728x90 AdSpace

Hot
Menu
Zon-ol na Donate

Latest News

ZOMI NATIONAL CONGRESS (ZNC) PULAKNA LEH THEIHSAKNA THUPUAN (2001)

ZOMI NATIONAL CONGRESS (ZNC) PULAKNA LEH THEIHSAKNA THUPUAN (2001)

ZNC Dialkhai

Pawlpi khat peuhpeuh Tup leh Ngim (Policy, Aims and Objectives) nei a kiphut khia a hih dung zui in ZNC zong Ngimna leh Tupna thupi mahmah nei a kihphut khia a hi hi.

1988 in Burma ah Politics kikhel lamdangna hong om in, multiparty system hong kihon ciangin meeting tamveipi a kineih khit teh kei mahmah suai (letmat) tawh Yangon Election Commission ah phalna la in kiphut khia a hi hi. (Registration No. 30/October 18). Tuahunin President Pu. Pum Za Kap, Vice President Pu. Suan Khaw Thang, General Secretary Tang. Thang Lian Pau, Secretaries Pu. Neng Hau Kim, Pu. Gin Kam Lian leh Tang. Gin Khan Khai te a hi hi.


Party Politics bek hi lo-in National Politics taktak sai dinga kiphutkhia hih mah bangin Zomi/Zosuante khempeuh (Adiakin Burma ah mite'n Chin ci a hong theih uh Zomite) kipumkhat nading, Inn leh Lo kician neih nading, Khantoh nading leh Burma ah Democracy ahong om nading Tup leh Ngim thupi pen a hi hi. Election manifesto ah Chin tangin Zomi zat ding ci-in hangsan tak leh tang takin kitaklang hi. Zomi I cih ciangin Kawlte'n Chin a cih tribe khempeuh, Bengali leh British te'n Kuki ci a record a bawl khempeuh leh Lushai (Mizo) kici khempeuh leh a dangdangte i cihna a hi hi. (Zomi= Chin, Kuki, Mizo formula a hi hi.)

Hih banga ZNC policy a thei, a um, a muang leh a zui ngam mi lungsim kician mahmahte member in kisanga, founding General Secretary pa signature tawh identity card kipia hi. Mailam hunah zong ZNC policy a deih, a zui nuam khempeuh member in kisangto zel dinga, ZNC lungtup mualsuah dingin lam-etna lianpi i nei hi.

ZNC sungah Pau leh Ham, Beh leh Phung, tribe kideidanna om lo banah Hihna kithei Zomi/Zosuan khempeuh kihel thei hi. Zomi pen a neituam tribe kuamah om lo a hih lam tangthu sut kawm vengvengin lungsim lian tawh i theih kulin, i kalsuan kul hi.

Zomi kalsuanna tangzai semsemin, tuni ciangin Khangno/tuailaite makaihna tawh Japan, USA, Burma leh India gamte ah Zomi Youth Association (ZYA) zong kiphutkhia ta a, lungdam huai mahmah hi.

Tuamah bangin ZNC Constitution tawh kituakin Unit/Branch tuamtuam kihputkhia thei hi. Burma gam dinmun hoih nai lo a hih manin Liberated Area ci in zong phalna zui-in kiphut thei hi. Tua tawh kizui Burma ZNC tawh kisai in India ZNC/LA pen zong ZNC Senior Member Tang. Ai Sian Pau (Membership No. 010194) makaihna tawh (18th October 2001 a kipanin) kikal suan lellel lai a hih manin lunglutna leh lawpna a nei khempeuhin kizoppih thei ding hi. Midang khat peuh in ZNC(LA/Exile) min zangin India gamah Pawl phut thei lo ding hi. Thu kician zaw theinuam te'n Tang. Ai Sian Pau, Delhi kiangah kan thei ding hi.

Zomite hanlung ciam khangto diam!

Zomi takheh!

Tang. Thang Lian Pau
Member of Parliament
Zomi National Congress Representative, Burma.
Dated: 15th November 2001.

Source :
Zonet.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMI NATIONAL CONGRESS (ZNC) PULAKNA LEH THEIHSAKNA THUPUAN (2001) Description: Rating: 5 Reviewed By: Cinpu Zomi
Scroll to Top