728x90 AdSpace

Hot
Menu
Zon-ol na Donate

Latest News

Gamdangah Pilna Na Sinnuam Hiam? Gelh - Suang Khen Pau

 Gamdangah Pilna Na Sinnuam Hiam? 
Gelh - Suang Khen Pau

Kawlgam hong kihong zawdeuhta ahih manin  gamdangah sang kah aa pilna sin theih ding hong thupi mahmah ta hi. Gamdangah sang ikah nopleh;

(1) I kahnopna sangte’ thu thei tel masak ding kisam hi. Full scholarship lo-in Zomite gamdangah sang kikah zo nailo ahih manin  tua i kahnopna sang in tuition fees bek pia maw? ahkl full scholarship pia? cih theih huai hi. Full a pia sangte mah teelpah ding hi. Full scholarship cih ciangin innsap(accommodation), anneek-tuidawn(living cost), health insurance, tuition fees le laibu tuamtuam man cihte kihel hi.Pawlkhatte in lamsap ding nangawn pia thei hi. I kahnopna sangte’ dan le zia i theihna in lai khatpeuh hong bawlsak tak ciangun amau deihdanin kigelh theipah hi.


(2) Sangthu itheih khit ciangin application forms ngetpah ding hi a, tua application form sungah ong nget uh a kisam teng kim takin a hun lap takin khakpah ding kisam hi. Application forms sungah a form bek tham lo-in recommendation tuamtuam, i sangkah nasa sangte pan i transcript te,  personal statement le Toefl ahkl IELTS hong ngen hamtang ding uh hi. Leitung sangte ahihleh amau zuih ding major zui-in Manglai test-na pawlkhat zong  ngetbeh to to lai  uh a SAT, GRE, GMAT, GCE etc cihte omto to lai hi. Ei sin ding  major tawh kizui-a a kisam bangbang sep tohpah lel ding ahi hi. Admission fees ding pen a sangte in a ciangtanzah ong ngen ding a, tua zah khak pah ding ahi hi. Toefl/IELTS pen Yangon aa American Centre le British Council ah kan lehang kiphi thei hi.www.ets.org/toefl le www.ielts.org ah zong kihawh thei hi. A phi man zong US$ 160 ahi hi. Hih a tungaa diudau teng om lo-in sangte in admission ong pia ngeilo ding hi. Admission ong piak khit ciang bekin scholarship a kisiau ahi hi. Sang pawlkhatte in ahihleh admission ong piak lelah scholarship ong piapah, cih bangin zong om kawikawi hi. Kawlgam nuntakzia ong telkhin lo uh ahih manin sang pawlkhatte in scholarship ong piak ding ciangin thu le la tuamtuam mah hong dong phot thei a, ihamsatnate  mah genpah vingveng ding ahi hi. (Manglai gelh ding i kimuan nai tak keileh a siamte’ kiangah pai-aa  i laigelhsate edit sak huai hi).Sang pawlkhat in phone tawh hong interview thei hi.

(3) Admission ong piak aa full scholarship na ngahleh tua pen a lungdamhuai hi pah a, sang kah dingin kithawi linlen kul pah hi.Gamdang sangte in international student-te pen a tam zawin Fall Semester(August-December) ah sang zaw uh ahih manin sang i apply ding ciangin  kum khat bang apply khol a, a diakin December ma peuhmahin i document khempeuh sang a tun khit ding kisam hi. Ahi zongin Admission deadline pen sang khat le khat zong kibang linlian sam lo hi.

(4) Na khempeuhah cingin sang kah theih ding ihih ciangin sapna lai ong khak ding uh a, America sangte bang in F1 or I-20 ahkl J1 or DS-2009 khat teitei tawh hongsam ding uh hi.Tua tawh student visa apply ding hi a, student visa i apply nadingin SEVIS fees pen $ 180 Credit card tawh piakphot kul lai hi. Visa siauh ciangin tua receipt zong kibehlap  hi.

(5) Gamdang-a om Zomi veite in i u i nau khat peuh tua bang danin a kithawi a omleh a sang application fees, a toefl phi nading, le a sevis fees ding cihte piaksakna tawh kipanpih thei hi. Bang hang hiam cihleh Kawlgamah credit card mikim in zang nai lo hi. Application fees pen 50 dingin seh leng a vekin $390 bang tung thei ding hi. A zenzenin Toefl fees ding le sang application fees ding a haksatluatleh  Yangon, America Centre ah dawp kiaukiau lecin Bridging Fund Program(Burma) cih khat na om incin tua ah zong huhna kingen thei hi. Na lamsap ding zong kisiau thei lai hi.

(6) America ah Full scholarship angah ihi zongin application fees, Sevis fees, Toefl fees, visa fees,le lamsap ding tawh a vekin US$2000 bang peuhmah bei veve ding hi. Tu laitak pen koikoi-ah Kawlgam sangnaupangte kipahbawl leh kilawm ahih manin hanciam aa apply huai mahmah hi. Scholarship tawh kisai a vekin ngahlo-in partial bek na ngahleh zong lungkiat ding hi lo aa, scholarship a pia kipawlna tuamtuamte kan aa tua panin zong apply theih thu ahi hi. Na sangte kiangah ngen lecin  na admission kum khat peuhmah hong ngak lel ding uh hi.

(7) Tu laitak bangin ka theihkhialh keileh leitung pilna lam a sin sangnaupangte adingin scholarship om zawsop  hi. A nuai-aate enin simsim lecin nang hong huhzo ding na om kha ding hi. The Open Society Institute's Network Scholarship Program, Prospect Burma, Burmese Refugee Scholarship Program, Burma Education Scholarship Trust-Scotland, Supplementary Scholarship Program, Cetana Foundation, Charles Wallace Trust for Burma, World Bank Scholarship Program for Graduate Students, The Brackett Foundation, Child's Dream Scholarship Program, Asia Pacific Scholarship Consortium, Myanmar Masters of Public Health Scholarship, East-West Centre, Fulbright Scholarship, Humphrey Scholarship, Quota Scheme, Erasmus Mundus Scholarship, DAAD,” cihte pen leitung pilna scholarship a pia vive hi. Pawlkhatte pen sang kizopna( co-operation and partnership) tung tawnin kipia a, pawlkhatte ahihleh mi kimin hanciam theih ahi hi.

(SAT-Scholastic Aptitude Test, GRE-Graduate Record Exam, TOEFL-Test of English as a Foreign Language, SEVIS-Student and Exchange Visitor Information System, IELTS- International English Language Testing System, GMAT-Graduate Management Admission Test, GCE-General Certificate of Education, etc)

Suang Khen Pau

Source :
from:suangkhen pausuangkhenpau@gmail.com
reply-to:zominam@yahoogroups.com
to:zomi <zomi@yahoogroups.com>,
zominam <zominam@yahoogroups.com>,
zominamnet@gmail.com,
Zomi Daily <zomidaily@gmail.com>,
laizomte-owner@yahoogroups.com
date:Sun, Sep 22, 2013 at 12:32 AM
subject:[ZOMI NAM] Gamdangah Pilna Na Sinnuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Gamdangah Pilna Na Sinnuam Hiam? Gelh - Suang Khen Pau Description: Rating: 5 Reviewed By: Cinpu Zomi
Scroll to Top