728x90 AdSpace

Hot
Menu
Zon-ol na Donate

Latest News

ZOMI IDENTITY & ZOMI RECOGNIZED. Gelh - Kham Lam Tuang

ZOMI IDENTITY & ZOMI RECOGNIZED
             Kham Lam Tuang               
Thumasa
Atung a ZOMI Identiy leh Recognized kici pen ZOMI Tuiphumpawlpi  ZBCM piana, 2013 ZBC pan CBC kilaihna, ZNC pan ZCD  kilaihna hangte ban ah ZRO, ZORO husate leh GZA husate in mipite tampitak khanglo hi. Myanmar Census 2014 Code No-914 vai in ZOMI tamzawte Tribalism felling pan in Nationallism  felling hongguan hi. ZOMI makai pawl khat leh Mipi lampan in ZOMI ihihna IDENTITY leh ciaptehna ngahna  RECOGNIZATION teltheilo in, uanggen luapawl a om kawmkal ah, a telzolo om ahih man in ZCD kikhop Tedim(March17-19,2015) ah mipite simding in konggelh khia hi. I khentel theihloh man in ki uanggenlua zel in mipi lamte lametna nasanglua khin ahih man in, igenbang a tantun loh ciang in mipite muanna beithei hi.Tangthu suisiammi leh mipil ka hi kei hi. A hizong minam veiluatman in ngaihsut leh gelh,gim leh tawl thuah in konggelh hi. A beisa hun in ZOMI minam makai tampi,Party makai tampi,tangthu gelh tampi a om hang in ZOMI National felling hong guan taktak ZNC Manipur leh Myanmar ate hi in, I kimuanna dang khat ZRO/A te hi pen hi. Ei leh ei ihihna IDENTITY genlo in,telkei le hang Namdangte in hong phuahtawm sak bek tawh hong recognized ciamteh den ding uh ahihi.ZOMI Identity hihnatak apulak ngamnawnlo, asihpih ngamnawnlo Hausa,Makai,Party makai zong tampi ki omlaihi.Sum leh panmunthu hang in avaitham tampi om uhhi.


A. Bang hiam ZOMI Identity?
Minam makai khat in a minam Identity tello pi in gencianna (Definition)  leh Party minsia in kuamah in muanf zolo hi. General.Aung San in mipi azawhna Gam leh lei piak ding,Ki Ukna ah suahtakna piak ding Mongolia minam ihihna lim gen mahmah hi.Tuni ZOMI makai khat in namite tung bang nagen hiam? Kingaihsut ding thupi hi. MNF Makai Mizo Nampa Pu Laldenga in Pasian leh Kan ramtan ci in  (sologan) zang in Israel gambang in Keugawm gam Mizoram bawngnawi leh Khuaizu luanna gam suaksak ding ci in hanthon den hi. Zomi ihihna lai ahi a,La ahi zong in,Tangthu leh Laibute siksan in, I ngeina leh Pu leh Pate ton leh dante I zuihtoh zel nae ahihi.1925 Zolai simBu(KamHau Dilect) leh 1925KamHau GamUk ThunKhun(Kam Hau Code) Pilot minzang gelhte ah ZOMI mah ihihna Identity kigelh khinhi. ZOMI zangnuamlo ZO bek zangnuamte in ZCD bang pen ZOMI nam khenkham hi ci uh a, amaute a kigawm theiding lai abalnen hizaw uhhi. Topa Jesu in amah hihna,Pasian kiangpan hongpai ahihna gengen a tua pen ama Identity ahihi.A hizong in Rome Kumpi leh Galkapte in Jesu hihna Identity pen Jews te Kumpipa khat in ciamteh Recognized zawsawp uhhi. Tu in ZOMI I kicihcih hang in India leh Myanmar Kumpi tein, ZOMI Identity pen Recognized saknai lo ahih man in ZOMI,ZOGAM kicipen Laisung ah  kipawlna ciang bek in Registered bek in,Recognization ZOMI, ZOGAM om nailo ahih man in Myanmar gamlimsung ah ZOGAM kigelhnai lo hi. UNO leh Minam tawh kisai laibawlte in ciaptehna tamnai lo a hihi.(Gentehna in I Laisiangtho Tedim-Chin, Tedim Dilect) UNO Recognization ka gen ciang in Federal State or Government State/Nation a gennuam ka hihi.

1. ZOMI Registered – 
Zomi min zang in Kipawlna Society,Association,Organization,Party,Fellowship minte khatpeuh Community hang  Kumpite tung Registered ciaptehna I ngah khongte Kumpite in hongciaptehsak ci in, uanggen in ilung adam hi. Hoih hi lungdam ding mah hi.

2. ZOMI  Recorded – 
Hih zong Kipawlna tuamtuam leh Paukibangte Kumpi lamtawh kisai Minority Minam min khumna hi in, nasep maban gualzo lua khin dan in uanggen luat ding hi lo hi.(Gentehna- Chin code nuai a,Namke Code Number neite, ZOMI-914 MyanmarCensus 2014  ah mihing 60000 val in gelh cihte )

Zomi Identity recorded ,Registered leh ZOMI Identity ihihna ding Recognization van leh lei in ki khai lai hi.Iteltheih ding in MNF/MNA Pu Laldenga in Kum 20 val MIZO identity  hihna thauzang in India Kumpi langpan uhhi. Myanmar,India,Bangladesh a om Zosuante gamkhat gawmding  UNO Recognized ngah ding han ciam hi.A hizong in Mizo Identity hihna Mizoram State bek tawh 1997 Februarykha 20ni in India Kumpi  Recognized sakta hi.MyanmarZOMI tein Myanmar Citizenship gammi hihna CHIN tawh ki recorded pen ZOMI tawh recognized a ngahnuam ihipan hi.

3.  Kuate in ZOMI  Identity  Pulak
(i)-1953 Kum in ZOMI Baptist Convention Rev.S.T.Hau  Go in na phuthi. 1995  in ZBCM , 2011 in Tedim Baptist Convention tuamdin ,2013 in ZBC bei CBC tawh laih Kalay Valley Baptist Association in Convention ngahnuam in tangdin suak hi. Hih bang kikhennate ah Makai liantampi in Political Reason hi in umlo in,CHIN lampawl ah omnuam tan tan uhhi.MBC Member hihding bek hanciam om, Pawlkhat in Paukibangteng bek ZOMI ah omkhom leng ci,Pawlkhat in MBC member a hihnak leh ZBC leh ZBCM ah I omloh hang pha mawhlo ci uhhi. Amasa in hibang ki khenna pen ZOMI hi veve Political reason pan Administrative Uknaza ngahnop mantek in kikhenna piang ahihi. A tom in Identity sang in Record leh Registered thupisak makaite in CHIN mah deihtentan uh ahi zaw hi.

(ii) 1970 Jan 21  -Zomi National Congress Party Pu T.Gou Za Gin leh S.Thang Khan Gin  in Manipur pan phut uhhi. Mitampi in zui  thukim in, tunidong ciang ZORO tetawh maban zomto uhhi. A hizong in Nationalism lungsimpualo Clanism or Tribalism apua khangnote in ZO /Zou bek mah deih in omtuam hi. Father of Zomi angah masapen ahihi.

(iii)1970- Zomi Liberation Front Pu Tial Khar Falam in MNF Camp Bangladesh pan phut hi.1988 pan CNF/A mintawh laih leuleuh uhhi.

(iv) 1988 –Zomi National Congress Party Pu Pum Za Kap te in phut in ZNC MP Pu Chin Sian Thang leh Pu Thang Lian Pau in 1990 kum in ngah uhhi.Tu a ZCD Party Pu Chin Sian Thang hong makaih pen ahihi.

(v) 1993 April 9- Pu Khai Za Song Guite in (Ex-MLA Karbilong) n ZRO-Zomi Re-unification Organization phut in,  amasa pen President Lt.Col.Hang Khaw Lian-Hatlang in sem in kiciamteh hi,1997 kum in ZRA phut in ZRO President  leh ZRA Chief in Army Pu Thang Lian Pau in tunidong sem hi.

Atung a igente in aminbek mah hi icihhang in haksatna tampi thuak in,zum kong mangkong tung uh in, alutang uh piangam minamitte a hi uhhi.ZOMI Identity  Kumpi tung leh Gamdang Kumpite,Mipi tung a pulak, a tangkote ahi uhhi.ZOMI Identity Kumpi Recognized ngah zawhna ding in Mipite in ipanpihtek ding ahihi. Zomi nammin in beina ding a vaihawm itheih gegu,Zomi mintawh Nammin,Gammin pianna ding a khaktante zawlbawlbawl ding a galbawlloh ding ahihi.

B. ZOMI RECOGNIZATION
Zomi Recognization cihpen nam nih,namthum val om ding hi.A nuai a bang in, i gencian ding hi.Myanmar Census 2014 khitciang a, a kilimgen leh Kawlgam Thukhun 2008 siksan a lamet a om pen ZOMI kici Kumpite  Department khatpeuh a Record leh Registered ciangbek hilo, Myanmar Danpi(Constitution) sung ah "ZOMI" te gamding kigelh a Leitunggamlim ah a kiguanding a utpen  a hihi.

1.Distric Level – Zomi Chin State sung ah District Level in kingah thei hi.Mizoram State sung ah Lai,Mara leh Chakma in Autonomous Distict council neituam in, amau leh amau kiteltuam in State Kumpi in Budjet gelsaklo in,Center pan kipia hi.

2.Regional Level- Chin Sate sung hina pi Wa,Palongte Shan State sung a om bang in, Autonomous District etc.

3.State Level- Mizoram State bang in Federal State

4.State  Government Level- Tu hunciang in State acih uh pen Independence Government in zong ki ci hi.Hihpen lametna cing bek hi. Manglam bang lel hi. UNO thukimpi a Gamkhat a ciaptehpihna ahihi.Hih a tung a nam 4 I etciang in ZOMI te in Identity leh Recognization tello ahih man in CHIN minamsung a Code number neihna te kisak theihpih ihi zawhhi. Zo leh Zomi  akhentel theilo  mipi tampi  omlai hi.


    C.Thukhupna
Zosuan Makaite akuatek in IndiaMyanmar,Bangladesh gam a Zosuante gaawm khom in gamkhat,Laikhat,Paukhat zang khom ding ci in ngim uh hi.Thu baihlo ding hi.Pasian muang len na khempeuh sem thei in piangsak thei hi. Tua hun ciang in Zomi leh Chin,Zo leh Zomi,HualNog leh Mizo namminvai buaina omnawnlo ding a ZO bek kizang in ZO LAND kicita ding hi.Tuni in MIZO ram State in Zoram,Zotawng,Zofa,Zo nhahthlak te in ZO bek zang uh a,ZOMI te in zong ZOpau,Zolai,Zogam ci in ilimzattektek ding ahihi.ZOMI namte in ahihna uh IDENTITY telhak lua uh ahih man in,tuni in zong  CHIN mah kisa kha uhhi.CHIN pen Myanmar Kumpi in  I identity lopi in, hong recognized na uh ahihi. Tua hi in I IDENTIY mantak ipulak a ZOMI mah icih leh hunkhat ciang in Record leh Registered bek hi lo in,ZOMI Recognization ki ngah in District Level maw?Regional Level maw?State Level Maw? Independence Government Level Maw?khat in ZOMI khangsawnte a om hun omveve ding hi. Tua bang I ngahzawhna ding in tulaitak makaite tungpan kipanpan ta ahih man in a tangtunzawhna ding in mipite in thukimpih in,panpih ding ahihi.

Ø  -Na Pu Na Pa khangpan ZOMI na kicih man inMyanmar gammi suakna hi zaw hiam?CHIN minam nahih man in Myanmat gammin hizaw na hiam?              
Ø Chin minam na hih man in Kumpi nasepna ah zangkhang na hiam? Myanmar Minam khat na hih man in zangkhang theina hiam?
Ø  ZOMI namte in Minampa neinailo uhhi,
Ø   Mizo  leh Naga in Pu Ladenga leh Mr.A.Z Phizo Father of Nation ci uhhi.
Ø  Minampa kicite adamlai kuamah om lo hi.Tua ahih man in Minampa kici Kumpi bang in I ngaihsut amathu I man diamdiam ding khat hong piang ding hi.

Ø ZOMI namte, ZOGAM ding phutkhia in Gamkhat, Paukhat, Laikhat, Khuapikhat, Ki Ukna khat neikhom in hongbawl ding hi. 

By - Kham Lam Tuang (0933567674 tgtuang@gmail.com  Kalaymyo).

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

Item Reviewed: ZOMI IDENTITY & ZOMI RECOGNIZED. Gelh - Kham Lam Tuang Description: Rating: 5 Reviewed By: Cinpu Zomi
Scroll to Top