728x90 AdSpace

Hot
Menu
Zon-ol na Donate

Latest News

Kimlepam Lainatna Thu (Ecology & Environment Concern) Zosuante' vaipuak misssion ahi hi. Agelh - Dr. Do Sian Thang

Kimlepam Lainatna Thu (Ecology & Environment Concern)
Agelh - Dr. Do Sian Thang
Photo Credit : Cinpu Zomi ( www.laibusaal.com )

Thumna: Zosuante' vaipuak misssion ahi hi
          Hih in latt 2124; long 9315/94; ,9007 sqmi, 8,900,459 acres sung-a om theihlai 35; khawh theihlo 35 ahi hi. Zogam ah mipum (2008) 533,047,050 teng hi; mi khat in kimlepam 16.6 acres anei hi. Minih in vok khat khawi zo mialmial hi; mikhat in ak 4.8 khawi hi. an nam 46 bang kiciing hi; anntawte ihhi hi. A taktak in cilehang mikim in ihkim ihpam tek kem hileh a lei panin a zuak ah, ataw panin ahawm dinmun, ihtung taktak ding hi. Tuabang a pian theihna ding ihkim ihpam ihsinsin kulphot ding hi.

          Amah in Lebanon a om taamtak akipan phungmai-a po puknahte dongin singkung thu a gen hi. Amah in kheli a nei, ganhingte,vasate, a bokvak ganhingte, leh ngasaste' thu a gen hi. Kum 4.33.

Phawkding: Myone kua lakah Tedim aneupen hi-a mitam pen hi; mikhat  in kimlepam  4/5 acres bang ahuam tam maw?
                        1. Paletwa                   3176.04 sqmi
                        2. Matupi                     2316.80 sqmi
                        3. Hakha                     1608.24 sqmi
                        4. Thantlang                1371.03 sqmi
                        5. Tonzang                  1360.36 sqmi
                        6. Mindat                     1219.87 sqmi
                        7. Falam                      991.12 sqmi
                        8. Kanpetlet                 964.00 sqmi
                        9. Tedim                      949.69 sqmi


          Zogam ah Zomi mimal kim ci nai keini. 10% in ihkim ihpam 16.6 acres thu, lainat thei lehang, sem nuam ding ihhih man-in antaw dinmun Pasianin anhawm dinmun ah, lhgalkhat thei taktak ding hi.
          
          Mimal mawhna pan-in milom mawhna thu, mimal gupkhiatna pan-in milom gupkhiatna  thu ihhilhhilh ihsinsin kulding hi. Zomi mibup mawhna lim khat ngai dih ni: tua in khua khawmpi thu ding hi.

            1970 kum pawlin Zogam khuai vekpi khawmpi a bawl uhhi. Khua kumpinu ciat in thu a gen uhhi. Ih tenna Zogam nuam mahmah ngei napi'n tu in nuamlo mahmah ta hi. Kum simin gam kihal-in meikhucip hi; gam kangin paknamcin tawm semsem, singhawm, suanghawm keu khinta... hici bangin Zogam ah teeng lei lehang, ci-mit ding ihhih man-in bang cihding hiam cihthu kikum nuam-in khawmpi a kisam ihhi hi. Thu kikum uh ahih bang-in khensatna a neihi.

          Eite' hang-in pak namkim a pianna thu hong phawksak hetlo ahih man-in Zomite tungah kiheh mahmah hi. Khuaizu duh mahmah napi uhin ihinn ihlo honghalsak zel uh ahih man-in Zomite tungah kiheh mahmah hi. Zogamah ih ci-mit liang sangin ut  ngeunngua pi mahin mundang gamdang Sagaing, Magwe, Peku, Mizo, ah ih taimang siat kultading hi. [ 1972 kim-in taimang khin dektak hi]


             Amau' innlelo a halsak Zomite' gam-it-la khat ngai dih ni: Nambat 398

           A naum Khamtung gam, tuisiangtho tam, paak zong a tam, Mual leh guam tengah, vasa te'n nuamsa'n la asa.

           Khamtungmi'n kasuak, Khamtungmi bang ka nungta ding, Gam le mi ading, pilna siamna hatna pianing.

                        Ih vekpi in kipakin lasa ni, khua khempeuh-ah nuamna lasa un,
                        Khamtung eimaute' Khamtung, Khamtung ginalo gam hi kei.

La ihcih in thu hi napi'n
          Zomi kimkhatte in Zogam ah tektang zolo uh hi; lengla a bangzel uhhi. Tuma kum za khat hun lai-in a kimangngilh a kinusia Zogam hong kicihsak a Zomi ahih nakleh zukham den hong kici hi. Tu in kum zakhat hong cing khitta hi. A sunglam pan-in ih kimuthei ta hi. A pualam pana hong kimuhna pen manlo hi ihci theita hi. Endih ve: van ka pa, lei ka nu ihcih mahmah pen ih dinmun ih thulet guipi nak hoih hiven. Tua ahih man-in Zogam ah Zomi khat in van thu tektuak mahmah napi'n lei thu telsawm hetkei leh poi mahmah ding hi. Ih Lai Siangtho in: van le lei kikhenlo, pumkhat hi ci hi.

          Tua ahih man-in Zogam mibup mawhna pan-in mubup gupna lam manawh ding hihang.

Mibup mawhna:
1. Ihmual ihguam kolhsak keusakin kialgim a namsak kumsim lothaklak hunlui lokhawhdan, ih paisan tading hi.
2. Ihhuan sung ihlo sung-a ankung singkung hong suksiatsak hunlui gankhahzau-a gan khawidan, ih paisan tading hi.
3. Ihtui kangsak-in ihgam keusak-a khuahun zong a siasakden, sing motphukna leh gam mothalnate zong, ih paisan tading hi.
4. Eimau leh ihmipih ihsapihte hong sialnek zuautatna leh duhhawpna tawh sumzuak sumzon nate ih paisan tading hi.
5. Ihtu ihtate' nuntak lamtam kituahna ah lamdawt a tawnsak lai etteh a lai onna namte ih paisan tading hi.
6. Innkuan sung munam sung-ah kha leh pumpi khenna, kha bekbek pumpi maimai; tua bang a theihloh natnate ih nungngat tading hi.
7. A sung a pua, a nai a gamla, kizopna hong nawngkaisak, manlang siamna nampawl ih nungngat tading hi.

NB: Speed thrills but kills
1. Zogam a keusak hunlui lokhawhdan nusia in, Zogam a hingsak thei hunthak lokhawhdan, Sloping Agricultural Land Technology, SALT I, ih manawh tading hi.

2. Ihhuan le ihlo an hong nektumsak hunlui gankhawidan nusia in, ankhing hong khamsak ding, hunthak gankhawi dan, Simple Agro- Livestock        Technology     SALT II, ih manawh tading hi.

3. Kialgim a namsak, sing motphukna le gam mothalna zong nusia in, Pasian' khutma a langsak ding-in, hunthak kimlepam kepzia, Sustainable Agro-forest Land Technology, SALT III, ih manawh tading hi.

4. Eimau le ihmipih ihsapihte hong tawisangthei citna leh thumanna tawh sumzuak sumzonna lammah ih manawh tading hi.

5.Ihtu ihtate lakabom panh lamman a tawnsak tunglam pilna leh leilam siamna a pia thei pilsinna lammah ih manawh tading hi.

6. Innkuan sung minam sungah kha nuntakna leh pumpi nuntakna anih in tonkhawm; van maleep innkuan nuam; tua banga theihcian damna lammah ih maingat tading hi.

7. A sung a pua,a nai a gamla, kizopna hong muibunsak dikna hoihna nampawl ih maingat zawding hi.

            Mibup mawhna leh mibup gupna teng, kum zakhat sung-in Zogam buppi sungah ki semkhia khin ding hi. Kum zakhat geelna in anuai-a bang in a hi hi.

                        2001-2020                   Kimlepam thu hilhlesin hun
                        2021-2050                   Kimlepam thu seplebawl hun
                        2051-2080                   Zogam' pua lamah hawmkhiat hun
                        2081-2099                   Ankhingkham Zogam nuam Beulah!
                        2100                            Topa Pasian tungah lungdam kohkum

            Zogam in SALT nasepdante' tungtawn in ankhing kham-in umnem belnem-in a suakthak ding hi; tua in Upna ahi hi.[ FAITH: Food Always In The House.] SALT-FAITH taksuah ding-in hihdan-in kisem kibawlbawl/ding hi.

1. Mibup mawhna le mibup gupnate, Khristian biakinn kikhopna hun- ah ahi-a tangpi kikhopna hun-ah ahi zongin a kilawm bangin genkhia-in      pulakkhawm dinghi.

2. Kum za khat geelna tawh kizom-in Pastor khat in khantohna lamah lungtupna leh sepnopna a neihleh, ama' pawlpi ahi-a a kipawlna in ahi zong-in lumgkimpih-in thupha pia theiding hi.

3. Etlawm mualkuam Zogam nuam sungah a etlawmdiak munteng, a naipen khua leh kipawlnate in kemin cingin bawlding hi.

4. Zogam le Zomi ading a sem laitak NGO khempeuh kizopna kinei ding hi.

Tulak lamsang thutheihna leh thuneihna:
            Zogam ah innkuan 1, kum 1, lothak-singphuk, tan 5-10 beimangin, singtuah, tan 2, kizang hi. Ankhing khamlo 70% bang omlai hi; lonona zuan-in, mihing kikiam hi. A hangpen: eimau' gamah teektang lo, lengla- batman ahi his: nasep khatpeuh manpha salo; midang kibelnuam; lamdawt kitawnnuam; lungkimbaih; bawlthak ngamlo; ctp. ahi hi.

            Tu-in a haupen'2% in hauhna' 50% tak nei a, a zawngpen' 50% in hauhna 1% beknei ahih man-in, kimlepam kepnang nasep sang-in nektawm zon nasep masak kulzaw hi; hih bangin kipat dingdan a hitam maw?

                        Nunnuam/ankhingkham =neihsa+ huhna+ pilna siamna      

            Khangtosan gamte' meikhu kiamnang hawmna khat Reducing Emissions from Deforestation & Degradation & Developing Countries (REDD) kinei hi; tua sungah United Nations Declaration on Rights of Indigenous People (UNDRPI) om a, 2007 September 13, laigual 26na ah: tualmte in khang-kizom kimlepam zatnang le kepnang thu anei thei hi; khuahun kikhelsak, khuami kisiasak, nasep silbawlnate khempeuh nialthal ding ahi hi, aci-ngiat hi.[ Community Forest, CF cihte?]

U Ngwe in tu-ma kum(60) hunin Mandalay A lamlian dungah singkung 500 suan
            Japan gal' hangin ni-sa 111 dong kahto ngeihi. Tanu 7-nei saihka hawl U Ngwe! ama' ut tawmna tawh zing nai 3-4 hun-in tho; khau, tuiphel,siksem, tupek, lawh cihte pau;a suan kungte tui buak; ahiangte sattan-in puah.[ vantung gam pualam munkhat ah U Ngwe, Zesu in ompih loding hiam?]

Carbon label: CFCs a tawmtheihpen cihna; van-le-na bawlna phualpi panin; ciamtehna C kibelhsak hi. A theite in lei uhhi.

Village Earth: Appropriate Technology Library; siamna nam 1050 gawmtuah; DVD_2; khua-ta tuisiang bawldan; nisa tha lakdan; buhhum kepdan; ctp. ahi hi.

BEAT : Basic Environmental Awareness Training; organic fawm/ing, faith garden, ctp., kihilhthei hi. (plastic zonglo-in singteh in kwanya tunin kizuak hi, singtuah a-nem an huanna-thuk bawldan cihte pawl)

LOME: Lover Of Myanmar Environment
            Tukum bullam hi: chemical van vaikhak khat in ama' deihnam hilo ahih man-in, acid container nih, Yangon gungei munkhat ah bungkhia hi: kimlepam-a huan/lo siagawp hi; mihing' pilvang, a theitawm mihoih, kisam hi.

            SangmangCope in hong bawlsak laisimbute lah-ah thulu khat a om hi.Cope Kumza Pawi: Ama' tangthute sungpan a hoihpen a kiteel hi.[TBA]

Lokhawhna in leitang nsepna a lianbel hi.
I sapna teng leisung pan i ngah hi.
1
            Miihingte deihna a sam tampi om hi. Numeite in khisan a deih uh hi. Pasalte in thau a deih uhhi. Tangvalte in khedap a deih uhhi. Mihing khempeuh in ngun a deih khin uhhi. Sapna tampi a om hi. Mihing a sapna lian kimlo hi. A tung kigelhsate a kimu zo keizong in gimna ahi pha kei hi. Tu teng sung a lianzaw mihing khempeuh deih ding khat a om hi. Tua na in bang ahi hiam? An ahi hi. Eite in nisim in nihvei thumvei an i ne hi. Khat veivei ne kei lahang i tha zaw ding hi. An ne lo-in sawtvei kinungta theilo hi.

            Khamtung mihingte in tang leh sa a nei nuampen uhhi. Tuate gelguak duh ahi khol kei uh hi. An dangte zong a duh uhhi. Na lunggulh teng an minsawm na gelh in. Nagelh khit ciang-in na lawmte gelhtawh na etteh in. Na innsung uh ah an koihna mun an huanna mun an nekna mun a za pen hi. Tua ahih ciang-in an thu in thu lian pen ahihlam na thei ding hi.

2
            Puansilh in antawh kibang a nuntakna ahikei zongin deihna lian khat a hi hi. Khualumna gam ah mihingte in puan tampi a silhkei uhhi. Ahih hang-in khuadamna gamah mihingte in puan tampi asilh uhhi. Mihingte siamna a khan ciangin puan tam a deih semsem uhhi. Khua a lum laitakin puantawm bek i deih hi. Khuadam ciang-in puan tam i deihhi. Puan lum ahi ciang-in puan omkei leh khua damna gamah mi aom zo kei ding hi.

3
            Puansilh kideih mah bang-in inn zong kideih hi. Khualumna gamah guahtui leh nisa a liah ding-in mihingte in inn a deih uhhi.Khuadamna gamah innhawih om kei leh mihingte a si ding uhhi.Tua thamlo-in mihingte in amei a cih ding-in sing namgimtui suangmeihol tuate a samkai hi. Tua ahih ciang-in mihing khempeuh sapna in antawh inn tawh puan tawh a lianpen hi.

4
            I annnek ding i puansilhding i innlam ding koipan i la hiam? I an koipan i ngah hiam? Tangkungte leisung pan apo hi.Ganhingte in lopa leh vaimiim ne uh ahihciang in a nungta thei uhhi. Ahih hang in tua lopa le vaimiim zong leisung pan apo hi. Tua  mah bang-in na gelhsa namsawm na ngaihsun in. Khatbang nihbang longal a vekpi-in leisung pan hongpiang hi. Leisungpan hong pianglo an bang ahi hiam?

            Puansilh pianna thu na lungngai in. Puan a tampen in pat akigan hi. Patkungte leisung pan hongpo hi. Pua kimkhat in samul tawh kigan hi. Ganhingte in lopa ane kei uhleh mul anei zikei uhhi. Lopa zong leisung pan hong po hi. Khedap a kibawl savun koipan i ngah hiam? Na thei keileh na sia nadong in. Napuan in bang a kigan ahi hiam? Naikhau kuabawl ahi hiam? Lungno in singteh ane hi. Singkung in zong leisung pan apo hi. Mihingte puan khempeuh koipan a piang hiam?

            Innte na lungngai in Nangma sanginn sung ahi zongin na pa inn ahi zongin na en in. Khuam ahi zong-in sual ahi zong-insabuai ahi zongin tokhom ahi zong in lupna ahi zongin na en in. Hihte khempeuh kawipan pan kila ah hiam? Phung ician ciang-in suang kawi pan kila ahi hiam?

            Ann nekding ahi zongin puansilh ding ahi zongin inn a ding ahi zong-in leisung pan ahong piang bangzah apha hiam? Leisung pan thakhat aa hongpiang hikei zong-in leisung aa piangte tung pan a piangsawmn bangzah a om hiam? ci-in na simdih in. Tua bang ahihleh ann nek ding puansilh ding inn a ding sapna bangzah apha hiam?

5
            Na khempeuh in leisung pan akingah ahi ciang-in mi tampen in leina a sem hi. Lei nasem kimkhat huankhote kici hi. Huan sungah bangpo ahi hiam? Huan khote in mehtui ding ankam peuh bangpeuh asuan uh hi. Lei nasem kimkhat saciingte kici hi. Tuate in bang na asem uh hiam? Tuu peuh bawng peuh keel peuh a ciing uhhi. Bawngnawi zong asuuk uhhi. Lei nasepna pan-in lokhote a tampen hi.

            Khanglam zanglei mun khatkhat ah khua lian mahmah a om thei hi. Ahi hang-in tua khuapite sang-in lo a zaa zaw hi. Khuapi sung-ah mihing tampi aom hang-in tuate sang-in lokhote tamzaw hi. Nasepna khempeuh lak pan-in lokhawh a lian pen ahi hi.

Thu dotna
                        1. Bang deih bel nahi hiam?
                        2. Hihna, kawipan na ngah hiam?
                        3. Leisung pan ki ngahlo ann a om hiam?
                        4. Thakhatin i man theih leisung pan ingah bang ahi hiam?
                        5. Khamtung mi tam bel in bang nasem ahi uh hiam?
                        6. Mangkang mi atam bel in bang nasem ahi uh hiam?
                        7. Lokho nasep in alian bel na sep banghangin hi hiam?
                        8. Na puan leisung pan na ngah ci-in nalek ding hi.

Elizabeth Caldwell Smith
Joseph Herbert Cope, DD, KIH
Honorary Inspector of Schools
Thirty Years in Chin Hills
1908-1938
Cope Centennial

Mualbem
            Pa Vungh Suan Pau in Lamzang khuakhung kimlepameka 500, limtak-in a puah hi: singkung bem zero pan kipan-in tu in nimta hi [5 August 2012]. Lungdamhuai mahmah hi.

Kimlepam hoih eimau' tuam
Tawtawng tanpho doh ahkyu
                        Gamkeu leikholh, lo-ante tolh;
                        Sing lo'n leitang, hawkluang pahlian;
                        Singkung nim leh, khuahun zong lem;
                        Gamhing leinem, gam-lei etlawm;
                        Mualleguam hing, ciktui phultuam;
                        Sumngo sumsan, ganhing kilawm;
                        Gamlei etlawm, ganhing kilawm;
                        Gamsa vasa, tulak nuamsa;
                        Sing nim dildial, tawldam lungnuam!

            Tulak eka khat, nikhat in CO2 2000 cft huup/la in; O2 1500 cft suah/pia hi. Mi 1, kha 1, a paihkhiat CO2 teng, a diikik ding O2 a suaksak kik ding-in singkung gol 4 kisam hi. Sa-bengte in a lawm saphulip kaplum zel uh ahih man-in miksi, leikha hong tamta hi. Vasa tui-hun le singkung-ci  kiathun-in gamhal mawhna bawlnop-hun hise hi. Tua bangin, theigah haigah tawmta hi:lo-an vasa'n a nekkul ta hi.(Eloi,KKT). tual-gal ihcih nam?

            Pa Khup Khan Thang in: Zogam ahsingkung suan kikna reforestation kici project khat abawlzo hi. Hun masa, 2005 pan 2010 ciang, hi a; amun Tedim, Tonzang,Cikha gamkhen teng masa dinga, Chin State buppi zomto ding hi. Kimlepam kepna thu taksuahna ding-in hoih lua hi.

Tedim BEHS No. 1 Sangpi’ Golden Jubilee Magazine
            Zogam High School te sung pan-in A Cingtaak Sang hihna Shield 1997 kumin ngahhi.; a kiteelna tam guk hi a, gukna ah: sang huangsung,huangpua siangtho in niim dildial-a koihna, ahihi. Tua laibu sungmah-ah Siapi Ngin Khan Khual in, Ankhing kham leeng: Zogam leh Zomi pianziadingte a pulak khia hi. TTC 20th Anniversary Magazine: siapipa in zong Pasian bawlsa nate kisia,ci’n gelh hi. ZOLUS 11/2007 Kimlepam Kep Siamna sungah: Prof. CTTuan inzong, Tedim khua,(tedimdim nonlo-in) keu giugeu-in om vingviang! ci ei. Pa HCHau; han-a singlamteh tunga kisuang pilna degree, za/rank, hauhna, siamna pammaih lua hi; zattheih lai hileh pammaih ngait sa ing, ci hi.

ZOLUS 13/2009 Leitung Beidong Zomite sungah; Bishop Felix LKThang in, I nusiatsa Paradisu Eden huan lunglenpih nawn lo-in, tua sang aa anopcizaw vanthak leh leithak lam zuanin khut kilenin tonkhawm liailiau in pain i, ci hi. Prof NKam: singlamteh om loin gupkhiatna omlo a, sing omlo in singlamteh omlo ahih lam theizo nai o uh hi; mualtung tengah singlamteh phuhding hanciamden napi-in singno suanding ngaihsun ngeilo uh hi, ci hi. Denton Lotz: Lungdamna thu a tangkote khempeuh inkiim le paam kepsiamte hiding hi. ZOLUS 14/2010 Zomit leh I Maban sungah; Prof S PKEn in, kum 100 cin Jubilee thuamcim bawlsak-a kua-na ah:

Pasian’ hongpiak Zogam nuampi meihalna leh manneilo-a singphukna tawh siatsuah loin, singkung lopa,nuntakna nei ganhingte leh huih leh tuite cingin,keemin, puah ning, zuun ning, ci-in hihlai ah ka kiciam hi.

Green Kenedy Group: GKG[4K]: 2012 June 24 ni-in phuankhia uh a, July 21 ni-in Myone Forest makaipi tawh kithuah in Akluai ah phualsat in, kimlepam khuami le kumpi sangnaupangte tawh, mi vekpi 300 te in singkung 1500 suankhin uh hi. pahtaakhuai mahmah hi.

TAB: Mualbeem Tapidawte’ Lungdambawl dan kiu khat
Khangno picnic: 22 December 2012
1.    Taak sing/hiang/the la nonlo hi; biakinn le huang zemna dingin tuate zanglo hi.
2.     Singluang pua nonlo hi; zan-in tuate kikhul nonlo hi.
Taalsing/hiang/tehte kila nonlo ahih manin, a suak naungek Jesuh in a lainat kimlepam damtuam mahmah hi. Tedim gam sungah khua 123/127 om-in zang nonlo hileh, kimlepam dam hanhan ding hi. Jesuh ihdawn ciangin, ama’ lainat kimlepam zang dawn pah leeng……

            Meikhu khansakna sanga lauhuai zaw mawhna om non ding hiam?
            Meikhu kiamsakna sanga manpha zaw gupna om non ding hiam?

            Kimlepam a lainat pawlpi mite in biakinn huangsung leh mipi khawlkhawmna hun le munte ah zatep nonlo uh hi; meikhu kiamsak in mipi khantohna taktak ahi hi. Ihkhua ihtui ihgam ihlei tekah hisak tel leeng: leitung lum semsem-a khuahun kikhelna [global warming and climate change] lumlet baihlam ding hi.

            Tua ahih manin a thupi mahmah hih hotkhiatna thudon lo-in I om leh suahtakna om thei ngeilo ding hi. Heb 2.3a [kimlepam mit tawh Laisiangtho simna]

EM: Ecology Mipung
            2011 kumlai pawlin FBA GS Rev Nun Lian Thang in, singnem thuk/anhuanna bawl-a EM min vawh hi, Innkuan mi 3-4; sing khuah 1 tawh ann-min hi. Tua cia [size], K 10,000 in kipia hi.

            Kawlmi biakna makai khat in: leitung gupkhiatna ding in sing khuah khat thuk zang ni! ci’n singnem thuk a bawlbawl hi: Kalay, 073 21094; 09-47073466

            MIT siapinu khat in ama sephun sungin, MIT-ZTC sangtuak khat, hih bangin thudong hi: ZTC sangnaupang te, lo’na kisemsak hi; theology theikha nonding hiam? Kamdotpa bilbel in hicih dawnkik hi: theology cihin lei nasep mah hilo ding hiam? Hih thu ZTC hong hawh hunin meeting sungah hong genkik hi: lungdamlua kisa in a khut ka len pahlian hi. 2005, ZTC ATE ci’n Lailun Integrated Development Center pankhia hi: tua in program nam li, SALT I,II,III le network tea hi hi; tu-in credit kipia hi.

                        (cf.eretsology, K Koyama; bottom up, C S Song)

Myitsone simankeng : mipi’ lunggimna in lungnopna a suah nadingin, gunka nasep sem nonlo-in Sen kumpi tawh kihokhawm kikding,ci’n Thamada in Congress 1.2 ah gen hi.
Settinba yeh mingala shihdaw aungpuai: September zawhna thupha taktak ahi hi, ki-ci hi.

            Kalay-Tamu lamdung Indaingkyi khua pam pi 3500 na-ah Tuntin Company in bilatmi company bawlsam; leitang eka 200 zang ding; singkung eka 700 le singgah eka 300, leicial eka 46 kisia ding; 2012/14; dangka bek in kimlepam hoihsak theilo hi! Khantohna development maw? kimlepam environment? a kul leh, koizaw telding?

            Zogam ah kimlepam a hoihphadiak Pasian in hong koihsak hi: Victoria 10,500ft ctp. Victoria mual kimkhen ka tun laitakin, 19 April 2005, 1130am, a galkhatlam ka en hi. Guam thuk mahmah’ langkhat tuakah gammang tulak hi a dai khipkhepin a om hi. Hoihsa mahmahing; tua in hong hupcipin kingaihsun ing. Thuciam lui hunin Pasian maitang kuamah in mu theilo ci ahih man in tua tulak pen Pasian’ nungzangdan dingin ka lungngaikha hi. Pasian’ nungzang in tua tulak bang in a hihkhak leh, enen nuam ing; bevel nuam ing, kaci hi. Tua sukkhakna experience pen The Power of Silence ci’n min ka pia hi. Tua’h pan kakah to kik uh a munkhat ka tun uh ciangin ka hehsuak mahmah hi: kum zakhat valding singkungpi kaht abullam pin ga bang Zomi haipa/nu in a halhal, kua henghang, vang lela, in a omhi. Tatkhiatna a ngahsa Zomi khat hikha ding hi ci-in ka ngaihsun hi: tua Zomi in Piansakna thutak kimlepam kepna thumaan a theihcian ding kisam hi.

            Tua mah bangin Lennupa ah: 26 March 2004, 9pm, dawi nungak khatin siamngan; misite tua’h kituntuah; ganhing namkimte tua’h tuidawn khawm uh; zan dai dide sungah nau-kha-aw kizalai; ci’n tualmite in hong gen ciangin hihbang ka lungngai hi.

Topa Pasian in Zogam Zomite hong bup ap hi a Zomite’ Zogam sung ah mualdawn guamthuk singkung lopa lei/tui/huih ganhingte le mihingte in innkuan khat ahioh man-un launa leh patauhna pan-in hehpihna leh thumaanna lam ah ih galkah khinta hi; muhmawh thutak pen muhtheih nate, kimlepam ah hong kilang khinta hi, ka ci lian hi.

Ma-hialna
            Hih thutak, Kimlepam Lainatna Thu Ecology & Environment Concern in tuhunin lotheilo thu ahi hi. Leitung gamliante’ thupi lapi ahi hi. Amaute in Lai Siangtho ah ciahkik uh hi. Gam Siangtho a kici Israel gamah gam makaite in gamkeu pan-in gamhing suaksak uh hi. Zogam ah ahih leh tatkhiatna a ngahsa kimkhatte in gamhing khinsa pen gamkeu suah zawsop uh hi. Pasian thu, ih gatang kaihzia heikulta! side A panh side B ah! Kum 60 tungsiahte’ adingin zekai pianta; ahihhang, a nuaisiah leh khangsawnte adingin pallua mahmah lai hi.

                        Pasian,Zogam,Zomi; hihte a thumin, sam-bangin kiphek khawmin, puan-bang in kiphan khawmin,khau-bang in kihual khawm ding hi: tua In Zogam Zomi Lungtup, Post Eden Drive tawphah foundation a hi hi.

Practical work:
SALT I,II,III: A- Frame zang-a contour ling bawldan
Wood Vinegar: Meikhu tui bawldan
FAITH Garden: mehteh/gah, sing/thei gah tatsatlo- huan bawldan
Compost, natural fertilizer: leitang pianthak sakdan

Legend
SALT IL :         Sloping Agricultural Land Technology
SALT II :          Simple Agro-Livestock Technology
SALT II:           Sustainable Agro- forest Land Tchnology
FAITH: Food Always In The Home

Etkaak thute:
Time vol. 155 no. 16A; Special Edition: Earth Day 2000, April-May 2000, How to save the earth: Heroes for the planet.
Time vol. 169 no. 15; April 9, 2007: The Global Warming Survival Guide:51 things you can do to make a difference.
ZTC, Asian Theologies: human and environment, 1995-2010.
ZTC, Post Eden Drive First Council, October 2008.
ZTC, ZawngNak Declaration & One Hundred Year Plan, 1994/2003.
Zamang Bawihrin, Ka Dawtmi Lairam, 2001.
U Hla Maung, Global Warming and World Climate Change, 2009.
MIT, Guidebook for World Environment Day, June 5, 2011.
ZBC, Rays of Development 3/1, 1 July 2011.
Green Memo ( A sein yawng hmat suh), 4/12, 5/2, 5/3, 5/4, 5/5, 5/6, 5/8, 5/9, 5/10, 5/11, 5/12, 6/1, 6/2, 6/3, 6/4.
Tedim BEHS No. 1 Sangpi Golden Jubilee Magazine 1948-1998.
Tedim Theology College: 20th Anniversary Magazine 2006.
ZOLUS Journal 11/2007 : Kimlepam Kep Siamna; 13/2009;14/2010.
Deutschland Solving the Climate Crisis: Environment Climate Energy, 5/2009.
Environmental technology will be the leading industry of th 21st century(B S).


Phalna ngahna leh Hanciamna
Sia Dr. Do Sian Thang in Zomi eLibrary / Laibusaal ading phalna hong piakna tawh kizui in olno tak in isim theih nading leh Zomite ading deihsakna ngiat tawh Aki tei/type kik ahi hi.

Source :
Kimlepam Lainatna Thu (Ecology & Environment Concern) Laibu.
Page 12 - 30

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Kimlepam Lainatna Thu (Ecology & Environment Concern) Zosuante' vaipuak misssion ahi hi. Agelh - Dr. Do Sian Thang Description: Rating: 5 Reviewed By: Cinpu Zomi
Scroll to Top