728x90 AdSpace

Hot
Menu
Zon-ol na Donate

Latest News

Satai Natna (Muscle Cramp). Agelh - Sianu Vung Hau Lun

Satai Natna (Muscle Cramp)
Agelh - Sianu Vung Hau Lun

~~~Na tansa a tai ngei hiam?~~~

Tansatai i cih pen bang hi ding hiam?
   
Pumpi sungah satak nam nihin kikhen hi.
1. Skeletal muscle a kici tansa, pheisa, bansa cihte hi-a
2. Smooth muscle a kici lungtang satak, zunkholna satak (bladder), gilpi satak (stomach) cihte ahi hi.


          Skeletal muscle-te pen lungsim sawlna bangin gamta hi. Gtn. Lungsim kalsuan nuam leh khe zong kalsuan pah hi. Smooth muscle-te ahih leh lungsim sawlna nuai-ah omlo uh hi. Gtn. Lungsim in a sawlloh hangin lungtang pen sih madong kisaisai hi.


          Pumpi a gamtat nadingin lungsim sawlna tawh Skeletal muscle-te kituak takin hong gamtat kul hi. Lam kal khat suan nadingin khe a mailam satakte hong ton kul aa a nunglam satakte hong kizan kul hi. Tua bangin lungsim sawlna tawh satakte hong ton zel hong kizan  zel ciangin mihingte kigamtang thei hi. Khat veivei a ton ding satak hong tonin a kizankik ding satak hong kizan thei pak kei leh a ton satakte khauh gawpin kitang theilo hi. Tua pen satai i cihcih pen ahi hi. Zan lup ciangin kihei nuam lehang tansa a ton ding pen a ton khit ciang a kizan ding pen hong kizan thei pak kei leh tansa tai ci-in na mahmah hi. Pheisa, bansa cihte saangin tansa tai nuam phadeuh zaw hi.

         Tua bang sataina pen bang hangin hong piang hi lian ding hiam cih kitel zo nailo hi. Ahih hangin a nuai ate hangin hong piangin ki-ummawh hi.
1. Pumpi sungah Electrolytes (Potassium, Sodium ) le dat tuamtuam (Calcium, Magnesium) cihte a kisam zah a omlohna hang.
2. Gamtatna tamlua in satakte a tawlluatna hang.
3. Tat vatvat/kihei vatvatna hang.
4. Pumpi sungah a lum, a sa, a vot, a na cihte a thei sanengte (nerves) damlohna hang. 
5. Pumpi bupah sisan tun zawhlohna hang. (gtn. Sawt tutluatna hang)
6. Pumpi sungah hormones tuamtuamte a kisam zah a omlohna hang.
7. Pumpi ading tui kisapna hang (Dehydration).
8. Khua-ul tam paikhiatluatna hang.


Satai natna (Muscle cramp) a nei thei deuhte:
1. Kum tam khin Uhamte
2. Naupaai nupite
3. Lungtang natna neite
4. Sin damlote
5. Thyroid hormones tawmte
6. Natna khat peuhpeuh hangin sisan khekte
7. Kimawl siamte
8. Nisa nuai-ah naham semte
9. Exercise a kisam zah sang a bawllualiangte
10. Khua-ul haudiakte
11. Natna tuamtuam dam nading zatui nete

Gtn. Sikhang kiamna zatui -  Nefidipine

       Zunsuaksak zatui - Lasix


Satai natna dam nading koicih ding:
          A tam zaw pen bangmah hih kul lo-in ama thu-in damkik aa minutes (10) sung kiim sawt thei hi. Khat veivei a nai-in a sawt hun zong om thei hi.
- Lungsim patausak kei-in. A natna mun a lum nadingin meksak in.
- Tansa a tailohna mun lamah damdam in zansak (heisak ahk meksak) in.
- Tui tampi dawn in.
- Khuavot leh satak ton nuamdeuh ahih manin a lum dingin kikep siam in.
- Khua-ul tam a paikhiatluat ciang datsa tui (Oral Rehydration Solution -ORS) dawn pah in.
- Potassium dat tam a kihel singgah tam nek in. [Gtn. Nahtang, Leenggah, Onggah tui (အုန္းရည္), Lengmaw (လိေမၼာ္သီး) ]
- Naupaai laitak ( Nausuah kuan hun pawl) in satai nuamdeuh ahih manin Calcium, Magnesium dat tam a kihel nektheihte tam nek in. [Gtn. Bawngnawi, Kelnawi, Nawithuk (ဒိန္ခ်ဥ္) ]
- Exercise na bawl ciangin damdamin khantoto inla a val lualiangin bawl kei in.
- Tawlngak hun nei in.
- Zan na lup ciang na khelam sangsak in.
- Satai theite in tuipek kidophuai hi.

Laigelh Sianu Vung Hau Lun.



Ref:
 Health Care Journal ( ေဒါက္တာ ေအးမင္းထူး )
Muscle cramp (Wikipedia)
Charlay Horse (Wikipedia)

Photo Credit : 

Vitamin Deficiencies Causing Muscle Cramps
Last Updated: May 06, 2015 | By Renee Thompson

Source :
to:Cinpu Zomi <cinpuzomi@gmail.com>
date:Sat, May 21, 2016 at 7:01 AM
subject:Satai natna (Muscle Cramp)
mailed-by:gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Satai Natna (Muscle Cramp). Agelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top