728x90 AdSpace

Hot
Menu
Zon-ol na Donate

Latest News

PUTE PATE IN KOI TENG A ZUI HIAM. Agelh - J. Gin Za Tuang (Zomi Innkuan Laibu)

Zomi Innkuan Laibu
Khen Nihna
PUTE PATE IN KOI TENG A ZUI HIAM
Agelh - J. Gin Za Tuang


5. Tibet Gam Pan Kipan

Pute pate Tibet gma sungah a om lai un, kikhual om nai lo uh-a, inn le lo nangawn zong bawl lo-in leihoih gam zon lai ding a sawm uh hi. Tua ahih man in, leihawm, suang hawm a muh peuhpeuh uh beel in om lel uh hi. Tua hun lai in a suak, a piang zong om-a, a nung ciangin, khul a suak, khul a piang tuate na ci uh hi.

Kawl Gam khungah, Kawl Gam sung zuang dinga a kipat cil lai un, Kachin leh Kawl tawh kibangin a omkhawm lai uh hi.

A kipat khiat uh ciangin, Kawlte a tuam in paikhia pah uh hi. I pu i pate, Kachin te tawh tawlkhat ton khawm uh-a tua khit ciangin Nisuahna lam nawt in pial uh-a, tu hun-a Kachin gam sung tengah kitheh uh hi.

Khangluite in a gen uh ciangin, Kachinte pai masa uh-a, amau nung ah en’ i zui hi. Amau pialna thei lo-in mailam nawt in kipai suak hi. Lampi ah natang a na bantante uh a laingeek na dawkto khin-a, sanggam te tawh gamlapi kihal khin ta ni, ci-in delh ding na sawm lo uh ahih man in a kikhen kha ihi, naci uh hi.

6. Tuikhang Dung Zui
Tuikhang dung a cih Chindiun gun dung hi. Tua gundung zui in, a khanga sim in na teeng suksuk uh hi. A sawt ciangin, KHAWHKHEN tung uh hi. Khawhkhen pen, pawlkhat in Gun-tawbing naci uh hi. Tua hun in Gunkhawm i ci hi.

7. Khawhken Nusia
Khawhken pan in pawlkhat in guntaw lam zanglei na zuan suk uh-a, pawlkhat in KHAWLZANG lam na zuan uh hi. Khawlzang pen tu hun-a Kawlpi- i cih hi. Kale Kabaw khuam khempeuh dim in teeng uh hi.

“Khul” sunga a teenna uh hi ta leh “Khawhken”-a a teenna uh hi ta leh, “Khawlzang” –a a teenna uh hi ta leh, a phuisam kammal te in hong theisak hi.

8. Phuisam Kammal
Khimpi zin ni, Khapi kiat ni
khawhken ah, Khawlzang ah,
Micin sacin, Ki khawl nung,
Tungpi suah ni, Ka pi Neem nikpi,
Na nik san la-a na paihkik leh,
Vanu Khulpi hong khupnelh ta teh,
Khul vangah hong suak ta teh,
Dawi in, kau in hong piang teh,
Gan tual ngo zong in kuan the,
Na tuah mawh ciang-hi (pa) guh teep teh,
Na gan tual ngo zon hi (pa) guh teepken,
Na gan tual ngo zo um nga ta
Na khua zuan in, na tui zuan in,
A tong a lam ding hong ngak lah hi.

9. Khawlzang Pan Pawl Li Kisuah
Khawhkhen leh Khawlzang kikal pan guntaw lam a zui suak te pawl in, Pakokku gam Yaw-nay, Gangaw nawksuk in, pawlkhat pai suak suk, pawlkhat Kham lam ah na kahto in Kanpalet, Mindat, Paletwa gam teng na kitheh uh hi. A pai suak lai teng in, Minbu, Thayet, Prome, Henzada sung tengah na kitheh uh hi.

Khawlzang apn, pawlkhat in gundung zui in, Locom ah ki busa uh-a, tua pan in Phalam, Khalkha gam sung kitheh uh hi. Pawlkhat in Nahtang lui zui in, Ciimnuai ah na ki busa uh hi.

10. Ciimnuai Pan Kikhenna 
Pawlkhat Ciimnuai pan in paikhia in Meitei gun dung zui toto in India gam, Aijal, Agartala, Silchar, Haflong, Imphal teng ah kitheh in teeng hi.
                                                    


A Kigen Thu Tuam Tuam
Sagaing-lei Nisuahna lam mun khat ah tanglai-a Zomite teenna khua khat om hi.
“Ni dang lai in hihmun ah, “Pu Chin” kici Zomi khat teenga ama min pua in “Chin Yaw” kici hi”
U Sein Nyo.

“Sathung khawtaw lam zotui kang bul ah ni dang lai in Zomite teeng hi cihna mualsuang om hi. Tua mualsuang tungah Minye Kyaw Swa a khan lai-in hih mun-a a teeng Zomite a simkeekna thu a kum leh a ni a kha mantak in ki at hi.”
Khin Mg Than.

“Sathung khua ah tang lai pute pate tualbiakna zong om hi. Tua mun ah pai in leito lehang vut bekbek om lai hi. Tua khua mei in kangtum maw, galte in sim-a khua ki haltum maw khat zawzaw hi ding hi. Tua mun ah Zomite na zat tampi tu donhin kimu thei lai hi. Tua tham lo-in tualbiakna  (Chin Paya ခ်င္းဘုရား) kici hi.
Khan Tin Zam.

“Ka neu lai-in Chin Paya kiim leh pam pen gammang-tulak hi. Singkungte lian thei mahmah hi. Hi mun ah Chin Paya sim loh Sibani khua bang ki sat nai dek lo hi. Chin Paya pen tong 9 saang hi. Ka neu lai in hi mun ah bawngcing leh vasa beng in ka pai zel hi.
U Daung.

“Kinwon Myinkyin zong Zomi hi. Amah pen, Mintainpen (မင္းတိုင္ပင္) khua mi hi. Mindonmin te unau a kilemloh uh ciangin, U Chin in Mindonmin le Kanaungmin, Pagan min a suamlup ma in, Shewbo ah taipih hi. U Chin makaihna tawh Mindonmin leh Kanaungminte unau in a innliahpipa sim in, a zawh ciangin, Mindonmin kumpi suak hi. Mindonmin, U Chin ci nawn lo-in U Kaung naci hi. A teenna khuamin zong, Mungdainpen kici pen laih in, Mintaingpen (မင္းတိုင္ပင္) kici hi. Tua Zomi ahi U Kaung ( U Chin) pen Kawl Gam sung pan in Italy leh France ah a masa pen Ambassador Tan-ahmat သံအမတ္  a hi hi.
U Hla Paing

“This Call themselves,Zho Jou or Shu or Yo…’’
Sir George Scott. Kcie

…”Chins” … that name…the Chinese “Chin” meaning “Man”.  The Northern Chins call themselves Yo (Jo) or Zo.
Carey and Tuck.

“To be called “Man” has been the aim of every race, hence the name “Chin” perhaps stuck for decades in documents and in official use but in recent times when Christian had spread, the more common and general name of “Zomi” began to generally used… which the people call themselves may be permanent used once and for all.
Dr. H. Vum Ko Hau

“… Chins who have migrated into Burma from the Tibetan Plateau… down to Cape Negrais.
… There were Chin Levies in the Armies of King Bayinnaung of Toungo (1551-81) and of Alaungpaya of Ava (1752- 60) .
… Many Chins living in the Pakokku, Thayetmyo, Prome and Henzada districts have become Burmanised.
-Report of the Frontier Areas Committee of Enquiry (1947).
“The Zomi Innkuan Laibu” (History of the Zomi Family) is the result of 25 years research…”
The Author.

·         Cimnuai-a om lai teng zong, damdam in mun le gam a zong uh-a, a pawl pawl in a kikhen leuleu uh hi.
·         Pawlkhat in Saizang ah khua na sat  Saizang mi ma ci uh hi.
·         Pawlkhat in Sihkhuk ah khua na sat uh-a, Sihzang mi na ci uh hi.
·         Pawlkhat in Bualtung tei pona zang ah khua na sat uh-a Teizang mi na ci uh hi.
·         Pawlkhat in Luika ah khua sat uh-a na pai suak uh-a Sukte mi na ci uh hi.
·         Pawlkhat in Dimpi ah khua na sat uh-a, Dim mi na ci uh hi.
·         Mi a tam zaw deuhuh ciangin khua a tuamtuam in na kikhenkhen uh hi.

11. Hi bangin kigual thei hi:
Cimnuai
^
Saizang
^
Geeltui … Luika … Sihkhuk
^                  ^              ^
^               Bangzang      Thuantak
^               (Sukte)          (Sihzang)
Dimpi …   Zil-tui ….        Kalzang
(Naulak)   (Zil-om)       (Munluah)
^
Dimlo….   Zung
(El Thuam)    (Tuah Hil)

Tedim… Khuangzang … Lamzang
(Guite)     (Thado)              (Guite)
               Phuaizang… Balzang
               Zozang …..    Vangteh

12. Pau Zui In Khua Phazah
Tedim mi– Khua:   
Tedim, Ngennung, Haupi, Gawngmaul, Leilum, Lamzang, Lailui, Valvum, Mawngken, Kahgen, Taklam, Khiangzang, Mawnglang, Tuitum, Tonzang, Tungtuang, Muizawl, Tongsial, Tuithang, Anlang, Lezang, Gamlai, Cikha, Buanli, Ngalbual, Suangsang, Kansau, Khuaimual, Singgial, Seitual, Khuadam, Mualkawi, Gampum, Mauvom, Cauleeng, Kansauzang, Tualkhiang.

Sihzang mi-Khua:   
Tuklai, Khuasak, Buanman, Lophei, Bung, Zongal, Voklak, Pumva, Theizang, Dolluang, Suangdawh, Takkhawl.

Thado mi-khua:   
Hnagken, Sawbawk, Khuangkhan, Thangsih, Bualzang, Hiangzang, Singpial, Thangsiat, Balbil, Suangpeek, Holkom, Siallup, Sihpeek, Khumnuai, Tuilam, Khuatei, Suangpeek(B), Zonglawn, Aisih, Mawngzang, Suangpeek(A).

Zote mi-khua:   
Phaitu, Haimual, Tualmu, Khuadai, Bumzang, Salzang, Takzang, Phuntoong, Zozang, Sialthaw, Lamthang, Buangzawl, Mimbil, Gamngai, Khamzang, Lungtak, Sialmawng, Anlun, Gelmual, Khianglam, Talzang, Phaidim, Thauthe, Maulawn, Khuamun, Senam, Thuambual, Langphun, Lennakot, Khiangkan, Bualkuang, Likhan, Mangkuh, Lomzang, Seksih, Haipi, Buangmual, Khuaivum, Sialmei, Bizang, Vanglai, Thenzang.      

Teizang mi-khua:   
Mualbeem, Zangzawl, Dakdung, Buan, Beilei, Suangphei, Suangzang, Langzang, Pangsak, Zangtui, Mualnuam, Gawsing, Tuipi, Pangzang, Keltal, Luangel, Saipimual, Lingthuk, Vaikhawmun, Sialtui, Fartlang.

Saizang mi-Khua:  
Saizang, Tualzang, Teeklui, Lailo, Thangzang, Vongmual, Aipha, Mualpi, Tuitawh, Thalmual, Phaiza, Zampi, Taleek, Tuitang, Kapteel, Hiangon.

Dim mi-khua:  
Dimpi, Dimlo, Sezang, Laitui, Tuicinlui, Tungzang, Suanghoih, Malsuangzang, Zung, Phunom, Thangnuai, Suangpi, Tuisau, Laibung, Tuivial, Pimpih, Ngalzang, Tampi, Cingpikot, Muallum.

Guite mi-khual: 
Vangteh, Pakzang, Tuizang, Thangsan, Haicin, Tuimui, Tuimang, Pangmual, Tongcin, Selbung, Sekpi, Vaivet, Suangbem.

Phaileng mi-khual:  
Phaileeng, Lunmual, Tuilang, Lalta, Khuabeem.

Hualngo mi-khua:  
Darkhai, Bapi, Bukphir, Ngente, Zimpi, Haimual, Kawilam.      
                                                                                                     

 Source :
Zomi Innkuan Laibu
(History of Zomi Family)
Agelh - J. Gin Za Tuang

Zomi eLibrary / Laibusaal in hanciam in aki tei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PUTE PATE IN KOI TENG A ZUI HIAM. Agelh - J. Gin Za Tuang (Zomi Innkuan Laibu) Description: Rating: 5 Reviewed By: Cinpu Zomi
Scroll to Top