728x90 AdSpace

Hot
Menu
Zon-ol na Donate

Latest News

Numei’ngeina Niin Neih Laitak Nu leh Pa Omkhopna A Ki Daam Huai Hiam? (18+)

Numei’ngeina Niin Neih Laitak Nu leh Pa Omkhopna A Ki Daam Huai Hiam? (18+)


            Numei’ngeina niin neihna hang tawh Nupa omkhopna ki daam ding kisam lo hi cin mipil ten na gen uh hi. Pawlkhat te ading in bang tua hun sung omkhopna in lungkimna hong pia zaw lai hi ci hi. Banghang hiam cih leh hih hun laitak in omkhopna ah numei zummawh nel nading adang hunte saang baih zaw hi ci hi. Tua ban ah omkhopna in niinneihna hangin tai natna zong damsak hi ci hi. International Headache Society in a hawmkhiat Cephalgia aki ci Journal ah bang omkhopna in lutangnatna damsak hi ci hi.

            Numeite bek hilo pasalte ngiat in zong numei niin neih laitak omkhop pih ding thadah thei hi. Banghang hiam ci leh niin neih ih cih pen a kihhuai,a sianglo, a niin teng hong pusuak kisa kha hi. Tua bang hilo in niin neih cih pen Kha khat in khat veita hong piang numei’ta neih theihna lungno pen pasal ta neih theihna lungno tawh hong ki muh khak loh hangin tua lungno a ma thu in hong sia aa hong pusuak khia pen numei ngeina niin ih cihcih pen ahi hi.

            Numei ngeina niin neih madeuh leh niin neih laitak in numei van te hong khangin Nu leh Pa Omkhop nopna hong khang theih pen a ngeina khat ahi hi.

             Niinneih kimlai Nu leh Pa omkhopding na sawm leh theih tel ding thu pawlkhat

·         Hih hun laitak omkhopna in a dang hunte sang in HIV natna daan  natna lungno tuamtuam ki lawh baih zaw hi.
·         Niinneih sungin naubu gong zong tawm ki hong ahih manin natna lut nuam deuh ci hi.
·         Tua ban ah hih hun sung omkhawm leeng nau zong ki paai thei veve ci hi. Tua ahih man in hih hunsung na omkhop sawm leh natna dal nading ahih zong,ta deihlo na hih leh nau kham nading ahi zong Condom zat ding ki sam hi.
·         Niin pai tam sak thei hi.
·         Si cih pen lungnote ading in an  ahih mah bangin niin neih laitak omkhopna pan natna ki lawh baih mahmah hi. Tua ahih manin niin neih laitak omkhopma numei zummawh ahi zong pasal zummawh ahi zong limtak sawpsiang masak ding ki sam hi.
·         Niin neih hun sungin numei’zummawh zong pa deuh, neel deuh ahih manin omkhop ciang nak gamtat luat loh ding ki dophuai hi.
·         Niin neih hun sung na omkhop leh naubu a ki lok sak thei ahi numei khuplupsa aa omkhopna, Doggy Style a ki ci ui nu leh ui pa omkhop daan in omkhop loh ding ki sam hi. ( Tua bang in omkhawm lecin niin tam zaw sak thei hi. )
·         A ngeina sang na niin hong tam zawk leh Nu leh Pa omkhop nopna lungsim hong om phial zong ki daam ding ki sam hi. Na ki daam zawh mahmah kei leh nu leh pa na omkhop ciang numei van sungah a thuk lua in tumsak khak loh ding ki sam mahmah hi. ( Numei van sungah thuk tumsak lua lecin niin tam lua liangin khawl theilo thei hi. )
·         Niin neih hun sung Nu leh Pa na omkhop aa leh nak tat luat loh ding ki sam hi. Nak sep lua liang le uh cin numei niin hong tamlua thei ban ah kawng zong na sak thei hi.


Deihsakna tawh,
Taksin Thu


Ref :
Aye Min,
EverydayHealth.com         

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Numei’ngeina Niin Neih Laitak Nu leh Pa Omkhopna A Ki Daam Huai Hiam? (18+) Description: Rating: 5 Reviewed By: Cinpu Zomi
Scroll to Top