728x90 AdSpace

Hot
Menu
Zon-ol na Donate

Latest News

DOllAR 200. Agelh – C.K. Khai

DOllAR 200
Agelh – C.K. Khai



            Tembawpi khat pai thei lo in tuipi tungah sawtpi tawlnga a, tembaw nasemte in a mau theihdan ciat tawh bawl uh a pai thei tuan lo hi. A sawt teh puteek khat hong pai in Engine kim teng tawlkhat sung a velvel khitteh a ip sung a apuak sek neu khat hong la khia in Engine kim teng a sikte nihvei a sat kheuhkheuh leh tua tawh tembaw pai thei mawk hi.

            Tembaw hawlpa in lungdam ei pu na pai nung ei a cih leh putekpa in pai nai lo e ka bawl man sum ($200) hong pia in ci’n ngen hi. Tembaw hawlpa in tua nihvei khet tawh sum ($200) tam bei lua, ki kaih kei a cih leh puteekpa in hi mah hi. A khet man bel ($2) bek hi. Koi mun khen ding cih theihna pen ($198) hi ci- in dawng kik hi.


            Muntampi khet kawikawina tawh a hoih hi sam lo a,a kisapna mun khet man in a hoih hi zaw hi. Tembaw a pai theih nadingin nihvei khet kul a, khetna ding mun theihnadingin pilna kisam hi. Pilna dingin sinna kisam a, sinna dingin, sum, hun, tha leh ngal piak khiat kul hi.

            Pilna I zon laitakin a bei sum leh pai bek ngaihsunsun lo in i ngah ding pilna leh a manphatna tawh et kak leng, lung kiat nang om lo hi.

            Pau 9:12 “Pil lecin nangma phattuamna ding hi a Pilna don kei le cin nangma supna ding a hihi.”

            A pil putekpa a pil thaman sum 200 ngah hi. A mah bek hampha lo a tembaw tungtuang kempeuh zong khualzin thei hi. Pilna nei leng ei phattuamna ding bek hilo a, mi tampi in phattuam pih hi.
            Nihvei sangin a tamzaw na khet leh pilna zon beh in.
-           Pilna lo tawh gelna pen lawhcing thei lo a
-           Pilna lo tawh hauhna pen sawt khom lo hi
-           Pilna lo tawh sepna pen gimna hi a
-           Pilna lo tawh kampau pen mai zum huai thei hi

A pil te a gual zo hi lo a, a gual zo dingte a pil hi zaw hi.

Source :

NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries

Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

3 comments:

Item Reviewed: DOllAR 200. Agelh – C.K. Khai Description: Rating: 5 Reviewed By: Cinpu Zomi
Scroll to Top