728x90 AdSpace

Hot
Menu
Zon-ol na Donate

Latest News

Pentecostal Day. A gelh - jeffrey Pau Do Lian

Pentecostal Day
A gelh - jeffrey Pau Do Lian

Thumasa
Thawhkiknipi [Easter Sunday] zawhni Nipi Sagihveina in “Pentecost Day” ci in kimuak hi. Pentecost, Greek laipan hi in Sawmnga cihna hi. Sawltak 2:1-13 ah teltakin Luke ingelhcian nanei hi. Athupi penpenin Topa Zeisu Leitungah a omlai-in anungzuite kiangah amah vantungah kilato dinga ama’mun ah na-asemdingin Khasiangtho hongpai dinghi cih kamciam tangtun ni ahihi. Hih Khasiangtho Vantungpan hongpaisuk napawi, Pentecost Day pen Pasian in Moses kiangah anavai khaksa pawlkhat omkhin hi.
Laisangtho sung
Laisiangtho Paikhiatna 23:16  “Note in lo-a na tuh uh, na nasepna uh a gah masa, anlak pawi na bawl ding uh hi. Note in lo panin na nasepna uh a gah na kaihkhop uh kum bei ciangin an kaihkhopna pawi na bawl ding uh hi.” Paikhiatna 34:22 Anpallak pawi inzong naciam tehhi. Sawltak 2: sungah honglikatdan namthum inhonghilhcian hi Sawltak 2:2 “Huihpi nungbangin aginza” uh 3’ Meikuang bangin mikhempeuh sukha, in 6 namdangte pau pauthei uh hi. Khangsiangtho nasepna Huihtawh kibang hici lo-in Khasiangtho hugin Huihpi bangin za uh hi ci hi. Mikhempeuh sukhakim ahihmanin Meikuangin asukkhakbang in mu uh hi. Tuani Anlakpawi tawhkituak ahihman in Jerusalem khuapi ah Jew mitampi takleh akim a om namdang [Gentiles] mite hongpai laitak uhtawh kituak hi. Tua namdangte in Peter thugen amaupauciatin za uh hi.
Tulai mipilte gen
Pentecostal Theologian leh scholar, Amos Young, Allan Anderson, Walter J. Hollenweger, te Khasiangtho Leitungah akibuak Sawltak 2, khitciang Pasian in Khasiangtho hongbuaksukkik nathu, Asian and Pentecostalism ah scholar sawmval in etkak nathuktakin nei-uh hi. Muhna azaikhollo biakna gamneu te-ah Pentecostal pen movement khatin kingaihsun in United Pentecostal Church, Assemblies of God, Church of God, etc., tebek Pentecostal upna aneikisa in ki-aituambawl hi. Ahizongin mipil Pasian zatmiten akantel navuah Pentecostal upna aneimi Anglican, Catholic, Baptist, Presbyterian sungte ahzong tampitak mukhia uh hi. Hih upna apom denomination tuamtuam sunga’ mite 21st century ciangin amanlang taka akhangto upna kimu a, 500 million valpha hi (Anderson:). January 1901 in Charles F. Parham’s Bible School Kansas ah cidamna nalamdangte piang in Pentecostal movement in ciamte hi. Anihna Azusa Street ah 1906 ahzong Khakhanlawhna nasiatakin hongtung leuleu hi. Khanlawhna pen Catholic Pawlpisung hongpiangkhia ahihi. John Wimbers in Fuller Theological Seminary Pasian nasep nahangin Khanlawhna hongmu uh hi hihpen USA gamsung a apiangthu hi. Edward Irving tungtawn in London ah 1831 in hih upna, Pentecostalism’ natungkhinta hi (Anderson: 34).

Sadhu Sunder Singh [1889-1929] India mileh John Sung [1901-1944] Senmi ten America leh western lamte tawhki zomhetlo pi-in amauleh amau-in Pasian Khasiangtho laawnkhak na ngah uh hi. Sunder Singh Hindu biakna Bhakti ngeina kiptakin alenmi khat hi a, amah leh amah kitualthah ding akithawilai-takin anungta Khazih hongkilangh a nalamdang, Pentecostalism tawhki azomthu tampi hongtuak hi. John Sung China gam Methodist innkuan sungpan hongpiangin America ah 1927 in Ph.D. chemistry tawhzo hi. Thungetna hangin cina dam, nalamdang tampi China ah hongpiang hi. Tualaitak in Pentecostal missionaries tawhkizopna neinai lo hi. Western theologian pawlkhatin Pentecostal upna nitum nalampan hongkipan hi ci uh a, Hollenweger inbel nitum nalam pan hilo hi ci in khauhtakin nial hi.

Asian scholar Hwa Yung in Western ten Pentecostal amuh na uh dawngkik in ko Asia gamsungah Pentecostal upna pen tualsuak upna [indigenous belief] hi khin hi. Tua ahihman in Pentecostal movement pen mukhatpan kipan khia hilo in Vantungpan [Pasian] in [synchronism] hunkibang muntampi ah apiansak upna hi ci hi. Survey bawlna vuah anuai abangin mu uh hi.

Pentecostalism and the Asian Church – Hwa Yung
The statistic for Asia in mid AD 2000 is as follow:
Total population                                             = 3,697 millions
Number of Christians                                       =
Adherents                                                       = 313 millions
Professing Christian                                          = 199 million
Number of Pentecostals & Charismatics               = 135 millions
Filipino indigenous Pentecostals/Charismatics       = 6.8 million
Han Chinese indigenous Pentecostals/Charismatic = 49.million
Indian indigenous Pentecostals/Charismatic          = 16.6 million
Indonesia indigenous Pentecostals                       = 6.8 million
Korean indigenous Pentecostals/Charismatic         = 3.3 millions

Gamzawng Asia sung a-om nekleh dawn, pumpi damlohna, gamvai, pilna tawh nuntakna aniam mite’ kitangsap deuh hauhna, [prosperity theology] cina damna [miracle healing] telak ah Pentecostal upna khangdeuh in mu uh hi. Ahangpen leitung tomkal nuntaksung kitangsap sumleh paihauhna, lawhcin na, cina damsakna te bekbek bulphuh zawkna mun ahihman hi zong aci om hi. Gentehna in S. Korea gam hongkhantohna ahang pipen Rev. Ki-Chul Joo in Japan galte adalzawh nading inleh S. Korea te Pasian in thupha apiakna ding deihluatna tawh tatsatlo thungen in upna hangtawh tualthah nathuak in, 1907 in Pyongyang ah alamdang Khakhan lawhna hongtung in Leitungbup pawlpi lianpen omna S. Korea hita hi. Christian upna hang sihna thuakte lakah Pentecostal upna aneimi tampen hi. Iran gam ah Pentecostal biakinn tampi Muslimte halsak hi. Vietnam Pentecostal te adingin kumpi in rule khuahtak in koih uh a, ordain piaktheih nading kumpi tetungah ngensak masa uh hi. Amos Young [Asian American theologican] in Pentecostal upna pen Khasiangtho tawh nasepna hipha deuh ahihman in Asia gamsung a’ tualbiakna [ancestors’ worship] telak evangelism lawhcing mahmah hi ahangpen Khasiangtho nasep na ahihman in cina damna, lawhcinna leh daupai nate, amau [ancestors’ worshippers] ten lunggulh leh azonpen uh hi ci hi.
Hih Pentecostal upna pen denominational affiliation hilo in mimal tawhkisai, Pasian in hong kizoppih zia ahih manin Topan’ Zomi pihte zong ihki tangsap bangbangin hong huhciat ta hen!

Pau D.Lian 
A gelh - jeffrey Pau Do Lian


Source :
reply-to:zominam@yahoogroups.com
to:"zominam@yahoogroups.com" <zominam@yahoogroups.com>,
zomidaily@googlegroups.com
date:Sat, May 14, 2016 at 10:01 AM
subject:[ ZOMI NAM ] PENTECOSTAL DAY [ALUNGLUT TEBEK]

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pentecostal Day. A gelh - jeffrey Pau Do Lian Description: Rating: 5 Reviewed By: Cinpu Zomi
Scroll to Top