728x90 AdSpace

Hot
Menu
Zon-ol na Donate

Latest News

A manpha mahmah Mehthuk.

A manpha mahmah Mehthuk.


Mehthuk gah pen a tui tam in a lim mahmah mehgah khat ahi hi. Cidam nading in thupi mahmah cih zong ih theih kim tek ahi hi. A mel a san mehthuk sungah Vitamin A,Vitamin C, Vitamin K, Phosphate leh Pottasium dat tampi ki hel hi. Pumpi ading aki tamsaplo Sodium, Fat, Chorestrol leh Calorie te tam ki hel lo hi. Tua ban ah cidam nading a kisam Thiamine, Vitamin B12, Magnesium leh Zinc dat zong kihel hi. Mehthuk gah sungah Viber tampi ki hel ban ah tui tam ahih manin hong gilvah sak thei an khat ahi hi.


Mehthuk gah in hong piaktheih hamphatna tuamtuamte

ü  Ci leh Sa cidam sak in ngeksak ban ah etlawm sak hi. Banghang hiam cih leh mehthuk sungaa aki hel Beta Calotene dat in ci leh sa nikat na pan dal thei hi. Lycopene dat in zong nikatna pan dal thei aa biangvun guaina pan hoih tuam sak hi.

ü  Vitamin K leh Calcium ki hel ahih manin guh leh taang cidam sak in khauh sak hi. Lycopene dat in guh leh taang to sak thei aa guhpa natna pan dal thei hi.



ü  Cancer tuamtuam pan dal thei hi. Mehthuk ah a ki hel Lycopene dat in Naubu gong cancer, naubu cancer, Kamsung cancer, Gawl cancer, Gilpi cancer, Gilzial cancer,zunbu cancer cih bang cancer tuamtuam a piangloh nading in dal thei hi. Mehthuk sung ah aki hel Antioxidant, Vitamin A leh Vitamin C te in cell a susia thei free Radical te a do sak hang ahi hi.

ü  Chromium a ki ci dat hangin Sisan sungah a khumdat phazah a hoihbek ding in kem thei ahih manin sikhum zunkhum natna pan dal thei hi.

ü  Vitamin A ki hel ahih manin mittha hat sak hi. Zan in khuamuhlohna pan zong dam sak thei aa kum tam khit mittha beina pan dal thei hi.

ü  Vitamin A kihel ahih manin sam cidam sak hi. Sampatna pan a sahsak theihloh hangin tu aa sang etlawm sak zaw hi.

ü  Kal ah suang thamna pan zong dal thei hi. Mipilte in a kantel na ah mehthuk nisim a ne te pen kal cidamlohna tawh ki pelh zo hi ci hi.

ü  Pumpi ci leh sa natna pan dam sak thei hi.

ü  Cibawkna zong damsak thei hi.

ü  Pumpi thauna kiamsak in hong gawng sak thei hi. Na gawng nop leh mehthuk nisim in ne den in. Kiallap dingin mehthuk toh ne lecin mehthuk sungah tui dat leh viber dat tampi kihel ahih manin Calorie leh a thau tam pianglo in gil hong vah sak thei hi.

ü  Zatep te in mehthuk nek ding ki sam pha deuh hi. Banghang hiam cih leh mehthuk in zatep hangin apiang thei natna tuamtuam te dal tuam thei hi. Mehthuk sungah aki hel Chrologenic leh Coumaric a ki ci acid te in zatep hangin tuap siatsak na pan dal thei hi.

ü  Vitamin B leh Potassum ki hel ahih manin sikhangna pan dal in chorestrol phazah zong ahoih bek dingin kem hi. Tua ahih manin lungtang siat vat na leh pumpi zaw natna pan dal thei hi.

Deihsakna tawh,
Taksin Thu

Ref :
Gannawin zero

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: A manpha mahmah Mehthuk. Description: Rating: 5 Reviewed By: Cinpu Zomi
Scroll to Top