728x90 AdSpace

Hot
Menu
Zon-ol na Donate

Latest News

Kimlepam Lainatna Thu (Ecology & Environment Concern). Agelh - Dr. Do Sian Thang

Nihna: Leitung mite’ kisap bulpi ahi hi.
Agelh - Dr. Do Sian Thang


            Pasian in leitung mimalkim a dinga hong koihsak nisa dal-phekhual ozone layer pen meikhu in siasak,paasak,vangsak ta hi. Tua ahih man-in ihtenna leitung lum semsem hi: global warming & climate change!  Kimlepam aading a kisam carbons 0.035% hibek a,tu in 0.055% phato hi; hihdan hileh,2030 kum ciangin 0.0635% tungto theiding hi,ci hi. Lim lang mawtaw sung-ah zateep loding ci-a zateep veve/hamtang/tangkalh tawh kibang hi: Green House Effect ci uh hi. *CFCs: Chlorofluorocarbons
            Leitung lum semsem leh tuipi-tuikhal mualte tuilum dinga tuipi maitang kahto ding ahih man-in tuipi gei-a khuapi le gam pawlkhatte, tui in tumcip dinghi.

            Kum zalom 20 bei kuan,21 kipat hun-in kum khatin 1F/0.6C lumzaw hi. Tua dan-in hileh 2050 ciang-in a zahnih kahto dinga tuipi mai 3028ft sangto ding hi,ci hi.(Tuikhal tuiluanna hangin 15-20ft tuizualpi bawl uh-a tai nading munlegam a zongzong zong om khin hi,ci hi.) Tua hileh mihing sawmah khat in, innlelo taanding hi, ci hi.

Meikhu tamsakna sanga lianzaw mawhna om nawn ding hiam?
            Khapi tung panin(Apollo mission to the moon:1969 July 20) ih tenna leitung a kimuh teltheih ciang-in ih leitung in neucik hi a tiny dopkul hi fragile ci’n phawkthakna a piang hi… kimlepam buainate vengthei in, a natna zong kidamsak thei hi solvable; kimlepam damnang senate ah sinsau lungduaina patience kisam pelmawh dinghi. Bang hanghiam cihleh khantohna lamsang senate manlang thei napi’n, kimlepam kepna lamsang sepna ahih leh zekai zawzel hi.

(Whole Earth Catalog;www.longnow.org)
            1970 kum-in Earth Day bawl kipan hi: Clean Air Act huih siannang thukimna kibawl hi. 1972 in Stockholm ah World Environment Day, 5 June ding-in, kipankhia hi.Ngaihsun dih ve! Leitung khuapite in, leitungbup’ meitha 67% zangin, CFs 75% suahkhia uh hi.

CFSs tamsak: huih-nin, tui-nin leh singphuklua:
            1960-2006, kum 40 sungin meikhu a zahli khang hi: setzung nasepna, vanlei vanzuakna leh khuapi zuatna cihte pan-in meikhu a khang hi. 2002 kum meikhu en leeng: khangtosa gam 25,52% leh khangtomsan gam 180,48% khanghi. A diakdiak in khangtosa gamte’ meikhu khahzah(billion ton) enkaak leng:US 5.83; China 3.51; Russua 1.43; India 1.22; Japan 1.2; cihdan ahih man-in, setlam siamna bekin kimlepam khangtosk lo-in siasak zaw hi, cihthu kimu hi.

            Singphuk luatna hangin,CFCs akhang hi.1990-2005 kum khat a singkung phukzah enleeng ( million sq meter): khangtosan gam, 90.62 phuk; khangtosa gam, 7.14 suan; vekpi, 83.48 singkung kizang hi. Kum 50-pha singkung khat kiphuk leh $600 kingah thei hi; khat lamin tua sing khat aki phukna hangin $196,250 kisum hi.( Miller G Taylor):
                                    Oxygen                       31,250
                                    Huih-dal                     62,500
                                    Leithau kem               31,250
                                    Tui-suah                     37,500
                                    Ganhing kem             31,250
                                    Protein                       2,500 

            31.10.2011 ni-in leitung mihing billion sagih ding-in kituat hi: mihing guk ah khat in tuisiang zang zolo hi. Leitung mi a tamzaw in Asia gammi ahi hi: awn 700 in tuisiang zang zolo hi; ni khatin 60 million cubic litre valzat zel hi; tuazah pen mihing awn 200 in, nikhat zangkhom ding hi. Tui-zah 70% himah hi; tui-al panin tui-khum suahkul ahih man-in tui cil kul hi;mi 1, ni 1,131 liter pan-in 80 ah tui cilzat kul hi,ci hi.

            Meikhul-huih nin, sing motphukm tui-nin; hihte hang-in huihpi,guahpi,tuikhang, zinling hi; tua man-in: tsnami,26.12.2004; 226,328; nargis,2-3 5 2008; 138,373; cihte kituak hi.

CFCs meikhu akiamna ding-in;
1980,  UNEP,WMO,ICSU kipawl in thukimna a pankhia hi.
1987,  khangtosa gam 24 te in Montreal Protocol thukimna a bawl hi.
1988,  Geneva base, khuahun lam mipil 2500 kipawlna, IPCC a suakkhia hi.
1990,  IPCC 1st assessment report kinei hi.
1992,  Rio de Janeiro, UNCED, Earth Summit zong kici, gam 117 te’ thukimna hi.
1994,  UNFCCC, gam 181 te’ thukimna hi; 1995 pan-in kumsim in COP samden hi
            CFCs = 2000 kum ciang, 1990 kum’ zah a tunsuk nading hipen hi.
1995,  IPCC 2nd assessment report kinei hi.
1997, Kyoto protocol thukimna a bawlhi.
            CFCs = 2012 kum ciang,1990  kum’ zah 5% a kiamsuk nading hipen hi.
2001,  IPCC 3rd assessment report kinei hi.(Kuoto Protocol legal text); US lung-iang hi.
            ( green house effect >>> white house effect)
2002,  World Summit on Sustainable Development:
            Johannesburg Summit kibawl hi.

UN – 1972 – WED akici kimlepam ni a piankhiat-a kipan kumsim a bulphuh thu pawlkhat,ih gualsuk ding hi.
1974   Leitung khatbek hi; only one earth
1978   Kiamsiklo- a khantohna; development without degradation
1990   Naupangte le kimlepam; children and environment
1994   Leitung khat innkuan khat; one earth, one family
2000   Kimlepam kum tulthak; environment millennium, time to act
2008   Meikhu kiamnang tum dih ni; towards a low carbon economy
2011   Gammang tulak: honghuh hongkem kimlepam; forests,nature at your service
2012   Haawmsiamna taktak: nang e leh?; Green Economy: Does it include you?

            Khangtosa gampi giatte’ G8 tunna/dinmun(2009): 1990 pan-in a khangto bel Germany; tu laitak a hoih bel Japan; mailam kuanzia ding muanbel Germany cihdan kilak hi. Leitung bup 2006 carbons 32 billion tons sungh US 25% hisam hi. Ih tenna inn a bitna cure ding-in mihoih-misiam kisam kim hi: big thinkers, power players, those with deep pockets, and the rest of us.

            A taktakin: kimlepam kepna in ei-le-ei kihutna hipah hi.(protecting the environment means saving ourselves) 2000 A1 Gore: tuzawh kum 10 sung-in gam mimalkim in a suakkik thei meitha renewable energy, carbond siang meitha, zatkul ding hi. Hih in a hithei ding achievable, ahizo ding affordable, a hikhin ding transformative, tupna ahi hi. 2007: Al Gore in, ama’ laibu An Inconvenient Thruth tawh kimlepam kepna meivak a honsak thei hi.(Jimmy Carter’ suakkik meitha tupna leh Reagan’ galdona tupna, koi telzaw ding?)

            Tua hi-a tuhun siamnate in nopsaknang leh kimlepam damnang a tupding ahi hi.Adopt clean-energy technologies that offer both prosperity and a healthy environment.

            Hikhawm ding hinapi’n tutadih in teelkul kha leh, a masazaw in hong pilvangsak zaw hi.

Siamna in hong manlangsak zaw a, kimlepam theihna in hongpilvang sak zaw hi.
Just when technology was busy making us smarter, environmental awareness began to make us wiser.

Kimlepam thei-a a pilvang pawlkhatte ih en ding hi.
            Julia Hill, 20, in kum tulkha singkung, redwood a honkhia hi: singlam nasemte in tua singkung phuk tading hi, cih thu azak ciangin 738 sung Julia inn acing cip hi; phuk nonlo ding cihthu a ngah dong 6_9ft tausang tungah solar phone le radio tawh; ama’ lawmte in an puakzel; singtung kahin exercise bawlzel,ci; sing’ min Luna a phuak hi

            Cris Villonco, 16, in LeiNu kemcing un, ci’n pawi-pi convention te ah lasa hi. Pasig gun anin pan in a sian nading tupna tawh lasa-in mapang hi.

            Chou Yu-sheng, 11 , in vanluite vanthak suahna recycle asem hi: laidal le a dangdang, paih omlo in; a lui kikhel-in a thak a pianghi.

            Khangtosa gamte’ ni 1, mi 1, lai paihzah(kg): USA 1.97; Switzerland 1.64; France 1.61; khat lamah nikhat a suakzah(%): Netherlands 77; Germany 67; Switzerland 61% ahi hi. US:mi 1, kum1, 726 kilos, ninpai hi. A lui/nin (paih) sangin a thak/siang (suak) tawmzaw lai hi: kimlepam thei-a pilvanna mah kisam hi.

            Kimlepam kepna, damna, meikhu khiapna, kimkhatte ihguallai ding hi.
            1. Eimau’ puan pho danmah na hi zaw: hang up a clothesline.
            2. Car sangin bus zuizaw lecin: ride the bus.
            3. Kongvangneu’ huih siangzaw hi: open a window.
            4. Bawngsa nek khiam lecin: skip the steak.
            5. Plastic sangin nangma’ thungip zangzaw in: just say no to plastic bags.
            6. Gua-huang bawl in: plant a bamboo fence.
            7. Tualsuak mopawi hisak in: have a green wedding.
            8. Huan bawl phot dih in: make your garden grow.
            9. Khualumna munah singkung suan in: plant a tree in the tropics.
            10. Na vengte masak in: support your local framer.
            11. Meikhu khum dih in: capture the carbon!
            12. Zatna khiam in, piakna khan vaw: consume less, share more, live simply.
            (Evangelical Khristian leh Buddhist te’ nunzia ding hileh kilawm hi)

            Khuakneiset in van tawnin nasem, laisim, vanlei-in om leh, meikhu kiamin kimlepam cidam zawding hi. Mother nature should love fuel and preserve firests. 2.5 lbs-gik lailom khat puakna shipping, meitha 0.1 gallon/0.4 lbs kizang hi; motor minit khat leh computer minit sawmnih te’ meitha beina kikim hi.

Source :
Kimlepam Lainatna Thu (Ecology & Environment Concern) Laibu.
Page 5-11.

Zomi eLibrary / Laibusaal in  Dr. Do Sian Thang kiang ah phalna ngen in akitei / aki type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Kimlepam Lainatna Thu (Ecology & Environment Concern). Agelh - Dr. Do Sian Thang Description: Rating: 5 Reviewed By: Cinpu Zomi
Scroll to Top