in kigelh a, NIV Mang Lai siangtho ah Son(Sons)tate/tapate ci-in na gelh hi.Hebrew kam in“BANIM”ki ci (Masculine)Pasal/ Tapa zong a hih man in, “Tapa”cihna a hi hi.

C. Mang Lai Siangtho(English)Late127:3,4
     1.Lo, Children are an heritage of the LORD I am the fruit of the world is his reward. As arrows are in the hand of a mighty man, So are Children of the youth(KJV)
    2. Son’s are a heritage from the LORD. Children are reward from him, Like arrows in the hands of a warrior are Son born in one’s youth. (NIV)
    3. Behold Children are a heritage from the LORD, the fruit of the womb a rewards. Like arrows in the lamb of a warrior are the children of one’s youth.(ESV)

D. Kawl Lai Siangtho (Myanmar Version)
     Rev.A.Judson tei Kawl Lai siangtho ah Thupha (qkaus;Zl;) leh gam/go (tarGOpöm) in gelh hi.Kawl Lai Siangtho sim le ci'n Tate genna ah Letsong cih kammal cih peuh mah Late 127:3,4 ah na mu kei ding hi.

E. Zo Lai Siangtho (Tedim/Zo version)Late127:34
    1.En un, tate pen Topa tung pan Letsong hi a, tapate pen a ma hong piak thu pha a hi hi. Mi khat in a khang no lai in a neih tate pen gal hang pa khut sung a om thal tang tawh ki bang hi.
(Rev. Kam Khaw Thang 1983,Tedim-Chin)
    2.En un,tapate pen Topa tung pan Letsong hi a,tapa te pen a ma hong piak thu pha a hi hi.Mi khat in a khang no lai in a neih ta pa te pen gal hang pa khut sung a om thal tang te tawh ki bang hi.(Rev.Khup Za Go,proof  reading and Revision,1977, Chief editor Rev. Suak Za Go Hilhcian Laisiangtho,2008)
    3.Tapa te,Topa pan a goutanh hia,tate a ma pahtak man a hi hi.Khang no lai a neih tapa te,gal hang pa khut sung a thal tang tawh ki bang hi.(ZIV,Dr. Gin En Cin,2014)

 F. Zo Kam (Zo Language)
      Tedim kam,Paite kam in Zomi te lak ah mawk piak Letsong(Present,gift)kici kammal pen a om lo hilo in (1)Piak thong (2)Piak Song(3)Piak Mawk(4)Athong(5)A Mawk Na(6)A Khong cih kam mal a om lam I thei hi.Zopau, Zolai siamte mah in Lai Siangtho tei huai hi.I Lai Siangtho tei masate in Tedim – Chin State leh ZBC sungbek kampau, kammal zat abulphuh ma'n in Kawl Lai Siangtho ah Letsong cih kammal omlo na pi Lai Siangtho ah Zo kam tang in, Kawl kam zang in
Letsong in hong tei kha uh hi. Kawl pau I zat nop loh man in India Mizo te pau zat a hi zong, Paite kam leh a dang zang in, Tedim lam te(Myanmar Citizenship)tel zawh loh ding zat huai lo hi.I gen nop na bulpi in Tedim kam,Paite kam thu pi pen hi ci hi lo in,Zomi International Language“bulpat na ding in Lai Siangtho thu pi pen hi.Labu(Khristian Labu)leh Lai Siangtho bu,Dictionary, Laphuakte leh Lasate,Video kam let,Laibu tei te kammal zat te mipi te pau zat hi pah hi.

G. Letsong Zatsuak huai hiam?
    “Letsong”cih pen Tedim-Chin  pau theite tel ding bek ngim na in ki zang hiam? “Letsong”cih pen Zopau(Zo ham) sakha i hiam? Pasian lo a tate/tapa ki neithei lo na pi Pasian Letsong i cih zat huai lo hi.Letsong mawk piak hi in, thupha (Blessing)hi lo hi.Thupha ngahte bek in Pasian go/gam(heritage)tate/tapa neithei bek a hi zaw hi.Go leh Gam zong a khiatna kibang lo hi.Go pen Pasian thupha hi a, Gam pen Innmong/Gamluah ding a bei te neih leh lam a luah te ah ki zang hi. Tua a hih man in Pasian thupha asang ta neihna in Pasian “ Go” luah ki ci bek a, Pasian gam luah zong ki ci ngeilo in, Tate Pasian Letsong hi cih ding in a khiatna dau mahmah hi.

Thu KhupNa
     I Zolai,Zopau in tate Pasian hong piak thupha(Go)hi in, Tapate Pasian thupha a hi hi ci zaw leng Lai Siangtho genna, khiatna leh Zomi te ngeina leh pau tawh  ki tuakzaw ding in ka um hi.Letsong cih kammal Kawlkam ataangpi(General) genna ah kizang hi in, atuampian deuh/thupi pen(specific/special) genna ah akizang ahih loh na I tel ta in ka um hi.
    Laisiangtho tei te in Laisiangtho tei leh Laisiangtho pen Pasian kammal thuk te hilh cian na leh tualsuak pau (Local dialect)bul pi a hih lam phawk huai mah mah hi.Zomi te in Pasian leh mihing te kikal kammal a thu pi,thu thuk te Laisiangtho bek ah om a hih man in, I Laisiangtho tei kammal zatte a khiatna a dau luat leh Pasian it na a dau sak suak  pah hi.



Kham Lam Tuang
1.TABC –Tahan, Kalaymyo
2.WBC – Thanlyan , Ygn
Graduate School of Theology & Mission
Jeounju University S.Korea
Ph: 0933567674


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: “LET SONG” KAMMAL KANKIKNA. Description: Rating: 5 Reviewed By: Cinpu Zomi
Scroll to Top