728x90 AdSpace

Hot
Menu
Zon-ol na Donate

Latest News

Sengam ii Gamthu Tangthu Tomkim(The brief political history of China). Agelh - Bob Tuangpi

Sengam ii Gamthu Tangthu Tomkim(The brief political history of China). 
Agelh - Bob Tuangpi

Tuma kum(5ooo) lai pek panin Sengam na om khinzo hi. Amin tuamtuamin khang tangthu ah athahat zawzaw kumpite in na uk uh hi. Kumpi khang nunung penpen Qing dynasty(1644-1911) ciang dong kumpi khang tampitak na maang ngei uh hi. Zhou dynasty zong (1046-256 BC)na maang ngei uh hi. Zhou dynasty(Zhou kumpi khanhun) zong hunpi(3) bang na om ngei hi. Nisuahna Zhou kumpi khanhun(770-256 BC) leh nitumna Zhou kumpi khanhun(1046-771 BC) bang na om ngei hi. Khuasung lampi min tuamtuam zong Zhou cih kammal akihel na tam simtham hi. Hih lai mun ah ei Zomite tawh kisai Zhou kumpi suan leh khak hihang cih ngaihsutna khat om tawh kisai ka kupnopna khat ah, Sengam ah ka va hawhlai-un, ka kamphenpa(interpreter) uh zong amin mahmah Zhou Rong hi aa, Zhou icih pen minam min hiam bang dan hiam ci’n ka dot leh Zhou(Sente’ gelhdan) pen ka beh min(family name) hi, ong ci hi. Ei Zomite’ tangthu sung dan bang hileh Zhou dynasty cihte Ming dynasty leh Qing dynasty(kumpi khanghun) pen ei aa dan hileh hih behte’ mannhun(gtna:Guite beh hausa sephun, Sukte beh mannhun) cih bang tawh kibang ding dan na hih tuak hi.

Sente pen ei Zomite tawh tapidaw(Christian) isuahma danin I upna ithuciinzia zong akibang tampi mah na om hi. Pu’sa pa’sa um cihte leh asisa innkuanpih nu leh pate kha bia-in thu ngetsak, zahtakna pia cihte tampi na kibang ngei hi. Ahizongin tuhun ah khangthak hun amaute in zong tua bang upna ngaihsutna anei na tawm mahmah ta-in abeibei zong na hita mai hi.

                 Khangthak Sengam(Modern China 1911-Present)
Tanglai kumpi ki-ukna kumpi khang nunung pen Qing dynasty(1644-1911) in bei ta hi. 1912 kum ciangin Sun Yat-Sen makaihna tawh tanglai kumpi akhangakhang thuneihna ki-ukna(imperialism/imperial rule) beisakzo uh aa, Khangthak Kumpi Gam(Republic of China) hong phutkhia uh hi. Sun Yat-Sen phutkhia(Republic of China 1911-1949) in thuneihna leh gam-uknaza(political power/sovereign power) kum(38) ciang bek lenzo uh hi. 1949 kum tak ciangin Sun Yat-Sen asih khit zawh aza luahpa(the political heir of Sun Yat-Sen) ahi Gen. Chiang Kai-Shek hun tak teh amau party Kuo-min-tang) party in 1949 kumin communist makaipi Mao Zedong leh apawlte gambupah lel uh ahih manin 1949 kum khit akipan tuni ciang dong Sengam pen Mao Zedong leh apawlte’ phutkhiat (the communist party of China) in gam-ukza sem uh aa, Sun Yat-Sen te phutkhia Sen Kumpi gam(the republic of China) pan Sen Mipite’ Kumpi Gam(The People’s Republic of China) cih tawh agam min uh hong khel uh hi.

Aguallel Gen. Chiang-Kai-Shek leh apawlte Taiwan tuikulh(Formusa Island/beautiful island) ah gaitai uh aa, Kuo-min-tang party tawh Taiwan gam nungkum dong uk uh hi. Tun ahih leh Taiwan gam in leitungah Sengam pan inntuanin asuakta leh akhangto Democracy gam khat in leitung in ciamteh ta hi. Ahizongin Sengam kumpi in ahih leh Sengam khat nuai(One China Policy)ah koih lai-in tuni ciang dong thukimpihna leh phalna pia nuam nailo hi.

               Gam Khat Ki-Ukna Nam Nih(One Country Two System)
Portugal gamkeekte(Portugal colony) in 1999 kum in Asia gambup leh leitungah akhangto mahmah Macau gamkee(Macau Special Administrative Region of the People’s Republic of China) Sengam kumpi thuneihna nuai ah ap kik-in, Hong Kong gamkee(Hong Kong Special Administrative Region of the People’s Republic of China) thuneihna nuai mah ah England kumpi in zong Sengam kumpi kiangah 1997 kumin apkik ta uh hi. Hih gamkee(2) in asuakta gam ahih samloh uh hangin gam ki-ukna ah (multi-party system) zangh uh a, democracy ki-ukna tawh kalsuanin, amau sum(currency) zong atuamneih(Hong Kong dollar&Macanese Pataca) sum tuamneih ciat uh hi. Sengam khat(One China Policy) nuai ah a om veve uh hangin Hong Kong leh Macau pen Sengam Visa tawh kipai thei tuanlo-in Sengam Siikzum(Embassy of the People’s Republic of China) pan Visa atuam-in kila kha hi. Sengam sung pan hi khuapi nih ipainop leh (Hong Kong&Macau Affairs Office) ah phalna kingen kha phot hi.

                   Sengam Kumpi Ki-Ukna( Political System of Mainland China)
Leitung galpi(2) lai-in nitumna gamte’ makaih kipawlna(allies) USA,England, France leh Russia te’ galvan huhna leh panpihna tawh Sengam pen Facist Germany, Japan, Italy ten na lazo suaklo uh hi. Leitung tangthu alamdangna ah 1949 kum khit Mao Zedong makaih party(CPC) in Sengam bupah thuneihna hong ngah khit, galpi nihna ven khit ah nitumna leh nisuahna(democracy&socialism+communism) kidemna om-in USA makaih nitumna Democracy leh Soviet Union makaih nisuahna lamte lungsim galkidona(cold war) hong nasiat mahmah tak ciangin Mao Zedong makaih Sengam zong nisuahna lam Soviet Union lam ah hong puukin nitumna gamte tawh kizoploh ding kong khakcipna(closed foreign policy) hong zangh giap ekh ahih manin gentheih gilkial haksatna tampi kum 1979 dong hong phukha to uh hi.

1949 Kum communist party in ukna thuneihna(sovereign power/political power) angah khit akipan tuni ciang dong gam-ukza mah sem lai uh hi. Amau thupom ki-ukna(political ideology) ahih leh Communism hi a, ahun tawh kizui-in phungvuh toto uh hi. Sengam Sen minamte’ ngeina zia leh tong tawh kituak socialism ki-ukna(socialism with Chinese Characteristics) cih siksan uh hi. Tun in ahih leh Marxism-Lennism, Mao Zedong Thought leh Deng Xiaopong theory cih tawh apai laitak uh ahi hi. Asiksan bulpi uh Communism&Socialism pen leitungah ki umzo nawnlo, asita phial ahih manin, mipi a letzawhsuak nadingun tua thupomna(ideology) pen minam itna ultungsakna(ultra-nationalism) tawh phungvuhto leuleu ta uh hi.

Party neu tuamtuam (8)bangin omsak uh a, ahizongin gambup dong(national level) ah thahatzo ding leh thuneizo dingin hingkhoilo uh hi. Party nam tuamtuam(we are colourful party/multi-party system) cih leitungah alahnop man bek uh hi ci’n thukhunpi lamsiam mipil(constitutionalist) te’n gensia uh hi. Minam neu tuamtuam(ethnic minorities) nam (56) bang om veve uh hi. Ahizongin gambup mimal phazah(1300million) lak pan Han Sen Minam(Han Chinese 90%)himawk ahih manin amau pau leh lai ahi Mandarin bek mah gambupah kisinin kizangh hi. Minam dang tuamtuamte bel amangthang avalhtum pianpian mah uh ha hi mawk hi. Minam tawm tuamtuamte’ mun leh mual khempeuhah thunei leh hausa sem numei/pasal khempeuh kei’muhna ciangciang ah Han minamte vive mah na hi keii zen hi.

Sengam ah mimal (1300 million.) a omna lakah Sengam communist party pawlmi(member of the communist party of China) mimal (80 million) bang bek pha hi. Fullfledge member hih theih nadingin atawm pen kum(3-10) bang sawt hi. Ahizongin, party pawlmi(party member) ahih naak leh zattheih pah setset vive bek leh party tungah citak thuman, ama mimal phattuamna ding aangsung enlo, akisap leh communism leh party ading asingam cihte kiciamsakin party member peuh mah biakna kici limlim bia theilo ding, cihte zuihkul ahihi.

Communist party thuvanpipa(secretary-general) pen gambup lutangpipa, gambup kumpi makaipi leh gambup galkap mangpipa(head of the State& head of government&head of the party&commander-in-chief of PLA)  hipahin gambup makaipi(president of the People’s Republic of China) zong hipah hi. Ahoih mahmah khatah kumpi semte(government) cih zong party khut nuai mah ah om-in gambup makaipipa thuneihna nuai ah gambup galkap(the people’s liberation army of the People’s Republic of China)om-in thumang uh hi. Sengam consititution ngiat ah gambup galkapte in party makaihna(the communist party of China) nuai ah omin athu mang ding hi, cih om ngiat hi.

                   Sengam Akikhell’ Zawh Sawtta
Tulaitak Sengam phutkhia makaipipa leh party thuvanpi( Mao Zedong,Chairman of the communist party of China& Zhou Englai, first prime minister of P.R.China) hunlai-in angimna vuah, leitung mun khempeuh ah bawlsiatna leh netniamna aom leh langdokikna(revolution) om hi, cih thu limlet uh a, tua bang bawlsiatna athuak minamte communism&socialism adingin minamkim liangko kikimlohna(class discrimination)te beisak ding cih upna tawh netniamna thuakte huh ding ci uh hi. Tua ahih manin mun khempeuh ah kumpi langpang khempeuh huhna pia uh hi. Mao Zedong khit ah Deng Xiaoping hun tak teh gam khat leh gamkhat kumpi leh kumpi kizopna(government to government relation/top down) cih gamdanglam kizopna(foreign policy) hong nei leuleuh uh ahih manin Kawlgam bang galkap hun sung khempeuh ah mipi thudon deklo-in kumpite tawh alem nading bek mah vaihawm uh hi. Ahizongin, 2011 Democracy kumpi thak Kawlgam ah hong kah khit zawh ciangin tua bang ziauziau kizopna Kawlgam ah kingah nawnlo cih hong phawk uh ciangin mipi teelcing mipi aitangin ading party te tawh kizopna ding cih(party to party relation) tu ciangin hong zangh ta uh ahi hi. Communist gam khat in leitungah Democracy ading athuak Kawlgam mipi makai Aung San Suu Kyi bang asapna uh zong gamvengte tawh kilem nading leh amau hamphatna akepcingzawhna ding uh(China national interest) akhualna uh ahi hi.

Akhasiat huai mahmah thu khat leulelu ah, online social media ahi facebook, e-mail,twitter cihte kumpi in khakcip(control) aa, gamsung tengah zat ding application khat bek zanghsak uh hi.  Mimal suahtakna(social freedom) omlo banah mangpau pen Yes&No nangawn minautangte in atheilo uh himai hi. Mipi amitkeuhlo khuadak banlo  dingin kumpi in khim mahmah hi. Sengam na pai ding leh Senpau mah sin masa in aw!

I veeng ding iteel theih, ilaih theihloh ahih manin gamnih hamphattuakna ding cih thupomna tawh tulaitak gamnih akizopsan laitak ahihi. Tuhun ah ahih leh Sengam mimal(1300million) a omna lakah mizawng(70million) bek omlai-in tuzawh kum (25)khit ah mikimin nuntakna ah cithei-in ahauhna ding uh geelna bulpi Sengam kumpi in kum(5) sungta(5 year national plan) tawh akalsuan laitak uh ahihi. Tulaitakin aniampen nitha(Yuan 100) mi khat in nilawh ngah aa, khakhat aniampenpente’(general worker) sumlut(yuan 3000=US$500) ahihi. Kum khat mimal sumlut aniam penpen(GDP per capita,Yuan 36,000=US$6,000) pha hita hi. Leitung sumbawlna lamah USA khit ah anihna hita uh aa, leitung gamthu(world politics) ah zong leitungbup UNO(united nations organizations) ah zong thunei penpen gam(one of five veto powers in security council of UN) hi uh a, mailam asawtnawnlo hunkhat teh leitung thuneihna khempeuh USA khit ah alen dingin abaihsa-in omta(global power/rising star) ahi uh hi.

Gam ki-ukna thunei dingte ahih leh Confucius ngaihsutna bangdanin apil lah hidingin, mipi deih aminthang(popular&selected) hiding cih tawh tulaitak kalsuanpih uh in Meritocracy(elected&selected) cih tawh makai ding peuh mah limtak pattahna(well-trained)te bek gam makaipi(President&Prime minister) in koih bek uh hi.

                                                                           By: Bob Tuangpi(Mauvom)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Sengam ii Gamthu Tangthu Tomkim(The brief political history of China). Agelh - Bob Tuangpi Description: Rating: 5 Reviewed By: Cinpu Zomi
Scroll to Top