728x90 AdSpace

Hot
Menu
Zon-ol na Donate

Latest News

Gal a Hang Mahmah Innkuan, Tedim Gam Mang Kua leh Kalzang Khua Siatna Taangthu.

Gal a Hang Mahmah Innkuan, 
Tedim Gam Mang Kua leh 
Kalzang Khua Siatna Thu.
Pu Pau Kam'(Mualbeem) lum leh tei.

Tedim gam ah gal a hanga, a min thang mahmah innkuan khat a om hi. Tuate in, Khan Thuam te innkuan a hi hi. Khan Thuamte innkuan Darlang khua ah sawtpi a teeng uh hi. Khan Thuam leh a tapa Kam Hau gal a hang mahmah ahih man in Darlang te in a it mahmahn uh hi.

Amau khua Mualbeem khua ah a ciahkik nuam uh-a, Darlanginnpipa kiangah ciahkik theih na ding a ngen uh hi. Innpipa in it mahmah ahih manin Khan Thuamte nupa a phal kei-a, a tapa Kam Haul eh azi a ciah sak hi.

Mualbeem ah kum 5 a cin ciangin, Kam Hau in a nute a pate a ngai mahmah-a, a sam dingin a kuan hi.

Darlang innpipa kiangah a nute a pate a van get ciangin, Darlang innpipa in, “ Tua bang ahih leh, ngeina bangin siah hong pia un la, va ciah te un,” ci-in a ciahsak hi.

Kam Hau in, a nute a pate ama inn ah a tungsak hi. Kum khat sungin, Kam Hau inn a tuan hi. Gal hang mahmah uh-a, Meitei gamgi dong sim in uk uh hi.

*************************************************************

Tedim Gam Mang Kua
Tedim gam ah a minthang mahmah hausa 9 om-a, tuate Tedim gam Mang Kua kici hi. Tua Mang Kuate:
Tedim          - Mang Gin – Hatlang
Dimpi            - El Thuam - Naulak
Vangteh        - Pum Go – Guite
Saizang        - Vung Vial - Hatzaw
Kalzang        - Sung Hang –
Thangnuai    - Mang Sum - Thawmte
Khuasak       – Mat Tuang - Galphuak
Thuklai          - Suan Thuk - Sumniang
Limkhai         - Neih Tuang –

Hi khua 9 lak ah Kalzang inn tam pen hi. Inn 400 pha ahih man in kuamah in sim ngam lo in, zawl in a man zaw uh hi. Tua khua ah, Naulak, Buansing, Hatzaw, Zil-om, Hatlang, leh Suante a teeng uh hi. Kalzang khua bangcih lehang I siasak zo ding hiam, ci-in pawlkhat a hanciam uh hi.

***********************************************************************

Kalzang Siatna

Darlang pan in Kam Thuam Mualbeem ah a ciah ciangin, Kam Hau inn ding gua kisam hi. Tua ciangin, Kalzang hausapa’ gua pha mahmah cih a theih ciangin, “Ka zawlpa, Kalzang hausa, Sung Hang kiangah gua va ngetsak in,” ci-in mi 2 cial in a paisak hi.

Kalzang hausapa in zong, “Ka zawlpa in ka neihsa a deih, tua om zenzen ahih leh, a deih zahzah hong sat hen,” a ci hi.

Ahi zongin, kam taite in, “Na zawlpa in, ka gua phungah hei lah kivik thei kei, tem lah kivik thei kei, a deih taktak leh sikkhu khat tawh hong kuan leh, a deek khuk ah zong khen nuam ing, ci mualmual sa-in inn sung lam hong zuat san, a phal pha lo hi inteh,” a ci uh hi. Tua ciangin Khan Thuam in gua a ngen ngam nawn kei hi.

Khan Thuam in, “Ka zawlpa in hong it taktak hiam, hong it kheem hiam thei nuam ing” ci-in a tapa Pau Kam zi dingin, Kalzang hausa Sung Hang’ tanu Vung Ciang a dong sak leuleu hi.

Kalzang hausapa in, “A masa-a gua hong ngen-a hong sat lo-a tu-a ka tanu hong dong sak leuleu a bangci hi ding hiam? Upate in thu a gen ciangin, ‘zawl leh bikha heu baih, su le zang-a kinaina sanga kip zaw om lo’ ci ahih ciangin, hong deih takpi ahih leh, hong pi nop hunhun in hong pi ta uh hen,” ci-in vaikhak hi.

Ahi zonhin, kamtaite in, “Ka tanu phaaipak bang, tua Teizang lusan lak ah, guntui tawi ding, phaai kang kuai dingin kha kei ning, ci ngah zo kei ung,” a ci uh hi.

Khan Thuam in zong, “Ka zawlpa kianga khatvei guan gen sak a hong pia zo lo-a, tu-a, a tanu dong sak a hong mang lo leuleu, zawl a, gual a hong nei lo hi; Khuangli glacial in Khalzang ki sim leh hoih in the, ci-a a ngaihsut, zu neekna khat ah gen khia kha a, Ngalzang te in tua thu a zak ciangin, Kalzang hausapa kiangah, “Pai pak in la, na zawlpa kiangah thuum in” ci-in hilh sim uh hi.

Kalzang hausapa in “Zawl a gual a ka neihsa, Pi aw, Pu awka cih sangin si nuam zaw ing” a ci hi. Ahi zonhin, a upateng kikum in, zu tawh, sa tawh a thuum dingin a pai uh hi.

Tua upate leh, Khan Thuam pawlteng, Kalzang sim ding tawh lampi ah kituak uh hi. Khan Thuam in, “I it-it I pah-pah tu in hong pai takpi uh ahih ciangin, guai aw ciahkik ni,” acih leh a tapa Kam Hau in, “Lum hi zah, tei hi zah, sum it nawn kei ning hi teng man un la, hong zui nuam teng hong zui ta un,” ci-in a thau lawn in pai suak in, Kalzang a sim uh hi.

Hausapa kap lum in, a tanu vokgolh in golh in, vok em ding bangin, inntual siamkhuam tungah a khai uh hi. Tampi hing mat in Mualbeel ah a ciahpih uh hi. Kum tampi khit ciangin, Takmual leh Phaileeng khua sat in, tua khua pan in, siahtung, siahphei a la hi. Kalzang dakbu leh khipivui zong a la uh hi.

Source :
Zomi Innkuan Laibu
(History of Zomi Family)
Agelh - J. Gin Za Tuang

Zomi eLibrary / Laibusaal in hanciam in aki tei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Gal a Hang Mahmah Innkuan, Tedim Gam Mang Kua leh Kalzang Khua Siatna Taangthu. Description: Rating: 5 Reviewed By: Cinpu Zomi
Scroll to Top