728x90 AdSpace

Hot
Menu
Zon-ol na Donate

Latest News

KHOLHPIH. Agelh – GSPau

KHOLHPIH
Agelh – GSPau

Mipilpa khat in,"Na kikholhpih na lawm hong gen peuh lecin, nang pen a bangci mi cih kong gen thei ziau ding hi," ci-in gen hi. Zopaunak ah zong,"Sialvom leh sialvom mah kingai" cih khat mah om hi. Tua ahih manin i kikholhpih lawm pen thupi mahmah hi.

1.    Kholhpih hoih neih huai  
Mipil tawh kikhawl lecin na pil ding a, mihai tawh kikhawl lecin gimna na thuaklawh ding hi. (Pau 13:20)    

Naupangte pen a mau sangin a uzaw mipilte tawh kikhawl le-uh, tuate' dan mah zui pahin piltat pah uh a, amau sangin a nauzawte tawh kikhawl le-uh zong tuate’ dan mah zui-in haitat thei uh hi.   

US gam khan’lawh nadingin Pasian’ mizatpa D.L.Moody, hih ciang dinmun a tun’ theihna pen a nu’  thungetsakna hang leh a neu lai-in  amah sangin  a uzaw Kimball a kicipa tawh a kikholh khak man ahi hi. Kimball pen Pasian a zahtak, hunlang nipisangsia a seem, khangnohoih khat hi. D.L.Moody pen kum 4 a phakin a pa in sihsan a, tagah khat ahih manin a lungsim neu mahmah hi. Kimball in gupna thu genpihin, Pasian’ sungah lametna a omzia zong kikuppih den hi. Tua hangin D.L.Moody Pasian’ mizat hoih khat hong suak ahi hi.   

Kawlgam kumpipa Senior General Than Shwe leh Lt.Col.Zam Khan Thangte businna (OTS) sangah a kahkhawm, a ki-it mahmah lawmtate ahi uh hi. Senior General Than Shwe,  Kawlgam kumpi a suah ciangin a sisa  a lawm-itpa Lt.Col.Zam Khan Thang' tate koici om hiam, cih hong kan hi. A tapa upapen Tg.Hau Khan Sum samsakin, Foreign Ministry zumah 3rd Sectary zaa pia hi. Tu-in zaa khangtoto a, 1st Secretary (yxr twGif;0ef) zaa ciang bang tung ta hi. Hih pen a pa in kholhpih lawmhoih a na neih khak pen a tapa in hamphat lawh ahi hi.

2.    Kholhpih Hoihlo Pelhhuai   
Miphalote tawh kikholhna hangin gamtatpha kisia thei hi.(1Kor 15:33)   

Hoihna lamah kilawh ding baihlo napi, siatna lamah kilawh ding ol mahmah hi. Kawlgam ah lungdamna thu hong puak Judson pen Khristian innkuan sung panin a khangkhia mihoih khat hi napi, kholhpih hoihlo a neih khak manin tawlkhat sung Pasian hong langpan kha hi. Brown University ah a kah sungin tei leh ciim a thuah Jacob E. a kici "Pasian om kei" cih upna a nei khat tawh hong kikhawlkha laizang hi. Kum 4 sung hong kikholh uh ciangin a lawmpa in hong zo gawp ahih manin Judson in Pasian hong um nawnlo mawk hi. Sang manin, inn hong ciah ciangin amau' pawlpi  Plymouth  biakinn ah thu a kihilh sak leh Judson in,"Pasian om kei, vantung gam leh Hell cih zong om peuhmah kei, Lai Siangtho zong mihingte' gelh hi lel" cih hong gen mawk ahih manin a pa hong nak heh mahmah a, a nu hong kapkhia ziahziah hi.

Khatvei Shelfield khua ah Pastor a seem a pano kiang va hawh hi. Hong ciah lamin khuano khat a tun' ciangin khuamial ta ahih manin zintunbuk khatah hong giak hi. Kawmpeek bekin a hal, ama' khan veeng ah cina gim mahmah om hi. Tua cinapa pen, "Khuamial lua hi,  lau lua ing," ci-in tawlkhat a ot khit teh si hi. Judson in hih dan thei ngei nailo ahih manin ka lawmpa Jacob E. tawh ka kimuh teh dong ning, ci-in ngaihsun hi. Zingsang ciangin  Judson in misiluang a va et leh a lawmit Jacob E. na hi mawk ahih manin a lungsim hong tamzan gawp hi. Hih thupiang tungtawnin khuavak leh khuamial, vantung leh Hell om takpi, cih hong tel hi. Tua panin Judson hong piangthak taktak ta a, Topa' adingin a nuntakna buppi hong kipiakhia ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: KHOLHPIH. Agelh – GSPau Description: Rating: 5 Reviewed By: Cinpu Zomi
Scroll to Top