728x90 AdSpace

Hot
Menu
Zon-ol na Donate

Latest News

KUMPI HOIH (GOOD GOVERNANCE). A gelh : NK. Nangtawng

KUMPI HOIH (GOOD GOVERNANCE)
A gelh : NK. Nangtawng

Good governance a minthanna pen World Bank leh IMF te in developing countries ah huhna leh sumleitawi(loan) a piak ding ciangin a gam ki ukna a hoih hi dinghi, ci hi. Good governance leh  development paikhawm ahimanin development literature ah kitam muh ta hi. A tung lamin efficiency of the market and the government kici a, tu in good governance in huam zaw hi.

1. GOOD GOVERNANCE
Good Governance cih  pen thuneihna,vaihawmna leh sepna cihna ahihi.
1.Vaihawmna hoih- kimu suak/kimu pailet (transparent),
2. ngawhna, mawhsak theihna, mawhpuakna (accountable),
3. mipi lakah kihelna (participation),
4. kimuang tek a sepkhopna (interdependence),
5.kisam te lungduai tak sem (responsive and flexible),
6. maban sep zom sawmna leh ngimna (continuity),
7. leitang, gamlak leh Lui leh guamte kepbitna (sustainable),
8.picinna (compliance),
9. Hihdan thak, bawldanthak, nathak  zong siam (innovative)
10. Nasep siam (efficient)-planning, administration, etc
11. Ne gu (corruption) lo ding,
11. thukhun hoih tak nei (rule of law)” cihte ahihi.

“Good governance pen participatory development, human rights, democratization, the rule of law, effective state institutions, transparency, accountability, corruption control, devolution” zong ci uhhi.

Kumpi hoih neih na dingin mi khempeuh tungah kinga hi. Tua dingin election and system hoih kisam ma sa hi.


(1) Election
Democratic gam ah makai kiteel ma sa pen hi. Kiteelna a sianthona dingin election code of conduct neih phot kul hi. Mipi in mikhat thupitna (the importance of one person) theih kul hi. Engine zang set te a siam sa(expert)mi khat in len leh deih nana ah kizang thei a, a siam lo khat in zang leh supna tampi piang hi. Tua mah bangin Administrative system zong mi hoih khut ah a om leh gam sung nuam hi. Makai hoihloh na mun ah mipi pen mi gen hak leh nungzui siamlo kilawh hi. Tua mihoih te pen dynamic, committed leader leh visionary siam mi hi ding a, mipi in ih teel ahih mah bangin  nasep pihpah ding hihang.

(2) System leh policy
Kumpi hoih neihna dingin kimakaih kivai puak dan (system) hoih neih kul hi. System hoih in common feature  nei pah hi. System bawl hoih pen structure hi a, system leh structure khen tuam theih hilo hi. Myanmar constitution in system te a san/zat kul hi. Constitution in a phal nak leh system te a function ding makai MP hoih kisam pah hi. Tua system te :
(a) Political system
(b) Social system
(c) Administrative System
(d) Land system
(e) Economic and Development system
(f) Education system
(g) Tax system
(h) Legal system etc

(3) Politician te
Democratic political system-ah politiciante kisam mahmah ding a, a zaw diak in ruling party thupi mahmah dinghi.

(a) Patriotism: Politician leader te pen gam leh minam' nu leh pa ahimanin in itna a nei mi hiding hi.

(b) Political will: Kumpi hoih ding a lunggulh mahmah kul hi. Thuneihna leh nasep theihna pen mimal deih sepna bek in kizang giap thei zel a, kumpi hoih a lunggulh (political will) nei leh kumpi hoih kinei ding a, ama  gamsung  hoih ding a sep nak leh kulhpi muan huai sung a teng khuapi tawh ikibang dinghi.

(c) Competency: “Will leh vision” kumpi hoih leh vision tampi ihneih hangin a tangtun na ding in a paidan thei, mi kipumpiak zo, mi hangsan, nasep siam mahmah ahih kul hi. Tu hun ah mi tungtuang mahmah(competent) a hih kei leh buaihuai in nawngkai(vaisah) mahmah hi.

(d) Public confidence: Makai khat pen mipi in a muan mahmah ding kisam hi. Hih bangin muanhuaina, hihzo ding ci a kipum muan gawpna(confidence) pen ki mawk piak(present) theihte pawl hi lo in makai te in sem khiat kul, thalawh tawm kul hi.

(4) Kumpi nasem te :
Kumpi nasem te pen Politician te mapi  ding, kumpi paidan/ki makaih dan a theih uh kul a, politician te in na hoih a sepna ding un policy hoih te atak tak in a sep khiat ding uh ahihi. Nek guk na te ah kitel mahmah tuak uhhi.

(a) Law and Order: Political leader te in gam thukhun om bangin na a sep ding uh ahihi. Kumpi nasem te zong tua bangmah ahihi. Mimal huatna tawh thusia kibawl/ki mawkgup tuam, cinglo pi khong a za khan gawp in a cing pipi khia suk gawp cih bangin a thuneihna zanglo ding a, gam thukhun om bangin law and order zang dinghi. Law and order zangte thumanlo leh mittaw sak zel na pen sum ihkipiak leh a sum lak khak zel uh ahihi. Nek guk (corruption) kipat ma sak na pen Law and order te hi nuam mahmah hi.

(b) Efficiency: Amau na tek siamtak a sem dingin lamet ahihi. Kumpi nasem khat in a nasep lai sem nuam mello, siamlo, semtheilo in khasum bek deih cih te in gam khantohna ding dal hi. Efficiency promote dingte pen mi cihtak leh mi muanhuai mahmah hiding hi.

(c) Working Culture: Gam khanto te ah nasem te in nakpi tak in nasem uh a, khasum zong hoih pah hi. Kumpi hoih theihna dingin mipi in nakpi tak in nasep ding ahihi.

(d) Employee: Kumpi nasem te pen gam leh minam a ding a nasem ding a kumpi cial(employee) ahi uhhi. Tua ahimanin a cial kumpi te leh a kicialna thu ahang(accountable) mipi thei sak in mipi in zong theih sawm ding ahihi. Meltheih, lawmta leh sumpia zo te khong bek deihsak tuamlo  ding a, mipi a dingin lungsim hoih takin nasem ding uhhi.

(5) Mipi theih ding:
Mipi pen kumpi bawlte hizaw ahiman in kumpi neite hizaw hihang. A hihang in Zomi te naupang lai/ngeklai ihih man in ihmawh puakna leh ihamphatna dingte(Responbility) te ki thei pha lo hi.

(a) Feeling of Ownership: Western countries-ah khualzin te in a gam uh pen ih gam hi “my country” ci tek uhhi. Zogam ah bel kei aa hi, cih lungsim kipua/kinei lua lo hi.
John F. Kennedy in, “America in bang phattuam hong pia tam cih ngaihsun lo in, America a ding bang a kapia theih hiam cih ngaihsun zaw in" ci hi. Prof. Abdul Kalam, former President of India in “Nation first, individual second” ci hi.

(b) Self-sufficiency: Zomi te haksatna lianpi pen in ih kingakna ding (dependence) district, state khatna leng neilo a, gum gawtak a, ih om pen ahihi. Tu laitak Zomi zum(office) pai na nai pen myone zum bek ahihi. Myone tung a thunei pen district(Falam) hi in district tung a thunei pen state(Chin) ahihi. Chin state sung ah district 3 om a, Zomi te in khat zong nei nailo hi. Kumpi pan sum(budget) hong pai leh zong state ah district ah kihawm suksuk a, myone hong tun ciangin Zomi te a ding a kicing omlo in mundang panin nekzonna kicing (sef-sufficiency) omtuan lo hi. Tua pen Zomi te zawnna, cimawhna leh Zogam ah ten noploh na bulpi ahihi.

(c) Ignited Mind for Change: Leitung pen manlang takin  kilamdang in khangto mahmah hi cih ih theih hang in Zogam ah muh ding leh khantohna gen ding omlo hi. Bangci a pha hiam cih genkhawm leng Kawl zang, Yangon, Malaysia, USA lam a pai leh pem ding hilel ki ci a, Zogam ah ten tak kisa lo mai hi.

"Change" cih mammal pen Zomi te in Zogam sung a dingin akisapna gen khop ding leh sepkhiat ding pen haksa sa mahmah lai hi. Minam thupha bek kigen in gam thupha leh thukhun kigen nailo hi. Change bawl dingin mipi te leh minam makai te in a lamdang khanlawhna neih phot kul hi.

Swedish Economist, Noble Prize winner, Gunnar in  “Lei pen mipi lungsim ah na bawl masak kei leh lei bawl kei zaw in", ci hi. Mipi lam inlah theilo, a thei sunsun ten gen leh lah makaite hawmthawh ci, makai ten lah tua bang a gente in sem pah vevua ki ci giap in kimawk dawndawn hang a, khanlawhna lianpi Zomi te sungah hong tunphot ding a kisam mahmah ahihi.

(d) Obedience: Makai hoih pen mipi bawl hi leuleu hi. Zomi te kipuahphat ding tampi om hi. Mipi in tangmi ding a ihteel te ih gam thukhun hoih tak tawh muanhuai tak in hong makaih ding uh a, mipi in zong ih muan a ih teel makai te thu mang ding hihang.


Kumpi hoih, makai hoih, mipi hoih ihih nak leh tenna ding a gamhoih/gam nuam hiding hihang.

Source :
from:N.K NANG TONG nknangtong10@gmail.com
reply-to:zomidaily@googlegroups.com
to:zomidaily@googlegroups.com
bcc:zomidaily@googlegroups.com
date:Mon, Sep 12, 2016 at 9:49 PM
subject:[Zomi Daily] KUMPI HOIH (GOOD GOVERNANCE)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: KUMPI HOIH (GOOD GOVERNANCE). A gelh : NK. Nangtawng Description: Rating: 5 Reviewed By: Cinpu Zomi
Scroll to Top