728x90 AdSpace

Hot
Menu
Zon-ol na Donate

Latest News

Pasian zat, John Stott tangthu& nasepna. Agelh - jeffrey Pau Do Lian

Pasian zat, John Stott tangthu& nasepna
Agelh -  jeffrey Pau Do Lian

Kum zalum sawmnihkhit Pasian zatmi tampite lakah Billy Graham, Rick Warren etc…kitheideuh mahleh amin akizakhol lo John Robert Walmsely Stott April 27, 1921 in Harley Street London ah suak in July 27, 2011 in leitung ah anasep lianpi nusia in Pakiang hongzuatsan hi. Emily Holland leh Arnold Stott sungpan tapakhat bek ahihman in academic [lai pilna] lam ah bangzah sinzo dinghiam cihtheih nuamlua in, “National Institute of Industrial Psychology” ah evaluation [sittel] sak hi. Tua result ah, foreign diplomacy [Gamdang taang’mi] dingleh Hospital administration [Zato Admin] semdingin hoihpen dinghi acih hangun John Stott in alehlam teelin Christ ambassador suakin, Zato ah asepsangin amangthang kha tampi damsak in Pasian kiangtut pih hi. Pasian sapna John Stott in angahlaitak in Germany in Britain gal aneih laitak uh hi a, “All Souls Church, Langham Place Germante bomb inkha ahihmanin nasiatakin tua Biakinn siacip hi. John Stott khangual, khangno tekhempeuh Galkap dingin register laitak ahihman in apa, Arnold Stott in atapa ading angimna academic ahihloh hangin Galkap alutsangin Pasian nasepding deihsak zawleuleu ta hi. Galkap lutloh theih nadingin ordination [siampi] ngahleh hithei ahihmanin John Stott ordination lutna dingin apaten’ Cambridge University ah hongpuak ta uh hi.


Pasian thu ah lam ahilh Eric Nash tawh John Stott sauveipi kithuah uh a, Stott, Trinity College, Cambridge University ah BA zo-in ordination hongngah akipan in “All Souls Church Langham Place” ah December 21, 1945 panin 1975 citaktak in Pasian na hongsem hi. Anuntak sungin Pasian thugen (Preaching) Pasian thuhilh, (teaching) Pasian thugelh, (writing) Makaihzia (leadership) leh leitung gammial nasep (global missions) ah kum 90 aphatdong sembek thamlo in gamkhangto nailo [majority world/developing world] pan in Ph.D. tawh Pasian thusinte 400 val pantah zota hi. Time magazine in 2005 kum leitungah midangte apanpihzo 100 lakah John Stott teelbek thamlo in “Touchstone of authentic biblical scholarship” Laisiangtho tawhkhauh takin pilna apiazo mi’ khatin ciapteh na ngah hi. Hihbang mite pahtawi na amuhciangin nuisausau sa-in, “keisang in asiamzaw midang tulza tampi omhi” ci in kiniamkhiat takin dawngkik hi.

Professor aseplian loh hangin USA leh UK University leh conference tampite ah thungen te leh sermon agente kaikhawmin Laibu tampitak gelh hi. John Stott vision ahihleh Pastor thu genmi khatin Laisiangtho thuthuuk theih lohpiang theivet lo hi ci hi. Zingsang sim breakfast anekma in Laisiangtho chapter 4 [alian li] simmasa phot hi. University tampite kiangah Pasian nasem ahihman in, Infternational Fellowship of Evangelical Students ah president (1964-1979), Billy Graham tawh World Evangelization in Lausanne Congress, 1974 in John Stott in lawhcing takin semkhia uh hi. John Stott naseppi pen ahih leh, “bridging between the Bible and the world of the audience” “Laisiangtho leh Leitung ngeinate kizopzia” ding cih ahi hi.

John Stott deihpi pen ahihleh, “Pawlpi khantoh” nadingin number [quantity] bekhi lo-in Pasian kammal sungah thuuktak in zungkhakding cih ahihman in Pastor Scholar, Scholar Pastor ahihman in John Stott Ministries kipankhia a tun’ Langham Partnership International inkilaih hi. All Souls Church Langham Place, Britain panin Pasian thuthuuk thei/sem khia ahihman in Langham Partnership International tawh Leitungbup ah Ph.D. azosa mi 400 valin Africa, Asian, leh Latin America te ah professor leh missionary sem hi. Hih Langham vision bulpi in (1) God wants His church to grow up in maturity (not in numbers) (2) The church grows through God’s word; (3) The Word of God comes to people primarily through preaching. 1) Pasian in apawlpi akhangcing ding in deih hi; 2) tua pawlpi in Pasian kammal tawh khang to hi; 3) Pasian Kammal leitung mite ading hi a tua in thugen/hilh napan kithei thei hi. Hih Langham partnership international in nasep namthum nei a tuate in 1) literatures- Laisiangtho library ading, 2) Langham biblical preaching; 3) Langham scholar program Ph.D. ading in nasem in ei Zomite lak ahzong Langham scholar Dr. Simon Pau Khan En, Ph.D. Birmingham University [UK] leh, hihlaigelhpa, Pau Do Lian (Ph.D. Asbury Theological Seminary USA) tenzong hamphatna hongngahkha uh hi. Langham Scholar program pen kumsim in Ph.D. sinnuam a qualified mi 100 valin siau[apply] den a tuate lakpan in mi 8ta bek kitel in full scholarship Langham partnership in piaksak hi.

Ama’ min, John Stott akitheih kholloh hangin a vision te tangtungin Leitungbup Evangelical/ecumenical sungah alawhcing penin kiciamteh hi. Leitungbup Theological Seminary scholarship lakpan in alianpen hongsuak hi. Hih John Stott [Langham Partnership International] akipatkhiatna dingin John Stott in a sermon te laibu ingelh in tuapan angah sumte tawh hongkipankhia ahihman in mi hingte muhna ah acihtaklo ahih hangin ama hongsihsat, 2011 ciangin Langham Scholar ten laibu tampi tak gelhin translation bawlin agah tampitak a mit mahmah tawh mu in lungkim tak in anasep Christopher J.H. Wright director seplaitak in nusiat hi. Pilna leh Pasian thu akizopciangin lawhcing bektham lo in azung kip mahmah ahih na teci honglak hi. 

Source :
from:jeffrey Pau Do Lian lianjeff@gmail.com [zominam] zominam@yahoogroups.com
reply-to:zominam@yahoogroups.com
to:"zominam@yahoogroups.com" <zominam@yahoogroups.com>,
zomidaily@googlegroups.com
date:Mon, May 16, 2016 at 6:41 PM
subject:[ ZOMI NAM ] John Stott (Langham Partnership International)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pasian zat, John Stott tangthu& nasepna. Agelh - jeffrey Pau Do Lian Description: Rating: 5 Reviewed By: Cinpu Zomi
Scroll to Top