728x90 AdSpace

Hot
Menu
Zon-ol na Donate

Latest News

Deih napi Von A Tawizo Nailo Nupate’ Theihhuai Pawlkhat (Sex Education).

Deih napi Von A Tawizo Nailo Nupate’ Theihhuai Pawlkhat.

          Nupa kiten zawh sawtpian ta, Ta neih hun napi na neih nai kei uh leh a hun cing ciang nei lel na ve hang ci-in hun sawt tohtoh lo-in ahang kantel pah ding thupi hi. Ta neih theihlohna ahang thei pah in a ki sam bangin gamta pah Nupa te-in Ta deih napi ngah nading a hanciamlo, ki lak ding khawng a zum, a mau thu aa a hanciam tawm Nupa te sang Taneih nading lametna tamzaw pek hi. A thei Siavuan, Siamah te tawh a kilak te lak pan a lang bangin ta nei thei uh hi ki ci hi.
            
A thei Siavuan, Siamahte tawh a kikup huai Nupate
- Nupa ki ten zawh kum khat bang cingta  aa ta nei nailote,
- Na zi’kum kum (30) val khinin kum lang sungbang taneih theih nading hanciam napi a nei zo nailo Nupate,
- Na zi’Numei ngeina niinpai hun a manlo thei den zeel ahih leh Ta neih theih lohna pen Pasal hang (40%) in hi thei hi.
- Pasal’buatui sungah lungno hoih(sperm) a phazah, a mal a tawm hang(Low sperm count)
- Pasal’buatui sungah lungno hoih a kicingin om napi tua lungnote a hatloh hang(Poor sperm motility)
- Pasal’buatui sungaa lungno hoihte a ngeina daan(pong man) in a cidam loh hang (Malformed sperm)
- Lungno hoihte a omna pan hong paikhiat theih nading mun a kikhak man(Blocked Sperm Ducts)


            Ta neih theihlohna pen Pasal hang a hih theih mah bangin Numei hang zong (40%) in hi thei hi.
- Niin pai hin manloh hang(Irregular ovulation)
- Numei sungah aom lungno hoih (Ovum) hong paikhiat nading lampi kikhak hang(Block fallopian tubes)
- Numei naubu(Uterus)  leh naubu’naubu gong(Cervix) a ngeina(pong man) daan in a cidam loh hang(Abnormalities in the cervix or uterus)

            Adang (20%) bel tu ciang dong a hang ki thei nailo hi. 

            Taneih theih nadingin a theih huai leh a zuih huai thu tuamtuamte
-       Nupa omkhop hun ding telsiam kul hi.
          Numei’lungno a nuai lam hong tuak laitak in omkhawm leeng Pasal’lungno hoih tawh a ki muh theih nading hun hoih khat hi. 

A. Numei’lungno hoih a nuai lam hong tuak hun koici theih ding
1.    Nisim zingsang na thawh tuung bangmah nasep ma-in na pumpi lumna (Body Temperature) teh in. A phazah lian ki ciantak in ciamteh den in. Numei’ lungno hoih hong tuaksuk ciangin na pumpi’lumna tawm hong khang ding hi. Tua hun laitak pen ta neih nading in Nu leh Pa omkhop ding a hoihpen hun ahi hi.
2.    Zun pan zong ki thei thei hi. Numei’lungno hoih hong tuaksuk laitak in zun sungaa LDH hormone hong tam hi. A theite tehsak lecin hun hoih ki thei thei ding hi.

B. Zatui tuamtuam(Fertility Drugs) zong ki ne thei hi.
             A zenzen in Siavuante in Numei’ lungno hoih a neilo in hong ngaihsut uh leh a ki zang pen zatui in Clomiphene Citrate hi. Clomid leh Serophene cin zong ki sam hi. A man zong tamlo aa thupi mah mah hi. Tua zatui a nete lak pan a lang bangin nau nei pah hi. Tua zatui pen kha thum sung bang ne ding ki sam hi. Clomid zatui neleng nau peng ki nei thei deuh hi.

C. Zatui(Injectable hormones) zong ki sun thei hi.
            A tung aa zatui kha guk sung bang ne-in ta na neih nai kei uh leh zatui ki sun thei hi. Sut zatui nam tuamtuam om hi. Hih zatui sutna tawh zong ta ki nei thei hi. Tapeng zong ki ngah nuam deuh hi. 

D. Naubu lampi ki at thei hi. (Surgery for Blocked Fallopian Tubes)
           A hang a tuamtuam hangin naubu lampi ki khak in lungno hoih a tuak suk theilote hih ki atna tawh ki bawl thei hi.

E. Pasal’lungno hoih Numei’ naubu sung ah ki koih thei hi.
         Hih daan pen tu hun in ki zatna hong tam mahmah ta hi.Pasal’lungno hoih pen Numei’lungno hoih a nuai lam hong tuak hun lianin ki gawm tuah sakna ahi hi. Pasal’lungno pen numei’lungno tawh ki muh nading hong baih sak mahmah aa ta neih theihna a manpha mahmah khat ahi hi.

F. Midang pasal in a piakkhiat lungno hoih pen na Zi’ nau bu ah ki koih thei hi.
        Hih pen a pasal in a cidam, a hat lungno hoih a neih vet kei leh bek ki zang hi. Hih tawh bawl ma in limtak in Nupa,innkuan ki thukimna bawl masak kul hi. Midang pasal khat in a deih, a ki samte ading a piak khiat lungno hoih pen numei’naubu sung ah numei’ lungno a nuai lam a tuaksuk hunlian in gawmkhopna ahi hi.

G. A pua ah Pasal’ lungno hoih leh numei’ lungno hoih gawmtuah photin gawmtuah khitsa pen naubu sung ah ki koih thei hi.
       Hih pen adangte tawh a ki ngahloh hun ciang a ki zangthei hi aa sum bei zong tam mahmah hi.

H. Midang numei lungno hoih leh na pasal ‘lungno hoih a pua ah gawm tuah photin na zi’ naubu sungah ki koih thei hi.
      Hih pen na Zi kum (40) a val leh a hi zong, na zi’lungno hoih a cidam kei leh ahi zong, den aa adang tuamtuam te tawh a ki ngah kei leh ki zang thei hi.

I. Midang numei’ naubu kawm
     Hih pen naubu cidamlo te ading ki zangthei hi.

J. Zatep khawl in, nek leh dawn tha om na dingin ne in.

K. Adang bawl daan tuamtuam zong omlai aa , atawpna ah bangdaan bangdaan hanciam ta le uh cin hong piang kei leh midang’ tate kepsak ding ahi zong, tagah te kepsakna tawh Nu leh Pa dinmun ki ngah thei veve hi.

Deihsakna tawh ,
Tak Sinthu
Ref :
U Tin Swe

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Deih napi Von A Tawizo Nailo Nupate’ Theihhuai Pawlkhat (Sex Education). Description: Rating: 5 Reviewed By: Cinpu Zomi
Scroll to Top