728x90 AdSpace

Hot
Menu
Zon-ol na Donate

Latest News

Zomi Lasiam leh Pasian nasem 'Mungbawi Neihguk' Taangthu tomno leh Dotna leh dawnna. Agelh - www.laibusaal.com

 Zomi Lasiam leh Pasian nasem 'Mungbawi Neihguk' Taangthu tomno leh Dotna leh dawnna.
Agelh - www.laibusaal.com


Min : Thon San Mung Neihguk @ Mungbawi Neihguk

Nu leh Pa min : Thang Khan Song leh Vung Za Nem

Suahni : Feb. 8, 1991

Status : Single / Tangval lai.

Beh min : Neihguk / Neihkhup

Pianpih Sanggam U leh Nau : Unau Pasal 3 leh Numei 2 hi in amah anau tum pen hi.

Akham khua : Singngat, Churachandpur, Manipur Sate, India

Teenna Khua : Zoarveng, Bungmual, Churachandpur, Manipur India

Biakna Pawlpi : Evangelical Baptist Convention (EBC)

Sangkahna :
-          Class/tan li(four), Singngat

Nasepna leh Mapanna :
-          Pasian nasem.
-          Churachandpur District Disable Union(CDDU) ah executive member.

Tup leh ngimna :
Ka damsung khempeuh Pasian hoihna ka pulaak tawntung ding hi.

A lasakte.


Laisiangtho bulphuh :
Korin Nihna
Alian 12 : 8-10
8 Tua natna tawh ka kipelh theihna dingin Topa kiangah thumvei tak thu ka ngen hi. 9 Ahi zongin Topa in kei kiangah, “Na tha a nem ciangin keima vangliatna hat mahmah ahih manin nangma kisap na pen keima hehpihna hi bek hi,” ci-in hong dawng hi. Tua ahih manin keima sungah Khrih vangliatna hong omtheihna dingin lungdam takin ka thaneemna ka kisialhpih semsem hi.10 Kei ka thaneem mahmah laitakin a thahat mahmah suak ka hih manin Khrih hangin ka thaneemna, simmawh ka thuakna, haksatna leh bawlsiatna leh lungkhamna ka thuaknate tawh ka lung a kim mahmah hi.

Zomi’te ading kisam nasak leh nadeihsakna nong gen thei diam?
I minam (zomi) pen i hamphatna ah Pasian zon khiak nam ihih khak lungdam huai sa penpen ing, tuciang ei khangthak te in i Pasian maipha zong semsem leng i gam leh mi nam in leitung leh vaan tung thupha te ngah in, i gam leh nam zong hong dam ding hi..

Zomi’te La lam leh Music lam ah na muhna leh na deihsakna nong gen thei diam?
Laa lam ah zong i mi nam leh i Pasian min a thangsak te hi semsem ding in hahkat ni, mi namlian icih te in, Music, Books leh adangdang tampitak te bawl uh a, agam leh a nam uh tuate tungtawn mah a tawisang in uang bawl mahmah uhi.

Gam tampite lak ah na pai nopna diak gamte nong gen thei diam?
Vaan tung gam mah pai nuam pen ing in ahizong ka damsung ading in bel USA, Israel leh ikipat khiakna mun Kawlgam(burma) a eimi te omna mun te khempeuh a vak koikoi a lungdamna thu gen ding bel ka lung gulh pen ahi..

Leitung bup ah Lasak siam nasak diak teng leh na deih diak khat leh nih nong gen thei diam?
Leitung ah lasiam tam lua liang in gen ding pen bang tel kei liang ing aizong Shania Twain,  Celine Dion leh Scorpion te singer Klaus Meine hi teng bang a aw uh kei bil a ka zakna pan nuam sa diak ingh.

Zomi sing ah lasak siam nasak diak te min leh na deih deuhna ahang nong gen thei diam?
Zomi sung ah lasiam tampitak ki om ta a, kei bang in siam kasak louh ding thei zo kei mai veng e, adiak diak in Pasian laa sa te siam sa bek hilo in ngaisang vek mai ingh.

Zomi sung pan laphuah siam tampite lak pan nadeih mahmah mi 3 nong gen thei diam?       
1)    Paukhansiam @ V.Siampu
2)    T.S. Khai
3)    Lengtong Pauno 

Zomi sung pan Music siam nasak tampite lak pan khat leh nih leh nang i deih siakna ahang hong gen ve?
Music tum laka Pasian laa bek a tum kei zat zel Thangzangam Khongsai siamsa in thupi sa ing, etteh ding in zong hoih sa ing. tua bang zomi sunga Pasian a phawk taktak a Pasian min thupi na ding a tum om leh tua te hipah min loh ding lian thei mel keng, siamsa vek mai ing aihang Pasian laa bek tum ngiat bang om leh tua te mah thupi ngaih ing.

Zomi Makai sung pan ettehtaak nasak diak teng nong gen thei lai diam?
Zomi makai ding in Pasian nei leh a mi asa te a it taktak sih ding ahile zong a hinna a pe khe ngam te mah thupi incin, tua dan 3 sanga tam zaw zong om mai ding in um ing.

Zo laibu tampite lak pan nadeih diak Laibu 3te  e leh?
Ken thugenna khong a ngaihkhiak lam nuamsa, laibu ka sim ciang ka mitna ka lung khong vai thei zel a, laibu 3 sim kha Hauhna leh khansauna thusim(Sia Lang Do Khup) Mangpha lohsapna Zingpha lohchinna(Dr. Pumzathang tombing) leh Dr. Khaizakham gelh a laibu min mangngilh ta sorry lua, tua teng 3 sim ing avek in hoihsa vek ing.

Zomi sung pan Kimawl siam nadak diak te nong gen thei lai diam?
Zomi sung ah ka tupa zong ahi Khanthang Paite leh unau komte zong zomi a hong kipia uh ahihleh Mary Kom ci pah ni ei hehe….
Khanthang Paite asiamna uh bang lian hipak aleh? Bang tan ciang ah kimawl zo uh aihia?
Amah football hi. a club min khong zong thei tuan lou hilai haha Mary kom bel kithei vek lel inteh mw boxer.

Media I tangzaina leh Athupitna tomno nong gen thei diam?
Na khempeuh hoih kim cihbang om theilo hi, ahoihna leh hoih lo na om ahih man in zang siam leng manpha mahmah himai hi.

La album bang zah pawl khin nai hia leh?
Album/khui 2 bawl khin ta ing. Ngak lah ing e leh Tawldamna Khopi cih hi. Album/khui hong hawmsak, hong leisak, hong ngaihsak khempeuh tung ah lungdam mahmah ing. I biak Pasian in Thupha hong semsem ta hen…

Zomi eLibrary (www.laibusaal.com) website na hawh kha ngei hiam?
Hawh zeel mah ing. Zomite ading in Thu manpha tampi om ahih man in ana angtang khinkhian khat hi ing. I biak Pasian in na tampi semzo semsem ding in thupha hong ta ta hen…

Atawpna ah US nong paina ahang nong gen thei diam?
Genthei lua ding ee… Teci pang ding, Pasian hoihna gengen ding, Pasian minthang sak ding leh Zomi pihte thapia kawikawi ding in hi. USA kong paih thein a ding in Myanmar World Vision center Dr. H. Gin En Cin te innkuan mapanpihna leh Alanta aom, Mungseen le alawm te sum le paai kipiakkhiatna hangin abei sa kalsungin kei leh hongcing, hongkem den ahi ka unu Lia Kimbawi tawh USA gam cidam in kongtung ka hi uh hi. Lamka pan ko pawlpi EBC dorcas hall a makai lianpen Rev. S Vungmin Thang in recomentdation lai ong bawlsak in pawlpi theihpihna tawh ong zin kahi hi. Kong zinkhiat ding in zong Thungetna tawh hong kha hi. Tukal sung teng Chicago khuapi ah tawlnga lai in maikal ciang Atlanta lam ah Mungseen te kiang zuan kawm in USA gam sungah hong kisapna te leh phakzawh tantan ah kong zin kawikawi ding hi…. Kimu kim in Pasian min phatkhawm liailiai ni.

Kizopna ding :
Email - mungboyz@gmail.com
Phone – 3313219818 (US zinsung zat ding.)

Zomi eLibrary/Laibusaal in ama kiang dong in aki gelh a hi hi.
Cinpu Zomi
Oct. 9, 2016

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Lasiam leh Pasian nasem 'Mungbawi Neihguk' Taangthu tomno leh Dotna leh dawnna. Agelh - www.laibusaal.com Description: Rating: 5 Reviewed By: Cinpu Zomi
Scroll to Top