728x90 AdSpace

Hot
Menu
Zon-ol na Donate

Latest News

KHAMTUNG MITE’ THU. Agelh – Dr .J.H. Cope (ABM)

KHAMTUNG MITE’ THU
Agelh – Dr. J.H. Cope (ABM)

Khamtung Omna : Latitud digui 21 leh 24 kikal

                                Longitud digui 93 leh 94 kikal
Skuaia : Tai 12,000
Gam khenna  : Tonzang, Tedim, Khalkha, Thantang, Phalam, Matupi, Mindat, Kanpalet, Paletwa.
Mual  : Thangmual, Inbuk Mual, Bawipa mual, Lun mual, Awtaraw mual, Khonu mual.
Gun  : Meitei gun, Bawinu gun, Lemor gun, Mong gun, Tiau gun, Mitta gun.

Khamtung mite a tawntung in Khamtungah a teeng kei uh hi.

            “A bangtan vein a pun a pate uh Khamtung gam ah a teeng zo uh hiam? ci-in a ki dot ciangin, “Khang sawm le khang nih ka teeng zo uh hi,” a ci uh hi. Tua ahih ciangin, kum 1889 kum in Khamtung a tun’ khit uh kum 500 bang bek a pha hi.

            A kipat cil in, Khamtung mite’ pute pate Mongolia gam pan, Sen gam, Sen gam pan Tibet gam dong tung in a lal kawikawite ahi uh hi. Bang hangin a lal uh hiam na cih leh, tua gam ah khua dam lua ahih man in an haksa hi, AD 700 pawlin Tebet gam mong a tung uh hi. AD 850 pawl-a kipan, khua lumna zanglei, lei hoihna mun lam zuan in a pai uh hi.


AD.850 pan Tuikang dung zui in teeng suksuk uh-a, Gunkgawm, Kawlpi, Kale, Kabaw gam sung teng ah a teeng uh hi. Kawlpi gam sung ah a teen lai tak un, Ava mangpa in kawl gam a uk hi. Kawlpi ah Menzi khat a koih hi. Tua ciangin Khamtung lam ah tawmtawmin a lal khia uh hi. (Tu in Kawl kumpi migi mahmah in Kawl gam sung i ut na munmun ah ki teeng thei hi.)

Khamtung a tun’ uh ciangin, mual le guam tawh ki hal in a teeng uh-a, kiphak lohna a sawt ciangin, a ngeina uh hita leh, a pau uh hi ta leh ki lamdang ahih man in, a sawt ciangin, khua khat leh khua khat nangawn gal in a kido uh hi. Khat veivei Kawl khua zong a sim thei uh hi. Kawl kumpipa a heh mahmah hangin Khamtung gam a sim zo kei hi.

Phalam Uk Thu
  
Phalam mite in Meitei gun dung zui in pai uh-a, Locom ah khua a sat masa uh hi. Tua phual pan in Phalam gam leh Khalkha gam sung tengah a teenguh hi.
            
Phalam numeite in a sam uh a zangah a khen uh-a, a deek ah tum uh hi. Pasalte in a luzang ah tum uh hi.

            Mi si inntual tek ah a vui uh hi. Zambuk bangin a to uh a, han in a zang uh hi. Inn sungah mi si a koih kei uh hi.

             Khalkha Uk Thu
  Khalkha uh Khamtung uk lak a za bel hi. Phalam leh Tedim kigawm sangin a za zaw hi. Numeite in kawngteen khi banga kibawl sikkhau kivial, a kual tampi a teeng uh hi. A puanzate, tampi in ki gelh a, a hoih mahmah hi. Pasalte in a sam uh a zangah tum uh hi. A inn uh a sau mahmah hi. Mi si luang inntual ah vui uh hi. Khalkha uh sungah mi nam 7 a om hi. (Laimai 10 ah en in).

             Kanpalet Uk Thu
  Ni dang lai in ah Kawl gam ah a teeng uh hi. Gangaw lam pan in Khamtung lam a kahto uh hi. Khamtunga mual a sang pen “Victoria” mual a om hi. Pi 12,000 val a sang hi.

            Inn 3 inn 4 khua a tam pen hi. Inntual a nei kei uh hi. Inn nuai ah gan a khawi kei uh hi.

            Pasalte in Khalkhate bangin a sam uh a zang ah a tum uh hi. Pasalte in thung-ip kuah lo-in, seengbeem tawh kibang bawmtano a kuah uh hi. Tua bawm leh tempi khat kithuah hi.

            Numei khempeuh in, a maitang uh, tawm ahi zong, tam ahi zong, zatui vom tawh a sun uh hi. Kimkhat humpi gial bangin, kimkhat kamkei gial bangin, kimkhat a vom khin in a bawl uh hi.

            Kanpalet leh Mindat uh sungah mi nam 7 om hi. (Laimai 10 ah en in). Kanpalet te in inn sung ah an a koih kei uh hi. Khua nawl ah ansal khat tek a lam uh hi. Mi si a vui uh ciangin mei tawh hal uh hi.

Tedim Uk Thu
Tedim uh sung mi nam 10 a om hi. Kamp au a tuamtuam ahih hangin, a ngeina a tuam taktak ahi kei hi. Numei leh pasaltw in puan-ak a silh uh hi. Numeite a tom zaw in, pasalte aa a tual zaw hi.

            Sihzang numeite in a sam uh a lom in a hen uh-a, a zangah gi a khen uh hi. Pasalt a neih khit ciangin nih in a jhen hi.

            Tedimte in a sam uh thum in a pheek uh-a, a zangah gi a khen uh hi. Zote in sakhi-vun tawh ki bawl lu khum a khu uh hi.

            Mi si luang inn sungah a koih uh hi. A vui uh ciangin, khua nawl lam mun khat ah buukno khat lam in, tua nuai ah misi luang koihna kuangzawn a koih uh hi. Kha nih kha thum khit ciangin, luting beel sung ah koih in, a guh dang teng lei sungah a phum uh hi.

            Inn a lam nop uh ciangin, inn mun a ziik tam masa uh hi. Innka a dawh uh hi. Inn nuai ah gan a khoi uh hi. Inn leh huan a ki zom in a bawl uh hi. Gan a cing uh hi. Inntual laizangah gan lian gawhna songkhuam a phut uh hi.

Kidemna     
Khamtung pasalte in, sa bang zah man, gal bang zah that a kidem uh hi. Tua khit ciangin, gal leh sa bang zah zi zo a kidem leuleu uh hi. Tua teng khit ciangin, miimle taang za bang zah la in, bangzah vei ai zo a kidem uh hi.

            Tua banga gual dem zote, zawhna tawh kizui in min phatna zu le sa neekna mun ah hamphatna a tuamtuam a ngahsak uh hi. A sih uh ciangin, tua zawhna tawh khai theihna a ngah uh hi.

            Gal a hang penpen in khua a uk hi, Khua tuamtuam tampi zote in, siah tampi a ngah hi.
Source :
Zomi Innkuan Laibu
(History of Zomi Family)
1973
Khenpi II na.

Zomi eLibrary / Laibusaal in hanciam in aki tei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: KHAMTUNG MITE’ THU. Agelh – Dr .J.H. Cope (ABM) Description: Rating: 5 Reviewed By: Cinpu Zomi
Scroll to Top