728x90 AdSpace

Hot
Menu
Zon-ol na Donate

Latest News

Thaangnuai Khua Tangthu.

Thaangnuai Khua Tangthu
Thaangnuai Khua.

Thaangnuai khua ii cih pen Khuamun thum vei vilvel akilaih zawh ciangh Thaangnuai Khua aki ci thei pan ahi hi.

1.     Zuangzaang Khua Thu

Zuangzaang Khua ii cih pen : 
Thaangnuai te ii Tangkhua lui min hi in AD 1600 pawl a na kisat hi. Hih Zuangzaang Khua pen Tangkhua  Min thang mahmah khat na hi ngei a Pute ,Pate tawh atengkhawm Samte leh Sangte,Gawnte tawh na teng khawm uh hi. Hih khua panin Ukpi Mang Sum (Thawmte) zong 1820 kiimpawl in na min thang mahmah ngei hi. Tu lai tak a Taanglei mun leh gammun teng ahi hi.Zuangzaang Khua pen Khua hun hoih lohna  hangin Pawi lianpi abawl lai takin Akhuazangin Mincim in na paipih,na hukcip a Khua mi 4 bekbek suakta hi cih tangthu in kiciamteh hi.
2. Khaukuul Khua Thu

Khaukuul Khua ii cih leuleu pen: 
Thaangnuai Khua lui min khatmah hi aa Zuangzaang Khua zawhcianga kiphut  Khua khat na hi leuleu hi. Hih  Khaukuul khua  mun pen tuna Thaangnuai Khua ii nuai lian Khuamun akicihna munteng hi aa tu dongin zong Khuamunte om lai hi. Tua mun ah aten sungun Mangkang te in Japan te tawh hong gingta ahih manin Khuazang in Inn khempeuh hong haltum sak a, mundang ah Tai tuanlo in Khua kim ( Hangtai, Kulhmual,etc) cihte ah tawmvei galtai in na bu phot uh hi. Galventeh Khua zuyankik siat uh hi ci-in kiciam teh hi.

3. Thaangnuai Khua Kip Ngahna Thu 
Khua Thak Veng.

Galven,Galbei ciangin Khuakip ngah na dingin tangpi thukim na tawh Mualbem Khua  aom Galkap Mangpa kiangah Pu Neng Khaw Ngin leh Bu Sing Za Cin tangmi in kipai sak hi.

Date of Appointment :
11 April,1930...Vide V.P.No Date from S.C.AO- kum in  Khuakip kingah takpi a khua min zong Khaukuul Khua min panin Thaangnuai Khua ( Under Fortwhite Village) ci-in hong laih sak uh hi. Khuakip hongpiak banah Khua kepnangin Thaulawng 20 zong hong piak beh lai in Ukpi dingin Pu On Suak hong sehsak pah uh hi. Tua manin mundangah siah puakkul lo , siahtung, siahphei ki pia lo hi. Thaangnuai Khua  pen Siah apia giat lo khua khatin kiciam teh a Ukpi nam in zong kiciam teh hi. 

Thaangnuai Khua Mite Zat U leh Nau kizop na ngeina te.
Zomi in ih piang aa,Thaangnuai ah ihteng kei a, zogam ah ih om kei zong in  Pasal khat in, inn suang khat hipah hi.

Hih inn khat ih pat khiat cing in U leh nau kizop na ding,  neihloh aphamawh, zonloh aphamawh hong om in neihleh lam tawh kisai lo, zawn leh hau tawh kisai lo, min leh za tawh kisailo, hauh zui a tat, zawn zui a tat cih ahithei lo in aki hawm kim in Khanglui te'n  ngeinafomula  hoih mahmah  khat in nangeel uh hi. 

Hih U leh nau kizop na ngeina in  ki-it na bulphuh a, kizopna a hih man in theihlo phamawhleh zuih lo phamawh  khat ahihi. Ngeina nei lo, biak na nei lo pen minam khat, Khua kip khat,  Inn kip khat in  kiciamteh theilo hi. 

1.     TANU (Haitawi aci zong om)
Hih Tanu ih cih pen inn tuan kipat limlim ciang in zon kul hi aa, pawl khat in 5 ciang akoih zong om in 4 ciang ki koih hamtang hi.   Hih Tanu ih cin in ih nop ni, ih dah ni-in, ei bangkua sung ah, na sepsak dinghi-in adiak2 in, ih dah ni-in seplo pha mawh leh ahamsa teng asem uh ahi hi.(tanglai in Misi kisil aa, tua te tanu te sep ahi hi,)

a) Tanu pi (Tanu khatna) : 
hi mun pen ih sanggam numei te lak pan alian penpen koih lo phamawh sak in, tua in ihdahni ciang  in amah zah in nang hongkhual zo ding om lo, cihna tawh aki koih hi-in asem zo, avan zo pen ding zong cih na hi hi.

b) Tanu nihna : 
hi pen sangngam numei te sungpan a u lam pan ahi zong khat la thei hi.

c) Tanu thumna : 

hi pen Tu te lampan kila thei aa (Ni te tanu cih khawng) ei nai ah om pen kila thei hi.

d) Tanu  lina : 
hi pen ih mothak ih beh numei te ki la thei-in ei tawh kinai aom leh hong huh thei pen ding te kila thei hi, Ih beh numei khatpeuhpeuh pasal nei sa khat ki la thei hi. Hi te khempeuh pen nopna dah na te ah sabawl te amun tek in ki at ciat2 aa, pia khial leng it-na bulphuh a kisem ahih man in ki khasiat na om in, ki nolh velvel thei uh hi. Amau zong amau mun ciat tawh kituak in nasem silbawl, zu lupin panmun zong nei in thuneih na zong nei uhhi. Nang bangkua sung lo, na tanau sung dahna aomciang in zong nang zulup ding hongpuaksak in hongsepsak uh hi.  Na dah niciang in na inn ah amau lo in thu aman thei hilo a, nazin naleng hongdo sak  mah bangin na nop niciang in zong na pai thei kei hi. 
Note. Tu hunciang in Zulup cih mun ah Niangtui kizang hi.

2.     SAZAANG (Bangkua / Thalloh aci zong om)
Hih Sazang ih cih zong inn tuan kipat limlim ciang in zon kul hi aa, pawl khat in 5 akoih zong om, 4 akoh zong om hi. Hih Sazang ih cih pen ei bangkua ah thunei pi hi aa, ei bang kua in leibat nei in ih lohzawh kei leh zong honglohsak ding te hi uhhi. Thu kinei na ahizong in mun khat peuh ah nang naom kei leh nang tang in na bangkua tavuan ala ding te hi uh hi.


a)     Sazang pi  (Sazang khatna ) : 
Hi mun pen kuamah ki piathei lo in, na innpi pa ahih lo phamawh hi.  Nang omlo hun ciang in nangtang ding in amah adin loh phamawh hi.   Na  bangkua sung vai khempeuh ama theihpih lo in bangmah ki gel, ki hawm theilo hi. Na tup nasawm, nainn sungvai  khempeuh amah tawh navai hawmkhawm pih ding ahi hi.

b)     Sazang nihna 
Hi pen na sanggam pasal te sungpan in a u lampan ahi zong in nang tawh kinai a omthei ding pen kila hi. Hih in Sazang pipa amanlah aa,ana sep atam leh ahuh ding  ahi hi.

c)     Sazang thumna : 
Hi pen nabawng sung pan napianpih sanggam hi lo, inn lak sanggam te kila thei hi.

d)     Sazang lina : 
Hi pen na beh sung pan in nang tawh kinai om pen cih te kila thei hi. Hi Sazang pen khanglui te'n thupi sak in kimat khel ciatciat uh hi.(genteh na-)nang zangnih nahongman pa pen, nangh zong zangnih na mah in man kik)cih bang in ki koih tektek uh hi. 

Note. hi tepen sanggam kicing te ading hi in, tua lo akicing lote abulbul in lakto kul hi.
Hi te Khempeuh pen neihleh lam tawh kisai lo, kithu tuak/lo kisai lo, min lian min neu kisai lo in amau mun ciat ah panmuh alak lo aphamawh thu hi sak uh hi. Tua ahih bang in hi te in na bangkua ah panmun nei ciat uh aa, thuneih na zong neiciat uhhi. Ih Pu ih Pa te ngeina fomula hoih te ih theih ihzat kul aa, tua bang in ih thei kei aa, ih kal suan kei leh ih veng ih pam, ih sungh ihpu, ih minam pih te lak lah mite etneu na te ih tuak kha ding aa, ih bangkua sungah ih U ih nau te hong tualtang lo ding hi.

Ken kathei keihang phamawh kei cih thei hi lo in ih Nu ih Pa te Singbang Suang bang in to loding ahih man in Zomi khat apian zawh ciang ih thei lo phamawh thu te ahi hi.  Biakna ihneih, ihzuih mahbang in ngeina zong paih theihi lo hi. Numei te bang phadiak pen khual pasal bangnei in, ih nungsang te dahna khatpeuh om in, ih teek te in kibang ci naai' naivua, na kua uh ahia, bang ci pai ding ih hia, ci-in hong kidong leh thei keng, ka inn uh ah paipai in nasemsem thei mah ven, peuh vaci thong leng ih mailam hong kikhak mahmah dinghi.

THAANGNUAI TE ZAT DAN, DAHNA LAM KIUAP NA
Thaangnuai khua pen piandang vangkhua ih cihcih na in, nopna dahna ah akiuap phadeuh khua khat ihhi hi.   Cina zato pai ding om leh Sozang dong puakkul ahih man in amau im taleh thato kha kei leng asi ding zah in kingaih sun ih hi tam, ainnkiim pan pang2 pah lian in cina te pai sim sawmta leh khuazang in kitha to hamtangh hi. Cina gim om leh zong kigiakpih in bangmah nei tase keileng kamtam tawh kidak hamtang in aki huai mahmah khua khat ihhi hi.

Dahna.
Hong nusia khat aomciang in ahongnu siat ni pan kipan khuazang in kitutpih in kiheh nem in, ompihih hih man in inn teek te in zong nitampi akoih nuam zong in khuapih te khual leuleu in ni3 val kikoih gam lo hi. Kuul tawh ding nasep tuam2 te pen Tanu te tavuan kici tuanlo in atangzang Khangno khempeuh in innteek te ading kapanpih theih kasepthei pen hiding hi ci-in ngaih sun in kipai in kisem diamdiam hi. Sipuak ding bang ciang in khangno te in tanu te puak dinghi zong ci lo in kei septhei tua bek hi ci-in kapuak lohphamawh hi ci-in apau ding kituh in manlang tak in Han tunpih ziau hi.

Sihngal na
Sih ngal napen sum tawh ngalna leh zulehsa tawh vuui na , nam nih kizang hi. Niangtuai beelkhat na suan napen Sivuui in kiciamteh hi. Sum tampi napiazong tuapen singal in kiciam teh hi. Niangtui na awm ciang in na Tanu te ki piaksak aa, tua in nangh in na Tanu te kiang ah sika vuui hi cih thei sak na leh ka Tanu na hi lai uh hi cih lah na, theihsak na, hi-in Thusa te in hoihtak in piaksak hi. Tanau bullam nahih nakleh sum tawh kingal theilo hi.

A zenzen in sum tulsawm tawh nangal leh Tanu te in theihpih lo in sivui in ngaihsun lo uh hi. Tua Tanu zu ci aa, ih niangtui awm pen Tanu te hai2 ta kipia aa, nangh in angah pa nahi aa, na ngei ah na Sazang te aom leh tua te napiak kul leuleu hi. Tua in bang hang hiam? cih leh na Sazang pa kiang ah Tanu sepna kaneih aa, kabuai hun, kangim hun aom ciang nong huh nongpan pih, nong theih pih ding hi cih nop na ahihi. 

Sun a khual pan si hongngal te ngilkial ding khual na tawh in khua sung Tcyf te makaih na in, inn sim ah antang kidong to hamtang aa, tua teng leh inn teek te in gel zawh aneih leh gawm in sun aa khual pan si honggal te sunsiah ding in ki huan sak hi.

Biakna tawh kituak kei ci aa, ih ngeina hoihte phiat ziau thei hi lo hi. Laisingtho sungah "ki-it na lobuang lei nakiba sak kei un" Pasian in Leitung mite aitluat man in atapa khatbek neihsun eite aiding in  hongpia/si ahih mah bangin,  ngeina zong ki-it na mah bulphuh  aki  bawl ahi hi. 

Thu sa,
Hi thusa pen khua dang pawlkhat in ahih leh a tanau sungpan/ azawl te khat kician in man pah in tua pen Tanu, Sazang mahbangin man pah hi. Ei Thangnuai khua te in ahih leh khuazang bup in unau khat, Sungh in Pu in kiman, aki zom vive ih hihman in tua bang in kiman lo in ih ten na ih inn veng teng kisem sak pah in zong hoih mahmah  pah lel hi.

Van kisam aom leh amau inn tekpan kaikhawm pah/vai hawmpah hi. Nop na ah bel nasep tamlua lo in dahni teh bel inn teek te tangin ih zin ih leng te dangtak ding teng zin hongdo sak in Siluang lobuang teng nasep ding aom khempeuh Thusa te sep ahihi. Tua hi-in Saluang bang ngawhzawh ih neileh Thusa te zong sa ki at pah hi. Sih hui na zulup, anlup te Thusa te ciapteh hi-in  Niangtui awm, Sing puak, An puak, Sun siah, inn kim siangsak cih te, ciapteh ding te pen Thusa te in sem uh hi.

Tua ahih man in ''Veng sih phawk'' cih paunak aom bang  in   ih inn veng tengtawh inn kuankhat kihi hi. Khual ah teng Thangnuai mi te ading in Thusa pen  ih ten na, ih om na,  a om khuapih aom sun teng mah Thusa in kiman pah hi.

MO KIDOT NA
Nungak leh Tangval hongkingaih tak uh ciang in Tangval lampan in anu apa  te in anumei te kiang ah Zuuthawl vapiak sak in ahun ding avai ding teng gelkhawm uh hi. Zuu thawl puak ding in Sazang pipa leh Tanu pi kipaisak hi.
               
MO KI TEN NA,
Nugak leh Pazong te ki-it kingai in akiten dinguh ciang in Pazong pa Mopa in ama nung zui ding pen a Beh sung ah Pazong aom khat lak loh phamawh hi. Tua ahi thei kei leh a Tu te Pazong khat la thei hi. Tua a hi thei kei leh aki thutuak pih akhangual khat peuh2 la thei pan hi.

Nugak Monu dingin zong ama nungzui dingpen a Beh (a nungsang) te pan nugak khat alak masak lo phamawh hi. Tua ahi theikei leh aki thutuak pih alawm nugak khat lathei pan hi.

Mopawi bawl ni-in Pasal lam pan in Numei te kiang ah Sa sisan khat kenlo phamawh hi. Tua ni-in ahih zawh keileh zong akal kicin hunhun khat in anawhsep kul aa, akhan sungah seplo pha mawh ahi hi.  Tua ni-in Numei lampan zong  athak nading teng uh hongpia pah uh hi. 

Tapidaw vai kei ci dim maw, ahih kei leh bangmah neilo paulap in hi bang in ngeina te zuilo in, mo kidot kiteen na ih bawl kei leh deihlo pen in (Leei leh Haa zong kipet) cih paunak aom bang in, nupa kal thubuai om leh kibang ci teen cih in thu gen leuleu hi. 

Hih Ngeina azui alenkip Bangkua sungah, nop hun dah hun ciang in Phamawh tengin sum lehpai tawh cial kul lo in amau panmun tek hong sem diam2 uh ahih man in hici zawdeuh leh cih omlo zahdong in vaithempeuh lemto diamdiam in picin suah mahmah leh etlawm mahmah in, a U anau, abeh aphung sung ah ki-it nakhang in nuam kisa hi.


Ngeina zui lo Bangkua sung ahih leh aU leh anau tawh ki-it, kizop  na kiam in manthan na lam manawh hi.

Thaangnuai Basic  Education Muluan School
(Thaangnuai Sang Thu Tom)
Sang Veng.

Sang Inn kipatna
Thaangnuai khua ah sang hongpian khiatna in Thaangnuai khua khua leh tui khantoh nading hongdeihsak Pu Mang Kam tungtaawn in Tan khat sang hongppiang khia hi.

A.     Sang honni. 1st,July,1947
B.     Sanginn kilam na mun A.B.M,biakinn, (lam 2,3)suanginn, tulaitak a   Pu Hau (Khai Hau) huan ahihi.C.    Sang sia, Pu Kim Suak ahihi.

D.    Sangnaupang masa teng
1)     Sing Khua Thang (Zapee)  
2)     Tuang Za Cin
3)     Sing Khua Hau
4)     Kam Khua Hau
5)     Lian Za Pum
6)     Thang Za Pum
7)     Lian Za Thang
8)     Cin Za Thang
9)     Tun Za Siing
10)  Ngin Za Suan
11)  Sing Khan Pau
12)  Suan Za Gin
13)  Nu Ngul Za Dim
14)  Sing Dim
15)  Sian Hung
16)  Luan Ngoih
17)  Sing Za Man

PWD ah sem kamphen suakngo leh lamllam kuli asem pa pi 5 te-in,
1)     Suan Ko Zam
2)     Tuang Ko Cin
3)     Lut Ngin
4)     Dong Lian
5)     Za Lian teng

Kikum in private sang 1958 kumin hong ki hong kik in sia ding in U Cin Za Thang hong koih hi. 1965 kumin tan 4 , kumpi sang ki ngah hi.

Thaangnuai Khua Mite hanciam na tawh May 5,1965 kum in Thaangnuai Basic Education School kipan khia hi.

Itna Bulpuh a deihsakna tawh Sangnaupangte hong makaihsak Zahtak Sia/ Siamah te,
1965 - 1969  Siapinu Hau Nuam
1969 - 1973  Siapipa Ngul Za Thawng.
1973 . 1977  Siapipa Kim Suak
1978 - 1987  Siapipa Kam Zam
1987 - 1993  Siapinu Zel Khan Man
1993 - 1998  Siapipa Suang Cin
1998 -            Siapinu Niang Sian Huai

August 8, 2000 kum in kumpite deihsakna tawh Thaangnuai Basic  Education Muluan School  kingah kik hi.             
                                         


Thaangnuai Khua sung leh Gamsung Thu
Thaangnuai Khua Hausa Sem Ngeiteng
Thaangnuai Khua leh Tui aa dingin ahun, neihsa, anuntakna uh pia in itna tak, deihsakna tak tawh hong semkhia Zahtak Hausa te,

     Amin                           Asep Kum
Pu Do Tawng                  1800 .
Pu Phut Son                    1880 - 1890
Pu On Suak (Ukpi Zaa)   1890 - 1942
Pu Thang Ngin                1945 - 1955
Pu Ngul Cin Thawng       1956 - 1960
Pu Suan Ngo                   1960 - 1964
Pu Lian Za Pum               1964 - 1974
Pu Hang Khaw Kam        1974 - 1978
Pu Suak Khua Cin           1978 - 1982
Pu Mang Khua Thang     1982 - 1986
Pu Hau Lian                     1986 - 1989
Pu Kam Za Khai               1989 - 1996
Pu Zen Za Cin                  1997 - 2003
Pa Kam Ngin                    2003 - 2006
Pu Kam Cin Khai              2006 - 2007
Pa Zam Do Pau                2007 - 2013
                             
Thaangnuai Inn Pha Zah
Thaangnuai khua pen Taang khua khat hi-in Pasian thupha hong pia aa tulai takin Inn 100 val  ki om in mi 800 val aki tenna khua nuam mahmah khat a hihi.  Khua sung zong aveng aveng in ki khen lai aa, Bualpi, khualai, Ngalu, Samual, Khuatung ci-in veng (5) in ki khen  hi. Khua sung zong anop mahmah bangin Mite zong kithu nuam thei mahmah hi. 

Beh leh Phung omte 
Khua khat ii hih ciangin Beh leh Phung  U leh Nau cih bangin ki om hamtang  aa, tua mah bangin Thaangnuai khua ah zong Beh leh Phung U leh Nau kithupi sak mahmah aa Thaangnuai Khua zang in Beh khat, phung khat, u leh nau khat bang in  aki-it, aki huai mahmah  khua khat ahihi.  Thaangnuai Khua sungah Beh nam tuamtuam om aa Beh min te in,
1)     Namzo
2)     Songphut
3)     Tomu
4)     Suantak
5)     Zilom
             Cih bang in kiom a khua zaangin Pi leh Pu, Nu leh Pa ,U leh Nau , Sungta Putu vive ahihi. Beh khat Phung  khat bangin akihuai mahmah Khua khat ahi hi.

 Ngam Leh Khuahun
       Thaangnuai gamsung ah singkung tuamtuam om aa, Taakkung, Hiangkung ,Phuitong,Ngeisok leh adang sing kung a tuam tuam te po aa, Sakhi leh Sa dang tuamtuam te nuam tak in om uh hi. Nov pan Feb dong a vot pen hun hi a, March pan Jun tha dong a lum pan hun hi. July pan Oct kha dong pan nguah zu in mei kai dimdiam uhhi.

Pil na lam Sang 
Thaangnuai khua mite khantoh na pilna tampi hong ngahsak Sangpi hi aa tulai takin   Muluan sang (Basic  7 Standant Education School)  om aa,  Tan 7 ciang lai ki sin thei hi. UNDP te piak ( 80'x24') (Taih) sang inn khat leh,kumpi piak (120'x24' ) sang inn khat hi-in  sang Inn nih ki nei hi. Tu lai tak sang naupangte Leitung pil na  hong sin sak ziahziah hi. Hongpia khia Kumpi te leh UNDP te tungah Thupha hongpiak sak tahen. Amen.

Ciin na leh khawi na Thaangnuai gamsung ah aki ciing, apiang te,
Lo acres 1,000 bang pha in Thawhbat kung inn kim in nei hi.  Apple acres 200 val, Lingmaw  acres 5, Tampaza acres 7, Seek acres 5, bang om aa, a dang teng ah Vaimim, Zotaang, Aalu, Be tuam tuam leh mehteh mehngah te ki ciing hi.   Sial(60 val), Vok(80 val), Keel(700 val), Ak(300 val) leh Zawhngeu, Bilpi, Ui ... cih te ki khawi uh hi. 

Vai pai na leh kizop na 
Kawlpi-Tedim lampi pan, Sozang-Dim Zang-Thaangnuai motor lampi(tai 6 val) kizop na om hi. Thaangnuai-Thuaklai, Thaangnuai-Akluai, Thaangnuai-Sozang, Thaangnuai-Phumnom cih bang in kizop na (khe tawh bek pai thei) lampite zong om hi. Khua ah  motor cycle nei tam mahmah ta aa, khuasung ah hawl za za ta hi.

Khua pen sozang tawh kizom in kihopih thei hi. Sozang pan in mun tuam tuam te zong ki ho pih thei hi. Sozang ph no. pen-
Pa Cin Khan Khual 070-50100
Pa Kam Sian Khai   070-50197
TV leh Satellite te tawh leitung thu piang te ahun lap in mu thei ,ki za thei ta hi

Dam tui leh Khuaphelep
Thaangnuai Khua mite hoih deuh uhteh hongki ci-in na tui nek uh hi, ci tanghtangh uh hi. Tu laitak tui lakna te sak lam pan(1") tui zawl khat  leh ni suak na lam pan (2") tui zawl te tawh dawn ding tui siangtho leh zat ding tui siang tho te ki ngah ziah ziah hi. ki zang zolo liang ahih man in, meh teh meh ngah ciin na in ki zang ziah ziah aa, khua hun leh Tuite paninTopa thupha ki ngah  hi.

Hi bek hilo in Ngualo lui pan in tui tha tawh Kilowatt 5 khua phelep mei in khua sung pen sun ni bang in hong tang sak tawn tung hi. An huan na leh mei awi na ding pen sing mah zang lai hi.

Biakna leh Pawlpi
Thaangnuai Khua ah Christian  hong tun 1906 kum hi-in khua zaang phialin Tapidaw nasuak uh hi. Kha lam ah Kumza cin na ( Centennary) 2006 kum in nasia takin kibawl aa, Tapidaw om masak na, khua khat in mikim in hong ciamteh hi.Pawlpi omte in Baptish Church, Assemblies Of God Church, Evangelical Baptist Church cih bangin kiom hi.Khuasung  anop mahmah bangin Biakna Pawlpi zong nuam mahmah hi.

1)     Thaangnuai Baptist Church
Thaangnuai Tuiphum pawlpi pian kum 1910 hi in tu lai takin Senoir Pastor Rev.Kam Ngin Pau leh Siama Awi Sawm Lun, Sia Thang Khan Zo te in makaih uh hi.

2)     Thaangnuai Assembly Of God Church
Thaangnuai AG pawlpi pian kum 1979 hi in tu lai takin Senoir Pastor Rev.Thang Sian Mung leh Siama Pastor Hung Khaw Lian , Siama Awi Khan Huai, Siama Luan Deih Niang, Siama Cingh Khan Nem, Sia  Kam Ngin tein makaih uh hi.

3)     Thaangnuai Evangelical Baptist Church 
Thaangnuai Evangelical Baptist Church pen tulai takin Pastor Thang Lun Mang in makaih hi.

Pahtawina  Degree Ngah
Thaangnuai mite a omom na ah Topa in thupha hongpia aa Pasian thulam Seminary or Bible College lam leh Leitung pil na lam College / Institute/ University  te ah Leitung sangmin thang tuamtuam te panin Degree ngah akhomkhat ki om aa Pasian thupha asang khuakhat ih hihi.

Pasian thusin aman sateng Min leh Degree leh Sang min,

1)     Rev. Dr. Chin Khua Khai
B D  , Southern Asia Bible College, Bangalore, India
M Th, Chicago , US A
Ph D , Fuller Theological  Seminary , USA. 1999

2)     Rev. Dr. Thuam Khan Thang
B Th , Southern Asia Bible College, Bangalore India
B D , Southern Asia Bible College, Bangalore India
D Min , Oral robert University, USA.1997

3)     Rev.  Thang Hum 
B Th, Southern Asia Bible College, Bangalore ,India
M A , Fuller Theological Seminary,USA

4)     Rev Kam Ngin Pau
Dip Th, Zomi Theological  College, Falam Chin State

5)     Rev. Zen Thawng
Dip Th,Nagaland, India
B Th , Zomi Theological College, Falam Chin State 

6)     Rev. Thang Sian Mung
B A (Bible) Immanual Bible College , Pyin Oo lwin

7)     Rev.Mang Khan Suum
B Th, Zomi Theological College, Falam, Chin State
M Div, Myanmar Institute of Theology , Yangon

8)     Rev. Zen Thawn Sing
B Th , Immanuel Bible College, Pyin Oo Lwin
M Min, Emau Theological Seminary, Kalay Myo

9)     Rev. Thang Lun Mang
B.A ,B S, Faith Baptist Bible College, Tedim Chin State

10)  Rev. David Thang Khua Khai
B Th, Yangon Bible College, Yangon

11)  Sia Gin Khan Mung
B Th,( ACTS    ) Yangon

12)  Sia Thang Khan Khual
B Th, Zomi Theological College, Falam ,Chin State
M Div, Myanmar Institute of Theology , Yangon

13)  Sia Kaang Chin Pau
M. Miss, Evangelical Christian Bible School, Insein, Yangon
B D.  Southen Baptist Theological Seminary , Bangalore ,India

14)  Sia On Khan Tuang
B Th , Bethel Bible College , Tedim Chin State
M Div, ACTS Bible College & Institute, Yangon,

15)  Sia Khai Khan Suan
B A ,B S, Faith Baptist Bible College, Tedim Chin state
M.Div, Faih Baptist Theological Seminary, Yangon
M Th, Bharat Bible College,Secunderabad, India.2008

16)  Sia Khai Do Pau
B Th, Bethel Bible College, Tedim
M Div,Myanmar Evangelical Graduate School of Theology (MEGST), Yangon.2007

17)  Sia Kam Suan Mung
B A, Immanuel Bible College, Pyin Oo Lwin

18)  Sia Khai Za Pum 
B Th, Bethel Theological College ,Kalaymyo. 2003

19)  Sia Thang Khan Zoo
B Th, Zomi Theological College, Falam ,Chin State

20)  Sia Sian Khan Pau
B Th, Maranatha Bible College, Kalay Myo
M Div,New Life Bible College , Bangalore , India (Can)

21)  Sia Ngul Za Sing
B Min , Havest Bible Insitute, Yangon

22)  Sia Lian Sian Mung
 B Th,   Faith Theological Seminary ,Bangalore India

23)  Sia Kam Ngin
B A, Mandalay University
M Div, New Life Bible College, Bangalore, India.2009

24)  Siama Cingh Khan Huai
Dip R E,  Evangel Bible College, Mithina Kachin State
B C Min, Bethel Bible College , Tedim, Chin State

25)  Siama Hung Khaw Lian
Dip R E,    Evangel Bible College, Mithina Kachin State

26)  Siama Cingh Za Luan
G Th, New Lamka, India
B Th, Covenant Theological  Seminary, Kalay Myo

27)  Siama Awi Khan Huai
G Th, New Lamka, India
B Th, Covenant Theological  Seminary, Kalay Myo

28)  Siama Cingh Khan Nem
G Th, New Lamka, India
Siama Cing Ngaih Lian
B Th ,Rama Bible College ,Kalay Myo

29)  Siama Gin Do Cing
B Th, Rama Bible College ,Kalay Myo

30)  Siama Luan Deih Niangh
G Th, Bethel Bible College, Tedim Chin State

31)  Siama Cing En Niang
M Music (                       ) Phillipine

32)  Siama Awi Sawm Lun
B Th, Bethel Theological College ,Kalaymyo

33)  Siama Cing Khan Nuam
B R E, Bethel Bible College, Tedim Chin State
B Th, Buntain Theological College,Kolkata, India

34)  Siama Zam Lam Niang
B Th, House Of Praise Institute, Yangon

35)  Siama Nem Sian Khoi
B Th, Immanuel Bible College, Pyin Oo Lwin .2004

36)  Siama Hau Khan Cing
B A ( Bible) Evangel Bible College, Bauhthaw, Yangon .2003

37)  Siama Cing Dim Nem
B Th, Immanuel Bible College, Pyin Oo Lwin

38)  Siama Cing Sian Dim
DipTh, Faith Bible Training Center, Full Gospel, Yangon
B A, Immanuel Bible College, Pyin Oo Lwin

39)  Siama Dim Tan Zoo
B A ,B S, Faith Baptist Bible College, Tedim Chin state

40)  Siama Hau Lian Hung
B A (Bible), Evangel Bible College,Bauhthaw, Yangon

41)  Siama Khoi Lam Pau
M A Faith Baptist Bible College , Tedim Chin State
M Div, Faith Baptist Theological Seminary, Yangon (can)

42)  Siama Cingh San Kiim
B Th, Nehamiah Bible Institute,Trichy ,Tamil Nadu State,India

43)  Siama Niang Sian Huai
B Th,Bethel Bible College, Tedim Chin State .2007

44)  Siama Khoi Theih Huai
B Th ,(                             ) New Delhi , India

45)  Siama Nem Sian Muang
B A ,B S, Faith Baptist Bible College, Tedim Chin state
M Div, South India Baptist Bible College &Seminary,Coimbatore,India ( Can)

46)  Siama Thang Khan Cing
B A ,B S, Faith Baptist Bible College, Tedim Chin state

47)  Siama Pau Sian Hung
B Th, ACTS Bible College & Institute, Yangon.2009

Note: Zoplai ding.

Leitung lam University /College /Institute te pan aa  KUM 2010 CIANG THANNGNUAI VONTAWI DEGREE (SECULAR) NGAHTE
No
Min
Degree
Mun
Kum
 1
 Sing Khan Pau
BA, B. Ed


 2
 Suan Sa Vungh
B A


 3
Chin Khua Khai
B.Sc
Mandalay

 4
Kam Ngin
BA

 5
On Kap Thang*
B. Sc


 6
Hau Ngaih Vung
B. Sc


 7
Cing Lun Mang
B. Sc


 8
Cing En Niang
B.A


 9
Pau Man Niang
BA


10
Cing Lian Mang
B.A


11
Thang Khen Cing
BA


12
Zam Lian Cing
BA


13
Ngin Khan Uap
BA


14
On Suan Mung
B. SC
USA

15
Dim Ngaih Hau
B. Sc (Che)
Ygn

16
Dal San Nuam
B. Eo
YGn

17
Zen Thawng
B.A
Mdy

18
Cin Suan Huai
B.A
Mdy

19
Khai Do Pau
B.A (Bur)
Kalay
2003
20
Hau Khan Cing
B.A (Geo)
Kalay
2003
21
Cing Lawh Lian
B.A, Dip (Nus)
 Mongywa

22
Dim Lam Cing
M. C. Sc
 Kalay
 2010
23
Mang Cin Pau
B.A
 Mongywa

24
Cing Sawm Huai
B. Ed(Qr)
 Pakoku

25
Ngin Sian Huai
B.A
Tamah,Yangon

26
Hau Khan Pau
B. Ed
 Sangaing

27
Khoi Sian Cing
B. Ed
 Sangaing

28
Ngoih Sian Huai
B.A
Mdy

29
Khai Za Pum
B.A
 Kalay

30
Nem Sian Khoi
B.A
 Kalay

31
Hung Khaw Vel Cing
B. Ed
 Pakoku

32
Hau San Cing
B.A
Mdy

33
Ngin Lian Thang
B.A


34
Ciang Lian Pau
B. Ed


35
Khup Sian Tang
B.A. Geo
 Kalay
 2009
36
Thang Khan Zo
B.A
 Kalay

37
Khoi Lam Pau
B.A
 Kalay

38
Ngin Khan Khai



39
Zam Nuam Cing
BA


40
Thang Mun Khai



41
Ngo Sian Khai



42
Dim Sawm Khai
BA
 Ygn

43
Dim Nem Cing

 Ygn

44
Khai Khan Mang

 Ygn

45
Thang Tan Lai
 B.Sc
 Ygn

46
Kam Khaw Lian
 Diploma

      
47
Marry Tel Hau
B.Sc
 Rasu      

48
Kam Kap Thang
B. Sc


49
Mang Za Mung
B E
 YIT, Ygn

50
 Suan Khan Mang
B A


51
 Nem Man Huai
B A          
 Kalay         


52
  Dr Lam Cin Thang
B VS          
 Yangon


Nu min Pa min tawh kithuah pawlkhat
No.       Min                      Degree                    Pa                                 Nu                          Sang
1.    Cin Suan Huai       B.A             Mang Khaw Lian          Ciin Kho Hau            MASU
2.    Dim Nem Cing       B.Sc           Sing Za Cin                  Sing Dim                         "
3.    Dim Sawm Khai     B.Sc                 "                                  "                                 "
4.    Ngo Sian Khai        "                       "                                   "                                "
5.    Ngin Khan Khai      "                        "                                  "                                 "
6.    Zam Nuam Cing     "                        "                                  "                                 "
7.    Kam Kap Thang     B.Sc            Sing Pome                   Man Niing                  MASU
8.    Mary Tel Hau         B.Sc                       "                                  -
9.    Mang Za Mung      BE YIT-Ygn
10.  Ngoih Sian Huai    B.A            Lam Hau                      Ning Ko Hau                MASU
11.  Sing Khan Pau      BA.BEd      Mang Ngin                   Ngin Cing                   RASU
12.  Suan Khan Mang  BA             Suan Tuang                 SingZa Man                 RASU
13.  Suan Sa Vungh    
BA             Mang Ngin                    Ngin Cing                   MASU
14. Thang Mun Khai    B.Sc          Sing Za Cin                  Sing Dim                      RASU
15. Mang Cin Pau       BA             Khai Ko Kam                 AwiHau                       Kalay
16. Khup Sian Taang  BA             Zen Sian Tuang            CingKhan Lun             Kalay
17. Cing Sawm Huai   BEd (Qr)    Kam Ko Lian                Cing KoDim                 Sagaing
18. Nem Man Huai      BA             Kam Za Khai                 DimKhan Cing             Kalay
19. Khai Do Pau          B.A            Thum Khan Thang      Cing ZaVung               Kalay 
20.Hau Khan Cing       B.A            ThuamKthang              CingZaVung              Kalay
21.NgoLamCin            B.C.Sc        Tuang Hum               Zam Luan Cing          KyiKuong
22.Man Ngaih Cing      -                 Sing Pum                     Man Niing                    MASU
23. Hau Khan Pau       BEd            Ngo Za Cin                 Luan Ko Cing             Sagaing
24. Khoi Sian Cing      B.Ed         NgoZaCin                 LuanKhawCiang       Sagaing         

25. Ngin Sian Huai      BA Ygn      NgoZaCin            LuanKhawCiang       Yangon            
26. Cin Zam Pau         BA, AGTI       Sing Pum                    Man Niing                     MASU
27. Khoi Lam Pau       BA               Cin Khan Khual          Thang Cingh                Kalay
28. Dim Sian Nem      B.A Eng      Cin Lian Pau           Khoi Khan Cing          Kalay. 2009

Ki kat siat zo nai lo hi, na theih a om leh nong puak nang in Thaangnuai Innpi pan in honglam en  ungh. 

Tu lai tak aa Thaangnuai Vontawi Pilna Sinlaite Seminary or Bible (LaiSiangTho lam)

 Pau Khan Khual   B .Th          
 Immanuel Bible College .May Myo(Can)
 Pau Lian Khai       B.Th     
  Bethel Bible College  .Tedim.(Can)
 Kap Sian Pau        B.Th    
  Bethel Bible College. Tedim. (Can)
 Pau Sian Lian       B.Th                        
    BBBC, Bangalore.  India (can)                                   
 Man San Lun         B.Th              
 Maranatha Bible College .Kalaymyo.  (Can)
 Luan Nuam Ning   G.Th 
 Bethel Bible College .Tedim.  (Can)
 Lian Za Kim              M.Div
 MIT Insein ,Yangon (can)                      

Leitung lam (SECULAR)
Ngo Za Mung         B. Ecom
Cing Lawh Lian Dip.Nursing
Cing Sian Dim   Dip.Ed     
 Monywa    (can)                                                

Source ; http://www.thaangnuaitonglel.net/ .
Lai gawmtuah ; www.laibusaal.com .

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Thaangnuai Khua Tangthu. Description: Rating: 5 Reviewed By: Cinpu Zomi
Scroll to Top