728x90 AdSpace

Hot
Menu
Zon-ol na Donate

Latest News

TEDIM KAM KI ZA NA LAI. EPI KHA, 1920 (The Chin Hills News). Bu Shil, Shim Na 7.

TEDIM KAM KI ZA NA LAI.
EPI KHA 1920
The Chin Hills News

Bu                                                                                                                   Shil Shim Na 7.

KAM KE ZA NA

Mangkangte hong uk lai Tedim Khuapi.

            Lawki te khua shunga sang mang pa le sang mang ni 20,000 val a’awm u hi. Tua 20,000 shung pan 5,000 Sente gam shunga a awm hi, 5,000 Mi Kang te gam shung a awm hi, 300 bang Kawl gam a’awm hi. Tua sang mang te shunga Amelikan mi a tam bel a hi hi. Tua khit ciang in Angelik te a zawn hi.

            Khalkha a sang mang nu in Tamandaw Vuatu Lai Shiang Tho Khalkha kam in a la khia hi. Tua shim lo in Mate, Maku, Luka, Zawhang a ki la khia hi. Tua lai tak in ama ina Lai Shiang Tho a khek lai hi.

            Pibuaji kha ni 13 ni a Sang Mang pa in Le Mun te khua a Tapidaw giat tui shung a a phum hi.

  Pibuaji kha gal kap mang pa thak Phalam a a tung hi. Ama a ji zong a hong pai hi.

            Shia Gon a tha lai shia pa khat a hong pai hi. A min San Tun a hi hi. Bateng khua a Kajain mi pawl a hi hi.

            Mang Kang gal ki do na shunga Piancit gal kap te 1,000,000 val a shi u hi. Angalik gal kap te 1,000,000 dek tak a shi  u hi. Amelikan gal kap te 50,000 a shi u hi. Zamani gal kap te le Lushia gal kap te a tam bel a shi u hang in bang za a shi hiam ki the nai ke hi.


            Shia Po Ku a ji a ci a dam jo hi. A hi hang in a tha hat nai ke hi. Lai Lian a gil a ki khe khit ciang in a dam kik hang in; Za To Mang Pa in: Kha guk shung teng bang ma na sem ke’n, ai ci hi.

            Tu kum in Tapidaw 46 in a khang hi a khua in kua khua kua kua khua hiam i ci le mal lam Hai Cin khua 17, Tui Mui khua 17, Tawng Cin khua 3, Luang El khua 4 hi. Mau Vum khua a mihing 7 in a ki phum nuam hang in mihing ni te amau pu a pa min shial a ta te in a lau a khua mual pan in a kik u hi. Tua ciang in 5 bek in tui a ki phum u hi. Disemba kha shung in mihing tua za in Pashian mihing a tang hi.

Tua ciang in thu khat a awm hi. Bang hiam i ci le Lai Lui khua a juau thu hil pa Pau Cin Hau in: Dam lo taw hing lo taw ka mu hi, a ci hi. Mi a dam lo a awm ciang in: Dangka 18 in hong guai le ka dam sak ding hi, a ci hi. Tua a hi ciang in Lawki te in a ki kep ke le a khem ding hi. Bang ci ki kep ding i hiam i ci le Pashian thu bang in gam ta le khua ma in a khem jo ke ding hi. A hi hang in a khem zaw kawm kawm in, ka um hi. Bang hang hiam i ci le Pashian Lai Shiang Tho a the lo man hi in ka um hi. Pashian Lai Shiang Tho i the le kua ma in a um ke ding hi. Tua hi ciang in Lai Shiang Tho thu hil ding in a sam hi, sang in in zong sam lai hi.

Hau Gin
Tu kum in Sel Bung khua a shum phuk a awm a shum phuk shun pa a va haw a: Pet nai lo teng kong shun ding hi, a ci le a ut ke u hi. Tua a ut lo man in tampi a shi hi, a shi lo shun in mai tang hawi lo le le mit hawi lo tampi awm hi. Tua tham lo in dan 50 dan a mu u hi. Tua a hi ciang in a hai na u a lian hi tu nung ciang in ciam te u.
____________________________

TU CING NAU PANG KHAT LE A LIAN MA MA
MIHING KHAT THU HI.
            Ni khat jing sang tung in Davui a ki ci tu cing nau pang in a pa a-ding na khat peu ma a sem ding ina ama tu te in a  na sem te khat a ap hi. A na sep ding ina Sawlu kum pi pa taw a ki bang a a pai khia a amau gal Piliti mihing te kap ding a a pai a u thum te kianga a an ne ding pua a pai ding ahi hi. Davui in giak buk a tung ciang ina ama a u te le gal kap te in lau a awm a mu hi. A bang hang hiam na ci le Pilipi mihing shung pan ina a lian ma ma Gawliat a ki ci mi in ni tak shim jing shim in hong pu shuak a: A kua mi a hi le ama taw a ki kap ngam u le hong pu shuak un, hong pai un, a ci le Sawlu kum pi pa gal kep te laka ama sang a lian zaw taw a ki kap ding a ki lawm tha hat a awm ke hi. Davui in: Ke va pai ning in, tua mi pa va that ning, a ci hi. Tua thu Sawlu kum pi pa a za ciang in Davui a sam a: Nang nau pang na hi lai hi. A lian ma ma a hat ma ma hi taw na ki kap jo ke ding hi, a ci hi. Tua ciang in Davui in kum pi pa kianga hi bang gen kik hi: Ke in ka pa tu ka cing la ina hum pi le vawm pi khat in hong pu shuak lai khia a ka tu hawn laka tu khat  pet a tua ciang ina ke ina ka del a ka that hi. Hum pi le vawm pi khut shung pan Topa Pashian ina kema hong hepi ma bang in ama in hua a hat ma ma a lien ma ma mi pa khut shunga zong hong gum ding hi, a ci hi. Tua ciang kum pi pa in Davui pai na ding thu a pia hi. A lian ma ma a hat ma ma mi hong pu shuak khit ciang ina Davui in a ki do ding ina ki sa khawl sa in a awm hi. Gawliat in a lu pan in a khe dawng in a gik ma ma shik puan a shil hi. Ama in a hiam ma ma nam sau khat taw te pi khat taw tawi a hong pu shuak khit ciang ina ama mai a a to ma ma ding lum tawi mihing khat a pai hi. A hi zong in Davui in tu cing puan ma shil a a khut shunga shuang lawt na ding tai pek sa vun no khat tawi hi. Davui in ip shunga shuang no pum khat in Gawliat shik puan a lum te a jen jen in a kap hang in ama pum na lo ding hi. A hi zong in Gawliat nam sau le te pi in Davui sat le sat khat bek a Davui a shi ding hi.

            Gawliat in tua nau pang no a nui san sa in a um khial khawl lo hi. Nang ina kei kianga ciang no khat bek taw nong pai in ui bang e hong lung ngai na hia, a ci hi. Davui in: Nang ke kianga nam sa taw, te pi taw, lum taw a ki cing in na hong pai hi. A hi zong ina ke in Topa Pashian a min taw kong pai hi. Topa Pashian in ke khut shunga nang ap na ding hi, a ci in Davui in lau lo a gen hi.

            Gawliat in Davui a nui san lai tak ina Davui in shuang mai no khat tawm a sa vun ip shunga a guan khit ciang a a kap ciang ina Gawliat a tal tang nak pi a kap a tha khat a puk a a shi hi. Tua lai tak ina Piliti mihing te khempeu a ta khia u a Davui nam pi te a shim mawk lo na in nak pi tak sawt lo hi.

            Davui in Tapidaw te taw ki bang hi. Gawliat in ete maw na khial na taw ki bang hi. Tapidaw te a tam ke hi. Thu tawm bek the a hi ciang ina a he pi ding mi a tawm hi. A maw na in la tam ma ma khau hi. A maw na in gal tam ve pi a do a ki do shim in a jo Gawliat taw a ki bang hi. Ete i maw na i et ciang ina cik ma ciang a jo nawn lo ding in lung ngai huai hi. I maw na i khial na ina a lian ma ma hi. Tua ma bang ina Itijila mihing te ina Gawliat a um u hi. Ama taw ki kap ngam ke u hi. Davui in a dang Itijila gal kap te sang in a neu zaw a gal kap ahi ngai lo a hi ciang ina gal kap ding jia a the nai ke hi. A hi zong ina Gawliat a mu ciang in pu shuak khia a a do le a jo hi. Davui in tua mi pa a hat lam a the hang in a ki ta lo hi.

            A bang hang ama ki ta lo hiam, na ci le Gawliat in Lawki a hi hi. Tapidaw te in mi pha hi ke a ci gen lo ina amaute Pashian gi na hi lo, a ci hi. Davui in Topa Pashian in le tung mihing te Pashian sang in a pha zaw a tua a hi tak te Gawliat ka jo na ding in Topa Pashian in hong hu na ding hi, ci in a ngai shun hi. Ama in Topa Pashian up na a ne hi. Topa Pashian gen thu khempeu in a um hi. E Tapidaw te ina Davui ma bang i up ke le i maw na i khial na te ina cik ma hun in i jo ke ding hi. Maw na khial na in ete hong lau sak a mi kim khat te in a lau hi. Tapidaw kim khat te in hi thu juau a um the hi. Maw na in a gen kik ciang in: Tapidaw te in khua pi te nge na bang i jui ke le i na thei hi, a ci hi. Tua bang a a gen ciang in Tapidaw kim khat te in a um hi. A hi zong in Tapidaw te in maw na khial na thu te mang lo in Topa Pashian thu bek mang leng a mang mi te ina lau na a awm ke ding hi.

            Tua a hi ciang ina maw na khial na ina cik ma hun ina ki ta lo in i lung shim i let sak a i ha kat le Davui ma bang ina i jo ding hi.
_____________________

CI DAM NA LAM.
Kha lui pan in a ki bel lap hi.
            Awzajen awm ke le me a kuan the lo thu in i gel khia jo hi. Um khat bel khat shunga i ki vak sa khuai me khat vak leng tua um te bel te hu leng a sawt lo in a mit ding hi. Bang hang hiam i ci le um te bel te shunga a awm hui laka awzajen khempeu in kabonesit a piang hi. Tua hi ciang in khu ai me vak khempeu in hui a nin sak hi.

            Shing kung a hi zong in hing the a hi zong in i shi ciang in i sawt lo in i muat gawp hi. Tua bang a muat a ning te laka a nam shia a ui dat a khu a hu pai khia a hi ciang in a keu ciang ina nin ning te in hui in a len hi. Ete i mit tang in i nak sang in shiam na ne zaw le tua nin ning te i a pai khia a len ciang in hui laka ki hel a awm i mu the na ding thu a awm hi.

            In kianga na tang hawng a ki pan na tang i pai khia na te in ui a nin sak hi. Lawi vun bawl te in a hui ning na a dawl hi. A kim nai a han le mi shi bal na in awm sak ding a ki lawm ke hi. Tua ciang in ui nin sak a lina nam thum ina: 1. I nak khia i dik khak khia na, 2. Me kang na, 3. Shing kung, gan hing te khempeu te a muat a ui ning te a hi.

Hui Bang Shiang Tho The Na Thu
            Ui shiang tho the na ding lam awm ke le le tunga mihing khempeu i awm jo nang thu a awm ke hi. Shiang tho sak na thu a lian kong lak ding hi.

1.    Tui laka nawi ju tawm khat shung le tua nawi ju tui taw ki hel hi. Me laka a piang khia me khu in zong hui awm na khempeu a sawt lo in a jel hi. Tua me khu te i mu jo kei hi. I nak khia te hui nin zong tua bang ma a hi hi. Tua hui te a kim kawt a awm hui thak hui lui te a ki gawm a  aki jel a pai teng in a ki hel teng in a awm a ci na na a piang sak the na in thu in a tawm  zaw deu hi.
2.    A ui a nin a muat te laka a pai khia a khu nam shia te in hui in len a pai pi a hi ciang in a awm lai hui te in hui thak a hi hui shiang tho a piang hi.
3.    A hing the te a nak ciang in awzajen dat a dik a kabonesit a nak khia u hi. A hi hang in shing kung in a shun ciang in kabonesit a khen khia a la khia a tua dat a a awn kabon a dawn a a dik khit caing in awzajen a pai khia hi. Hi na in hui shiang tho sak na ding in tampi in a hi hi. Zan ciang shing kung te in awzajen dawn a dik hang in kabonesit khat ve a pai khia nawn a man tak pia hi hang in zana a dawn awzajen dat sang in shun lai a pai khia awzajen a tam zaw hi. O hi hang in shin kung tampi shuan na de shung lung sing in a ki lawm ke hi. Hui hang a hi zong in shing kung te hang ahi zong in dat nam khat le nam khat a ki hel hang a hi zong in hui shiangtho ma hi. Gua tui in zong hui shiangtho sak na ding a hu hi.

******************************************************
(Zomi eLibrary / Laibusaal in Zomi khempeuh in Zolai hanciamna te thei in, Lai i Thupitna, i tel semsem na-ding deihna tawh, hanciam in aki tei/type kik ahi hi.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: TEDIM KAM KI ZA NA LAI. EPI KHA, 1920 (The Chin Hills News). Bu Shil, Shim Na 7. Description: Rating: 5 Reviewed By: Cinpu Zomi
Scroll to Top