728x90 AdSpace

Hot
Menu
Zon-ol na Donate

Latest News

Zomi Innkuan Laibu (History of Zomi Family) 1973. Khen Khatna. Agelh - J. Gin Za Tuang

Zomi Innkuan Laibu
(History of Zomi Family)
Agelh - J. Gin Za Tuang
Koh masak

Hi “Zomi Innkuan Laibu” bang deihna tawh kibawl hiam cih king ko masa nuam hi. Kawlgam  Mualtung mi teng a diakdiak in Sak Nitumna dunga a teeng, India gam minam lah a hilo, Naga minam lah a hilo teng, a nuai-a thulu ziu-a ka Kankan ciangin, midang kuamah omlo, innkuan khat I hih lam kamuh thu nong hteihpih ding deihna hi.

I mel, I sa , I dung I vai, kibang hi. Pau le ham a ki lamdang hangin tamlua ki lamdang lo hi. Beh le phung zong kua lak peuh ah naaom kawikawi hi. Pau in a khen hangin beh in na gawm hi. Beh in a khen hangin ngeina in gawm hi. Ngeina in khen hangin I pianna I pu leh a gam na kibang hi.

     1.       Koi gam pan kipan ( Lines of migration)
     2.       Pau le ham bangci  ( Language)
     3.       Beh le phung thu    ( Clans)
     4.       Pupa le Ngeina        ( Culture)
     5.       Bang minam             ( Race)

Hih teng himawk in ka Kankan laitak in , Kawl Kumpi in , “ Nomau Minam Ngeina ( pau le ham , Beh le phung , Khang tangthu) na man suah loh na dingun, Ka tek , zong tek , ciamteh tek ta un ,” cih thu tawh hong kituak to diamdiam zenzen hi.

Ahi zongin, na khempeuh a haksat hun tawh hong kitalsik ahih man in, tu tanvei hong suak hi. Hih nangawn ka deih bangin ka suah zo nai kei hi. Nang zong hawmthawhna tampi nei niteh ci-in ka thei khol khin hi. Hih ta se leh, a hoih mahmah a pian na dingin a ginalo khat i kipat phot ding pen i tavuan hi masa hi, cih pen i theihciatsa hingawn hi. Tua ahih mah bangin tu-a bang hong suak hi.

December                                                                                                     J.Gin Za Tawng
30.1973.                                                                                                           – Naulak –

Tedim Party Unit in zong a kuampeuh Zumlai Nambat 230/3/U-1, Nimit 28 March 1969 tawh hih tek theih na ding hong hanthawn uh hi.

ASUNGA THU KIGELH A OMTE

            I
Thu patna
“Chin” le “Zo”
Khamtung mite pau
Lal khiat cilna gam
Gam mi le Beh min (A-Z)
          II
Pute pate’ suul
Genna a tuamtuam
Ciimnuai pan kikhenna
Pau zui-a omna khua
           III
Khantung mite’ Thu
Tedim Mangkua
Kalzang siatna
Kum 3 sial siah
Siah nam 8 pianna thu
Gun gal gam ngahna
Kum 3 guah zulo
Meitei gal dona
Lunmun le Sumniang kisimna
Tedim-Lusi Lusi-Meitei kisimna
Gun gal gam satna
Kalzang le saizang kisimna
Tuithang khua satna

           IV
Mangkang tawh kidona
Tonzang- Mangkang kido
Sakta le Mangkang kido
Thantkang le Mangkang kido
Taisun le Mangkang kido
Tedim le Mangkang kido
Myo-ok suamna
Kapteel le Mangkang kido
Galvan khai
Ukpi teng Zangkong lak
Khamtung le Kawlgam Gawm
Thau teng khawm
Mangkang le Zomi kamciam bawl
Tedim Gam Ukpi gam in khen
Tedim Myonay 2 kisuah
Kawllai kiphuan
Zo Palik kiphuan
Khua Gamgi (A –Z) kibawl
Piantit paina
Piantit a si Zomi teng

          V
Japan gal dona
Huh ding India pan kuan
Galkap Nungkin
Japan Mang 7 Tedim tung
C.D.A. phuatna
“Chin Leaders” phuatna
S.I.A. phuatna
A kum zui-a ciamtehna

           VI
Beh (A-Z) le Khang simna
Bawmkhai
Buansing
Gualnam
Guite
Hatlang
Hatzaw
Hawlhang
Kimlel
Kipmang
Lunmun
Namzo
NAULAK
Phaipi
Phiamphu
Samte
Sektak
Sukte
Sumniang
Taithul
La tuamtuam

      VII
Pupa Ngeina
Nungak-Tangval kingaihna
Kiteenna
Mo leina
Ta neihna
Inn tuanna
Gal aihna
Sa aihna
Gal aih sa aih a kimanna
Shihna- misi phaina
Siatvehna
Dai hawhna
Dawi thoihna
Pusa thoihna etc; etc.

1. THU PATNA

Khamtung mite, “Chin” peuh, “Jo” peuh, “Sho” peuh, “Cho” peuh, “Yaw” peuh “Shan” peuh a na kicih nan a sim khak ciangin na lung a mang ngei hiam? Nangmah bangin kei zong ka lung ahimawh mahmah hi. Koi pen a taktak hi ding ahiam, ci-in ka hei nuam hi. Ka Kankan ciangin, Khamtung mite Kumpi-nam a nahi gige hi. “Chin” khawng, “Jo” (zo) khawngte pen phuahtawm khat zong omlo-in Kumpi-min pua-a kilawhna min ahi hi.

2.”CHIN” LEH “ZO” MIN PUAKNA

Ni dang lai in ah, Sen gam ah “Chin” kumpi leh “Zo” kumpi ns om ngei hi.
Jo (Zo) Dynasty BC 1027-256
Chin Empire BC 221-207
Hih kumpi hun 2 sung in, mi pawl khat na lal uh hi. Tuate Mongolia gam pek pan-a kipan nahi lai uh hi. Tua ahih man in Mongolia minam na kici hi.
Na pai suak lai uh-a Tibet gam tawn in Kawl gam sung lam na zuan uh hi. A paina peuh uah, ni dang lai-a, alal khiat cil hun-a, tua kumpi ki ukna min “Chin” ahi zong, “Zo” ahi zong minam min in na zang suak uh hi.

“Chin” pen Sen kam hi-a Mang kam in “man”, ei kam in “mi” ahih kei leh “pasal taktak” a cihna hi. “Zo” leh “mi” I gawm ciangin, Zomi” leh “Chin” I gawm lailai ciangin, Zomi-Chin” suak in a kicing seemseem hi. “Bawm” cihna hi kei, laimal kibang hi bek hi.

Kawl kam in “bawm” cihna laimal  (ခ်င္း) pen, chin Kawl laimal tawh a gelhuh ciangin (ခ်င္း) ci-a a awging “Chin” a suak ding a gelh uh hi bek-a, amau kam-a “bawm” a cih nopna-a kigelh hi peuhmah lo hi.

Awging pen, a siikgin, anawi-gin, aciak-gin, a mawlgin om hi. Tua awging zui in “Zo” khawng “Chin” khawng cihna dingah “Cho” peuh, “Sho” peuh “Jaw” peuh aci na om hi.

Kanpetlet gam, Mindat gam sunga teeng ei mite a kampau uh niakgin pian ahih man in “Cho” na kici uh hi. Zanglei-a teeng pawl in, “Jaw” peuh “Sho” peuh na ci uh hi. Ahih hangin, a vekpi in, “Chin” le “Zo” cihna vive hi.

3. KHAMTUNGTE’ PU MIN KITHEI TA

Mangkangte in Khamtung a lak khit phet in khangluite kiangah, “Kua mi nam nahi uh hiam, ci-a a dot uh ciang in, “Zomi” ka hi uh hi, na ci uh-a, Na pu uh “Chin Hil” hi, na ci uh hi.

Thuklai khua, Dr.H. Vum Ko Hau’ pa, Rev. Za Khup in, hi bangin hong gen sawn thei zel hi. Cope Sangmangpa in, “A taktak in nap u uh “Chin Hil” ahi hi,” hongci thei  tawntung hi, ci-in Dr.J.H. Cope ciamtehna a om hi:
“ Historry of Chim Hills goes back about twenty generations to a person called Chin Hil” their first ancestor which name bears his descendants as “Chin Hils” and after the annexation, the British called the country “Chin Hills” and the people “Chins”. [Chin Hills News-1924]



4. ZOMI-CHIN UKHAT NAUKHAT HI

Tu in Zomi nam khempeuh ukhat ihih lamtak, I pu’ min in hong kawkkika hi. Tua ahih ciangin, singdang, tuangdang omlo, ukhat, naukhat ihih lamtak I thei ta-a, Lai Siangtho sunga Joseph leh a sanggamte, ukhat, naukhat ahih lam uh a kitel ciangin, ki-itna khitui tawh khut a kilet uh mah bangin, ki-itna khat khut kikhak in kilen ni. Mual le guam in hong hal man-a, kikawm lo, kimu lo, kithei lo, kamtuam pautuam a pau kha bek a, innkuan khat i hi hi.


Zomi eLibrary / Laibusaal in hanciam in aki tei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

Item Reviewed: Zomi Innkuan Laibu (History of Zomi Family) 1973. Khen Khatna. Agelh - J. Gin Za Tuang Description: Rating: 5 Reviewed By: Cinpu Zomi
Scroll to Top