728x90 AdSpace

Hot
Menu
Zon-ol na Donate

Latest News

SINGKUNG PHUK LOH DING, IT DING A THUPITNA. Agelh - Sd. Vungh Khan Suan

SINGKUNG PHUK LOH DING, IT DING A THUPITNA
Agelh - Sd. Vungh Khan Suan, Sakollam
Photo Credit : Cinpu Zomi

Tuma kum 40 hun lai-in Tedim mual tang dung tengah singkung sang tampi po a, tua hun lai-in Tedim kiim tengah khuahun hoihin guahtui hong man mahmah hi.  Lokhawh bek mah tawh an khamin, kum khat le kum khat an khamin, khawhsa zuak zo zong om hi.

Tuhun ciangin singkung gol om nawnlo ahih ciangin guahtui haksa in, an kikham lo, ciktui luituite hong tawm mahmah ta hi.

Singkung hoihna:
Singkung in mihingte’ huih dik ahoih lo a sankhiat teng na dik a, mihingte adingin huih siangtho hong piangsak kik hi.

Inn kiima po dinga ahoih phadiakte bang suan pah dingin ngaihsun pah ni.  Tuate in Kaphi, Muising, Taksing-te ahi hi.


Kaphi pen agah zong kizuak thei a, manpha hi.

Muising: Muising zong agah kine thei a, zong kibilh thei-in, a hawng zong huan le’ng a, a tui dawn le’ng zunkhum dam a zatui hi pah hi. Innsing dingin at le’ng zong 5x2x18x1= ciangin Kawl lam pana kipuatote tawn khat ciang Ks. 7,500 in kizuak – kilei hi.

Taaksing: Taaksing zong innsing dinga i deih bang banga i at theih ahi hi. Ateh zong akbukah koih le’ng, May, June kha pawlin ak-hik omlo hi. Taaknai zong kizutna zatui-in kizang hi.  Taksing tunga, apan kaite zong huanin atui dawn le’ng awmsung lam natna neite, a damzo om a, anoptuam tampi mah om hi.

Singkung dangte: Singkung tehno golkhatin ni khatin tui gallon 25 piang sak hi.  Singkung golte tunga apo singpan, pateh le pakte zong kigui loin damna zatui ahi hi.

Lopa a hoihna:
1. (Tangzam or sazuklo) Hih lopa namte, ateh tawi khat le Thangkhuai tical 75 suzan khawm le’ng a, ni 7 sung bilh le’ng, leihoihza-in hoih mahmah hi.

2. ( Paakleng, Hai namkhat) Hih kiakte na khuh ciangin, teh khat loin ne lecin na bukkhuh hong kam ding hi, teh khat tawh hong phattuam kei leh teh 2na nekik in.

3. (Tanmanai ciauhmanai) Hih lopa kiakte pen tui tawh huanin a tui dawn zel le’ng kalna hoih hi. 4. (Lopi tawka) Hih lopate pen mei-ah ateh hal le’ng a, a vuu meima-ah nuh le’ng dam hi.

5. (Suang lonai) Hih lopate pen agui zamin tang nei a, i khe suang’ at a kehte anai nuh le’ng dam hi.

6. (Vokbil teh) Hite zong huan le’ng mehtui-in kine thei a, kalna zong hoih hi.

Hih bangin i gamsung singkung lopate eima dam nadinga, Pasian in a posak ahih manin i gam kemin singkung lopate kimanna om loin mawk phuk loin, gam mawk hal loin i gam kem ciat ni.

Pasian in Isrealte kiangah “thupha kong pia ding hi” ci a, mawk piak sam loin a gam uh sehnel gam pan, singkung suanin, Lopatang vawhin tui la-in a gam uh a puah ciangun, tua tung tawnin a gam uh hoihkik takpi hi.

Ei Zogamah aposa tam mahmah ahih manin phung man’sak loin kemin, a om nailote suan beh zaw-in i gam puah ni.


Source :
ZOMI SIAMSIN MAGAZINE [ Vol 2, 2008 ]

Page 145 – 146.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: SINGKUNG PHUK LOH DING, IT DING A THUPITNA. Agelh - Sd. Vungh Khan Suan Description: Rating: 5 Reviewed By: Cinpu Zomi
Scroll to Top