728x90 AdSpace

Hot
Menu
Zon-ol na Donate

Latest News

LAWI 8 THU LEH GAMTAM SIAH KAIH NA HONG PIANCIL NA THU

LAWI 8 THU LEH GAMTAM SIAH KAIH NA HONG PIANCIL NA THU

Nidang mikang uk hun sung, Tedim vuandok U Runder in Zogam tangthu tuamtuam te hong kan hi. Tua sung pan in Lawi 8 piancil na thu leh Luah Thuam gatam siah kaih kipatna thu, Tedim uliante sung pan  athei kuamah a om kei uh hi. Tua ciangin tangthu thei Teeklui Hausapa in, atheikha tam ci-in Teeklui Hausa pa Pu Neng Gin na sam uh hi. Tedim zumpi ah hong ki sam hi, acih ciang in Pu Neng Gin in "bangthu bang la om a hia? Kei lah bang mah ki suantak na nei kei veng" ci in , a sam pa adot leh a sam pa in, "hong zui peuh lecin" na ci hi. Pu Neng Gin Tedim vuandok zumpi atun ciangin "Lawi 8 piancilna leh Luah Thuam gatam siahkaih kipatna thu nathei kha hiam?" ci-in adot uh leh Pu Neng Gin in "alaisai, Dim gal ngap in, ngap ing" na ci hi.

           
Lawi 8 piancilna thu
Lawi (8) pianna in Mualbem khua ah nungak khat' Heh Thuam aki ci tangval pa in ngai hi. Nungaknu in Heh Thuam ngai lo in Suum Cin (Khupmu Beh) kici tangval khat ngai hi. Khua sung ah misi khat om in, asih huini sigaal in apai Suum Cin kongtual ah atukim lai, Heh Thuam in thau tawh kaplum hi. Heh Thuam in akap khit phet in ciahpah aa, a inn sung ah' inn kisung kalh in, "a ngap peuhpeuh hong kuan" ci-in aki tom hi. Hih dan thupiang hong om ahih man in, thu nei Hausa upa te in "hi bang in ki that-that mawk leng" hoih het lo ding hi ci-in Thu kikupna nei pah uh hi. 

Hausa upa ten hi bang in Thukhen satna nei uh hi. Mi ki that a om loh nading in kua mah liau zawh loh ding cih' ngaihsutna tawh, mi that peuh mah i om leh lawi (8) liau ding (ki gam ding) ci-in (upadi) thukhung in thukham bawl hi.
- Mithat peuh mah in Lawi (8) liau ding.
- Misi ten Lawi (6) ngah ding.
- Inn sian ci-in Lawi (1) pen Hausapa in Ngah ding.
- Taangpi in Lawi (1) ngahding hi' ci-in Thukhun, thukham bawl uh hi.

Lawi 8 piancilna thu hi ci-in Pu Neng Gin in na gen hi.

******************************************************

Luah Thuam gatam siahkaih kipatcilna thu
Lophei Hausa pa Luah Thuam in Saizang ah gatam siah akaihna thu pen Saizang ten Pu Do Tual gatam siah a piak sa, a piak nop nawnloh uh ciang in Tedim vuandok zum ah ki khia uh hi. Do Tual in Luah Thuam tung pan angah lam bek thei in, Luah Thuam in gatam siah akaih kipatcilna kua man natheilo uh hi.

Tua cingin Pu Neng Gin in hibang in nagen hi. Pu Luah Thuam in gatam siah akaihna thu pen Saizang khua inn (370) a phak lai tak in vaipi gal ki ci minam kim in sim aa, gal tai gai ahih man un Saizang khua ah' kua mah ateeng om nawnlo in kilawi hi.

Tua khit ciangin Pu Kai Phung (Gualnam beh) in Saizang khua sat kik nuam (teeng ki nuam) ahih manin anuai aa bangin na vaihawm hi. Saizang khua ah teng kik nuam leng piak ding teng
(1)    Lo Phei hausa Pu Luah Thuam___gatam bawm pheeng khat siah.
(2)   Mualbem hausapa pu Kaih Mang________vokpi siah kaih
(3)   Tungkua hausapa Tawn Thang___________Temtawng khat
(4)   Vanglai hausapa pu Tum Kam____________Temtawng khat
(5)   Khuangnung hausapa pu Laang Zaa________Sial a gual khat

A tung aa bang in khua ciat in hausa teng pia aa sim sal tang,zo sal tang hon kaih khop sak un ci in huh na ngen ,sawl ,cial a hih man in sep sak tek uh a hih ciang in Saizang khua ki sat kik zo aa,Khaal khat sung in inn (50) pha kik pah ci hi.

Saizang khua aa teng te peuhmah in kum sim  in LoPhei Hausapa Pu Luah Thuam pen gatam bawm pheng khat ciat ki pia hi.

Ni khat ni in Dial teng te ki ci,Pu Tong On in Lophei Hausapa  Pu Luah Thuam zi na mat sak aa,Pu Luah Thuam in a zi a tat kik na di sum nei lo in Saizang hausapa Pu Do Tual kiang ah ka zi hon tat sak in la,ka gatam siah kaih hon pia ning ci in vat thum hi.A vat thum ciang in Saizang Hausapa  Pu Do Tual in Pu Luah Thuam zi tat kik sak aa Pu Luah Thuam gatam siah kaih pen Pu Do Tual in na ngah hi.cih thu pen pu Neng Gin in na thei hi.

Lawi 8 piancil na thu leh LuahThuam gatam siahkaih ki pat na thu a thei na hang aa pahtawi ngah na
Hih thu tawl khat khit ciang in Tedim vuandok zum pan thu hong tung aaTeeklui khua hausa Neng Gin Tupi thau letsong ki pia hi cih thu hong tung hi.Hih thau pen Falam district mang pipa khut sung pan va sang ding a hih man in a nungzui ding in pu Vungh Pum na zol aa,a ciah akuan khe vive tawh pai pih hi.a ciah a kuan leh Falam a om sung tawh ki gawm in zan (11) sawt hi.Tupi thau letsong a ngah ciang in a U nu pi Gen Niang tung ah lungdam na la dawng khat hong phuak hi.
              a)    Miza san phingphung lai ah e humtang bang langh kei hing e.
              b)    Zalmang nong matsak nam aw ciin lia nu aw ka min lawi bang thang hi e.
         na ci hi.
            Hih Tupi thau pen tuni dong in Teeklui innpi pu Neng Gin tu pa Pa Gin Za Pau inn ah om lai hi.

Source :
from:kheen mang zingsolmang@gmail.com
to:"cinpuzomi@gmail.com" <cinpuzomi@gmail.com>
date:Fri, Aug 5, 2016 at 1:40 PM
subject:lawi 8 piancil na leh luahthuam gatam siahkaih kipat na
mailed-by:gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: LAWI 8 THU LEH GAMTAM SIAH KAIH NA HONG PIANCIL NA THU Description: Rating: 5 Reviewed By: Cinpu Zomi
Scroll to Top